Morgunblaðið - 21.12.1982, Blaðsíða 29

Morgunblaðið - 21.12.1982, Blaðsíða 29
MORGUNBLADID, ÞRIDJUDAGUR 21. DESEMBER 1982 77 /AKÁNDI SVARAR í SÍMA 10100 KL. 10—12 FRÁ MÁNUDEGI TIL FÖSTUDAGS Á TILFOSTUDAGS lendum markaði svo við þyrftum fkki að fá þær í hausinn aftur? Ég held að við samsetningu þessarar stjórnmálayfirlýsingar hafi ekki verið reiknað með því að almenningur fylgdist með hlutun- um, heldur hinu að hann gæti kyngt öllu ómeltu. Ég var að hugsa að þessi ráð- stefna hefði verið flokknum okkar til meiri sóma ef hún hefði rætt meira um þjóðhollustu og hvernig á örlagatímum væri best að standa að hlutunum og aðstoða ráðandi ríkisstjórn við að leysa brýnustu þarfir þjóðarinnar, því næg hafa áföllin verið. Og svo heyrum við utan úr heimi að alls- staðar er að þrengjast um í efna- hagslífinu og þar snúa menn bök- um saman. Þá hefði það verið sómi ráðstefnunnar að ræða um hugsunarháttinn í dag í einhverju mesta eyðsluþjóðfélagi jarðarinn- ar og beina landsmönnum frekar inn á slóðir samheldni og spar- semi, en það virðist lítil þörf. Heldur er reynt að ráðast á og fara á móti. Meira að segja er talið sigurstranglegt að örva menn í óraunhæfum kauphækkunum. En hvernig skyldi þeirri forystu líða, sem nú spanar allt upp, þegar hún sest í ráðherrastólana næstu og hefir brotið þessa braut til enda. Jólin eru í nánd. Friðarhátíð og fagnaðar kristnum mönnum. Hvernig væri nú að nota þessa há- tíð til að sópa svolítið til í fylgsn- um sálarinnar, hleypa hatrinu, ofstopanum og hávaðanum út en lofa anda Krists að koma inn fyrir? Til tveggja perusala í Sólheimiim Kella skrifar: „Hinn 12. desember hringduð þið dyrabjöllunni hjá mér og buð- uð mér perur til kaups. Það var vel þegið, því að aldrei er of mikið af birtunni. Þið voruð þreyttir, svo að ég bauð ykkur inn til þess að kasta mæðinni. Ég hef verið svo heppin að hitta aldrei nema gott ungt fólk á lífsleið minni. Og margur hefur komið til mín, bæði sölumenn og einnig fólk sem hefur viljað boða mér trú sína og ég hef boðið því sæti í somu stólunum og þið sátuð í. En þetta hefur verið eins og með skip sem mætast að nóttu og heilsast og kveðjast, sem er svo eðlilegt. En hvað gerðist. Þið létuð um- slag við dyrnar hjá mér. Og í því var eitt fegursta kort, sem ég hef augum Htið og á það ritaðar með fallegri hendi tvær vísur með þakklæti og góðum kveðjum og óskum. Þetta kort mun ég geyma alla mína ævi og alltaf lesa það, þegar illa liggur á mér. Ég bið góðan Guð að vera alltaf með ykk- ur í blíðu og stríðu. Þið vissuð ekki, að þetta var fyrsta gjöfin sem mér barst á sjötíu ára afmæl- isdaginn minn." Spilar HHI á 40% miða í HHI? Arnór Ragnarsson skrifar: „Fyrir nokkrum árum fór ég til bankastjóra í viðtal. Bað ég hann að lána mér tiltekna upphæð og tók hann erindi mínu nokkuð vel. Daginn eftir fór ég að vitja láns- ins. Kom þá í ljós að umbeðin fjár- hæð hafði verið skert verulega og tók ég ekki lánið heldur hélt á fund bankastjóra á ný daginn eftir og bað öðru sinnu um þá fjárhæð sem mig vanhagaði um. Daginn eftir náði ég í þá upphæð í bank- ann. Þessi saga kom upp í huga minn þegar ég sá svar Jóhannesar L.L. Helgasonar við fyrirspurn minni um vinningshlutfall Happdrættis Háskóla íslands. Ég vil byrja á því að þakka Jóhannesi fyrir svar hans. Mér skilst að blaðið hafi ekki verið komið til allra kaup- enda þegar Velvakanda hafði bor- ist bréf hans. Jóhannes L.L. Helgason