Morgunblaðið - 26.04.1983, Blaðsíða 18

MORGUNBLAÐIÐ, ÞRIÐJUDAGUR 26. APRÍL 1983
18
Ætlaði að myrða
aðalritara SÞ?
6sló, 25. aprfl. Frá fréttaritara Mbl.
NORSKA lögreglan handtók á mánudag í sídustu viku 25 ára gamla konu frá
Chile, sem talið er að hafi komið til Oslóar í þeim tilgangi að ráða af dögum
Perez de Cuellar, aðalritara Sameinuðu þjóðanna.
Konan kom til Óslóar með lest- Chileska konan hefur búið um
inni frá Kaupmannahöfn þremur
dögum áður en Cuellar var vænt-
anlegur þangað. Norska lögreglan
hafði fengið frettir af ferðum
hennar frá dönsku lögreglunni og
beið hennar á aðaljárnbrautar-
stöðinni í Ósló. í fórum hennar
fannst skammbyssa af gerðinni
„Beretta".
nokkurra ára skeið á Ítalíu og af
þeim sökum er nú verið að kanna
hvort hún kunni að vera á snærum
hryðjuverkasamtakanna „Rauðu
herdeildanna". Norska lögreglan
vill lítið um þetta mál segja enn
sem komið er, nema það að konan
sjálf neiti því, að hún sé hryðju-
verkamaður.
Brazilía:
Líbýsku vélarnar
fara án vopnanna
Manaus, Brazilíu, 25. aprfl. AP.
BÚIST var við, að þrjár líbýskar flugvélar, sem kyrrsettar voru í Brazilíu á
leið sinni til Nicaragua þegar í Ijós kom, að þær voru ekki með lyf heldur
vopn, færu þaðan í dag en án farmsins.
Talsmaður Brazilíuforseta sagði
í dag, að flugvélarnar þrjár mættu
fara hvenær sem væri en fjórða
vélin er í viðgerð í brazilískri her-
flugstöð. Brazilískir hermenn af-
fermdu vélarnar með leynd um
helgina og er talið að vopnin hafi
verið flutt til herstöðvar skammt
frá. Haft er eftir ýmsum heimild-
um, að vopnin hafi verið bæði af
bandarískri og sovéskri gerð.
Dagblaðið 0 Globo í Rio de Jan-
eiro hafði það í gær eftir Anthony
Finnland:
Sorsa falin
stjórnarmyndun
Helxinki, 25. aprfl. Frá Harry
(iranlx'rg, fréttaritara Mbl.
MAUNO Koiovisto, forseti Finn-
lands, fól í gær Kalevi Sorsa að
reyna stjórnarmyndun. Fimm vikur
eru síðan að kosið var, en Sorsa var
forsætisráðherra fráfarandi ríkis-
stjórnar Finnlands.
Almennt er búist við því að
Sorsa myndi stjórn og verði hún
samsteypa sömu flokka og voru
saman í stjórn fyrir kosningarnar,
Sósíaldemókrataflokknum, Mið-
flokknum og sænska þjóðar-
flokknum, auk Landsbyggðar-
flokksins, sem vann mikinn sigur í
síðustu kosningum með ger-
breytta stefnu og aðgengilegri
fyrir hina hefðbundnu stjórnar-
flokka. Samsteypa þessi myndi
ráða 123 af 200 þingsætum.
Sorsa sagði við fréttamenn í
gær, að hann byggist við því að
stjórnarmyndunin gæti tekið allt
að viku. „Ókkur greinir á um ýmis
mál, en það er ekkert óyfirstígan-
legt á ferðinni," sagði hann.
Earl Hines
látinn
Oakland, Kaliforníu, 25. aprfl. AP.
Djasshljómsveitarstjórinn frægi
Karl Hines, lést á sjúkrahúsi í Kaii-
forníu á laugardaginn og var bana-
meinið hjartaslag. Hann var 77 ára.
Hljómsveitir „Fatha" Hines
voru mikils virtar á sínum tíma og
í hljómsveitum hans hófu margir
frægir snillingar þreifingar sínar.
Má þar nefna Dizzy Gillespie,
Charlie Parker, Billy Eckstein og
Sara Vaughn.
Motley, sendiherra Bandaríkjanna
í Brazilíu, að bandarísku vopnin
væru komin frá Víetnam og væri
hluti þeirra vopnabirgða, sem
bandaríski herinn hefði skilið eft-
ir þar á sínum tíma.
