Morgunblaðið - 04.05.1983, Blaðsíða 1
72 SlÐUR
Stórhýsi hrundu og
önnur lögðust saman
Bærinn Coalinga í Kaliforníu í rúst eftir jarðskjálfta
('oalinga, Kaliforníu, 3. maí. AP.
B/GRINN Coalinga í Kaliforníu er í
rúst eftir öflugan jarðskjálfta, sem
varð þar í gær. Hús hrundu af stöpl-
um sínum, þök féliu niður, stórar
byggingar lögðust saman og gas-
leiðslur sprungu, svo að 15 metra
háar eldsúlur gusu upp í loftið. Yfir
45 manns slösuðust en enginn beið
bana. Þykir jarðskjálfti þessi vekja
upp óþægilegar endurminningar um
jarðskálftann árið 1906, er San
Francisco brann til grunna.
Coalinga er bær með um 7.000
íbúum um 320 km suðaustur af
San Francisco. Nær allar bygg-
ingar í bænum eru skemmdar eft-
ir jarðskjálftann, sem mældist 6,5
stig á Richters-kvarða. „Þetta er
hræðilegt," var haft eftir Keith
Scrivner, bæjarstjóra í Coalinga.
„Öll íbúðarhús hafa orðið fyrir
miklum skemmdum, helmingur
þeirra kann að vera alveg ónýtur.
Það, sem eftir er af gamla mið-
bænum, verður að jafna við jörðu
og flytja síðan rústirnar brott.
Allir hafa orðið fyrir hræðilegu
tjóni."
„Það eru svona hlutir, sem mað-
ur horfir á i bíó,“ sagði Bob Green,
sem rétt náði að flýja út úr verzl-
un, áður en hún hrundi saman að
baki honum. Samtímis mátti hann
horfa upp á, hvernig veitingakrá
beint á móti honum hrundi út á
götuna og yfir bíl hans, sem þar
stóð. Bíllinn lagðist gersamlega
saman.
Jarðskjálftinn fannst á yfir 700
km löngu svæði allt frá Sacra-
mento til San Bernardino og inn í
vesturhluta Nevada. Þótt hann
væri öflugur, var hann þó ekki
eins öflugur og jarðskálftinn
háskalegi í San Francisco 1906,
sem talinn er hafa numið 8,3 stig-
um á Richters-kvarða, en sá mæli-
kvarði hafði þá ekki enn verið tek-
inn i notkun.
Pólska herstjórnin
neitar áskorunum páfa
Neitar að
náða póli-
tíska fanga
Varsjá, 3. mai. AP.
PÓLSKA herstjórnin neitaði í
dag að verða við áskorunum Jó-
hannesar Páls páfa II um að
náða pólitíska fanga í Póllandi,
áður en hann heimsækir landið
um miðjan júní nk. Jerzy Urban,
talsmaður herstjórnarinnar,
gagnrýndi jafnframt tilmæli
Lech Walesa, leiðtoga Samstöðu,
um viðræður við stjórnvöld og
sagði, að þessi verkalýðssamtök
tilheyrðu nú sögunni.
Sveitir herlögreglumanna
fóru enn í dag um götur borg-
anna Varsjá og Gdansk í því
skyni að koma í veg fyrir, að
mótmælaaðgerðir sams konar
og á sunnudag yrðu endur-
teknar. Dagurinn í dag var
svonefndur „stjórnarskrárdag-
ur“ í Póllandi og var þjóðhá-
tíðardagur landsins fyrir
heimsstyrjöldina síðari. Er
hann enn haldinn hátíðlegur
víða í landinu. í fyrra kom til
mótmælaaðgerða af hálfu
Samstöðu í 50 pólskum borg-
um og bæjum þennan dag.
Harðnandi
átök í
Afganistan
Islamabad, 3. maí. AP.
FRELSISSVEITIR Afgana hafa hert
mjög hernaðaraðgerðir sínar gegn
stjórninni í Kabúl undanfarna daga,
en nú eru 5 ár liðin frá því að stjórnin
framkvæmdi valdarán í landinu með
aðstoð Sovétríkjanna. Höfðu stjórn-
völd í Kabúl þótzt eiga von á þessum
aðgerðum frelsissveitanna og af þeim
sökum var öllum læknum í borginni
fyrirskipað að tilkynna sig sérstaklega
til starfa kl. 6.00 að morgni 27. aprfl sl.
