Morgunblaðið - 01.05.1983, Blaðsíða 41
MORGUNBLAÐIÐ, SUNNUDAGUR 1. MAÍ 1983
41
Helgi Hannesson
Helgi Hannesson:
„Mætti andspyrnu
þeirra sem ekki
vildu skilja nauö-
synina á því að
sameinast“
„1. maí er fyrst og fremst baráttu-
og hátíðisdagur verkafólks. Á þeim
degi safnast verkafólk saman og ber
fram kröfur sínar, setur fram
athugasemdir við það, sem það telur
hafa miður farið og hefst handa um
öflugri og þróttmeiri baráttu fyrir
því, að líf verkafólks verði auðugra
andlega og efnahagslega,“ sagði
Helgi Hannesson, sem var forseti
Alþýðusambandsins 1948—54.
„Þetta undirstrikar verkalýður-
inn með kröfugöngum, þar sem
óskir eða kröfur, hvort sem við
viljum kalla það, eru bornar upp
og fólk hvatt til stuðnings við bar-
áttuna fyrir bættum lífskjörum,
ekki síst þeirra sem minnst mega
sín, ef vera mætti að hægt væri að
bæta þau og fólkinu hamingju-
samara líf,“ sagði Helgi.
— Hefur 1. maí verið mikilvæg-
ur þáttur í baráttu verkalýðsins
fyrir réttindum sínum.
„Ég efa það ekki, að hann hafi
verið afar mikilvægur þáttur í
þeirri baráttu. í því sambandi ber
að líta á það, að fyrst í stað þegar
hafist var handa um stofnun
verkalýðsfélaga, stóð slagurinn
um að verkalýðsfélögin yrðu við-
urkennd af atvinnurekendum sem
hinn réttmæti samningsaðili.
Þetta kostaði margra ára mjög
harða baráttu og funda- og há-
tíðahöld verkalýðsins á 1. maf,
áttu sinn þátt í því að þjappa fólk-
inu saman, til kröftugri og öflugri
starfa".
— Er einn 1. maí þér minnis-
stæðari en annar?
„Ég er nú Vestfirðingur og var í
mörg ár formaður verkalýðsfé-
lagsins Baldurs á ísafirði. Verka-
lýðsfélögin út um landsbyggðina
fóru síðar af stað með hátíðahöld
á 1. maí, og mér er sérstaklega
minnisstæð okkar fyrstu 1. maí
hátíðahöld á Isafirði. Þau mættu
ákaflega mikilli andspyrnu þeirra,
sem ekki vildu láta sannfærast um
nauðsynina og þörfina á því að
verkafólkið sameinaðist í barátt-
unni fyrir málstað sínum. Það var
frekar að reynt væri að draga dár
að því fólki, sem fór út á götuna og
hélt uppi sínum fánum og kröfu-
spjöldum. Andstaðan var mjög
greinileg," sagði Helgi Hannesson
að lokum.
Björn Jónsson
Björn Jónsson:
„Vorum ekki nógu
mörg til aö bera
kröfuspjöldin“
„Það hefur mikla þýðingu að það
sjáist að verkalýðurinn standi sam-
einaður um stefnu sína og kröfur og
hvað það snertir hefur vettvangurinn
oftar en ekki verið 1. maí,“ sagði
Björn Jónsson, sem var forseti Al-
þýðusambands íslands 1970—80.
„Það sem brennur á verka-
lýðshreyfingunni í nútíðinni er
fyrst og fremst verðbólgan, þessi
ofsalega verðbólga, sem hefur sí-
fellt farið versnandi. Það verður
að leggja allt kapp á að vinna bug
á henni, án þess að það komi til
með að valda atvinnuleysi," sagði
Björn.
„1. maí hefur gegnt mikilvægu
hlutverki í verkalýðsbaráttunni og
kemur til með að gera það áfram.
Hann hefur eflt samstöðu fólks og
sýnt hvers það er megnugt þegar
það tekur höndum saman. 1. maí
er jafn mikilvægur verkalýðs-
hreyfingunni í dag og hann hefur
verið á undanförnum áratugum.
Það er ekki síður þörf á að verka-
lýðurinn taki höndum saman nú
en áður.“
— Eru einhver 1. maí hátíða-
höld þér minnisstæðari en önnur?
