Morgunblaðið - 21.12.1982, Blaðsíða 30

78
MORGUNBLAÐIÐ, ÞRIÐJUDAGUR 21. DESEMBER 1982
I jólaleik hjá H.C. Andersen
COH NNACIN
Þessi jólaleikur er byggður á átta af kunn-
ustu ævintýrum H.C. Andersen. Þátttak-
endur geta verið allt að sex og þurfa ein-
ungis að ráða yfir teningi og einhverjum
merkjum til þess að færa. Sá sigrar sem er
fyrstur á síðasta rauða reitinn. Góða
skemmtun.
1) Rétt eins og andarunginn fæðistu á
andabúi og þarft að fá sex á teningn-
um til þess að skríða úr egginu.
4) Hér stuggar andamanna vingjarnlega
við þér og ýtir þér alla leið til 9.
7) Þú ert svo þrælheppinn að rekast á
Hans klaufa sem er á leið til hallar-
innar. Hann leyfir þér að fljóta með
alla leið til 19.
10) Keisarinn býður þér í te og þú mátt
dúsa hjá honum á meðan hinir leik-
mennirnir kasta teningnum einu sinni.
13) Grimma nornin biður þig að sækja
eldfærin fyrir sig og lætur þig síðan
dúndra niður á 19 inni í trjástofninum.
16) Þér bregður svo harkalega þegar þú
sérð hundana þrjá að þú hendist upp í
loft og hafnar á 14.
18) Þú fyllir alla vasa af gullinu, sem
hundarnir sitja á, og þetta tekur svo
langan tíma að þú þarft að fá upp einn
á teningnum áður en þú getur haldið
áfram.
22) Svínahirðirinn kyssir þig, og ef þú ert
stelpa flystu á 27 og ef þú ert strákur
hoparðu til 19.
26) Þegar þú ert í heimsókn hjá hjarð-
meyjunni og sótaranum verður þér
fótaskortur á glerhálu þaki og hafnar
á öllum dýnunum hjá prinsessunni á
29.
29) Æ, mig auma, æpir prinsessan nær
dauða en lífi af hræðslu. Þjónn kemur
askvaðandi og fleygir þér á dyr, svo að
þú lendir á 34.
32) Þú neyðist til að doka við til þess að
finna baunina, sem prinsessan svaf á,
en það er hægara sagt en gert. Þú situr
yfir eina umferð og leitar eins og þú
eigir lífið að leysa.
35) Þú uppgötvar að þú hefur gleymt
eldspýtunum sem þú ætlaðir að nota
til þess að kveikja á jólatrénu. Þú
neyðist til þess að fá eina lánaða hjá
litlu stúlkunni með eldspýturnar. Þú
verður að fá 5 á teningnum áður en þú
getur haldið áfram.
37) Þú ert kominn í mark, kveikir á kert-
unum og syngur Heims um ból fyrir
meðspilara þína.