Morgunblaðið - 24.03.1983, Blaðsíða 25
MORGUNBLAÐIÐ, FIMMTUDAGUR 24. MARZ 1983
25
Bátasjómenn:
Hóta að taka netin
ekki upp um páskana
— verði togurum hleypt inn á Tómasarhaga og Frímerkið
MIKIL óánægja er nú meðal sjó-
manna á bátaflotanum vegna hug-
mvnda um opnun svokallaðs Tómas-
arhaga í Grindavíkurdjúpi fyrir togur-
um um páskana og ennfremur hug-
mvnda um að togurum verði hleypt
inn á hluta svokallaðs Frímerkis eða
Fæðingarheimils austan Selvogs-
banka. Hafa bátasjómenn mótmælt
þessu við sjávarútvegsráðuneytið, en
ákvörðun þar að lútandi hefur ekki
verið tekin enn. Vilja sumir bátasjó-
manna ganga svo langt að neita að
taka upp net sín um páskana, verði
þessi svæði opnuð togurum. Togskipa-
menn telja á hinn bóginn sjálfsagt, að
þeim verði hlevpt inn á Tómasar-
hagann, þar sem lokun hans sé aðeins
til verndunar netaveiðum á þeim
tíma, sem þær eru stundaðar, en svo
verður ekki um páskana. Hafa þeir
sent ráðuneytinu áskorun þess efnis,
undirritaða af áhöfnum 60 skipa.
Frímerkið hefur verið lokað lengi
og hugsað sem friðað hrygningar-
svæði fram í maí, en Tómasarhag-
inn var upphaflega lokaður togur-
um af fyrrgreindum ástæðum.
sagði Einar Sigurðsson, skipstjóri á
Arnari ÁR 55, í samtali við Morg-
unblaðið.
Skeyti togara- og togbátaskip-
stjóra til sjávarútvegsráðherra er
svohljóðandi: „Þar sem opið er fyrir
togveiðum allt árið samkvæmt
landhelgislögum utan línu, sem
hugsast dregin milli punkta í 5 sjó-
mílna fjarlægð undan Geirfugla-
drangi og 4 sjómilna fjarlægð und-
an Surtsey, skorum við undirritaðir
togara- og togbátaskipstjórar á
ráðherra að opna svokallaðan Tóm-
asarhaga, það er að segja þríhyrn-
ing í Grindavíkurdýpi fyrir togveið-
um, en það svæði hefur verið lokað
ákveðinn tima á ári til að vernda
net gegn ágangi togveiðiskipa, en
ekki til fiskverndunar. Förum við
því fram á, að svæði þetta verði
opið í framtíðinni. Staðreyndin er
sú, að þetta svæði er lítið notað af
netabátum því þeir kjósa frekar að
halda sig á hinum hefðbundnu tog-
araslóðum. Þess vegna ættu neta-
bátar og togveiðiskip að geta unnið
saman inni í þessum þríhyrningi
eins og annars staðar."
Svæðin, sem deilt er um. Lengst til hægri er Frímerkið, en þar eru allar
veiðar bannaðar frá 20. marz til 15. maí. Næst er svo Tómasarhagi en þar eru
veiðar í vörpu bannaðar á sama tíma en það svæði var opnað fyrir togskipum
um síðustu páska. Vestar eru svo tvö svæði, þar sem veiðar í vörpu eru
bannaðar hluta árs.
Bátasjómenn á svæðinu frá Snæ-
fellsnesi og austur til Hornafjarðar
taka þátt í þessum mótmælum.
„Við erum mjög óánægðir með
þessar hugmyndir. Tómasarhaginn
var opnaður í fyrra, þegar við tók-
um upp netin, en ég veit ekki hvort
það verður nú. Togaramenn vilja
auðvitað komast þar sem fiskur er
og það viljum við auðvitað líka. Það
hefur aldrei verið opnað þarna í
utanverðu Frímerkinu eins og nú er
til athugunar og við mótmælum
hvorutveggja. Við förum alltaf eftir
settum reglum og þvi tel ég ólíklegt
annað en við tökum netin upp um
páskana eins og lög gera ráð fyrir.
