Morgunblaðið - 15.02.1983, Blaðsíða 2

2
MORGUNBLAÐIÐ, ÞRIÐJUDAGUR 15. FEBRÚAR 1983
Albert Guðmundsson alþingismaður:
VINNA hófst aó nýju í fiskiðjuveri Bæjarútgeröar Hafnarfjarðar í gærmorgun. Frá því fyrir áramót hafði vinna
þar legið niðri og yfir 200 manns oröið að skrá sig atvinnulausa vegna rekstrarerfiðleika fyrirtækisins. Þau
vandamál voru hins vegar leyst fyrir nokkru og tveir af þremur togurum BÚH hafa síðustu daga verið á veiðum.
Maí kom inn í gærmorgun með rúmlega 100 tonn og Apríl er væntanlegur inn um miðja vikuna.
Þingmenn fái ekki fjar-
vistarleyfi til að sækja
fundi Norðurlandaráðs
— ástandið í landinu leyfi það ekki
Morgunbladid/KrbUján Kinarsson
Vinna hafin í BÚH
ræðu og kannski á afgreiðslustigi.
Bæði á Alþingi og í ríkisstjórn
hefur um langan tíma ríkt „patt-
staða“. Mörg mál eru í sjálfheldu,"
sagði Albert.
„Utan þingsala sem innan er
daglega talað um yfirvofandi fall
ríkisstjórnarinnar og að kosn-
ingar muni innan tíðar fara fram.
Þrátt fyrir þessa einkennilegu
sjálfheldu í íslenskum stjórnmál-
um, er nú í undirbúningi utanför
flestra ráðherranna og fjölda
þingmanna.
Ég tel að við þessar aðstæður
beri nú a$ taka þá ákvörðun, að
enginn þingmaður fái fjarvistar-
leyfi til að sækja fundi Norður-
landaráðs, þar sem ástandið í
landinu leyfir það ekki og þjóðin
hefur ekki efni á að störf Alþingis
séu lömuð frekar en orðið er, því
áfram verður að vinna að lausn
vandamála þjóðarinnar. Störf Al-
þingis hljóta að vera meira áríð-
andi fyrir íslenska þjóð, en sú
ráðstefna Norðurlandanna, sem
framundan er,“ sagði Albert.
„Fari svo að einn fjórði hluti
þingmanna hverfi nú frá störfum
um tíma, situr Alþingi eftir enn
lamaðra, enn máttlausara en þörf
er á. Með öðrum orðum; Alþingi
verður þann tíma óstarfhæft.
Þessu vil ég mótmæla," sagði Al-
bert Guðmundsson.
ALBKRT Guömundsson alþingis-
maður kvaddi sér hljóðs á Alþingi í
gær og lýsti þeirri skoðun sinni, að
rétt væri að veita þingmönnum ekki
fjarvistarleyfi til að sækja fundi
Norðurlandaráðs, sem haldnir verða
í næstu viku. Sagði Albert að ástand-
ið í landinu leyfði það ekki og þjóðin
hefði ekki efni á því að störf Alþing-
is yrðu lömuð, frekar en orðið væri. í
ræðu sinni komst Albert svo að orði:
„Hér á Alþingi er flest unnið und-
ir mikilli tímapressu, eins og er.
Ríkisstjórnin hefur átt í innbyrðis
vanda. Á Alþingi eru nú til um-
ræðu og afgreiðslu mörg áríðandi
mál, kjördæmamálið, stjórnar-
skrárbreytingar í vændum og
frumvarp til breytinga á vísitölu-
grunni var nýlega lagt fram.
Efnahagsmálafrumvarp er til um-
Svavar Gestsson, formaöur Alþýðubandalags:
Ef Gunnar Thoroddsen kemst af án Al-
þýðubandalagsins við flutning stjórnar-
frumvarpa gildir það eins um önnur mál
Matthías Á. Mathiesen, fyrsti þing-
maður Reyknesinga, krafði forseta
neðri deildar, Sverri Hermannsson,
um úrskurð hans sem deildarfor-
seta, hvort líta beri á frumvarp for-
sætisráðherra um nýtt viðmiðunar-
kerfi fyrir laun o.fl. sem stjórnar-
frumvarp eða þingmannafrumvarp.
Vitað er, sagði MÁM, að ríkisstjórn-
in stendur ekki sem heild að frum-
varpinu. Ef hér er hinsvegar um
frumvarp áttunda þingmanns
Reykvíkinga að ræða, sem sæti á í
efri deild Alþingis, hefði hann átt að
Loftsteinn
sást falla
LOFTSTEINN sást falla til jarðar
sl. sunnudagskvöld um kl. 20.30.
Ilann sást á stóru svæði, allt frá
Þingeyjarsýslum austur um í Mýr-
dal. Talið er að steinninn hafi fallið
í hafið talsvert austur af landinu.
