Morgunblaðið - 15.02.1983, Blaðsíða 41
MORGUNBLAÐIÐ, ÞRIÐJUDAGUR 15. FEBRÚAR 1983
21
• Unglingameistaramót íslands í fimleikum fór fram um síðustu helgi í Laugardals-
höllinni. Keppni á mótinu var bæði skemmtileg og tvísýn í mörgum greinum. Þau
Kristín Gísladóttir, Gerplu og Arnór Diego, Ármanni, unnu bæöi góð afrek á mótinu og
hlutu flesta íslandsmeistaratitla. Á myndinni hér aö ofan má sjá Arnór í æfingu á
tvíslá, en myndir og úrslit frá mótinu eru á síðu 24—25.
Ljósm. Lárus Karl Ingason.
Mennea setur
nýtt heimsmet
e italski spretthlauparinn Pietro Mennea setti á sunnudaginn nýtt
heimsmet í 200 metra hlaupi innanhúss. Tími Mennea var 20,74 sek.
Mennea setti heimsmetið á stóru innanhússmóti sem (ram fór í Gen-
ova á Ítalíu. Metið sem Mennea bætti við var aðeins dagsgamalt, því
að á laugardag setti V-Þjóðverjinn Ralf Luebke heimsmet innanhúss i
200 metra hlaupi, hljóp vegalengdinda á 20,77 sek.
Árið 1979 setti Mennea heimset í 200 metra hlaupi utanhúss, er hann
hljóp í Mexícó á 19,72 sek. Besti tími hans innanhúss áöur en hann
setið metiö var 21,09 sek.
Stóraukin Getraunasala:
Hagnaður ÍSÍ var
1.250 milljónir
Á SÍDASTA aðalfundi Getrauna sem fram fór í lok desember kom fram
að á síöustu misserum hefur sala aukist gífurlega. Á síðasta starfsári
hefur veltan aukist um meira en 100% á milli ára. Þá var selt fyrir 13,2
milljónir króna á móti 6,4 milljónum árið á undan. Frá þessu er greint í
nýútkomnu fréttabréfi sem ÍSÍ er fariö að gefa út. Þar kemur líka fram
að hagnaður ÍSÍ af getraunum er 1.250 milljónir króna á síöasta starfs-
ári. Þaö sem af er þessu ári viröist stefna í enn frekari söluaukningu.
Fékk 320.000 í vinning:
„Fyllti seðlana út
á fimm mínútum“
—■ sagði vinningshafinn Friðbjörn Marteinsson
HANN datt heldur betur í lukku-
pottinn hann Friðbjörn Marteins-
son á Vopnafirði um helgina.
Hann var einn með 12 rétta í get-
raununum. Friðbjörn hlýtur
hæsta vinning sem borgaður hef-
ur verið út hjá Getraunum 320.000
krónur.— Þessi stóri vinningur
kom mér mjög á óvart ég var
bæöi hissa og undrandi þegar ég
frétti þetta, sagði Friðbjörn í gær.
—Ég keypti mér tvo gula miöa og
fyllti þá út á fimm mínútum, ég
tippa um hverja helgi en hef aldr-
ei unniö áður. Hef í mesta lagi
fengið 10 rétta, ég er varla búinn
að átta mig á þessu ennþá sagði
Friðbjörn sem er 23 ára gamall.
Veðurguðirnir settu strik í reikn-
inginn í ensku knattspyrnunni
um helgina. Þar varð að fresta 32
leikjum og þar af voru átta þeirra
á 24. getraunaseðlinum. Kasta
varð upp tening til þess að
ákveöa úrslit þessara leikja.
Það er nú skammt stórra högga
á milli i Getraununum. í annað
skiptið í röð og í sjöunda Skipti í
vetur er einn aöili með óskiptan
fyrsta vinning. Fyrsti vinningur gat
309.280 krónur. Fjörutíu og níu
raðir komu fram meö ellefu rétta
og var vinningur fyrir hverja röð
2.705 krónur. — ÞR.
• Kristín Gísladóttir, Gerplu, á miöri mynd, varö fimm-
faldur íslandsmeistari á unglingameistaramóti íslands
um helgina. Kristín hefur sýnt miklar framfarir í íþrótt
sinni og á án efa eftir að gera enn betur.
Ljósm. Lárus Karl Ingason.
Spánverjar eru erfiðir og
mjög verðugir andstæóingar
— segir Hilmar Björnsson landsliðsþjálfari
— Spánverjar eru með mjög
sterkt lið, það besta í riölinum. En
það er alls ekki útilokað að sigra
þá. Á góðum degi á íslenska
landsliðið alveg möguleika á aö
ná af þeim stigum. En þeir eru
erfiðir og verðugir mótherjar,
sagöi Hilmar Björnsson lands-
liðsþjálfari í handknattleik. En
Hilmar fór gagngert út til Dan-
merkur til þess að fylgjast með
spánska landsliðinu í handknatt-
leik er það lék tvo leiki gegn Dön-
um. Spánverjar sigruðu með
miklum yfirburöum í fyrri leikn-
um, 27—18, en í þeim síðari meö
einu marki, 18—17. Hilmar sagöi
aö í fyrri leiknum hefði danska
liðið leikið langt undir getu og því
heföi sigur Spánverja oröiö jafn
stór og raun bar vitni. En í síðari
leiknum hefðu Danir leikið mun
betur og þá mátti vart á milli sjá
hvort liðið myndi ganga meö sig-
ur af hólmi. Á síöustu stundu
tókst þá Spánverjum að skora
sigurmark leiksins.
Það er alveg Ijóst aö Spánverjar
leggja allt í sölurnar til þess aö
standa sig vel í B-keppninni í Hol-
landi. Liöiö dvelur í æfingabúöum í
Danmörku fram aö B-keppni, en
allir leikmenn Spánar eru atvinnu-
menn í íþróttinni, og þurfa þvi ekki
aö hafa áhyggjur af vinnutapi eöa
ööru slíku. Sterkasta hliö spánska
liösins er hversu hraöur leikur liös-
ins er og jafnframt hve vel útfærö
• Hilmar Björnsson landsliðs-
þjálfari fylgdist með spánska
landsliöinu í Danmörku.
hraöaupphlaupin eru. Þau gefa liö-
inu jafnan mjög mörg mörk. Hilmar
kortlagöi allan leik liðsins og mun
á næstu dögum útlista fyrir leik-
mönnum sínum hvaö bíöi þeirra í
fyrsta leik íslenska landsliösins í
B-keppninni i Hollandi 25. febrúar.
Þeim leik verður sjónvarpaö beint
hér á landi. En sýnt er aö þaö
verður erfiður róöur hjá landsliös-
mönnum okkar strax i fyrsta leikn-
um. En takist þeim vel upp er alls
ekki útilokaö aö vinna sigur.
Spánverjar eru meö stemmingsliö
og ef illa gengur hjá þeim er allt
eins víst aö allt fari úrskeiöis.
— ÞR.
Adidasmótið
ADIDASMÓTIÐ í handknattleik
hófst í Laugardalshöllinni í
gærkvöldi. Úrslit leikja urðu
þessi:
Víkingur — Landslið II 18—19
KR — Valur 23—17
Víkingur — Landslið I 21—21
Landslið II — Valur 22—13
KR — Landslíð I 16—16
— ÞR.