Morgunblaðið - 04.05.1983, Blaðsíða 30

30
MORGUNBLAÐIÐ, MIÐVIKUDAGUR 4. MAÍ 1983
Hjálparstofnun kirkjunnar:
25% innsendra skömmt-
unarseðla skila sér
ekki inn vegna fátæktar
100 tonn af
NÝLEGA komu fulltrúar
kirkjulegra hjálparstofnana
frá Evrópu og Bandaríkjunum
saman í Póllandi til þess að
meta og samræma hjálpar-
starfíð við Pólland í Ijósi ríkj-
andi aðstæðna. Fundir voru
haldnir með leiðtogum pólska
Samkirkjuráðsins og katólsku
kirkjunnar, auk þess sem full-
trúar ferðuðust um landiö og
kynntu sér ástandið, skipulag
dreifíngar hjálpargagna og
heimsóttu velferðarstofnanir.
Almennt hafa kjör almennings
nokkuð batnað, þó enn sé ástandið
slæmt miðað við þær aðstæður
sem Vesturlandabúar eiga að
venjast. Laun eru mjög lág en verð
á nauðsynjum hátt og takmarkað
íslenzkri sfld
til Póllands
framboð. Enn ríkir skömmtun á
mörgum nauðsynjavörum eins og
kjöti, mjólk og brauði. Kirkjan í
Póllandi upplýsir að 25% útgef-
inna skömmtunarseðla skili sér
ekki inn vegna fátæktar, en
stjórnvöld viðurkenna 10%, segir í
frétt frá Hjálparstofnuninni.
En ástandið er verst og mjög
alvarlegt hjá þeim hópum fólks
sem ekki geta unnið, eins og öldr-
uðum og öryrkjum, sjúkum og
barnmörgum fjölskyldum. Sam-
ráðsfundurinn í Póllandi sam-
þykkti að beina aðstoðinni á þessu
ári sérstaklega til þess fólks.
Pólska kirkjan hefur skipulagt
mjög umfangsmikla heimilisþjón-
ustu við þetta fólk, rekur dvalar-
heimili aldraða og fylgist mjög
náið með aðstæðum á sjúkrahús-
um og velferðarstofnunum. í
sumar áætlar kirkjan að stórefla
sumarbúðastarf fyrir börn til að
létta undir með barnmörgum fjöl-
skyldum. Samráðsfundurinn sam-
þykkti að styðja pólsku kirkjuna í
þessu mannúðarstarfi.
Upplýst var á fundinum í Pól-
landi að hjálparstofnanir innan
Alkirkjuráðsins hafi nú til um-
ráða um 20 milljón íslenskar krón-
ur til hjálparstarfs í Póllandi.
Ákveðið var að dreifa hjálpar-
sendingum á árið, en síðan er allt
óvíst um frekara hjálparstarf.
Fram kom á fundinum að ís-
lenska aðstoðin, kjötið og síldin,
sem Hjálparstofnun kirkjunnar
hefur sent til Póllands hafi komið
að miklu gagni og komu fram
óskir frá pólsku kirkjunni hvort
mögulegt yrði að senda meira.
Samráðsfundurinn samþykkti að
leggja fram fé til kaupa á íslenskri
síld, allt að 100 tonnum sem send
yrðu til dreifingar í maí og nóv-
ember. Hjálparstofnun kirkjunn-
Hve margir eru boltarnir? Verzlunin Bikarinn við Skólavörðustíg hefur efnt til
getraunar, sem standa mun til 1. júní. Hún er fólgin í því að gizka á fjölda
bolta, sem komið hefur verið fyrir í einum af sýningargluggum verzlunarinnar.
Þátttaka er ókeypis og í verðlaun er dýrasti fótboltinn, sem fæst hjá Bikarnum.
ins. Helmingur þessa magns hefur
þegar verið sendur áleiðis til Pól-
lands til dreifingar í maí. Hafskip
flutti síldina endurgjaldslaust en
áður hefur skipadeild SfS flutt um
100 tonn af síld vegna aðstoðar-
innar við Pólland endurgjalds-
laust.
Fulltrúi Hjálparstofnunarinnar
á samráðsfundinumí Póllandi var
Gunnlaugur Stefánsson.