Helztu rök okkar gegn því að togur-
um verði hleypt þarna inn eru þau,
að kæmi einhver fiskur inn á þenn-
an skika meðan við erum i páska-
stoppinu, væri hugsanlegt að hann
kæmi inn á grunnslóð þar sem við
getum verið. Ef mjög stórum flota
verður hins vegar hleypt inn, sem
verður vegna ördeyðu víðast hvar,
gæti þetta orðið uppétið og ekki
neitt neitt þegar að okkur kemur,"
„Samkvæmt áðurnefndum lögum
er okkur heimilt að veiða utan þess-
arar línu, en einhverjir hagsmuna-
hópar þarna í Grindavík höfðu
þetta fram á sínum tíma og földu
sig þá bak við það, að þessu yrði að
loka ákveðinn tíma til að vernda
net gegn togveiðiskipum. Þrjú síð-
ustu ár eru þessar forsendur al-
gjörlega brostnar og þá snúa þeir
þessu upp í það, að hér se um fisk-
verndun í Tómasarhaga að ræða, en
það er algjör misskilningur, þar
sem net veiða fisk eins og togveiðar.
Hvað varðar Frímerkið eða
Fæðingarheimilið eins og það er
líka nefnt, og að við fáum 10 mílna
hólf sunnan á því, mundi það
opnast þannig, að hægt væri að
veiða í suðurhornum hólfsins. Það
þarf enginn að ætla það, að allir
þorskar Norður-Atlantshafsins
komi til með að hrygna á þeim litlu
svæðum. Það er því sjálfsögð krafa
að þetta verði opið, sérstaklega þar
sem þetta er karfasvæði," sagði
Eyjólfur Pétursson, skipstjóri á
togaranum Vestmannaey.
Leifur Sveinsson:
Opid bréf til póst-
og símamálastjóra
Hr. póst- og símamálastjóri, Jón
Skúlason, Reykjavík.
Málefni: 85% afsláttur stjórn-
málaflokka af skrefagjaldi v.
simagjalda.
Þann 22. maí 1982 fóru fram
borgarstjórnarkosningar í
Reykjavík. Skömmu áður hafði
Steingrímur Hermannsson ráð-
herra veitt stjórnmálaflokkunum
85% afslátt af skrefagjaldi.
Arinbjörn Kolbeinsson læknir
vítti þessa ákvörðun í grein sinni í
DV þann 10. mai 1982 og ég undir-
ritaður svo í Mbl. 14. maí 1982. Nú
fer ég þess á leit við yður, að þér
upplýsið mig um, hve há upphæð
það var, sem stjórnmálaflokkarnir
fengu í afslátt.
Enn fremur leikur mér forvitni
á að vita, hvort stjórnmálaflokk-
arnir hafa sótt um sams konar af-
slátt í alþingiskosningunum, sem
nú eiga að fara fram 23. april 1983.
Með fyrirfram þakklæti,
Lcifur Sveinsson.
I A
Geir Hallgrímsson á fundi með ungum framsóknarmönnum:
Heimamenn í héraði eiga
að ákveða lista flokksins
— ekki flokksforystan í Reykjavík
MIÐSTJÓRN Sjálfstæðisflokksins
er sammála um að dreifa valdinu
innan flokksins. Að lista Sjálfstæöis-
flokksins í Vestfjarðakjördæmi var
fyllilega staðið á lýðræðislegan hátt
og samkvæmt reglum og lögum
flokksins. Við höfum ákveðnar leik-
reglur í þessu sambandi, sem Sigur-
laug Bjarnadóttir átti þátt í að semja
í miðstjórn flokksins og eftir þeim er
farið, svaraði Geir Hallgrimsson
formaður Sjálfstæðisflokksins m.a.
spurningum ungra framsóknar-
manna á hádegisverðarfundi þeirra í
gær, en hann var ítrekað spurður
álits á þeirri ákvörðun að sérfram-
boð sjálfstæðismanna í Vestfjarða-
kjördæmi fékk ekki að nota lista-
bókstafina DD og bjóða fram í nafni
Sjálfstæðisflokksins.
