Morgunblaðið - 20.05.1983, Blaðsíða 10
10
MORGUNBLAÐIÐ, FÖSTUDAGUR 20. MAÍ1983
Sauðárkrókur:
Drangey á veiðar
í lok næstu viku
Hegranesið væntanlegt ór viðgerð eftir helgina
Sauðárkróki, 18. maí.
EINS (XI sagt var frá í Mbl. bilaði vél
togarans Drangeyjar þegar skipið var
að veiðum út af Vestfjörðum 10. maí
.síðastliðinn. Skipverjar reyndu í sól-
arhring að lagfæra bilunina en tók.st
ekki og varð að fá varðskip til þess að
færa togarann til hafnar. Síðar hefur
verið unnið hér á Sauðárkróki að við-
gerð aðalvélar og spilrafals og hefur
orðið að fá varahluti víða að.
Bjarki Tryggvason, fram-
kvaemdastjóri útgerðarfélags
Skagfirðinga, sagði að væntanlega
lyki viðgerð á togaranum í síðari
hluta næstu viku og skipið færi þá
til veiða í vikulokin. Þá er þess að
vænta að togari félagsins, Hegra-
nes, sem verið hefur í slippstöðinni
á Akureyri undanfarna mánuði
komi hingað í byrjun næstu viku
eftir gagngerðar breytingar og hefji
veiðar strax.
Umtalsvert atvinnuleysi hefur
verið hér á Sauðárkróki í vetur og
má segja að 40—60 manns hafi ver-
ið á atvinnuleysisskrá. Síðari hluta
apríl voru 38 manns skráðir at-
vinnulausir, svo eitthvað hefur ræst
úr en Jón Karlsson, formaður
Verkalýðsfélagsins Fram, sagði að
nokkrir hefðu leitað burtu eftir at-
vinnu. Kári
Glasgow er staður
menningar og lista
— segir Michael
Kelly, borgarstjóri
í Glasgow
Biskup íslands herra Pétur Sigurgeirsson og Bernharður Guðmundsson fréttafulltrúi kirkjunnar halda á loft
miðsíðu í nýjasta sænska kirkjuritinu. Myndin er tákn um verndun lífsins. Á myndina er prentað eitt erindi úr sálmi
sem saminn var sérstaklega fyrir kirkjuþingið í llppsala. Herra Pétur Sigurgeirsson hefur þýtt þennan sálm, sem er
í fjórum erindum, og hljóðar þriðja erindið þannig í þýðingu hans: Ó, börnin vor kær! Heyr bæn fyrir þeim / að byggi
þau glöð sinn framtíðarheim. / Þau viljum vér annast af ástúð og trú / og elska hvert líf, sem oss skapaðir þú.
Áskorun kirkjunnar að loknu kristnu heimsþingi í Uppsala:
Útrýmum kjarnorku-
vopnum innan fimm ára
DAGANA 20,—23. apríl sl. var hald-
ið kristið heimsþing í Uppsölum í
Svíþjóð undir yfirskriftinni „Líf og
friður". Meginmarkmið þingsins var
að stilla saman krafta kirkjunnar
manna í baráttunni gegn þeirri
hrikalegu hættu sem vofir yfir heim-
inum: gereyðingu í kjarnorkustyrj-
öld. Þingið sóttu nær 160 manns,
kirkjuleiðtogar og sérfræðingar í af-
vopnunarmálum, frá öllum kristnum
kirkjudeildum, þar á meðal frá
rómversk-kaþólsku kirkjunni. Þátt-
takendur voru frá 60 löndum og stór
hluti þeirra frá þriðja heiminum.
Frumkvæðið að ráðstefnunni átti
Olav Sundby, erkibiskup Svía, en
aðrir höfuðbiskupar Norðurlanda
boðuðu til fundarins með honum,
þar á meðal herra Pétur Sigurgeirs-
son, biskup íslands, sem sótti þing-
ið.
Á þinginu var samþykkt eftir-
farandi áskorun til ríkisstjórna í
heiminum:
Kristnir menn kjósa ekki ein-
ungis frið, heldur er þess krafist
af þeim að þeir stuðli að friði. Þess
vegna getur kirkjan ekki komist
hjá afskiptum af stjórnmálum
með öllum þeim sársauka og
óhjákvæmilegri málamiðlun sem
því fylgir. Þátttakendur ráðstefn-
unnar um líf og frið, sem koma frá
ólíkum þjóðlöndum og lífsaðstæð-
um, skora á kirkjudeildir að snúa
sér til ríkisstjórna landa sinna,
þar sem veraldarvaldið er, eins og
við sjálf, háð dómi guðs. Þótt
áskoranir á ríkisstjórnir í hinum
ýmsu heimshlutum hljóti að fjalla
um sérhæfð málefni, mælum við
með eftirfarandi atriðum, sem
varða heimsbyggðina alla, til um-
ræðu.
