Morgunblaðið - 01.05.1983, Blaðsíða 46

46
MORGUNBLAÐIÐ, SUNNUDAGUR 1. MAÍ 1983
Elín Rósa Bjarnadóttir var tvímælalaust sigurvegari dagsins, sigraði í skeifukeppninni, fékk ásetuverðlaun FT.
Varð önnur í gæðingakeppninni og önnur í atkvæðagreiðslunni um bestu hirðingu. Góður árangur, ekki satt.
Reykvísk stúlka
rýfur tuttugu og sex
ára einveldi karla
Hér ríða í breiðfylkingu þau fimm sem efst urðu í skeifukeppninni, en þau eru frá hægri: Elín á Presti, Jón á Fönn,
Ágúst á Rauðhettu, Hermann á Greifa og Anna á Freyju.
Skeifukeppni
á Hvanneyri
Hestar
Valdimar Kristjánsson
Á SUMARDAGINN fyrsta héldu
Hvanneyringar upp á hinn árlega
skeifudag en þá keppa nemendur
um Morgunblaðsskeifuna sem veitt
hefur verið árlega síðastliðin tuttugu
og sex ár. Þótt sumar hafi gengið í
garð þennan dag samkvæmt alm-
anaki var ekki hægt að tala um
sumarveður því frost var og vind-
gjóla með smáéljagangi. En þrátt
fyrir þessi ósköp fór keppnin vel
fram og var skoðun manna sem
fylgst hafa með skeifukeppninni í
gegnum árin að nemendur sýni stöð-
ugar framfarir í tamningu hrossa.
í reglum skeifukeppninnar segir
meðal annars: „í skeifukeppni er
keppt um silfurskeifu sem gefin er
af Morgunblaðinu. Allir nemendur
á Hvanneyri hafa þátttökurétt í
keppninni einu sinni á skólaferli
sínum. Hver nemandi má mæta til
keppni með einn hest sem hann
hefur frumtamið hér á stað“ (þ.e.
á Hvanneyri). Gefnar eru ein-
kunnir fyrir allar gangtegundir,
ásetu, hlýðni hestsins og þokka
hans í reið, útlit hests og knapa og
teymingu. Til leiks voru skráðir
tuttugu og fimm og er það að öll-
um líkindum mesta þátttaka frá
upphafi.
Silfurskeifuna hlaut að þessu
sinni Elín Rósa Bjarnadóttir, átj-
án ára Reykjavíkurmær, og keppti
hún á hestinum Presti frá Kirkju-
bæ undan Loga 907 og Hrönn sem
bæði eru frá Kirkjubæ. Hlaut Elín
84,5 stig af 100 mögulegum, einnig
hlaut hún ásetuverðlaun Félags
tamningamanna. í öðru sæti varð
Jón Vilmundarson en hann keppti
á hryssunni Fönn frá Skeiðháholti
en hún er undan Högna 884 frá
Sauðárkróki og Flugu 3349 en þess
má til gamans geta að Fönn er
hálfsystir Fannars, skeiðhestsins
fræga. Jón hlaut 83,5 stig. í þriðja
sæti varð svo Ágúst Sigurðsson en
hann keppti á hryssu sinni Rauð-
hettu frá Kirkjubæ en hún er und-
an Þætti 722 og Brönu 4721 bæði
frá Kirkjubæ. Ágúst hlaut 81,5
stig.
Tímaritið Eiðfaxi hefur til
skamms tíma veitt bikar fyrir
bestu hirðingu og fer val þannig
fram að nemendur sem hesta hafa
í húsi staðarins og þeir starfs-
menn sem hirða í hesthúsi greiða
atkvæði um það hverjum beri
þessi viðurkenning. Að þessu sinni
hlaut bikarinn Eydís Benedikts-
dóttir.
Að lokinni skeifukeppni fór
fram gæðingakeppni hestamanna-
félagsins Grana en það er félag
þeirra sem stunda hestamennsku
á Hvanneyri. Keppni þessi var
opin íbúum staðarins. Sigurvegari
varð Rauðhetta frá Kirkjubæ, eig-
andi og knapi Ágúst Sigurðsson.
Einkunn Rauðhettu var 8,11 og
verður það að teljast góður árang-
ur hjá svo ungu hrossi en hún er
aðeins fjögurra vetra gömul. Er
hér greinilega á ferðinni eitt af
gullkornum Kirkjubæjarbúsins. í
öðru sæti varð svo Prestur frá
Kirkjubæ, eigandi Jón Ingi Bald-
ursson en knapi Elín Rósa Bjarna-
dóttir. Prestur hlaut í einkunn
7,75. í þriðja sæti varð svo Sneggla
5509 frá Ytra-Dalsgerði, eigandi
Hugi Kristinsson og knapi Krist-
inn Hugason. Að öllu þessu loknu
var boðið upp á veitingar í mötu-
neyti skólans og voru verðlaun af-
hent að þessu sinni innanhúss sök-
um kulda.
