Morgunblaðið - 05.05.1983, Blaðsíða 35

MORGUNBLAÐIÐ, FIMMTUDAGUR 5. MAÍ 1983
35
Minning:
Teitssystur
Þær voru alltaf kallaðar Teits-
systur, Guðrún, Helga og Petra.
Hinar tvær, Sigríður og Kristín,
voru giftar. Svo var einn bróðir,
Bergþór Teitsson. Hann er dáinn.
Þau eru öll dáin nema Kristín,
sem er komin yfir nírætt.
Helga dó þann 25. apríl sl. Ég
held að ég fari rétt með að hún
hafi verið 88 ára gömul. Það er
þess vegna sem ég lít til baka og
rétti höndina yfir Atlantshafið til
þess að minnast þessarra yndis-
legu kvenna, móðursystra minna.
Sigríður, móðir mín, er dáin
fyrir löngu. Hún dáði systur sínar,
Guðrúnu, Helgu og Petru, sem all-
ar bjuggu saman. Þær voru ógift-
ar. Það voru þær sem sendu árlega
jólakassann uppí dalinn. Það var
ekki bara um jólin sem hlýjan og
birtan umvafði okkur systrabörn
þeirra, börn Sigríðar og Kristínar,
við áttum öll þrjár auka „mömm-
ur“. Við áttum svo gott. Dyrnar
voru alltaf opnar fyrir okkur. Við
áttum heimili þar sem þær voru
til húsa.
Hvernig er hægt að þakka þetta
allt? Hvernig er hægt að lýsa því
að þessar systur elskuðu hvor
aðra? Þeim rann aldrei í skap.
Þær voru algjörlega einhuga um
að gera öllum gott og þó sérstak-
lega frændfólki sínu.
Helga var kannski stundum lík
ijónynju, sem hristi ungviði sín til,
en lét þau varlega niður, svo þau
næðu fótfestu aftur. Hjartað var
stórt og gjöfult. Hún vildi á sinn
máta vernda okkur öll.
Þegar Kristín, systir þeirra,
varð ekkja, átti hún enga heitari
ósk en flytja til systra sinna. Hún
lét að þeirri ósk sinni. Dauðinn
hlífði ekki þeim systkinunum.
Guðrún var dáin, sú heiðurskona.
Fólki hlýnar um hjartaræturnar
að hugsa um hana. Spengileg í ís-
lenzkum búningi, alltaf reiðubúin
að greiða götur annarra. Og
Petra? Blíð og ástúðleg. Bakdyrn-
ar voru opnaðar fyrir vangefnu
fólki og margan kaffibollann og
kökurnar gaf hún. Þær höfðu
sama áhugaefnið: Gleðin var að
gefa, og við systrabörnin nutum
þess í ríkum mæli. Guðirnir gáfu
þeim öllum fegurð, gáfur og tak-
markalausan hlýleika.
Helga stóð ef til vill fremst,
snögg í hreyfingum, lág í vexti.
Það var ekki auðvelt að fara fram-
hjá henni.
Síðustu árin, þegar ellin tók yf-
irhöndina, urðu þær systur, Helga
og Kristín, tvær eftirlifandi, að
skiljast. Kristín fór á dvalarheim-
ili fyrir aldraða, þar sem hún enn
í dag brosir sínu fallega brosi og
lifir aftur samveruárin sín með
með systrum sínum.
Hún er ein eftir. Framtíðin er
einskis virði, bezt að líta aftur í
tímann.
Heiga þjáðist af liðagigt og kom
sú veiki henni í hjólastól. Hún bjó
síðustu árin hjá systursyni sínum,
Teiti Finnbogasyni og Dúnu konu
hans, sem litu eftir henni af mik-
illi alúð.
„Ég les öll blöðin á hverjum
degi,“ sagði hún og hló, þegar ég
sá hana sl. sumar. „Svo á ég svo
gott. Það á engin gömul kona eins
gottogég."
„Það á enginn eins gott og við,“
hugsaði ég, „að hafa átt Teitssyst-
ur fyrir frænkur."
Blessuð sé minning mömmu,
Guðrúnar, Petru, Helgu og Berg-
þórs, bróður þeirra. Nafna mín,
lifðu heil.
Norwich, Englandi, 30.
apríl 1982.
Kristín Finnbogadóttir,
Boulton.
Bókasafnsvika á Akranesi
Akranesi, 3. maí.
í TILEFNI bókasafnsviku 1983, sem
stendur yfir dagana 2. til 6. maí, efnir
Bæjar- og héraðsbókasafniö á Akranesi
til kynningar á starfsemi sinni. Sýndar
verða bækur frá vinabæjum Akraness á
Norðurlöndum. Einnig mun liggja
frammi greinargerð fyrir aðalskipulagi
Akraness áranna 1980 til 2000 ásamt
uppdráttum.