Við skorum á þjóðirnar, sem
samningaumleitanir stunda í
Genf, Vín og Madrid, að auka við-
leitni sína til að ljúka samningum
með jákvæðum árangri. Við verð-
um að þrýsta á um ráðstafanir
varðandi fjölþjóða afvopnun, sem
er háð eftirliti og sönnunargögn-
um, þar til búið er að útrýma öll-
um kjarnorkuvopnum innan fimm
ára.
Jafnframt var lögð áhersla á
bráðabirgðaráðstafanir í fimm
iiðum: (1) Frystingu frekari fram-
leiðslu og dreifingu kjarnorku-
vopna; (2) Tafarlausa samþykkt
samnings um bann gegn kjarn-
orkuvopnatilraunum; (3) Að kom-
ið verði upp kjarnorkulausum
svæðum; (4) Virkar einhliða að-
gerðir varðandi frið og afvopnun;
(5) Skuldbindingar ríkisstjórna
um að grípa ekki að fyrra bragði
til kjarnorkuvopna.
Herra Pétur Sigurgeirsson
sagði á fundi með fréttamönnum í
gær að þetta þing hefði verið ein-
stæður kirkjusögulegur viðburður.
Hann sagði að það léki ekki á
tveimur tungum að kirkjan hefði
mikilvægu hlutverki að gegna í
baráttunni fyrir friði á jörðu, og
nú sérstaklega í seinni tíð eftir því
sem hættan á kjarnorkustríði yk-
ist. Sagði Pétur að Olof Palme,
forsætisráðherra Svía, hefði talað
á þinginu og sagt meðal annars að
nú yrði heimurinn að finna nýjan
grundvöll öryggis og friðar. And-
stæðingar í stjórnmálum og
hugmyndafræði yrðu að bindast
böndum og finna flöt á því að
leysa heimsbyggðina undan oki
kjarnorkusprengjunnar. „Því það
er aðeins um tvennt að ræða,“
sagði Palme, „að lifa saman eða
farast saman."
Meðalgóð vertíd í
Vestmannaeyjum
Vestmannacvjum, 18. maí.
VETRARVERTÍÐ lauk hér 15. maí
sl. og liggja nú allar tölur fyrir um
árangur erfiðisins. Vertídaraflinn
varð alls 29.935,7 tonn og er þetta
allverulega minni afli en tvær und-
angengnar vertíðir, en þegar til
lengri tíma er litið verður að telja
þetta meðalgóða vertíð.
Aflinn skiptist þannig að í net
fengust 15.026,9 tonn, í botnvörpu
8.593,1 tonn, á línu 73,1 tonn, á
handfæri 312 tonn og togaraaflinn
þann 15. maí var 5.930,6 tonn. Afli
togaranna er nær því hinn sami og
á sama tíma í fyrra, tæpum 40
tonnum meiri nú. Annars segja
tonnatölur ekki alla söguna og er
það umtalsvert að þorskur í aflan-
um hefur minnkað gífurlega frá
fyrri vertíðum. í ár er þorskhlut-
fallið í aflanum 41%, 1982 var
þorskhlutfallið 54% og 1981 71%
en það var líka sérlega gott ár.
Sérstaklega hefur þorskurinn
forðast troll togaranna, en hjá
þeim er þorskhlutfallið í aflanum
það sem af er árinu aðeins 15%.
Vertíðaraflinn skiptist þannig
eftir fiskverkendum að Vinnslu-
stöðin tók við 9.043,6 tonnum, Is-
félag Vestmannaeyja 7.615 tonn-
um, Fiskiðjan 7.013,1 tonnum,
Hraðfrystistöðin 2.345,6 tonnum,
Frystihús FIVE 1.771,3 tonnum,
Klif 1.767,4 tonnum og aðrir tóku
við 379,7 tonnum.
Eins og áður hefur komið fram í
Mbl. varð Heimaey aflahæst á
vertíðinni yfir landið allt, skip-
stjóri Hörður Jónsson. Heimaey
landaði 1.106 tonnum og var
skiptaverðmæti aflans 6.780 þús.
kr. Suðurey landaði 952,5 tonnum,
skiptaverð 6.027 þús. kr., Sighvat-
ur Bjarnason landaði 895 tonnum,
skiptaverð 4.976 þús. kr., Valdimar
Sveinsson landaði 878,5 tonnum,
skiptaverð 5.227 þús. kr.
