Morgunblaðið - 12.05.1983, Blaðsíða 26

26
MORGUNBLAÐIÐ, FIMMTUDAGUR 12. MAÍ 1983
Karvel Pálmason:
Klaufalega að
verki staðið
„ÉG VAR ekki á þessum þing-
flokksfundi og það hefur enginn
borið þetta undir mig. En eins og
þetta kemur fyrir mín augu og eyru,
sem ég hygg að hafí komið fyrir hjá
fleirum, fínnst mér vægast sagt af-
skaplega klaufalega að verki stað-
ið“, sagði Karvel Pálmason alþingis-
maður, er Mbl. ræddi við hann í
gær, en Karvel er mjög ósáttur við
vinnubrögð þingflokks sfns og for-
manns varðandi ákvörðunina um að
krefjast forsætisráðherraembættis-
ins, ef til þátttöku þeirra kæmi í
samstjórn með Sjáifstæðisflokki og
Framsóknarflokki.
Karvel var spurður, hvort hann
hefði rætt þetta mál við formann
flokks síns, Kjartan Jóhannsson.
Hann svaraði: „Ég ætla honum að
hafa samband við mig og bíð enn
skýringa af hans hálfu." Karvel
sagði að í umræðum innan þing-
flokksins hefði komið fram að ekki
teldist óeðlilegt að Alþýðuflokkur-
Stykkishólmur:
Vorið fær-
ist nær
Stykkisbólmi, 9. maí.
HELDUR er nú vorið farið að
færast nær, jörðin víðast orðin
auð og fjöllin bera merki þíðunn-
ar, og sést þar vfða í jörð. Þó
mætti hitinn vera meiri, en hann
hefír ekki farið hér yflr 6 stig
enn og nú er austan og norðaust-
an kaldi og ber því minna á hlýj-
unni.
Menn eru farnir að snúa sér
að vorverkum, athuga garða
sína og huga í eyjaferðir í
eggjaleit o.fl. f vetur hefir orð-
ið vart við mink eins og áður
úti í eyjum og nú verður farið í
að veiða hann svo fljótt sem
tök eru á, því hann er mikill
skaðvaldur í eyjum. Afli hefir
mjög tregast undanfarið og
hefir komist niður í tonn í
róðri og mun því hvað úr
hverju farið að taka netin upp.
Þrátt fyrir að byggt sé tals-
vert af íbúðum virðast sömu
húsnæðisvandræði vera og áð-
ur. Stykkishólmur er eins og
önnur kauptún alltaf að
stækka. Næg atvinna hefir ver-
ið í vetur. Nú koma skóla-
krakkar á vinnumarkaðinn.
Hvort hann getur tekið við
þeim öllum er enn ekki vitað,
en vonandi tekst að koma flest-
um ef ekki öllum í störf í
sumar.
Fréttaritari
inn fengi forsætisráðherraemb-
ættið ef til slíks stjórnarsam-
starfs kæmi, sem hann sagðist
hafa verið fýsandi. Slíkt hefði að
hans mati mátt láta sterkt í ljós í
viðræðum við sjálfstæðismenn og
framsóknarmenn, en sú afgreiðsla
sem málið fékk af hálfu þing-
flokks og formanns hefði að hans
mati verið afskaplega klaufaleg.
Kór Langholtskirkju:
Tónleikum
aflýst
KÓR Langholtskirkju hefur af
óviðráðanlegum ástæðum aflýst
tónleikum, sem áttu að vera í Sel-
fosskirkju í kvöld og í Langholts-
kirkju á laugardaginn.
Islenzk bók
um Baháítrú
KOMIN er á markaðinn ný bók um
Baháítrúna, höfund hennar og
markmið og uppruna. Bókin, sem
nefnist „Bahá’u’lláh, líf hans og
opinberun", er eftir Eðvarð T. Jóns-
son og er þetta fyrsta bókin um
þetta efni, sem rituð er af íslenskum
höfundi.
Bókin er 267 blaðsíður, prýdd
fjölda mynda. Hún skiptist í 14
kafla, en í bókarauka er fjallað um
formlegt skipulag Baháítrúarinn-
ar, kenningar hennar, guðs-
hugmynd, siðgæðisboðskap og
meginmarkmið. Einn kafli í bók-
arauka er helgaður kraftaverkum.
Heimilda- og atriðaorðaskrá er í
bókinni.
Prentsmiðja G. Benediktssonar
prentaði bókina, en Michael Gunt-
er og Geoffrey Pettypiece sáu um
útlit. Bókband annaðist Arnarfell
hf.
Ný þyrla til landsins
NÝ ÞYRLA, TF-FIM, af gerðinni HUGHES 500D hefur nú bæst í
flugflota landsmanna. Það er Þyrluþjónusta Albínu Thordarson, sem
flytur þyrluna inn nýja frá Bandaríkjunum.