í tilefni skeifukeppninnar gáfu
nemendur út rit mikið sem inni-
heldur mótsskrá og ýmsan fróð-
leik um hesta og hestamennsku.
Þar á meðal er grein sem ber yfir-
skriftina Annáll veturinn 1983. í
annál þessum er lýst í fáum orðum
gangi tamningar hjá þeim sem
hesta höfðu. Væri ekki úr vegi að
grípa niður í þessa grein sem
skrifuð er í léttum dúr til að gefa
lesendum Mbl. betra innsýn í
tamningar Hvanneyringa.
„Arnaldur Sigurðsson kom all-
seint með rauðan háaldraðan klár
sem hann hefur notað til reiðar.
Klárinn hefur stundum þóst ung-
ur í anda og losað sig við Arnald.
Skal ekki þvertekið fyrir að knap-
inn hafi sofnað af gömlum vana og
hesturinn ekki sætt sig við það og
viljað gera gangskör í því að vekja
Arnald."
„Helga Þórisdóttir kom með
gráa hryssu sem hafði verið með
folaldi og var því svolítið kviðsíð.
Ráðsmaðurinn kallaði hana
„ömmugránu". Helga þurfti að
fara með merina heim eftir að hún
lenti í „slysi“. Þá kom hún með
gráan klár taminn, hálfbróður
Ömmugránu. Hefur Helga jafnan
riðið berbakt.
Fyrsti útreiðartúrinn eftir
páskafrí fékk sviplegan endi þegar
Helga skildi við klárinn á mikilli
ferð þar sem hann beygði mjög
snögglega en Helga hélt beinni
stefnu og lenti á höfðinu. Eftir
þennan válega atburð hefur Helga
þótt undarleg í háttum og er farin
að ríða í hnakk."
„Og svo var það Guðmundur
Jónsson, Skagfirðingur, sem var
með brúna hryssu borgfirska að
ættum. Fljótlega fór að bera á því
að hryssan var gædd bæði viti og
frekju. Eftir að Guðmundur fór að
ríða umræddum grip kom það all-
oft fyrir að merin setti Guðmund
ofan og ryki síðan út í loftið þrátt
fyrir að Gvendur beitti fortölum á
„skagfirsku". Einnig vakti það at-
hygli til viðbótar ofantöldu þegar
Guðmundur hugðist sundleggja í
Andakílsá ásamt fleirum að merin
virtist nokkuð slyng í kafsundi."
f þessu blaði er einnig grein eft-
ir Magnús B. Jónsson skólastjóra
sem ber yfirskriftina „Um hrossa-
rækt og hestamennsku í búnað-
arnámi". Lætur hann þar í ljós þá
skoðun sína að stefna beri að því
að hrossarækt og hestamennska
verði valgrein við Bændaskólann á
Hvanneyri. Er ánægjulegt að
heyra þessa skoðun skólastjórans
því mikil þörf er á slíku meðan
ekki er starfræktur opinber
reiðskóli. Ennfremur segir hann í
grein sinni: „Valgrein í hrossa-
rækt og hestamennsku er erfitt að
bjóða upp á nema í náinni sam-
vinnu við þá aðila sem sinna mál-
efnum hrossaræktar og hesta-
mennsku í landinu." Þessir aðilar
eru væntanlega Landsamband
hestamannafélaga og Búnaðarfé-
lag íslands og er þessu hér með
komið á framfæri við áðurnefnda
aðila.
VK
Úrslit urðu sem hér segir:
Skeifukeppni: stig
1. Elín Rósa Bjarnadóttir á Presti
frá Kirkjubæ 84,5
2. Jón Vilmundarson á Fönn frá
Skeiðháholti 83,5
3. Ágúst Sigurðsson á Rauðhettu frá
Kirkjubæ 81,5
4. Hermann Ingason á Greifa fra
Búðarhóli 79,0
5. Anna Harðardóttir á Freyju frá
Holti 77,0
Ásetuverðlaun FT
Elín Rósa Bjarnadóttir.
Eiðfaxabikar fyrir bestu hirðingu
Eydís Benediktsdóttir.
Gæðingakeppni
1. Rauðhetta frá Kirkjubæ. Eig-
andi og knapi: Ágúst Sigurðs-
son. Eink.: 8,11.
2. Prestur frá Kirkjubæ. Eigandi
Jón Ingi Baldursson. Knapi El-
ín Rósa Bjarnadóttir. Eink.
7,75.
3. Sneggla 5509 frá Ytra-Dals-
gerði. Eigandi Hugi Kristins-
son. Knapi Kristinn Hugason.
Eink. 7,72.
Viðurkenningu fyrír góða hirðu á hesti sínum fékk Eydís Benediktsdóttir en
það er Eiðfaxi sem veitir bikarinn. Eydfs var með hryssuna Hlökk frá Arabæ.
Verðlaunahafar í gæðingakeppninni eru fri vinstri: Kristinn á Sneglu, Elín á Presti og sigurvegarinn, Rauðhetta, og
eigandi hennar, Ágúst Sigurðsson, situr hana.