Trollbátar gerðu margir góða
vertíð. Huginn varð þeirra afla-
hæstur með 757,8 tonn, skiptaverð
4.279 þús. kr., Frár landaði 740,8
tonnum, skiptaverð 4.329 þús. kr.,
Heiga Jóh. landaði 728,1 tonnum,
skiptaverð 4.173 þús. kr. Þess ber
að geta að færri menn eru um
borð í trollbátum en netabátun-
um.
Afli togaranna nú í dag er þessi:
Breki 1.807,4 tonn, Vestmannaey
1.445,5 tonn, Sindri 1.289,9 tonn og
Klakkur 1.102,1 tonn.
Tíðarfar í vetur var æði mis-
jafnt, raunar eins og alltaf á vetr-
arvertíð, framanaf brælur og leið-
indasjóveður en síðari hluta ver-
tíðar voru sjóveður ágæt. Afla-
brögð voru léleg í janúar, þokkaleg
í febrúar, ágæt í mars en síðan
fjaraði vertíðin út í ekki neitt síð-
ari hluta aprílmánaðar og fyrri
part maí. Vertíðin fékk sem sagt
hægt og virðulegt andlát og enga
fengum við hrotuna að þessu
sinni. Þá varð vertíð þessi þakk-
samlega án mannskaða eða skips-
tapa.
í lokin koma svo hér saman-
burðartölur yfir vertíðaraflann
síðustu fimm vertíðir:
1983: 29.935,7 tonn.
1982: 33.804,1 tonn.
1981: 35.046,1 tonn.
1980: 28.292,2 tonn.
1979: 21.794,0 tonn.
Og svo er bara að bíða eftir sjó-
mannadeginum þegar allir taka
fram fínu fötin og góða skapið og
halda uppá allt saman með pomp
og prakt.
— hkj.
— ÉG VEIT, að íslendingar hafa
gert talsvert af því að fara í verzl-
unarferðir til Glasgow, enda slfkt
ekki óeðlilegt, þar sem Glasgow er
næsta stórborg við ísland. En fæst-
ir þessara gesta hafa haft tækifæri
eða gefið sér tóm til þess að kynna
sér það, sem Glasgow hefur fram
að færa á vettvangi lista og menn-
ingar, en á því sviði er alltaf mikið
um að vera í Glasgow. Þá iangar
okkur Skota einnig til þess að fá
fleiri íslendinga til að koma og
kynna sér landslag Skotlands með
ferðum upp í Hálöndin og víðar.
Þannig komst Michael Kelly,
borgarstjóri í Glasgow meðal ann-
ars að orði í viðtali við Morgun-
blaðið en hann og kona hans
eru hér í heimsókn í boði Flug-
ieiða.
— Sjálf Glasgow hefur tekið
miklum stakkaskiptum á undan-
förnum árum, sagði Kelly borg-
arstjóri ennfremur. — Það hefur
verið gert stórátak í því að
hreinsa borgina, svo að hver og
einn, sem ekki hefur komið
þangað lengi, verður undrandi
yfir þeim breytingum, sem þar
hafa orðið. Þá höfum við byggt
mikið af hótelum og haft í
frammi mikla viðleitni til þess
að efla ferðamannastarfsemi í
borginni. Á þessu sumri verður
mikið um að vera hjá okkur.
Þannig er mikið um stórafmæli.
Michael Kelly, borgarstjóri í Glasgow, eiginkona hans og Sveinn Sæ-
mundsson hjá Flugleiðum. MorgunbiaAíA/ ebb.
Verzlunarráðið f Glasgow á 200
ára afmæli á þessu ári og sama
máli gegnir um blaðið Glasgow
Herald, sem er elzta dagblaðið í
Bretlandi, svo að dæmi séu
nefnd.
Mikil áherzla verður lögð á
það að fá fólk af skozku bergi
brotið til þess að heimsækja
gamla landið aftur, en þess má
geta, að um 20 milljónir manna
víðs vegar í heiminum eru af
skozkum uppruna. Skotar í
heimalandinu eru hins vegar um
5 milljónir. Hinir eru búsettir út
um allan heim, en þó einkum í
brezku samveldislöndunum og í
Bandaríkjunum.
Þegar Kelly borgarstjóri var
spurður hverju hann vildi spá
um úrslit brezku þingkosn-
inganna 9. júní nk., þá sagði
hann hiklaust: „Verkamanna-
flokkurinn mun að minnsta kosti
sigra í Glasgow eins og hann
hefur gert um langt skeið og
ekkert bendir til þess nú, að þar
verði breyting á. En auðvitað er
þetta svolítil óskhyggja líka,“
segir Kelly borgarstjóri og bros-
ir. „Ég er nefnilega sjálfur í
Verkamannaflokknum."
Flugleiðir buðu Michael Kelly
borgarstjóra og konu hans til
Chicago frá New York, þar sem
þau voru á ferðalagi og til þess
að eiga hér dvöl á leið þeirra til
baka.