Þessa daga verða einnig felldar
niður allar dagsektir á bókum í van-
skilum.
Starfsemi bókasafnsins er öflug
um þessar mundir. í ársskýrslu kem-
ur fram að alls voru lánuð 1982 53
bindi af bókum. Er það heldur meira
en árið áður. Bókakostur safnsins um
sl. áramót var 27.400 bindi, og á sl.
ári var varið 270 þúsund kr. til bók-
akaupa. Þessi fjárveiting dugði hins
vegar ekki nema fram undir jól 1982.
Hafa engar bækur verið keyptar sið-
an, og ekki séð fyrir endann á því
ástandi vegna fjárhagsvanda bæj-
arsjóðs.
Arið 1983 var í fyrsta skipti sér-
stök fjárveiting til væntanlegs
skjalasafns. Var byrjað á því að
grófraða skjölunum og merkja þau. I
kjallara safnsins er sýningarsalur og
voru þar haldnar fimm listsýningar
1982. Hjálmar Þorsteinsson kennari
og listmálari hefur skráð öll lista-
verk í eigu safnsins, þar sem allar
helstu upplýsingar um verkin koma
fram. Er fyrirhugað að þessari
spjaldskrárgerð verði haldið áfram
eftir því, sem listaverkafjöldi safns-
ins eykst. Leiga fyrir sýningarsal
safnsins er verk frá viðkomandi
listamanni.
Bæjar- og héraðsbókasafnið ann-
ast einnig rekstur bókasafns á Dval-
arheimilinu Höfða. Einnig eru lánað-
ar 20 til 30 bækur í senn til skips-
hafna, og hefur sú þjónusta lánast
vel. Útlán talbóka frá hljóðbókasafn-
inu til blindra og sjónskertra hefur
stöðugt farið vaxandi. Við safnið
starfa nú sex manns, í þremur stöðu-
gildum. Bókaverðir eru þær Sigríður
Árnadóttir og Halldóra Jónsdóttir.
- J.G.
Vinnubillinn frá MAZDA
með mörgu
möguleikana
E 1600 pallbíllinn frá MAZDA hefur
þegar sannað ágæti sitt við fjöl-
breyttar aðstæður í íslensku
atvinnulífi. Hann er frambyggður,
með 1 tonns burðarþoli, byggður á
sterkri grind og með tvöföldum
afturhjólum. Hann er óvenju
þægilegur í hleðslu og afhleðslu,
þar sem pallgólfið er alveg slétt og
án hjólskála og hleðsluhæðin er að-
eins 73 cm með skjólborðin felld
niður.
Örfáir bílar til afgreidslu strax á sérstöku
afsláttarverði. Verð áður kr. _24k00fr
VERÐ NÚ KR.
188.000
gengisskr 3. 5. '83
BILABORG HF
Smiðshöfða 23 sími 812 99
TIL STJÓSTANGAVEIÐI “
HANDFÆRAVEIÐAR
MEÐ STÖNG
SJÓVEIÐISTENGUR
MEÐ HJÓLI
SJÓSPÚNAR OG PILKAR
MJÖG FJÖLBR. ÚRVAL
HANDFÆRAVINDUR
FÆREYSKAR
NÆLONLÍNUR
HANDFÆRAÖNGLAR
MEð GERVIBEITU
HANDFÆRASÖKKUR
1125—2000 GR.
KOLAFÆRI OG VINDUR
KOLANET
SILUNGANET
RAUÐMAGANET
GRÁSLEPPUNET
NETAFLOT
SIGURNAGLAR
HÁKARLAÖNGLAR
SKÖTULÓDARÖNGLAR
BJÖRGUNARVESTI
FYRIR BÖRN OG FULLORDNA
GARÐYRKJUÁHÖLD
SKÓFLUR ALLSKONAR
RISTUSPADAR
KANTSKERAR
GARÐHRÍFUR
GIRÐINGATENGUR
GIRÐINGAVÍR, GALV.
GARÐKÖNNUR
VATNSÚÐARAR
SLÖNGUKRANAR
SLÖNGUTENGI
SLÖNGUGRINDUR
JÁRNKARLAR
JARÐHAKAR
SLEGGJUR
GARÐSLÖNGUR
20 OG 30 MTR.BT.
GÚMMÍSLÖNGUR
ALLAR STÆRÐIR
PLASTSLÖNGUR
GLÆRAR MEÐ OG
ÁN INNLEGGS
DELTA-SKIPADÆLUR
BÁTADÆLUR
VÆNGJADÆLUR
FEEÖ5
VIR- OG
BOLTAKLIPPUR
Ananaustum
SÍMI 28855
OPID LAUGARDAG 9—12