Morgunblaðið - 26.04.1983, Blaðsíða 3
MORGUNBLAÐIÐ, ÞRIÐJUDAGUR 26. APRÍL 1983
3
Fulltrúar friðarhreyfinga á öllum Norðurlöndunum undirrituðu samkomulag
um sameiginlega stefnu er varðar kjarnorkuvopnalaus Norðurlönd á fundi í
Norræna húsinu á sunnudag. Unnið hefur verið að þessu samkomulagi á
annað ár. Myndin er frá fundinum. Morgunbi»*i«/KÖE
Ávísanaviðskipti í janúar-febrúar:
Jukust um 62%
ÁVÍSANAVIÐSKIPTI, í krónum talið,
jukustu um 62% fyrstu tvo mánuði árs-
ins, þegar þau voru samtals að fjárhæð
12.346 milljónir króna, borið saman við
7.621 milljón króna á sama tíma í fyrra.
Fjöldi tékka jókst um 8,28% milli
ára. Fyrstu tvo mánuðina í ár var
fjöldi tékka samtals 1.714 þúsund,
borið saman við 1.583 þúsund á sama
tíma í fyrra.
Meðalupphæðir tékka var fyrstu
tvo mánuðina í ár mun minni, en sem
nemur hlutfallslegri aukningu við-
skiptanna, eða um 49,63% hærri en á
sama tíma í fyrra. Meðalupphæðin
fyrstu tvo mánuðina í ár var 7.203
krónur, en var til samanburðar 4.814
krónur á sama tíma í fyrra.
Ef tölurnar fyrir febrúarmánuð
eru skoðaðar, kemur í ljós, að ávís-
anaviðskipti jukust úm 62,75% milli
ára, þegar þau voru samtals að fjár-
hæð 6.409 milljónir króna, borið sam-
an við 3.938 milljónir króna í fyrra.
Meðalupphæð tékka hækkaði hins
vegar nokkru minna, eða um 48,95%
milli ára. Var 7.145 krónur í ár, borið
saman við 4.797 krónur í febrúar í
fyrra. Fjöldi tékka jókst um 9,26%
milli ára. Var 897 þúsund í febrúar í
ár, borið saman við 821 þúsund á
sama tíma í fyrra.
Egilsstaðaflugvöllur
lokast vegna aurbleytu
„ÞETTA var svona fyrir 30 árum og er
það enn. Þetta eru maiarvellir og ef að
frostið nær ekki að fara alveg úr þeim
og það er sólbráð að deginum, þá fáum
við leðjuyfirborð og verðum að loka
völlunum. Egilsstaðaflugvöllur er verst-
ur hvað þetta snertir," sagði Pétur Ein-
arsson, flugmálastjóri f samtali við
Morgunblaðið, en Egilsstaðaflugvöllur
hefur verið lokaður seinni part dags
undanfarna þrjá daga vegna leðju sem
myndast á vellinum vegna sólbráðar.
„Það er engin önnur útleið í þessu
en að setja varanlegt slitlag á völl-
inn, en það er óravegur frá því að það
verði að veruleika, miðað við þær
fjárveitingar sem við höfum til
flugmála hér á þessu landi. Malar-
vellir hafa í för með sér ýmis konar
óöryggi gagnvart fluginu, sem við er-
um marg búnir að hamra á og auk
þess stóreykur þetta viðhaldið á
flugvélaflota okkar," sagði Pétur
Einarsson, flugmálastjóri að lokum.
Það verður engin starf-
hæf ríkisstjórn mynduð
án Sjálfstæðisflokksins
— segir Geir
„Ég tel, að við sjálfstæð-
ismenn getum vei við unað
að hljóta um 39% af heild-
arfjölda atkvæða,“ sagði
Geir Hallgrímsson, formað-
ur Sjálfstæðisflokksins í
viðtali við Morgunblaðið í
gær um úrslit þingkosn-
inganna, sem fram fóru sl.
laugardag. „í kosningunum
1979, 1978, 1971 og 1967
fengum við lægra hlutfall
atkvæða en nú,“ sagði Geir
Hallgrímsson ennfremur,
„en hins vegar var útkoman
auðvitað mun betri, þegar
við unnum okkar glæsilega
kosningasigur 1974 og feng-
um 42,7% atkvæða.“
Ég vil sérstaklega þakka
sjálfstæðismönnum öllum,
sem unnu vel og dyggilega í
þessari kosningabaráttu. Þar
voru að verki þúsundir sjálf-
boðaliða og ég sendi þeim sér-
stakar kveðjur og þakkir."