„Ja, ég skal nú ekki segja um
það. Það er þá helst, þegar við vor-
um ekki nógu mörg til að bera
kröfuspjöldin á Akureyri, einu
sinni á 1. maí fyrir stríð. Einn tók
spjöldin sem afgangs urðu og bar í
burtu, enda ekki gott að þau sæ-
ust. Að vísu voru spjöldin nokkuð
mörg, en gangan var mjög fámenn
til að byrja með, þó aðeins rættist
úr henni síðar," sagði Björn Jóns-
son að lokum.
Ásmundur Stefánsson
Ásmundur Stefánsson:
„Vil eindregiö
hvetja allt verka-
fólk til virkrar
þátttöku“
„Tilgangur 1. maí er tvíþættur.
Annars vegar að vekja athygli á
þeirri kröfugerð sem uppi er hverju
sinni og hins vegar að sýna sam-
stöðu verkafólks um kröfurnar og
verkalýðshreyfinguna,“ sagði Ás-
mundur Stefánsson, núverandi for-
seti Alþýðusambands íslands.
„Hér á árum áður var verka-
lýðshreyfingin umdeildari. Bar-
áttan var oft á tíðum persónulegri
og harðari fyrir einstaklinginn,
þannig að það var ótvírætt meira
átak að taka þátt í hátíðahöldum
1. maí á upphafsárum verka-
lýðshreyfingarinnar en það er í
dag. Verkalýðshreyfingin hefur
áunnið sér fastari og óumdeildari
rétt í þjóðfélaginu, en gildi dags-
ins fyrir verkalýðshreyfinguna til
þess að vekja athygli á þeirri
kröfugerð sem uppi er á hverjum
tíma, hefur síst minnkað að mínu
mati og þörfin á því að sýna sam-
stöðu er ekki minni nú en áður. Ég
vil því eindregið hvetja allt verka-
fólk til virkrar þátttöku í sam-
komum dagsins," sagði Ásmundur
Stefánsson að lokum.
„Dansar frá Broad-
way“ í Broadway
UM ÞESSAR mundir er sýndur í Broadway ballettinn „Dansar frá
Broadway" og hefur hann vakið mikla athygli.
í sýningunni taka þátt 15 dansarar frá Dansstúdíói Sóleyjar og
það er Sóley Jóhannsdóttir, sem samdi dansinn og stjórnar honum.
Tónlistin er úr söngleiknum Dream Girls og úr kvikmyndinni
Victor-Victoria. Jórunn Karlsdóttir hannaði búningana og Gísli
Sveinn Loftsson stjórnar ljósum og hljómlist.
Með þessari sýningu er leitast við að sýna dansa eins og þeir
tíðkast í söngleikjahúsum stórborganna. Sýningin verður i Broad-
way næstu helgar.
(3%B
Sumarbúðir
skáta Úlfljótsvatni
Sumarbúðir verða reknar á vegum skáta að Úlfljótsvatni
sumarið 1983. Börn fædd 1970 til 1975 geta dvalið í
viku eöa hálfan mánuð við leik og störf í fögru umhverfi.
Brottför Heimkoma Brottför Heimkoma
1. 9. júní til 16. júní 5. 13. júlí til 20. júlí
2. 16. júní til 23. júní 6. 20. júlí til 27. júlí
3. 27. júní til 4. júlí 7. 2. ágúst til 9. ágúst
4. 4. júlí til 11. júlí 8. 9. ágúst til 16. ágúst
Innritun hefst mánudaginn 2. maí að Snorrabraut 60, 2.
hæð. Opið verður kl. 13 til 17. Upplýsingar eru í símum
25022 og 23190 (erfitt getur verið að ná sambandi í
síma fyrstu dagana).
Úlfljótsvatnsrád.
Fróöleikur og
skemmtun
fyrirháa sem lága!
1. MAÍ
Opiö hús
— Kaffiveitingar
Hið nýja húsnæöi V.R. í Húsi Verzlunarinnar veröur til ;
sýnis fyrir félagsmenn og fjölskyldur þeirra 1. maí frá
kl. 15.00—18.00.
Félagsmenn eru hvattir til aö fjölmenna.
Kaffiveitingar.
Lúðrasveit leikur frá kl. 15.00.
Veriö virk í V.R.
Verzlunarmannafélag Reykjavíkur.
^^mmmm—mmmi^^^mmmm—mmi^^m