Morgunblaðið - 25.05.1983, Blaðsíða 34

42
MORGUNBLAÐIÐ, MIÐVIKUDAGUR 25. MAÍ 1983
Frá opnun Ásmundarsafns á laugardaginn. Davíð Oddsson, borgarstjóri, flytur ávarp. Meðal gesta við opnunarathöfnina var forseti íslands, Vigdís
Finnbogadóttir.
Ásmundarsafh opnað
83 ára maður
fyrir bifreið
83 ÁRA gamall maður slasaðist alvar-
lega þegar hann varð fyrir bifreið
laust fyrir klukkan 20 á sunnudag.
Hann var á leið yfir Kleppsveginn
þegar hann varð fyrir Taunus-
bifreið, sem var á vesturleið. Gamli
maðurinn kastaðist upp á bifreiðina
og lenti á framrúðu hennar svo hún
mölbrotnaði.
Gamli maðurinn lærbrotnaði og
skarst í andliti.
Mynd Mbl. Júlíus.
Nýr dansari
í stað
Segerströms
Af óviðráðanlegum orsökum hefur
nú orðið að gera hlutverkabreytingu
í sýningu Þjóðleikhússins á ballett-
inum Fröken Júlíu eftir Birgit Cull-
berg, en Per Arthur Segerström sem
dansað hefur hlutverk Jeans nokkr-
ar undanfarnar sýningar varð að
hverfa aftur til Svíþjóðar fyrr en ráð
var fyrir gert.
f staðinn fyrir Segerström er
kominn júgóslavneski dansarinn
Vlado Juras, en hann hefur starf-
að i Sviþjóð um árabil, lengst af
við Cullberg-ballettinn. Juras tek-
ur við hlutverkinu miðvikudaginn
25. maí.
ÁSMUNDARSAFN var opnað
formlega á laugardaginn. Fiutti
borgarstjóri, Davíð Oddsson ávarp
og opnaði yfírgripsmikla sýningu á
verkum Ásmundar.
„Þessi opnunarsýning er um
leið sumarsýning," sagði Gunnar
Kvaran forstjóri safnsins i við-
tali við Mbl. „Með þessari sýn-
ingu reynum við að sýna Reyk-
víkingum sem mest af gjöf Ás-
mundar og hve yfirgripsmikil
list hans var.
Þarna er hluti af höggmynda-
safni hans og leitumst við við að
sýna sem víðasta mynd af hans
ferli allt frá byrjun 3. áratugar-
ins. Elsta verkið á sýningunni er
Hafmeyjan, sem Ásmundur
gerði í Stokkhólmi þegar hann
var við nám. Fyrir það verk
hlaut hann önnur verðlaun á
lokaprófi.
Þessi sýning mun standa fram
til ágústloka en þá er ætlunin að
vinna upp aðra sýningu, gerólíka
þessari.
Safnið er auðugt af hlutum og
munum, við fengum safnið í
svotil heilu lagi, vinnuteikn-
ingar, æfingar í leir, skissur,
portrait-myndir og ljósmyndir.
Þá eru húsin ómetanleg lista-
verk í sjálfu sér, en þau vann
Ásmundur sjálfur.
Safnið er opið daglega milli
2—5 en lokað á mánudögum. Nú,
svo er hópum velkomið að hafa
samband við okkur ef vilji er til
þess að við opnum safnið utan
þess tíma.“
Hluti Vestfiröinganna fyrir framan Loftleiðahótel.
FARIÐ í FRÍIÐ
ÞESSI fríði hópur á myndinni eru
sjómenn og aðstandendur þeirra af
þremur línubátum á ísafírði, Orra,
Víkingi III. og Guðnýju. Velheppnuð
vertíð er að baki og nú á að skreppa í
vikufrí til Sviss. „Við gerum þetta
venjulega annað hvert ár,“ sagði
Hans Haraldsson fararstjöri, „og það
er unnið upp í fararkostnað með
aukaróðrum. Sjómenn hafa gott af
því að slappa af í landi þar sem ekki
sést til sjávar.“
Orri var aflahæsti línubáturinn
á Vestfjörðum á vertíðinni, fékk
814 tonn. Skipstjóri á Orra er
Skarphéðinn Gíslason. Skipstjóri á
Víkingi þriðja er Gísli Skarphéð-
insson, frændi Skarphéðins, og var
afli þeirra Víkinga tæp 700 tonn. Á
Guðnýju er Jón Pétursson skip-
stjóri og fiskuðu þeir Guðnýjar-
menn rúm 600 tonn. Guðný er
minnsti báturinn, 75 tonn, Orri er
250 og Víkingur þriðji 150. Tólf
manns vinna á Orra og Víkingi
þriðja, sex á sjó og sex í landi, en
tíu á Guðnýju.