— Það hefur vakið einna
mesta athygli, að þú náðir
sjálfur ekki kjöri til Alþingis.
„Ég gerði mér fyllilega grein
fyrir því, þegar ég ákvað að
taka sjöunda sæti framboðs-
listans í Reykjavík, að það
væri engan veginn öruggt að
ég næði kjöri til Alþingis. Auð-
vitað eru þetta vonbrigði, en í
stjórnmálabaráttunni verða
Hallgrímsson
Geir Hallgrímsson
menn að vera tilbúnir að taka
ósigrum og þetta eru vissulega
ekki þess konar vonbrigði að
maður þoli þau ekki eða standi
þau ekki af sér.“
— Hefur þetta áhrif á hlut-
verk þitt sem flokksformanns
við stjórnarmyndun?
„Það er hlutverk flokks-
formanns að leiða viðræður
um stjórnarmyndun og ég
geng út frá því, að ég muni
rækja þær skyldur."
— Telur þú, að skoðana-
kannanir hafi haft áhrif á úr-
slit þessara kosninga?
„Ég hef aldrei haft mikla trú
á skoðanakönnunum. Þær hafa
yfirleitt spáð okkur sjálfstæð-
ismönnum mun meira fylgi en
við höfum fengið. En auk
hugsanlegra áhrifa á úrslit
kosninga, hafa þær áhrif á
það, hvernig menn túlka kosn-
ingaúrslitin. Þeir flokkar, sem
fá t.d. góða útkomu í kosning-
um en ekki jafn góða og í skoð-
anakönnunum, komast í varn-
arstöðu vegna þess að þeir
fengu ekki þá niðurstöðu sem
skoðanakannanir spáðu. Með
sama hætti er það svo, að
flokkar, sem tapa í kosningum
en tapa ekki eins miklu og
kannanir spáðu, eru af þeim
sökum taldir hafa unnið jafn-
vel sigur. Þetta er auðvitað
fráleitt."
— Hvað viltu segja um
möguleika á myndun nýrrar
ríkisstjórnar?
„Það er íhugunarefni í sam-
bandi við þessi úrslit, að kjós-
endur hafa í raun og veru ekki
gefið svo skýr fyrirmæli, að
það liggi í augum uppi, hvernig
að stjórnarmyndun skuli stað-
ið. Hitt fer ekki á milli mála,
að það verður engin starfhæf
ríkisstjórn mynduð án Sjálf-
stæðisflokksins."
— Hvaða líkur eru á nýjum
kosningum á þessu ári?
„Það fer eftir því hvort unnt
verður að mynda sterka
starfhæfa ríkisstjórn eða
ekki.“
VERÐLISTAVERÐ OKKAR VERÐ
20.212.-13.990.-
SÆNSK-ÍSLENZK
VERÐBYITING
Á ELECTROLÚ)few2oo
UPPÞVÖTTAVÉLUM
Viö geröum góð kaup með því að kaupa 213 Electrolux BW 200
GOLD uppþvottavélar í einu lagi. Þannig fengum við verulegan
afslátt sem kemur þér til góða.
^'illkomin uppþvottavél á afsláttarverði, ein hljóðlátasta vélin
á markaðnum - .f.rábær Þv0«^rfi (með sparnadarrofa) - öfl-
ugar vatnsdælur sem þvo ur ..«• a n1inotu þrefalt v ir.SuS-
öryggi - Ryðfrítt 18/8 stál í þvottahólfi - bai7?Íæsin8 n uurð ~
Rúmar borðbúnað fyrir 12-14 manns.
Fullkomin Electrolux BW 200 uppþvottavél á tilboðsverði sem
þú trúir tæpast - og ekkert vit er í að hafna.
Vörumarkaðurinn hl.
ÁRMÚLA ÍAS 86117