Morgunblaðið - 08.05.1983, Side 23
MORGUNBLAÐIÐ, SUNNUDAGUR 8. MAÍ1983
23
„Finnst gaman að
kynnast nýju fólki“
Unnur Steinsson er fædd 27. apríl 1963 og uppalin á Seltjarnarnesi.
Hún var fulltrúi ungu kynslóðarinnar 1980, og hefur verið starfandi í
Módel 79. Unnur er í Fjölbrautaskólanum í Breiðholti og lýkur stúd-
entsprófi þaðan um næstu jól. í tómstundum stundar hún skiðaíþróttina
og hefur auk þess verið í jassballett í þrjú ár. „Hvers vegna ég tek þátt í
þessari keppni? Mér finnst gaman að kynnast nýju fólki og þátttaka í
keppninni getur gefið ýmsa möguleika. Ég sé a.m.k. ekki eftir að hafa
farið í þá keppni sem ég fór í fyrir þremur árum, og þá reynslu sem ég
fékk vegna þátttöku í henni."
„Gefur ungum stúlk-
um ýmsa möguleika“
„Ég er í Menntaskólanum í Reykjavík og lýk þaðan stúdentsprófi á
næsta ári.“ Katrín Hall er fædd og uppalin í Reykjavík, fædd 30. maí 1964,
og er í ballettnámi samhliða menntaskólanum. „Geri ráð fyrir að halda
áfram i ballettnáminu, og fer ef til viil í framhaldsnám í Háskólanum en
ég er ekki búin að ákveða það ennþá." Hvernig stóð á því að hún varð einn
af þátttakendunum? „Guðrún Möller, fegurðardrottning Islands frá því í
fyrra, spurði mig fyrst hvort ég vildi taka þátt í keppninni, en síðan
hringdi Heiðar Jónsson í mig. Eg tel svona keppni eiga fullan rétt á sér og
geti gefið ungum stúlkum ýmsa möguleika."
„Alltaf gaman að
prófa eitthvað nýtt“
Stella Skúladóttir er 18 ára, fædd 2. mars 1965 á Akranesi og uppalin í
Kópavoginum. Stella er á fyrsta ári í Kvennaskólanum og segir að skólinn
taki mestan tíma hennar, en að auki leggur hún stund á jassballett og
íþróttir. „Ég er auk þess nýbyrjuð að sýna í Módel 79 og var beðin um að
taka þátt í þessari keppni á einni sýningunni þar. Keppnin leggst ágæt-
lega í mig, það er alltaf gaman að prófa eitthvað nýtt. Ég tel að fegurðar-
samkeppnir eigi alveg hiklaust rétt á sér eins og allt annað."