Morgunblaðið - 12.05.1983, Blaðsíða 21

MORGUNBLAÐIÐ, FIMMTUDAGUR 12. MAÍ 1983
21
Jarðfræðikort af
Mið-Suðurlandi
NÝLEGA kom út Jarðfræðikort af
íslandi. blað 6, Miðsuðurland, tekið
saman af Hauki Jóhannessyni,
Sveini P. Jakobssyni og Kristjáni
Sæmundssyni. Blað 6 er eitt af níu
kortblöðum, sem þekja eiga landið í
mælikvarðanum 1:250000, en áður
hafa komið út fimm önnur kortblöð
á árunum 1960—1980.
Að útgáfu jarðfræðikortsins
standa Náttúrufræðistofnun Is-
lands og Landmælingar íslands,
Náttúrufræðistofnun sér um
gagnasöfnun og frumteiknun
kortsins, en Landmælingar sjá um
lokateiknun og prentun þess.
Jarðfræðikortið er prentað í 12
mismunandi litum, og á því eru
alls 60 mismunandi tákn til af-
greiningar á hinum ýmsu jarð-
myndunum. Auk þess fylgir
ákveðið jarðlagasnið hverju
kortblaði.
St. Georgs-gildin á íslandi tvítug
TUTTUGU ár eru liðin frá því að
landssamtök St. Georgs-gilda á ís-
landi voru sett á laggirnar. St.
Georgs-gildin eru alþjóðlegur fé-
lagsskapur fullorðinna, sem
byggður er á hugsjónum skáta-
hreyfingarinnar og ætlaður þeim,
sem vilja leggja sitt af mörkum til
að stuðla að viðgangi skátahreyf-
ingarinnar. Landsgildisþing eru
haldin annað hvert ár. Að þessu
sinni verður þingið haldið í gagn-
fræðaskólanum í Keflavík, laug-
ardaginn 14. maí og hefst klukkan
13.30. Núverandi landsgildis-
meistri er Jóhanna Kristinsdóttir.
Sænsk
sumarhúsgögn
Nýjar sendingar
Vörumarkaðs-
verð
Seta — bak — boröplata — hvítlakkaö beiki,
Grind innbrennd, lökkuö stálrör.
ATH: aö hægt er aö fella boröiö saman auöveldlega.
Verö á boröi + 4 stólum og sessum:
Afborgunarverö kr. 5.388,00
Staögreitt kr. 5.119,00
Stakir stólar, hægt aö stafla.
Efni: Hvítlökkuö stálrör.
Verö meö pullum:
Afborgunarverö kr. 875,00
Staögreitt kr. 831,00
Sólhlíf kr. 1.829,00
Athugið ffleiri gerðir fyrirliggjandi.
Sendum um land allt.
43)12 irumarkaðurinn hf.
ni 86112.
AF ERLENDUM VETTVANGI
eftir ALISON SMALE
Samantha Smith með bréfið frá Andropov. Á Vesturlöndum vill hann kom fram sem Tom Sawyer.
Rússar færa áróðurs-
stríðið inn í fjöl-
miðla á Vesturlöndum
Leiðtogar Sovétríkjanna hafa tekið upp nýjar aðferðir í áróð-
ursstríðinu við Bandaríkin og í tilraunum sínum til að koma í veg
fyrir, að ríki Atlantshafsbandalagsins komi upp varnareldflaug-
um í Vestur-Evrópu í desember nk. í stað opinberra yfirlýsinga
reyna þeir nú að hafa persónulegt samband við áhrifamikla hópa
og fjölmiðla á Vesturlöndum og er Ijósasta dæmið um þetta bréf
Andropovs til bandarískra vísindamanna, þar sem hann hvetur
þá til að gera sitt til að stöðva vígbúnaðarkapphlaupið.
Andropov og ríkisfjölmiðl-
arnir sovésku hafa að
undanförnu hamrað á því, að
bandarískur almenningur og
ráðmennirnir í Kreml væru
einhuga í friðarást sinni, ólíkt
því, sem væri með Reagan for-
seta, sem væri hinn mesti
striðsæsingamaður. Bréfið til
bandarísku vísindamannanna
er dæmigert fyrir þennan
áróður.
Bréfið var í engu frábrugðið
þeim venjulega andbandaríska
áróðri, sem daglega flæðir út
af síðum sovéskra dagblaða,
nema hvað Andropov ávarpaði
vísindamennina beint og gerði
það um leið dálítið persónu-
legra. Klókindaleg tök á vest-
rænum fjölmiðlum hafa ein-
kennt fyrstu mánuði Andro-
povs í embætti.
