Morgunblaðið - 24.03.1983, Blaðsíða 3
MORGUNBLAÐIÐ, FIMMTUDAGUR 24. MARZ 1983
3
Lögreglumenn knýja á um lágmarkshvfld samkvæmt lögum:
Fámennara en venju-
lega á varðstofunum
FAMENNARA var á varðstofum lög-
reglunnar í Reykjavík í fyrrinótt en
venjulega. Ástæða þess var sú, að i
aðalfundi Lögreglufélags Reykjavfkur í
fyrradag var samþykkt að veita ríkinu
ekki lengri frest til að aðlaga vinnu-
tíma og vaktafyrirkomulag lögreglu-
þjóna að lögum þeim um 10 tima lág-
markshvfld, sem sett voru árið 1980.
Þar sem viðræður Lögreglufélagsins og
dómsmálaráðuneytisins um þetta mál
hafa ekki borið árangur fóru þeir lög-
reglumenn heim klukkan 2.30 i fyrri-
nótt, sem áttu að mæta til vinnu sam-
kvæmt varðskrá klukkan 12.30 í gær.
Bjarki Elíasson, yfirlögregluþjónn,
sagði í gær, að þó dregið yrði úr lög-
gæzlu í miðri viku, meðan þessi deila
stæði yfir, yrði öryggi ekki stefnt í
hættu.
Einar Bjarnason, formaður Lög-
reglufélags Reykjavíkur, sagði að á
aðalfundi félagsins í fyrradag hefði
verið tekin fyrir beiðni frá
dómsmálaráðuneytinu þess efnis, að
lögreglumenn frestuðu aðgerðum til
að knýja á um framkvæmd 10 tíma
hvíldarreglunnar til 1. maí meðan
reynt yrði til þrautar að ná samn-
ingum. Samninganefnd Lögreglufé-
lagsins hefði hins veear lagt til, að
frestur yrði veittur til 3. apríl þann-
ig að föst dagsetning yrði ákveðin,
en nokkurt svigrúm veitt. Aðalfund-
urinn hefði fellt þá tillögu á jöfnu
eða með 13 atkvæðum gegn 13. Upp-
haflega veitti félagið frest i máli
þessu á aðalfundi 26. janúar 1982 til
næsta aðalfundar, sem eins og áður
sagði var haldinn á þriðjudag.
„Það sem við förum fram á er
sæmilega manneskjulegt vaktakerfi
þar sem tillit er tekið til samninga
og lagaákvæða," sagði Einar Bjarna-
son. „Það er bersýnilegt að við að
breyta vaktakerfum þannig að hvíld-
arreglan verði virt, lækka launin
vegna minnkandi aukavinnu, svo
ekki er verið að ræða um launa-
hækkun. Aðeins framtíðarskipulag
og vinnutilhögun, sem allir gætu
verið sæmilega ánægðir með, en nú-
verandi vinnutilhögun er alltof
hringlandaleg að okkar mati. Við-
semjendur okkar telja hins vegar að
þar sem 10 tíma reglan er komin á
hafi ýmsir hlutir orðið stirðari við
löggæzlu. Við vonumst samt ennþá
eftir farsælli lausn á þessu þrætu-
máli,“ sagði Einar Bjarnason.
Bjarki Elíasson, yfirlögreglu-
þjónn, sagði að framkvæmd fyrr-
nefndra laga um hvíldartíma væri
mjög erfið. Svo virtist, sem málið
hefði ekki verið hugsað til enda við
lagasetninguna, til dæmis hvað
varðaði lögreglumenn, sem stæðu
vaktir allan ársins hring.
Hann sagði að í fyrrinótt hefðu
lögreglumenn, sem verið hefðu á
aukavakt, farið heim klukkan 3 í
staðinn fyrir klukkan 6 um morgun-
inn. Þetta hefði verið gert svo þeir
næðu lágmarkshvíld fyrir vakt eftir
hádegi í gær samkvæmt varðskrá.
Aðspurður sagði Bjarki, að á lög-
reglustöðinni í Árbæ hefðu frá
klukkan 3 til 6 verið tveir lögreglu-
þjónar á vakt í stað þriggja, á Mið-
bæjarstöð hefðu verið 2-3 á þessum
tíma í stað fimm venjulega, og mun
færra hefði verið á Lögreglustöðinni
við Hverfisgötu en þegar allt er eðli-
legt.
„Það skapast ákveðin vandamál
sjötta hvern dag þegar menn skipta
af næturvakt yfir á dagvakt," sagði
Bjarki Elíasson. „Þá eiga menn að
hætta klukkan 6 að morgni, en mæta
síðan að nýju klukkan 14, en sá tími
nægir ekki til að uppfylla lög um
lágmarkshvíld. Við metum því hvern
dag fyrir sig og styðjumst við skrár
um útköll og fjarskipti og yfirleitt er
lítið um að vera í miðri viku. Komi ,
hins vegar upp atvik, sem kalla á j
meiri mannskap verður að kalla ;
menn út. Um helgar verður ekkert j
dregið úr löggæzlu og til þess að ör- ,
yggi verði ekki stefnt í voða metum
við stöðuna í hverju einstöku tilviki
meðan á þessu stendur," sagði Bjarki
Eliasson.
VETUR
SUMAR
VOR^
OGHAUST
Hann er framhjóladrifinn meö framúrskarandi aksturseiginleika
-á öllum árstíðum
SAAB-SÁ ER BÍLLINN
TÖGGURHF.
SAAB
UMBOÐIÐ