HUGHES 500D getur flutt metra vegalengd, án þess að taka
fimm menn, flugmann og fjóra eldsneyti. Farflughraði þyrlunn-
farþega. Þegar hún er fullhlaðin ar er 150 mílur, 240 kílómetrar á
farþegum, eldsneyti og auk þess klukkustund, með flotholtum, en
175 kílóum af öðrum flutningi, nokkru meiri án þeirra.
kemst hún 300 til 330 mílur eftir Flugmaður á þyrlunni verður
flughæð, eða 480 til 530 kíló- Bogi Agnarsson.
Della Frances Dolan, sem varð þriðja f keppninni um
Miss World í fyrra, mun krýna fegurðardrottningu
íslands ásamt Guðrúnu Möller.
GUÐRÚN Möller, fegurðardrottning íslands 1982,
með hina nýju kórónu sem fegurðardrottning fslands
1983 verður krýnd raeð á Broadway hinn 20. maí
næstkomandi.
Fegurðarsamkeppni íslands 1983:
Stúlkurnar koma fram á
Broadway annað kvöld
ÞÁTTTAKENDUR í keppninni um fegurðardrottningu ísiands 1983 verða
kynntir á veitingahúsinu Broadway annað kvöld. Tíu stúlkur taka þátt í
keppninni, og munu þær bæði koma fram í baðfötum og síðkjólum. Á sam-
komunni verður frumfíutt nýtt tónverk eftir Gunnar Þórðarson, „Tilbrigði við
fegurð", sem tileinkað er fegurðardrottningum íslands. Hljómsveit Björgvins
Halldórssonar leikur lagið undir stjórn Gunnars Þórðarsonar, söngvarar eru
þeir Björgvin og Jóhann Helgason. Efnt verður til skoðanakönnunar meðal
gesta og mun dómnefnd í keppninni taka tillit til hennar í störfum sinum. Efnt
verður til tískusýningar á fatnaði frá Karnabæ, og ýmis skemmtiatriði verða á
dagskrá.
Baldvin Jónsson, sem hefur veg
og vanda af vali fegurðardrottn-
inga íslands , sagði í samtali við
Morgunblaðið í gær, að allt kapp
væri lagt á að vanda sem mest til
keppninnar. Mikil vinna hefði ver-
ið lögð í undirbúning, og dóm-
nefndin hefði átt þrjá langa fundi
með keppendum. „Krýning fegurð-
ardrottninganna á að verða við-
burður í þjóðlífinu," sagði Baldvin,
_og við munum velja fulltrúa sem
Island getur verið stolt af á al-
þjóðavettvangi, og við munum búa
þannig að sigurvegurunum að þeir
standi jafnfætis stúlkum frá öðr-
um löndum, en á það hefur óneit-
anlega skort hin síðari ár. Fjöldi
fyrirtækja hefur lagt keppninni lið
með gjöfum og framlögum, svo
sem Broadway, Flugleiðir, Æfin,?a.
stöðin Engihjalla, Snyrtistofan
Ársól, Hárgreiðslustofan Gígja og
umboðsmenn fyrir Lancome,
L’Oreal og Triumph. Þá hafa verið
keyptar kórónur til keppninnar og
sproti fyrir fegurðardrottningu ís-
lands, en auk þess titils er valin
fegurðardrottning Reykjavíkur
1983, ljósmyndafyrirsæta ársins og
vinsælasta stúlkan I keppninni.
Úrslit verða kynnt á samkomu í
Broadway eftir viku, þar sem Guð-
rún Möller fegurðardrottning fs-
lands 1982 og Della Dolan fegurð-
ardrottning Bretlandseyja 1982
krýna sigurvegarana.“
Baldvin sagði, að sigurvegarinn í
keppninni í ár myndi fara á Miss
Universe-keppnina í St. Louis í
Bandaríkjunum í sumar. Um 630
milljónir manna um allan heim
fylgdust með þeirri keppni í sjón-
varpi um gervihnött, og öruggt
væri að íslandi væri mikill akkur í
þátttöku í keppninni. Síðar á árinu
myndi fegurðardrottning fslands
síðan keppa um titilinn Miss
World í London. Aðrar stúlkur í
keppninni munu svo taka þátt í
ýmsum alþjóðlegum keppnum víða
um heim síðar á árinu, svo sem í
Istanbul, Tókýó og Seoul.