Ungir framsóknarmenn nefndu
til samanburðar að framkvæmda-
stjórn Framsóknarflokksins hefði
samþykkt að veita sérframboði
Framsóknar í Norðurlandi vestra
listabókstafina BB, og kom fram í
ummælum þeirra, að þeir teldu
rétt að líta á sérframboðsmenn
sem flokksmenn og afgreiða um-
leitanir þeirra með það i huga.
Geir benti á afstöðu framámanna
Framsóknarflokksins í kjördæm-
inu sjálfu, en þeir eru andvigir því
að sérframboðið fái bókstafina
BB. Hann sagði álit sjálfstæð-
ismanna, að heimamenn í héraði
ættu sjálfir að ákveða lista flokks-
ins en ekki flokksforystan i
Reykjavík. í umræðunni var m.a.
komið að afgreiðslu Framsóknar-
flokksins á svonefndri Möðru-
vallahreyfingu og spurði Geir
fundarmenn i því sambandi, hvort
þeir hefðu fremur kosið að hafa
ólaf Ragnar Grímsson enn innan
sinna vébanda, en að þeim hefði
verið vísað úr flokknum. Kváðu
fundarmenn „nei“ við, og spurðu
Geir á móti hvort hann æskti þess
að hafa Ólaf Ragnar í Sjálfstæðis-
flokknum. „Ég vona að Alþýðu-
bandalaginu haldist sem lengst á
honum," var svar flokksformanns-
ins.
Margar fyrirspurnir komu um
kosningayfirlýsingu Sjálfstæðis-
flokksins sem Geir svaraði. Þá lék
fundarmönnum forvitni á að vita
hvort leitað yrði stuðningsyfirlýs-
ingar Gunnars Thoroddsen við
lista Sjálfstæðisflokksins i
Reykjavík. Geir svaraði því til að
leitað yrði stuðningsyfirlýsinga
allra sjálfstæðismanna og þar á
meðal Gunnars Thoroddsen. Þá
var Geir spurður, hvort möguleiki
væri á að sjálfstæðismenn færu í
ríkisstjórn með Alþýðubandalag-
inu eins og sjálfstæðismenn hefðu
deilt á Gunnar Thoroddsen fyrir
að hafa leitt þá til valda. Geir
sagðist ekki gefa neinar yfirlýs-
ingar þar að lútandi. Hann sagði
þó að ef Sjálfstæðisflokkurinn
færi í ríkisstjórn með Alþýðu-
bandalagi myndi hann ekki veita
því eins mikil völd og þeir hefðu í
núverandi ríkisstjórn. Þeir væru
nú með mörg valdamestu ráðu-
neytin og hefðu misnotað þá að-
stöðu til að koma sínum mönnum
að. Þá hefði skattheimta í landinu
aldrei verið eins mikil og nú í
stjórnartíð Alþýðubandalagsins.
Nánar aðspurður kvaðst hann
ekki hlakka til stjórnarsamstarfs
með Alþýðubandalagi, né heldur
Framsóknarflokki, þó hann hefði
oft átt gott samstarf með þeim.
í umræðunum var spáð í niður-
stöður Alþingiskosninganna og
höfðu ungir framsóknarmenn á
orði að þeir reiknuðu með að
Bandalag jafnaðarmanna kæmi
aðeins að einum manni í Reykja-
vik, en Kvennalistarnir engum.
Geir sagði aðspurður að hans álit
á Bandalagi jafnaðarmanna væri,
að það væri ekkert annað en ný
stjórnmálasamtök sem lytu
sjálfskipuðu formannsveldi.
Nýr formaður Kvenstúd
entafélags íslands
AÐALFUNDUR Kvenstúdentafé-
lags íslands og Félags íslenzkra há-
skólakvenna var haldinn 19. febrú-
ar 1983 í veitingahúsinu Arnarhóli.