Frá sýningu Myndlistarfélags Borgafjarðar í Grunnskólanum í Borgarnesi.
Grunnskólinn í Borgarnesi:
35 frístunda-
málarar sýna
Borgarnesi, 2. maí.
í Grunnskólanum í Borgarnesi hafa félagar í Myndlistarfélagi
Borgarfjarðar undanfariö sýnt 81 verk eftir 35 frístundamálara,
unnin á hinn fjölbreytilegasta hátt; með olíu, vatnslitum, pastel,
japönskum litum, tússi og blýantsteikningar o.fl. Auk þess er
nokkur vefnaður á sýningunni. Sýningin er þáttur í Borgfírðinga-
vöku.
Myndlistarfélag Borgarfjarðar
var stofnað á sl. ári fyrir forgöngu
Guðmundar Sigurðssonar, skóla-
stjóra, af fólki sem var á nám-
skeiði í myndlist í námsflokkum
Borgarness. í vetur hélt félagið
námskeið sem Páll Guðmundsson,
listmálari frá Húsafelli, kenndi á,
og félagarnir tóku einnig þátt í
námsflokkunum í vetur. Sýningin
er að langmestu leyti afrakstur
þessa starfs. Til sýningarinnar
var stofnað m.a. til að sýna hvað
þetta áhugafólk er að fást við.
Fólkið er afar misjafnlega langt á
veg komið og eru verkin því mjög
mismunandi að allri gerð og gæð-
um. Það breytir þó ekki þvf, að
innanum er fólk sem kemur mjög
á óvart og gæti e.t.v. látið að sér
kveða á þessu sviði í framtíðinni.
Jafnhliða sýningu myndlistarfé-
lagsins er í grunnskólanum sýning
á úrvali verka nemenda Barna-
skólans að Varmalandi síðustu ár-
in. Á þeirri sýningu eru hátt á
annað hundrað verk, bæði myndir
og smíðisgripir. Þessi sýning hef-
ur einnig vakið mikla athygli og
þykir eftirtektarvert hvað tekist
hefur að laða mikla hæfileiika
fram hjá börnunum, en það er
Vígþór Jörundsson, skólastjóri
Vamalandsskóla, sem kennir þess-
ar námsgreinar við skólann.
HBj.
Það er ekki annað að sjá en kútmaginn bragðist sæmilega. Talið frá
vinstri: Pétur Pétursson, Jóhannes Ellertsson, Kristján Björnsson og
Ágúst Skarphéðinsson.
„Blátt lítið blóm eitt er...“ Eyvindur Ásmundsson, Birgir Guðmundsson,
Ingþór Friðriksson og Björn Jóhannsson.
Borgarnes:
Fjörugt
kútmaga-
kvöld
hjá Lions-
mönnum
Borgarncsi, 14. mars.
ÞAÐ VAR mikið fjör hjá Lions-
mönnum í Borgarnesi og gestum
þeirra á svokölluðu kútmagakvöldi
Lionsklúbbs Borgarness, sem ný-
lega var haldið að Hótel Borgar-
nesi eins og Ijósmyndir Geirs
Björnssonar bera með sér.
Þetta kútmagakvöld var að-
eins það þriðja sem Lionsmenn
halda, en þrátt fyrir það eru þau
að verða álíka fræg og þorrablót-
in sem klúbbfélagar héldu áður
en kútmagakvöldin voru tekin
upp og er þá mikið sagt. Að
sjálfsögðu var hlaðið fiskrétta-
borð með mjög fjölbreyttum og
góðum réttum og á eftir
skemmtu Lionsmenn sér og gest-
um sínum, sem að sjálfsögðu
voru allir karlmenn, með söng og
ýmis konar senum fram eftir
kvöldi.
HBj.
„Litlu andarungarnir ...“ Eyvindur Asmundsson, Ágúst Skarphéðinsson,
Guðmundur Ingimundarson, Björn Arason, Páll Guðbjartsson, Baldur
Bjarnason (syndandi) og Haukur Gfslason (sitjandi).
Þórður Bachmann, Júlíus Jónsson og Hólmsteinn Arason.