Vandaður, litprentaður 16 síðna
bæklingur hefur verið gefinn út í
tilefni keppninnar að þessu sinni,
og verður hann afhentur gestum á
Broadway á morgun og á loka-
kvöldinu 20. maí. „Undirbúningur
keppninnar hefur gengið vel,“
sagði Baldvin Jónsson að lokum,
„og við stefnum að því að þessar
samkomur á Broadway verði sann-
kallaðar hátíðasamkomur, þar sem
prúðbúið fólk kemur til að borða
góðan mat, fylgjast með fegurðar-
samkeppninni, sjá góð skemmti-
atriði og umfram allt skemmta sér
á góðri skemmtun."
Stúlkurnar, sem þátt taka í
keppninni að þessu sinni, eru þær
Anna María Pétursdóttir, Elín
Sveinsdóttir, Hulda Lárusdóttir,
Inga Valsdóttir, Katrín Hall,
Kristín Ingvadóttir, Lilja Hrönn
Hauksdóttir, Steinunn Bergmann,
Stella Skúladóttir og Unnur
Steinsson. Dómnefnd skipa Ásdís
Eva Hannesdóttir, Brynja Nord-
quist, Friðþjófur Helgason, Hanna
Frímannsdóttir, Henný Her-
mannsdóttir, Olafur Laufdal og
Ólafur Stephensen.
Breytingar á skólamálum í Kópavogi:
Samningurinn mjög hagstæð-
ur fyrir ríki og Kópavogsbæ
- segir Richard Björgvinsson bæjarfulltrúi
„VIÐ bæjarfulltrúar Sjálfstæðisflokksins í Kópavogi fluttum um það tillögu í
bæjarstjórn Kópavogs, að byrja flutning Menntaskólans í Kópavogi í Víg-
hólaskóla á síðastliðnu hausti og að 1. bekkur MK yrði þar sl. vetur. A
þremur árum hefði MK flutt alfarið í Víghólaskóla og þannig hefði engu
barni verið vísað frá þeim skóla sem það hefði hafið nám við, en um þetta
náðist ekki samstaða á þeim tíma,“ sagði Richard Björgvinsson, bæjar-
fulltrúi Sjálfstæðisflokksins í Kópavogi, í samtali við Morgunblaðið í gær.
„Það var komið að því að gera
þyrfti breytingar á skólamálum í
Kópavogi og þess vegna var loks-
ins farið út í samningsgerð, sem
hefði átt að byrja fyrir þó nokkr-
um árum. Með flutningi mennta-
skólans í Víghólaskóla, fær hann
mun betra húsnæði og um leið
þróunarmöguleika á þeirri lóð sem
fylgir skólanum. Þessi samningur
sem nú hefur verið gerður og
væntanlega verður samþykktur í
bæjarstjórn Kópavogs á föstudag,
tel ég vera mjög hagstæðan, bæði
fyrir Kópavogsbæ og ríkið varð-
andi byggingu grunnskólanna og
framhaldsskólans í Kópavogi,"
sagði Richard.
Richard sagði að allt sl. haust
hefði ekkert verið gert af hálfu
meirihluta bæjarstjórnar, til þess
að taka ákvarðanir um framtíð-
arskipulag skólanna í Kópavogi,
fyrr en í byrjun janúar að bæjar-
ráð Kópavogs samþykkti að fara
þess á leit við menntamálaráðu-
neytið að skipuð yrði nefnd til
þess gera úttekt á skipan skóla-
mála í bænum. Samkvæmt áliti
nefndarinnar skyldi Víghólaskóli
lagður niður sem grunnskóli og
menntaskólinn fengi Víghólaskóla
frá og með næsta hausti. í fram-
haldi af þessu hefði bæjarráð far-
ið fram á, að fram færu samning-
ar um skólamál í Kópavogi og 6.
maí sl. var samningur undirritað-
ur. í samningnum fólst að
menntaskólinn fengi húsnæði Víg-
hólaskóla, að grunnskólar í aust-
urbæ skyldu verða heildstæðir og
gerð skyldi áætlun um byggingu
grunnskóla til 6 ára.
Ingólfur Þorkelsson, skóla-
meistari Menntaskólans í Kópa-
vogi, sagði að samningurinn um
skólamálin væri hagstæður ríki og
bæ, en þó hagstæðastur unga fólk-
inu í Kópavogi. Menntaskólinn
losnaði úr gífurlegri húsnæðis-
kreppu, áframhaldandi uppbygg-
ing grunnskólastigs væri tryggð
og gerð væru framtíðaráform um
verknám í Kópavogi.
Stella Guðmundsdóttir, skóla-
stjóri í Digranesskóla, sagðist líta
svo á að margt væri jákvætt við
samninginn og þó einkum það að
verið væri að þrýsta á að ríki og
bæjarfélag byggðu upp heildstæða
skólastefnu í Kópavogi sem þau
skuldbyndu sig til að fara eftir.
Einnig benti hún á að verið væri
að færa skólana þangað sem þörf-
in væri mest.