Fráfarandi formaður, Hildur
Bjarnadóttir fréttamaður, gerði
grein fyrir störfum félagsins, en
starfsemin miðar að því að efla sam-
vinnu íslenzkra kvenstúdenta, vinna
að hagsmunum þeirra og auka sam-
band þeirra við umheiminn. Má þar
nefna þátttöku í alþjóðastarfi há-
skólakvenna, en kvenstúdentum
gefst kostur á að sækja ýmsar ráð-
stefnur og fundi erlendis sem
háskólakonur í hinum ýmsu löndum
gangast fyrir.
Þrír hádegisverðarfundir voru
haldnir. Á fyrsta fundinum ræddi
Guðni Guðmundsson, rektor MR,
um grunnskólanám sem undir-
búning að námi í menntaskóla.
Spunnust miklar og gagnlegar
umræður af ræðu hans. Næsti
fundur var helgaður þeim hug-
myndum, sem auglýsingar gefa af
konum og þeim mun, sem þar
kemur fram á hlutverkum kynj-
anna. Kristín Þorkelsdóttir flutti
erindi og sýndi litskyggnur. Gest-
ur aðalfundarins, sem jafnframt
var hádegisverðarfundur, var
Þórunn Sigurðardóttir leikstjóri,
og ræddi hún um Laxdælu og
sviðsetningu þessa merka bók-
menntaverks, einkum með tilliti
til kvenpersóna verksins.
Að venju var efnt til árshátíðar
í maí og jólafundar í desember og
tókust báðar þær hátíðir með
ágætum. Árshátíðin verður að
þessu sinni haldin í Lækjar-
hvammi, Hótel Sögu, hinn 5. maí
1983. Þar munu 25 ára stúdínur
sjá um skemmtiatriði og margt
annað verður til hátíðabrigða. Á
aðalfundinum fór fram kjör for-
manns og varaformanns og er nú-
verandi stjórn þannig skipuð:
Formaður Arndís Björnsdóttir,
kaupmaður. Varaformaður Hild-
ur Bjarnadóttir, fréttamaður.
Aðrir í stjórn Inga Dóra Gústafs-
dóttir, gjaldkeri, Bergljót Ingólfs-
dóttir ritari, Þórey Guðmunds-
dóttir lektor, Sigríður Guðmunds-
dóttir kennari, Magdalena
Schram blaðamaður og Aðalheið-
ur Eleníusardóttir. Varastjórn
Guðlaug Konráðsdóttir meina-
tæknir og Kristín Guðmundsdótt-
ir. í stjórn Félags íslenzkra há-
skólakvenna voru kosnar Arndís
Björnsdóttir formaður, Hildur
Bjarnadóttir og Þórey Guð-
mundsdóttir. Til vara Björg
Gunnlaugsdóttir. Endurskoðend-
ur Brynhildur Kjartansdóttir og
Erna Erlendsdóttir.
Á aðalfundinum, sem og raunar
öðrum fundum félagsins, urðu
miklar umræður um stöðu kven-
Arndís Björnsdóttir
stúdenta og háskólakvenna í þjóð-
félaginu, enda er umræða um
stöðu kvenna almennt mjög á döf-
inni nú um stundir. Brýn nauðsyn
er til þess, að kvenstúdentar
standi vörð um félag sitt og efli
starfsemi þess, því að Kvenstúd-
entafélag íslands er kjörinn
vettvangur fyrir félagskonur að
láta til sín taka og notfæra sér þá
möguleika, er félagsstarfið hefur
upp á að bjóða. í því tilliti gildir
sú algilda staðreynd, að ekkert fé-
lagsstarf blómstrar, ef félagar
þess eru óvirkir.
Á komandi starfsári félagsins
verður stefnt að því að halda há-
degisverðarfundi oftar en verið
hefur og eru ábendingar um fund-
arefni frá félagskonum vel þegn-
ar. Skrifstofa félagsins er að
Hallveigarstöðum.
(Fréttat ilky nning.)