Brazilískir embættismenn
sögðu í dag enga ástæðu til að
óttast, að Líbýumenn hættu að
kaupa vopn frá Brazilíu vegna
þessa máls en Brazilíumenn eru
þriðji stærsti vopnaútflytjandi í
heimi.
Veður
víða um heim
Akureyri +1 léttskýjaó
Amslerdam 16 skýjaó
Aþena 25 skýjaó
Berlín 18 heióskfrt
BrUssel 17 skýjaó
Chicago 12 heióskírt
Dublin 11 rigning
Feneyjar 19 þokumóða
Frankfurt 16 skýjaó
Genf 17 heióskírt
Helsinki 13 heióskirt
Hong Kong 29 heióskirl
Jóhannesarborg 19 heióskírt
Kairó 28 skýjaó
Kaupmannahófn 11 skýjaó
Las Paimas 21 léttskýjað
Lissabon 15 rigning
London 14 sfcýjaó
Los Angeles 21 heióskírt
Madnd 13 heióskfrt
Malaga 16 skúrir
Mallorca 17 alskýjaó
Mexíkóborg 30 heióskírt
Miami 30 heióskírt
Moskva 29 heióskirt
Nýja Delhí 36 heióskirt
Mew York 14 rigning
Ósló 16 skýjaó
Paris 18 skýjaó
Perth 23 heióskírt
Reykjavík 4 skýjað
Rio de Janeiro 29 skýjaó
Rómaborg 21 heióskirt
San Francisco 15 skýjaó
Stokkhóimur 11 skýjaó
Sydney 22 skýjaó
Tókýó 27 heióskirt
Vancouver 14 skýjaó
Vínarborg 23 heióskírt
bórshöfn 6 rigning
Aðalritstjóri Stern, Peter Koch (til hægri) á blaðamannafundi í Hamborg, þar sem dagbækur Hitlers voru
sýndar. Til vinstri er brezki sagnfræðingurinn Dacre lávarður (Hugh Trevor Roper). Starfsmaður Stern,
Giinther Schönfeld, heldur á tveimur dagbókanna.
Dagbækur Hitlers
ef til vill falsaðar
Hamborg, 25. aprfl.
BREZKI sagnfræðingurinn Dacre lávarður (Hugh Trevor Roper), sem
taldi ófölsuð skjöl þau sem birtast í v-þýzka tímaritinu Stern og sögð eru
dagbækur Hitlers, dró óvænt í land í dag. Hann kvaðst hafa misskilið
hvernig dagbækurnar hefðu fundizt og taldi nauðsynlegt að rannsaka
betur hvort þær væru ófalsaðar.
í London sagði George Young,
fyrrum yfirmaður MI6, að
A-Þjóðverjar kynnu að hafa
falsað dagbækurnar með sam-
þykki Rússa til að vekja tor-
tryggni í garð NATO. f a-þýzku
leyniþjónustunni væri skjala-
fölsunardeild sem gæti það.
NATO ætti í erfiðleikum og „allt
sem vekur efasemdir um fortíð-
ina getur vakið vantraust á nú-
tíðina". Það væri „tóm vitleysa"
að Hitler hefði leyft brezka leið-
angurshernum að sleppa frá
Dunkerque í von um sérfrið.
í Jerúsalem sagði brezki
sagnfræðingurinn Martin Gil-
bert að dagbækurnar styddu
skoðanir Rússa á Hitlerstíman-
um og hann efaðist um að þær
væru ófalsaðar. Stuðningsmenn
þess álits Rússa að Þjóðverjar
hefðu verið í bandalagi með
Bretum gegn Rússum kynnu að
hafa falsað þær. Dagbækurnar
styddu þá skoðun að enginn
munur hefði verið á nazistum og
vesturveldunum. Væg afstaða
Hitlers til Gyðinga í dagbókun-
um kæmi heim við nýja tilhneig-
ingu í sovézkum áróðri til að
benda á samhengi milli nazista
og Gyðinga nú.
Dacre lávarður kvaðst hafa
talið að einn maður gæti sannað
að dagbækurnar hefðu fundizt í
flaki þýzkrar flugvélar, sem fór
frá Berlín skömmu áður en Hitl-
er fyrirfór sér. Nú væri ljóst að
þetta væri rangt og sagnfræð-
ingar yrðu að fá að rannsaka öll
gögnin í smáatriðum.
