Morgunblaðið - 18.05.1983, Blaðsíða 1
56 SÍÐUR
110. tbl. 70. árg.
MIÐVIKUDAGUR 18. MAÍ 1983
Prentsmiðja Morgunblaðsins
Unnið að slökkvistarfí við frystihús Keflavíkur hf. í gærkveldi. Sá hluti hússins sem brennur er allt vinnslusvæði fyrirtækisins ásamt lager. í húsinu til hægri fremst á myndinni eru skrifstofur
fyrirtækisins og aðstaða fyrir starfsfólk, en í húsinu til vinstri beitingaaðstaða og humarvinnsla. MorgunblaSið/ Kristján Einarsson
Stórbruni í Keflavík í gærkvöldi:
TugmiUjóna tjón er hraðfrysti-
hús Keflavíkur hf. brann
Hefur geigvænlegar afleiðingar fyrir at-
vinnulífið, segir forseti bæjarstjórnar
TUGMILUÓNATJÓN varð í elds-
voða í hraðfrystihúsi Keflavíkur h/f í
gærkvöldi. Kinungis skemmdir á
húseignum og vélbúnaði nema tug-
um milljóna og ef fískur sem geymd-
ur var í frystigeymslu fyrirtækisins
hefur orðið fyrir skemmdum, en þar
voru geymdir 15 þúsund pakkar af
fiski, bætast við tjónið 10—20 millj-
ónir króna, cftir því hve miklar þær
skemmdir reynast. Eldsupptök eru
ókunn. Ljóst er að margir munu
missa atvinnu sína um óákveðinn
tíma vegna þessa og fara þeir líklega
beint á atvinnuleysisskrá. Þá var
fjöldi skólafólks búinn að fá vilyrði
um vinnu hjá fyrirtækinu og ein-
hverjir höfðu þegar hafíö vinnu.
Hætt er við, að eldsvoðinn hafí rýrt
möguleika skólafólksins á sumar-
vinnu verulega, þar sem atvinnuleysi
hefur verið í Keflavík aö undan-
förnu.
„Það eru skemmdir á öllum hús-
eignum fyrirtækisins, nema að-
stöðu starfsfólks, beitingaraðstöðu
og humarvinnslu. Einnig standa
vonir til að flökunarsalur hafi ekki
orðið fyrir miklum skemmdum.
Það ræðst að miklu leyti af því
hvernig frystiklefinn og afurðirn-
ar þar hafa sloppið, hve mikið
tjónið verður. Eftir því sem við
best vitum komst ekki eldur í
frystikiefann, en þak hans brann
og vatn og reykur komst þar inn,“
sagði ólafur B. ólafsson, fram-
kvæmdastjóri Keflavíkur hf., í
samtali við Morgunblaðið í gær-
kveldi.
Verkstjóri og vélstjóri yfirgáfu
húsnæði frystihúss Keflavíkur hf.
um hálf átta leytið í gærkveldi og
var þá allt með eðlilegum hætti.
Skömmu fyrir átta berst síðan
lögreglunni í Keflavík tilkynning
um eldinn, þannig að ljóst er að
eldurinn hefur brotist út með
skjótum hætti, enda pappi og önn-
ur eldfim efni, þar sem hann er
talinn hafa kviknað.
Slökkvilið Keflavíkur kom þegar
á staðinn og strax voru gerðar
ráðstafanir til að fá aðstoð frá
slökkviliðinu á Keflavíkurflugvelli
og slökkviliðinu í Sandgerði og
komu þau bæði til aðstoðar stuttu
síðar. Samkvæmt upplýsingum
Ingiþórs Geirssonar, slökkviliðs-
stjóra í Keflavík, sem stjórnaði að-
gerðum slökkviliðanna gegn eldin-
um, var mikill eldur í húsinu og
erfitt að eiga við hann. Norðvestan
kaldi var og logaði upp úr þaki
umbúðageymslu, þar sem geymdar
voru pappaumbúðir. Þakið var ein-
angrað með spónum og korki, sem
logar vel, enda frá þeim tíma sem
slík efni voru notuð til einangrun-
ar. Breiddist eldurinn því fljótt út
eftir þakinu og varð það alelda á
skammri stundu.
„Slökkvistarfið gekk eftir atvik-
um vel. Við komum á staðinn rétt
fyrir klukkan 8 og upp úr 9 vorum
við nokkurn veginn búnir að ná
tökum á eldinum. Á tímabili höfð-
um við áhyggjur af ammóníak-
geymum, sem voru í vélasalnum,
en við vissar aðstæður er hætta á
að þeir springi. Okkur tókst að
verja þá og húsin í nágrenninu,
sem virðast alveg hafa sloppið.
50—60 slökkviliðsmenn frá þrem
slökkviliðum börðust við eldinn,
með um tíu tæki,“ sagði Ingiþór
Geirsson.
Húsnæði frystihúss Keflavíkur
hf., sem stofnað var 1936, er frá
ýmsum tímum. Elsti hluti hússins,
þar sem skrifstofur fyrirtækisins
eru til húsa, er um hundrað ára
gamall og sá hluti hússins hefur
alveg sloppið við skemmdir, sem og
sá nýjasti, sem var smíðaður 1973.
Þá voru einnig gerðar endurbætur
á öðrum hlutum húsnæðisins, þeim
hluta sem nú er brunninn.
„Vegna þess hve reykurinn var
gífurlegur, þorðum við ekki annað
en að rýma 7—8 næstu hús, meðan
ekki var útséð hvernig færi, enda
býr í þeim bæði gamalt og sjúkt
fólk. Farið var með sumt þess til
ættingja og vina, en annað á lög-
reglustöðina. Við urðum að byrja á
því að rýma svæðið, þegar við
komum á staðinn, en þar var allt
fullt af fólki og bílum. Fólk tók því
mjög vel að færa sig og það gekk
mjög fljótt," sagði Rúnar Lúð-
víksson, aðstoðarvarðstjóri hjá
lögreglunni í Keflavík.
Um 115 manns eru á launaskrá í
landi hjá Keflavík hf., auk 50—60
manna sem eru á bátum og togur-
um fyrirtækisins. „Það er mjög
erfitt að átta sig á því hvað
skemmdirnar eru miklar á þessari
stundu," sagði Ótafur B. ólafsson.
„Við byrjum á því strax í fyrra-
málið að taka fiskinn út úr frysti-
geymslunni og reyna að bjarga því
sem bjargað verður. Þá munum við
reyna að bæta eins mikilli vinnslu
og mögulegt er á systurfyrirtæki
Keflavíkur hf., Miðnes hf. í Sand-
gerði, og munum reyna að bjóða
fólkinu, sem unnið hefur hér hjá
okkur, vinnu þar til að byrja með.
Annars er að svo komnu máli af-
skaplega erfitt að segja nokkuð,
meðan ekki er vitað meira um
tjónið, en nú er,“ sagði Ólafur.
Sjá nánar á bls. 2 og miðopnu.