Andrei Gromyko, utanríkis-
ráðherra Sovétríkjanna, hélt
fremur óvenjulega blaða-
mannafund í Moskvu 2. apríl
sl. og var útvarpað frá fundin-
um, sem allur fór fram á
ensku. Aðeins viku síðar efndu
nokkrir háttsettir embættis-
menn sovésku stjórnarinnar
til „hringborðsumræðna" með
vestrænum fréttamönnum,
þar sem þeir notuðu tækifærið
til að vísa á bug þeim fullyrð-
ingum Reagans, að heimsbygg-
inni stafaði ógn að útþenslu
Sovétmanna.
Embættismennirnir höfðu
ekkert nýtt fram að færa
fremur en Gromyko. Það, sem
var nýtt, var sá skilningur
þeirra, að vestrænir blaða-
menn vilja heldur hitta fólk
augliti til auglitis og að ef þeir
fá það, þá eru þeir líklegri til
að skrifa góða frétt.
Andropov sýndi, að hann er
vel með á nótunum í þessu efni
nú fyrir skemmstu í viðtali
sínu við vestur-þýska tímaritið
Der Spiegel. Það var ekki að-
eins, að tímaritið birti viðtalið
frá orði til orðs heldur einnig
skrifleg svör hans við spurn-
ingum, sem lagðar höfðu verið
fyrir hann nokkru áður. Á
þennan hátt gat Andropov
komið boðskap sínum til mik-
ils fjölda fólks og einkum til
Vestur-Þjóðaverja, sem skiptir
mesta máli fyrir Sovétmenn
vegna áætlana NATO um að
koma upp eldflaugum í Vest-
ur-Þýskalandi á vetri kom-
anda.
Andropov hefur einnig not-
að sína eigin fjölmiðla í áróð-
ursstríðinu við Bandaríkja-
menn. í febrúar sl. var birt
viðtal við hann í Prövdu, þar
sem hann hamaðist gegn
„opnu bréfi" Reagans Banda-
ríkjaforseta til Vestur-
Evrópubúa, en þar sagði Reag-
an það stefnu sína, að útrýma
ætti öllum kjarnorkuvopnum,
og í mars notaði hann sömu
aðferð við að svara ræðu Reag-
ans um nýtt varnarkerfi 1
geimnum.
Tass-fréttastofan sagði um
bréf Andropovs til bandaríska
vísindamannanna, að það væri
svar við áskorun þeirra um að
vígbúnaðarkapphlaupið yrði
ekki látið ná til himingeims-
ins. Mönnum greinir nokkuð i
um hvers vegna Andropov
sendi þetta bréf þar sem vitað
er að Rússar hafa sjálfir haft
forystuna um að nota himin-
geiminn í hernaðarlegum til-
gangi með svokölluðum
„drápshnöttum". Sumir telja,
að það hafi ekki verið nein til-
viljun, að Andropov sendi
bréfið á sama tíma og sænska
stjórnin sendi frá sér skýrslu
um ferðir sovéskra kafbáta
innan sænskrar landhelgi, og
segja, að það hafi vakað fyrir
Andropov að drepa því máli á
dreif með nýjum áróðurs-
brögðum.
Vestrænir sendimenn í
Moskvu hafa þó bent á aðra
skýringu. Að undanförnu,
segja þeir, hafa Sovétmenn
verið að sannfærast um, að
Reagan verði endurkosinn sem
forseti í kosningunum á næsta
ári. Reagan hefur að vísu ekk-
ert um það sagt hvort hann
ætlar að gefa kost á sér aftur,
en Sovétmenn virðast hins
vegar telja víst að hann geri
það. Auk þess virðast þeir á
því, að stefna Bandaríkja-
stjórnar í varnarmálum muni
hvort eð er ekkert breytast
þótt einhver annar maður setj-
ist að í Hvíta húsinu.
Ekki er ljóst hvort nýjar að-
ferðir ráðamannanna í Kreml
hafa vakið einhverja athygli í
Sovétríkjunum sjálfum en þó
hljóta almenningi þar að koma
spánskt fyrir sjónir bréfa-
skipti Andropovs og tíu ára
gamallar bandarískrar stúlku,
Samantha Smith, sem býr í
borginni Augusta í Maine.
Samantha skrifaði Andropv
bréf og hann svaraði um hæl á
einkar hlýlegan og innilegan
hátt. Hann líkti Samönthu við
Becky Thatcher, eina af sögu-
persónum Mark Twains í bók-
inni um Tom Sawyer, og lauk
bréfi sínu með því að bjóða
henni í sumarbúðir á Krím-
skaga. Þetta boð hefur hann
nú ítrekað.
SV (Heimild AP)