Morgunblaðið - 26.05.1983, Side 1
48SÍÐUR MEÐ MYNDASÖGUBLAÐI
116. tbl. 70. árg.
FIMMTUDAGUR 26. MAÍ 1983 Prentsmiðja Morgunblaðsins
Samkomulag milli Sjálfstæðisflokks og Framsóknarflokks:
Ný ríkisstjórn tek-
ur við völdum í dag
Steingrímur Hermannsson forsætisráð-
herra - Sjálfstæðisflokkur með 6 ráðherra
Á MIÐNÆTTI í nótt samþykkti flokksráö Sjálfstæó-
isflokksins tillögu þess efnis, að Sjálfstæðisflokkur-
inn gangi til ríkisstjórnarsamstarfs með Framsóknar-
flokki á grundvelli stjórnarsáttmála, sem þingflokk-
arnir samþykktu á fundum sínum í gærmorgun. 121
greiddi atkvæði með tillögunni, 31 var mótfallinn, 9
seðlar voru auðir. Upp úr miðnætti samþykkti mið-
stjórnarfundur Framsóknarflokksins samhljóða til-
lögu sama efnis. Steingrímur Hermannsson, formað-
ur Framsóknarflokksins, fór á fund forseta íslands
kl. 11 í gærkvöldi og fékk afhent umboð til stjórnar-
mvndunar eftir að samkomulag hafði náðst um að
Framsóknarflokkurinn fengi forsætisráðherraemb-
ættið í ríkisstjórn þeirra. Reiknað er með að hin nýja
ríkisstjórn taki við völdum um miðjan dag. Ríkis-
stjórn Gunnars Thoroddsen fer þá frá um hádegisbil.
Unnið var að stjórnarsáttmálan-
um innan þingflokkanna svo til
stöðugt frá í fyrrinótt og um hádeg-
isbilið í gær hófust samningavið-
ræður um skiptingu ráðuneyta og
ráðherrastóla. Sjálfstæðisflokkur-
inn gerði að tillögu sinni við Fram-
sóknarflokkinn að skiptingin yrði
fimm ráðherrar Sjálfstæðisflokks á
móti fjórum frá Framsóknarflokki
og að Sjálfstæðisflokkurinn fengi
forsætisráðherra. Framsóknar-
flokkur vildi aftur á móti hafa
skiptinguna fimm á móti fimm und-
ir forustu Sjálfstæðisflokks, eða sex
sjálfstæðisráðherra á móti fjórum
frá Framsókn, sem þá hlyti forsæt-
isráðherradóminn.
Tillagan um ríkisstjórn sex ráð-
herra Sjálfstæðisflokks og fjóra frá
Framsóknarflokki undir forustu
Framsóknarflokks var samþykkt á
níunda tímanum í gærkvöldi.
Sjálfstæðisflokkur hlýtur átta ráðu-
neyti, en Framsóknarflokkur fimm.
Ráðuneyti Sjálfstæðisflokksins eru
eftirtalin: Utanríkisráðuneytið, iðn-
aðarráðuneytið, fjármála-
ráðuneytið, viðskiptaráðuneytið,
samgönguráðuneytið, menntamála-
ráðuneytið, heilbrigðis- og trygg-
ingaráðuneytið, auk Hagstofu Is-
lands. Sjálfstæðisflokkurinn hefur
ekki haft þrjú þessara ráðuneyta
undir sinni stjórn í um þrjá áratugi,
þ.e. utanrikisráðuneytið frá 1953, er
Bjarni Benediktsson var utanríkis-
ráðherra, viðskiptaráðuneytið frá
því Ingólfur Jónsson stýrði því árið
1956 og menntamálaráðuneytið frá
1956, en þá var Bjarni Benediktsson
menntamálaráðherra. Ráðuneyti
Framsóknarflokks verða forsætis-
ráðuneyti, félagsmálaráðuneytið,
landbúnaðarráðuneytið, sjávarút-
vegsráðuneytið og dóms- og kirkju-
málaráðuneytið.
Fundahöld þingflokkanna og for-
ustumanna flokkanna tveggja stóðu
sleitulaust yfir frá því snemma í
gærmorgun og allt fram á nótt, eins
og fyrr segir. Flokksráðsfundur
Sjálfstæðisflokks og miðstjórnar-
fundur Framsóknarflokks höfðu
verið boðaðir kl. 16 í gær, en marg-
fresta varð fundunum. Framsókn-
armenn hófu sinn fund klukkan að
ganga sex síðdegis og frestuðu hon-
um litlu síðar til kl. 20, flokksráðs-
fundur Sjálfstæðisflokksins hófst
ekki fyrr en laust fyrir kl. 21.
