Morgunblaðið - 21.05.1983, Blaðsíða 3
MORGUNBLAÐIÐ, LAUGARDAGUR 21. MAÍ 1983
3
Færri unglingar
í hvítasunnuúti-
legu en oft áður
FÁIR unglingar lögöu upp í útilegu í
nágrannasveitunum, samkvæmt
upplýsingum sem Morgunblaöið
fékk á Umferðarmiöstööinni í gær-
kvöldi. Það kann að hafa dregið úr
útileguferðum að flestum stöðum,
sem hvað flestir hafa lagt leið sína
til á síöustu árum hefur verið lokað
að þessu sinni vegna jarðvegsbleytu.
Undir kvöldmat hafði aðeins fengist
í eina rútu sem fór á Hvítárvelli.
Með rútunni fóru um 40 ungmenni.
Búist var við að einhverjir færu með
rútum klukkan 22 í gærkvöldi og
einnig í morgun.
„Við erum sjö saman, og það
verður eflaust rosa fjör í ferð-
inni,“ sagði ungur piltur, Jóhann
Hlynsson, sem var á leiðinni að
Hvítárvöllum. „Ég hef farið einu
sinni áður og þetta leggst vel í
mig,“ sagði Jóhann.
„Við erum vel búin og vonandi
viðrar vel svo þetta verði
skemmtilegt," sagði sessunautur
Jóhanns í rútunni, Lára Hall-
dórsdóttir.
Meðal þeirra sem fóru að Hvít-
árvöllum í gærkvöldi voru Brynjar
Þór Runólfsson og Inga Skúladótt-
ir. Kváðust þau bæði vera 16 ára
og á leiðinni í sína fyrstu hvíta-
sunnuútilegu. Sögðu þau það
kappsmál hjá mörgum jafnöldrum
að fara í útilegu um hvítasunnu-
helgina, en ekki væri um marga
staði að velja að þessu sinni.
Kváðust þau hafa heyrt að eitt-
hvað af unglingum kynni að sækja
í Heiðmörkina og nágrenni Hvera-
gerðis. Hugðu þau gott til ferðar-
innar, kváðust vel nestuð og búin í
hvaða veður sem væri.
„Það hefur ekki verið farið á
þennan stað áður,“ sagði langferða
bílstjóri við Morgunblaðsmenn á
Umferðarmiðstöðinni. Hann sagði
að áberandi færri unglingar væru
á leið út úr borginni en oft áður.
„Það er lokað á flestum þeim stöð-
um sem þeir eru vanir að fara til,“
sagði bílstjórinn.
Jóhann Hlynsson og Lára Halldórsdóttir á leið á Hvítárvelli með völdugt
útvarps- og kassettutæki sem ferðafélaga. MorgunbiaAM/Emiifi.
Brynjar Þór Runólfsson og Inga Skúladóttir.
Borgaryfirvöld í Viðeyjarferð
BORGARFULLTRÚAR og embættismenn borgarinnar lögðu leið sína út í Viðey í blíðviðrinu í gær og hlýddu á
ýmsan fróðleik um eyjuna sem Sigurður Líndal, prófessor og Örlygur Hálfdánarson, bókaútefandi miöluðu
þeim. Eins og kunnugt er keypti Reykjavíkurborg Viðey seinni partinn í vetur, en þessi ferð var farin til þess að
kynna borgarfulltrúum og embættismönnum hina „nýju“ eign borgarinnar.
Morgunblaðsmenn slógust í förina og á þessari mynd er Sigurður Líndal að fræða menn um eyjuna og
sögu hennar.
Nánar verður sagt frá þessari ferð síðar í Morgunblaðinu. Ljósm. Mbi. koe.
Hvítasunnuhelgin:
Veðrið helst milt
VEÐURSTOFA íslands hefur spáð
því að um hvítasunnuhelgina muni
haldast svipað veður og verið hefur
undanfarið. Þó mun draga fyrir sólu
við og við en ekki rigna. Heldur
bjartara verður sunnanlands en
norðan.
Á Hvítárvöllum í Borgarfirði og
við Sandá í Þjórsárdal verða opin
tjaldstæði og verða ferðir þangað.
Varðandi frétt í Morgunblaðinu
í gær þess efnis að unglingar
hygðust tjalda á Vorsabæjarvöll-
um sagði Karl Guðmundsson,
sveitarstjóri Hveragerðishrepps, í
samtali við Mbl.: „Það er strang-
lega bannað að tjalda á þessu
svæði, landið þolir ekki ágang
svona snemma vors, auk þess sem
þarna er yfir á að fara. Það verður
og hlýtt
því komið í veg fyrir það eins og
hægt er að fólk tjaldi á Vorsabæj-
arvöllum og þar í nágrenni," en
Hveragerðishreppur og Ölfus-
hreppur eru eigendur þessa land-
svæðis.
Þá er bannað að tjalda í Heið-
mörk, á Laugarvatni, í Þórsmörk
og á Húsafelli og Þingvöllum.
SAAB GU '82, ekinn 5 þús. SAAB 900 GLS '81 Sjálfskiptur, ekinn 19 þús.
Barðaströnd:
Þrjár kindur fund-
ust með 3 iömb eft-
ir útigöngu í vetur
Baróaströnd, 15. maí.
ÞEGAR grásleppukarlar voru að
leggja net sín út með Sigluneshlíð-
um fyrir nokkru sáu þeir þrjár kind-
ur utarlega í hlíðunum, fyrir utan
Fossvík.
Kindurnar munu hafa gengið
úti í vetur. Ein ærin var með tvö
lömb, önnur með eitt og sú þriðja
lamblaus. Lömbin voru falleg að
sjá, um hálfs mánaðar gömul.
Kindurnar eru sennilega frá Litlu-
hlíð.
Vorhugur er kominn í alla hér
og vantar okkur nú sterka ríkis-
stjórn, sem þorir að taka á þeim
vanda, sem okkur er sagt að sé.
—OS.J.Þ.
Opiðídagtilkl4
SAAB-eigendurathugið, tökum þann gamla upp
í nýjan — eða seljum hann fyrir þig ef þú vilt
heldur. Mikil eftirspurn tryggir hagstæð skipti.
TÖQGURHF.
SAAB
UMBOÐIÐ
BÍLDSHÖFÐA 16, SÍMI 81530