Skipshöfnin á Orra ÍS 20, talið frá vinstri: Sævar Ægisson landmaður, Baldur
Kjartansson 1. vélstjóri, Úlfar Sigurðsson matsveinn, Lúðvfk Kjartansson
landmaður, Guðmundur Sigurðsson háseti, Ásgeir Ólason landmaður, Jóhann
Kagnarsson landmaður, Skarphéðinn Gíslason skipstjóri, Óttar Jónsson 2.
vélstjóri og Bjarni Gestsson landmaður. Á myndina vantar landformanninn
Sævar Gestsson og stýrimanninn Pétur Birgisson.
Heiðmörk:
Um 3 hektar-
ar lands ónýt-
ir eftir bruna
„ÞAÐ er öruggt, að þessi eldur hefur
kviknað af manna völdum, en hvort
það hefur verið viljandi eða óvitaverk
er ekki hægt að segja um. Kldurinn
kviknaði samtímis á tveimur stöðum
með 2 til 300 metra milli bili. Það var
þó mildi að ekki var búið að planta í
þennan hluta Heiðmerkurinnar, við
megum ekki við því að brenna skóg-
lendið okkar," sagði Vignir Sigurðsson
á Elliðavatni, sem er eftirlitsmaður
friðlanda Reykjavíkur, er Morgunblað-
ið ræddi við hann um brunann í
Heiðmörk á hvítasunnudag.
Vignir sagði, að það hefði verið um
klukkan 9, sem fyrst hefði verið til-
kynnt um eldinn og hefði hann þá
farið á staðinn til að reyna að hefta
útbreiðslu hans, en eldurinn hefði þá
verið laus á tveimur stöðum. Um
klukkan 11 hefði slökkvilið Hafnar-
fjarðar komið til aðstoðar og einnig
hefðu sjálfboðaliðar og menn úr
hjálparsveitum skáta í Hafnarfirði
og Garðabæ og björgunarsveitinni
Fiskakletti aðstoðað við slökkvi-
starfið. Erfitt hefði verið að komast
með slökkvitæki og vatn á staðinn
vegna aurbleytu og ófærðar og hefði
því einnig verið gripið til þess ráðs,
að rífa upp gróður utan marka
brunna svæðisins og hefta þannig
útbreiðslu eldsins. Ekki væri full-
kannað hve mikið svæði hefði
skemmzt, en líklega næði það 3 hekt-
urum.
Vignir sagði, að undir þeim kring-
umstæðum, þegar miklir þurrkar
væru og gróður kominn stutt á veg,
væri nauðsynlegt að fara varlega
með eld. Það þyrfti ekki nema log-
andi sígarettustubb til að kveikja í
gróðrinum. Meðal annars vegna
þessara aðstæðna, hefði Heiðmörkin
verið lokuð almenningi. Þá vildi
Vignir þakka öllum þeim, sem að-
stoðuðu við slökkvistarfið fyrir
hjálpina.
Hjá slökkviliðinu í Hafnarfirði
fengust þær upplýsingar, að eldur-
inn hefði komið upp á svæði austur
af Grunnuvötnum og suður af Víf-
ilsstaðavatni. Mosinn hefði þarna
verið þurr alveg niður að klaka og
því logað vel í honum. Erfitt hefði
verið að komast með tæki að svæð-
inu, þeir hefðu þó komizt með 10 til
12 tonn af vatni á staðinn. Aftur
hefði komið upp eldur þarna um
kvöldið, en það hefði ekki verið um-
talsvert. Þó ekki hefðu orðið
skemmdir á trjám, hefði mikið af
hreiðrum eyðilagzt og væri það mið-
ur. Þá hefði komið upp eldur í skóg-
ræktargirðingunni við Kaldársels-
veg í Gráhelluhrauni og hefði hann
líklega kviknað af völdum unglinga,
sem þar voru í tjöldum.
Aðalfundur
Reykjavíkur-
deildar RKÍ
AÐALFUNDUR Reykjavíkur-
deildar Rauða kross íslands fyrir
árið 1982 verður haldinn í Múlabæ
við Ármúla 34 í dag og hefst
klukkan 20.30. Á fundinum verða
ýmis mál rædd auk venjulegra að-
alfundarstarfa.