„Ég var að hlusta á mjög
greinargóða lýsingu bæjar-
gjaldkerans á Seyðisfirði og mið-
að við hana og lýsingu Björns á
Laxamýri er ég ekki í nokkrum
vafa að þarna var á ferðinni stór
og bjartur loftsteinn," sagði
Þorsteinn Sæmundsson stjarn-
fræðingur.
„Sjá lýsingar af lofstein-
inum á mióopnu blaðsins.
flytja frumvarpið í sinni þingdeild
samkvæml þingskaparhefðum. Þeg-
ar hcfur verið boðaður fundur í þing-
nefnd neðri deildar í fyrramálið, þar
sem þetta mál er til umræðu, án
þess að fyrir því hafi verið mælt,
sem er einsdæmi, en ég kýs að vita,
hvort hér er lögformlega að fram-
lagningu staðið, áður en ég mæti á
boðuöum nefndarfundi.
Sverrir Hermannsson, deildar-
forseti, vitnaði til fræðirits,
Stjórnskipunar íslands, eftir
fyrrv. lagaprófessor, ólaf Jóhann-
esson, þar sem fram komi m.a., að
einstakur ráðherra geti flutt
frumvarp sem stjórnarfrumvarp
væri, enda komi til heimild for-
seta íslands, sem sér hafi borizt.
Þess vegna beri að líta á þetta
frumvarp sem stjórnarfrumvarp,
þótt ríkisstjórnin í heild standi
ekki að flutningi þess.
Gunnar Thoroddsen, forsætis-
ráðherra, sagði m.a. að ríkis-
stjórnin stæði ekki öll að frum-
varpinu, hinsvegar væru 7 af 10
ráðherrum samþykkir flutningi
þess. Forsætisráðherra flytur því
frumvarpið með heimild forseta
íslands.
Svavar Gestsson, formaður Al-
þýðubandalagsins, sagði m.a., að
ef Gunnar Thoroddsen, forsætis-
ráðherra, geti komizt af án stuðn-
ings Alþýðubandalagsins við
Framtídin 100 ára
FRAMTÍÐIN, málfundafélag
Menntaskólans í Reykjavík, er eitt
hundrað ára í dag. Málfundafélagið
var stofnað hinn 15. febrúar 1883,
þá í Lærða skólanum, en hefur
starfað allar götur fram til dagsins í
dag, þrátt fyrir breytt nafn skólans.
Margir þjóðkunnir menn hafa verið
forsetar félagsins, og enn fleiri hafa
stigið sín fyrstu spor í ræðu-
mennsku á ótalmörgum málfund-
um félagsins á þeirri öld sem liðin
er frá stofnun Framtíðarinnar.
Fyrsti formaður Framtíðarinn-
ar var Valtýr Guðmundsson, en
núverandi formaður er Helga
Guðrún Johnson. Helga er önnur
konan sem gegnir forsetaembætti
í hinu gamla og virðulega félagi,
og sú fyrsta síðan 1949, en þá var
Ingibjörg Pálmadóttir fyrsti
kvenforseti Framtíðarinnar.
Málfundir og ræðunámskeið
hafa löngum verið fyrirferðar-
mestu þættirnir í starfsemi
Framtíðarinnar, en einnig hefur
þar verið lögð rækt við margvís-
lega aðra starfsemi, svo sem út-
gáfu blaðsins Skinfaxa, leiksýn-
ingar, bókmenntaiðkan og fleira.
Nú eru starfandi innan Framtíð-
arinnar fjögur sjálfstæð félög,
vísindafélag, skákfélag, bridgefé-
lag og róðrafélag.
flutning stjórnarfrumvarpa, geti
hann einnig komizt af án stuðn-
ings þess við önnur mál, og muni
það tekið til gaumgæfilegrar at-
hugunar næstu daga. Við höfum
mótmælt því kröftuglega, sagði
Svavar, að þetta sérkennilega
frumvarp komi til umfjöllunar í
þingnefnd í fyrramálið (þ.e. í
morgun).
Sighvatur Björgvinsson, for-
maður þingflokks Alþýðuflokks-
ins, óskaði þess að deildarforseti,
upplýsti, er þetta mál kæmi til
fyrstu umræðu, hvort nokkurt for-
dæmi væri til í þingskaparsögunni
fyrir þeim vinnubrögðum við
flutning máls, sem hér væri nú
viðhafður.
Matthías Á Mathiesen (S) vitn-
aði í fræðiritið „Deildir Alþingis",
eftir dr. Bjarna Benediktsson, en
þar væri einvörðungu talað um
þingmannafrumvörp, sem viðkom-
andi þingmenn flyttu í þingdeild
sinni, og stjórnarfrumvörp. Hér
lægi hinsvegar fyrir úrskurður
deildarforseta um að frumvarp,
sem einstakur ráðherra flytur, sé
stj órnarf rum varp.