Haft er eftir áreiðanlegum heim-
ildum, að herflugvél stjórnarinnar
hafi lent á flugvellinum í Kabúl sl.
fimmtudag og hafi hún flutt 100 „al-
varlega særða hermenn" frá víg-
stöðvunum í suðausturhluta lands-
ins eftir einhver mannskæðustu
átök, sem þar hafa orðið allt frá því
að styrjöldin hófst í landinu fyrir
þremur árum. Hefðu margir þess-
ara manna dáið á leiðinni frá
vígstöðvunum til Kabúl og enn aðrir
í sjúkrahúsi eftir að þangað var
komið.
Ekkert lát er nú á hernaðarað-
gerðum frelsissveitanna, sem hafa
að undanförnu hvað eftir annað lok-
að allri umferð eftir aðalþjóðbraut-
inni frá Kabúl, þannig að samgöng-
ur til og frá borginni hafa verið
miklum erfiðleikum háðar.
Frá jarðskjálftasvœðunum
Miðbærinn í Coalinga er líkastur því, sem hann hafi orðið fyrir loftárás eftir jarðskjálftann, sem þar varð á mánudag. Svo til öll hús og
mannvirki í þessum 7.000 manna bæ í Kaliforníu stórskemmdust í jarðskjálftanum, sem mældist 6,5 stig á Richters-mæli.
Svíþjóð:
Kafbátaleitin heldur áfram
Stokkhólmi, 3. maí AP.
SÆNSKI flotinn leitaði í dag ákaft
að erlendum kafbátum i sjónum
innan sænskrar lögsögu bæði fyrir
austan og vestan Svíþjóð, eftir að
vart hafði verið slikra kafbáta, að
því er talið var. Umfangsmikil leit
fór í fyrsta lagi fram í Gullmarsfirði
á vesturströndinni um 100 km fyrir
norðan Gautaborg. Þeirri leit var
hætt kl. 5.00 eftir hádegi að staðar-
tíma í dag, er vissa þótti fengin fyrir
því, að kalbáturinn væri á bak og
burt.
í öðru lagi var leitað að kafbát í
grennd við Sundsvall á austur-
ströndinni um 400 km fyrir norð-
an Stokkhólm og verður þeirri leit
haldið áfram. Hefur kafbátaleitin
þar nú staðið yfir í fimm daga, en
síðastliðna nótt þóttust menn enn
hafa orðið þar kafbáts varir.
Norski flotinn hætti kafbátaleit
sinni kl. 8.00 í kvöld að staðar-
tíma, en sú leit hafði þá staðið
yfir í sjö daga. Á manúdag var
varpað tveimur djúpsprengjum að
Norska freigátan „Oslo“ við kafbátaleit I Harðangursfirði. Kafbátaleit-
inni þar var hætt í gær, en hún hófst á miðvikudaginn var, er tveir kafarar
töldu sig hafa séð þar turninn á óeinkennismerktum kafbáti.
hugsanlegum kafbát, án þess að
það bæri nokkurn árangur, en
tveir norskir kafbátar, ein freig-
áta og flugvélar héldu þá enn
áfram umfangsmikilli leit.
Kafbátaleit Norðmanna hófst á
miðvikudaginn var, eftir að tveir
kafarar fullyrtu, að þeir hafðu séð
turninn á óeinkennismerktum
kafbáti í hálfa klukkustund í
Harðangursfirði. Hefur yfir 20
öflugum flugskeytum verið skotið
að þessum kafbáti undanfarna
daga fyrst og fremst í því skyni að
knýja hann upp á yfirborðið, án
þess þó að það hafi tekizt.
Hakon B. Ellingsen flotafor-
ingi, sem stjórnað hefur leitinni,
sagði í dag, að það væri „mjög
sennilegt", að einn eða tveir kaf-
bátar hefðu farið inn í norska lög-
sögu, en ekkert benti til þess, að
þeir væru þar enn. Norski flotinn
yrði samt áfram á varðbergi, þó
að kafbátaleitinni væri hætt að
sinni.