Próf. Gerhard L. Weinberg frá
Norður-Karólínu-háskóla tók í
sama streng og kvað nauðsyn-
legt að sagnfræðingar fengju að
rannsaka allar dagbækurnar.
Hann sagði þetta á blaðamanna-
fundi með ritstjóra Stern, Peter
Koch, sem segir að dagbækurnar
verði afhentar þýzka þjóðskjala-
safninu eftir birtingu þeirra.
Koch sýndi kvikmynd sem
skýrir hvernig blaðamaður
Stern, Gerd Heidemann, hafði
upp á dagbókunum í bæ skammt
frá Dresden, A-Þýzkalandi.
Dacre sagði að þar sem Stern
vildi ekki gefa upp heimilda-
menn gæti Heidemann einn
sannað að skjölin hefðu fundizt í
flugvélarflakinu 1945.
Stern segir að þrír rithandar-
sérfræðingar teldu dagbækurnar
ófalsaðar, en að sögn Weinbergs
fengu þeir aðeins að sjá nokkur
sýnishorn af skjölum, sem
fylgdu þeim. Um 400 myndir og
teikningar eftir Hitler fylgdu
dagbókunum, m.a. nokkrar af
ástkonu hans, Evu Braun, nak-
inni.
Enski sagnfræðingurinn Dav-
id Irving sagði á blaðamanna-
fundinum að dagbækurnar, sem
ná yfir árin 1932—45, væru fals-
aðar. Þar lýsir Hitler ugg um að
ofsóknirnar gegn Gyðingum
„Kristalnóttina" svokölluðu 1938
fari út í öfgar, fordæmir Göbbels
fyrir „ástarævintýri", gerir lítið
úr Himmler og fyrirskipar að
ekki verði gripið til hefndarað-
gerða gegn borgurum í Póllandi.
Hitler á einnig að hafa lagt
blessun sína yfir „friðarferð"
Rudolfs Hess til Englands.
The Sunday Times birti í gær
útdrátt Stern, en fleira verður
ekki birt nema dagbækurnar
reynist ófalsaðar.
Austurrfki:
Kreisky segir af
sér sem kanslari
Vín, 25. apríl. AP.
BRUNO Kreisky hefur sagt af sér sem kanslari í Austurríki í kjölfar þing-
kosninganna, sem fram fóru á sunnudag, en þar tapaði flokkur hans, jafnacV
armannaflokkurinn, fimm þingsætum og hefur því ekki lengur meirihluta á
þjóðþinginu. Kreisky, sem verið hefur kanslari í 13 ár, er nú 72 ára að aldri.
Hann hefur einnig sagt af sér sem leiðtogi flokks síns og tilnefnt Fred
Sinowat varakanslara sem eftirmann sinn.
Sigurvegari í kosningunum nú eftir samfellda meirihluta stjórn
var Þjóðarflokkurinn, sem er
hægri flokkur. Hann vann fjögur
ný þingsæti og hlaut 81 alls. Þessi
flokkur lagði megin áherzlu á að-
hald í fjármálum hins opinbera og
náði að hagnýta sér í kosningabar-
áttunni þá óánægju, sem tekin var
að búa um sig á meðal kjósenda
jafnaðarmanna í meira en 10 ár.
Frelsisflokkurinn svonefndi,
sem er smáflokkur, vann eitt þing-
sæti og fékk 12 í stað 11 áður. Sá
flokkur er nú kominn í oddastöðu,
þar sem hvorugur stóru flokkanna
getur nú myndað nýja stjórn upp
á eigin spýtur. Enda þótt Kreisky
hafi áður neitað því hvað eftir
annað, að samvinna jafnaðar-
manna og Frelsisflokksins um
myndun nýrrar stjórnar kæmi til
greina, þá þykir slík stjórn nú
miklu líklegri en áður vegna kosn-
ingaúrslitanna. Samanlagt hafa
þessir flokkar 102 þingsæti af 183
á hinu nýja þingi og gætu því
myndað meirihluta stjórn.
Hvorki græningjar né kommún-
istar náðu að fá mann kjörinn á
þing. Þeir síðarnefndu fengu að-
eins rúm 30.000 atkvæði eða um
0,7%.