Er hér var komið krafði Guðrún
Helgadóttir (Abl) um hálftíma
þinghlé til að þingflokkur Alþýðu-
bandalagsins gæti komið saman.
Forseti synjaði um hléið, enda
hefði formaður flokksins, sem
sæti eigi í deildinni, ekki beðið um
frestinn. Guðrún skýrði frá því
síðar á þingdeildarfundinum að
stuðningi sínum við ríkisstjórn
Gunnars Thorddsen væri endan-
lega lokið.
Þing Norðurlandaráðs:
Pétur fer í stað
Matthíasar
PÉTUR Sigurðsson alþingismaður
mun sitja þing Norðurlandaráðs í
Osló síðar í þcssum mánuði, sem
varamaður Matthíasar Á. Mathiesen
alþingismanns, sem blaðið hafði áð-
ur sagt frá að sækti þingið.
Þingmennirnir sem sækja þing-
ið í ár verða því eftirtaldir: Pétur
Sigurðsson, Eiður Guðnason,
Halldór Ásgrímsson, Páll Péturs-
son, Stefán Jónsson og Sverrir
Hermannsson.
Allt samstarf við ríkisstjórnina
mér óviðkomandi héðan í frá
Guðrún Helgadóttir á Alþingi:
Sakar forsætisráðherra um „ódrengileg vinnu-
brögö og freklegar árásir á kjör launafólks“
„VEGNA þeirra ódrengilegu vinnu-
bragða og freklcgu árásar á kjör
launafólks í landinu, sem hæstvirt-
ur forsætisráðherra hefur í dag
viðhaft, þrátt fyrir mótmæli þing-
flokks Alþýðubandalagsins, vil ég
fullvissa háttvirta deild, að allt sam-
starf við núverandi ríkisstjórn er
mér óviðkomandi héðan í frá,“
sagði Guðrún Ilelgadóttir þingmað-
ur Alþýðubandalagsins, er hún
gerði grein fyrir atkvæði sínu í lok
2. umra'ðu um bráðabirgðalög ríkis-
stjórnarinnar á Alþingi í gærkvöldi.
Svavar Gestsson formaður Alþýðu-
bandalagsins sagði í sama tilcfni,
að þar sem forsætisráðherra virtist
ekki þurfa á Alþýðubandalaginu að
halda við afgreiðslu þessa máls
væri ekki hægt að skilja það öðru
vísi en svo, að hann þyrfti ekki á
þeim að halda við afgreiðslu ann-
arra mála. Þetta yrði rækilega at-
hugað næstu daga.
Yfirlýsing Guðrúnar kom
vegna svara forseta neðri deildar
við fyrirspurn Matthíasar Á.
Mathiesen, þess efnis hvort frum-
varp það sem forsætisráðherra
lagði fram í neðri deild í gær væri
stjórnarfrumvarp eða þing-
mannafrumvarp. Forseti deildar-
innar upplýsti að samkvæmt
heimild forseta íslands væri hér
um stjórnarfrumvarp að ræða,
sem þar af leiðandi mætti flytja í
hvorri deildinni sem væri, en for-
sætisráðherra á sæti í efri deild.
Þetta kom fram rétt áður en til
atkvæðagreiðslu um bráðabirgða-
lögin kom. Guðrún Helgadóttir
stóð upp úr sæti sínu, er forseti
hafði upplýst um mál'ið, og bað
um hálfrar stundar hlé til þing-
flokksfunda, sem forseti deildar-
innar taldi sér ekki fært að veita,
þar sem þegar hafði verið til-
kynnt um atkvæðagreiðsluna.
Guðrún tilkynnti þá þingheimi að
vegna framkominna upplýsinga
treysti hún sér vart til að greiða
atkvæði um bráðabirgðalögin og
vék úr þingsalnum. Svavar
Gestsson fór á eftir Guðrúnu og
ræddi við hana á göngum þings-
ins. Skömmu síðar kom hún í sal-
inn og greiddi atkvæði með
bráðabirgðalögunum, en með
fyrrgreindri yfirlýsingu.
Mbl. er kunnugt um að þing-
flokksfundur sem Alþýðubanda-
lagið hélt í lok atkvæðagreiðslna í
gærkvöldi var mjög hávaðasamur
og komu þar fram ákveðnar kröf-
ur um að Alþýðubandalagið gengi
tafarlaust úr ríkisstjórninni. Mbl.
spurði Guðrúnu er hún gekk til
fundarins, hvort hún vildi bæta
einhverju við þær yfirlýsingar
sem hún gaf við atkvæðagreiðsl-
una. Hún sagði: „Aðeins þessu:
Þessi ríkisstjórn er ekki sæmandi
alþingismanni með æru.“