veit mætavel hvað ég er að fara með spurningum mínum enda þótt hann leyfi sér að snúa út úr þeim. Hann endurtekur enn og aftur að vinningshlutfallið sé 70% og að það sé hvergi í veröldinni hærra. Þá segir í svari Jóhannesar „Það er rétt hjá bréfritara að mið- um hefur fjölgað hjá HHÍ á liðn- um árum, þar á meðal var byrjað árið 1975 að gefa út svonefnda „trompmiða" sem gefa fimmfald- an vinning á við venjulegan miða, enda kosta þeir fimm sinnum meira. Þessi miðaaukning hefur auðvitað verið gerð til að full- nægja eftirspurn." — Eftir þessa yfirlýsingu langar mig að reyna öðru sinni að bera fram sömu spurningar, kannski svolítið öðru- vísi orðaðar og auðskildari: Var HHÍ komio í þrot með miða 1975 þegar trompmiðarnir voru teknir upp eða voru einhver önnur sjónarmið sem lágu þar að baki? Er það rétt að HHI spili á um 40% miða í eigin happdrætti og fái ár hvert 40% vinninganna og þar með lækki 70% vinningshlutfallið niður í 42%? Að lokum vil ég taka það fram, að ég ber góðan hug til HHÍ, en krefst þess jafnframt fyrir hönd allra þeirra, sem í happdrættinu spila, að rétt sé sagt frá og ekki séu notaðar aðferðir stjórnmála- manna við að svara svo einföldum spurningum sem þessum. Þetta er önnur tilraun mín til að fá svar og vona ég að eins vel gangi að þessu sinni eins og í bankanum forðum. Virðingarfyllst." Hef litla trú á að neytendur vilji hafa brauðin svona sölt 9520-8371 skrifar: „Það er alloft verið að hvetja fólk til að neyta þessara þriggja- kornabrauða vegna þess hve holl þau eru og er það vel. En nýlega voru skrif í dálkum Velvakanda um saltið í þessum brauðum og þeim sem þetta ritar hefur einnig fundist vera of mikið salt í þeim. Ég ákvað þess vegna að kanna þetta nánar í nokkrum brauðbúð- um til þess að fá samanburð. Hjá allmörgum þessara fyrirtækja er saltið í brauðum þessum það mik- ið, að þau eru næstum því óæt, en hjá öðrum eru brauðin lítið söltuð svo brauðbragðið finnst mjög vel. Ég varð þó að fara bæinn á enda til þess að finna þau, en stutt frá heimili mínu eru seld þriggja- kornabrauð með svo miklu salti að bragðið finnst ekki vegna salt- keimsins. ¦ Ég kann lítið til baksturs, en helst gæti mér dottið í hug að þetta sé að nokkru leyti hið sama og með hafragraut. Hann er óætur saltlaus, góður lítið saltaður, en óætur mikið saltaður. Ég hef litla trú á því að neyt- endur almennt vilji hafa brauðin svona sölt, að minnsta kosti eng- inn sem ég hef spurt. Fyrir þá sem sölt brauð smakkast betur má benda á, að nóg er til af söltu ofanáleggi. Gaman væri að fá álit hús- mæðrakennara á þessu." GÆTUM TUNGUNNAR Magnús Smámyndir Magnús Eiríksson er einn besti laga- og textasmiöur okkar íslendinga. „Smámyndir" er fyrsta plata Magnúsar í eigin nafni, en áöur hafa komiö út 3 Mannakornsplötur meö lögum hans. Á „Smámyndum" hefur Magnús til liös og stoöar Ragnhildí Gísladóttur, Magnús Þór Sigmundsson og Pálma Gunnarsson og nokkurra vafinkunnra tónlistarmanna auk Baldurs Más Arngrímssonar, sem sá um upptöku og stjórn upptöku ásamt Magnúsi. Lögin heita: Hvaö um mig og þig? Þorparinn, Sigling. Reykjavíkurblús, Gummi og ég, Vals númer eitt, Gúmmitarzan, Engan til að elska, Einn dag í senn, og titillagiö Smámyndir. Sagt var: Börnin horfðu á hvort annað. Rétt væri: Börnin horfðu hvort á annað. FÁLKINN Suöurlandsbraut 8, Austurveri, Laugavegi, heildsöludreifing

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.