Þingflokkur Framsóknarflokks
kaus sína ráðherra í nótt, en þing-
flokkur Sjálfstæðisflokksins kemur
saman árdegis. Samkvæmt heimild-
um Mbl. er reiknað með ríkisráðs-
fundi ríkisstjórnar Gunnars Thor-
oddsen með forseta íslands að
Bessastöðum kl. 11, þar sem forset-
inn leysir ríkisstjórnina frá störf-
um. Hið nýja ráðuneyti tekur síðan
við völdum síðdegis.
Steingrímur Hermannsson for-
maður Framsóknarflokksins sagði,
er Mbl. ræddi við hann á Bessastöð-
um í gærkvöldi þegar hann hafði
tekið við stjórnarmyndunarumboð-
inu frá forseta íslands: „Það má
segja, að þetta sé frágengið. Ég
reikna- með að ég geti lagt fram
ráðherralista á fundi forseta í
fyrramálið og ný ríkisstjórn geti
tekið við völdum síðdegis á morgun.
Við munum ganga frá ráðherralista
okkar í nótt og sjálfstæðismenn eru
að vinna að sínum málum."
Steingrímur sagði aðspurður um
það hvers vegna hann teldi myndun
stjórnar Sjálfstæðisflokks og Fram-
sóknar fyrst mögulega nú, að ýmis-
legt annað hefði verið reynt síðan
formenn þessara flokka hefðu haft
umboð til stjórnarmyndunar, en það
hefði ekki tekizt. Það væri því ekki
grundvöllur fyrir stjórnarmyndun
annarra flokka. Þegar tveir flokkar
með ólík sjónarmið að nokkru leyti
mynduðu ríkisstjórn saman, yrði
málamiðlun auðvitað að koma til og
svo væri í ýmsum málum, en aðal-
atriðið væri það, að flokkarnir væru
sammála um hvernig tekið yrði a
efnahagsmálunum. Þau væru mál
málanna og yrði að leysa. Þá sagði
Steingrímur, að Framsóknarflokk-
urinn hefði ekki gert kröfu til for-
sætisráðherraembættisins.
Geir Hallgrímsson formaður Sjálfstæðisflokksins á flokksráðsfundi Sjálfstæðisflokksins í gærkvöldi. Með honum á
myndinni eru þingmennirnir Ólafur G. Einarsson, Matthías Bjarnason og Þorvaldur Garðar Kristjánsson.
Ljóxm. Mbl.: KÖE
Steingrímur Hermannsson tekur við stjðrnarmyndunarumboðinu frá forseta
íslands, Vigdísi Finnbogadóttur á Bessastöðum í gærkvöldi. í nótt kaus
þingflokkur Framsóknar Steingrím sem forsætisráðherra, Jón Helgason
landbúnaðar-, dóms- og kirkjumálaráðherra, Halldór Ásgrímsson sjávarút-
vegsráðherra og Alexander Stefánsson sem félagsmálaráðherra.
Ljósm. Mbl. EmilÍJL
MX-áætlunin samþykkt í öldungadeildinni:
11 demókratar
gengu í lið með
republikönum
Washinglon, 25. maí. AP.
ÖLDUNGADEILD Bandaríkjaþings, þar sem republikanar eru í meirihluta,
samþykkti í dag með 59 atkvæðum gegn 39 þá áætlun Reagan forseta að koma
upp 100 MX-eldflaugum, sem komið verði fyrir á skotpöllum neðanjarðar í
vesturhluta Bandaríkjanna. Áður hafði fulltrúadeild þingsins samþykkt áætl-
unina.
Þetta er talinn meiri háttar sig-
ur fyrir Reagan forseta á þingi, en
með þessari samþykkt féllst þingið
á 625 millj. dollara fjárveitingu til
þróunar og tilrauna með þessa eld-
flaug.
EUefu þingmenn úr röðum demó-
krata gengu í lið með 48 þingmönn-
um republikana í öldungadeildinni
og samþykktu tillöguna nú, sem
var samhljóða þeirri tillögu, sem
samþykkt hafði verið í fulltrúa-
deildinni með 239 atkvæðum gegn
186. Hér er um mikla breytingu að
ræða frá því í desember sl. er full-
trúadeildin neitaði ósk forsetans
um fjárveitingu til MX-eldflaug-
anna, sem eru langdrægar og geta
flutt margar kiarnorl-vsnrengjur
hver.
Reagan for-eti lagði mikið kapp
á að fá áætlun sína samþykkta nú
og átti í þvi skyni marga fundi með
einstökum þingmönnum, sem áður
höfðu verið andvígir áformum
hans, til þess að fá þá til þess að
skipta um skoðun. í viðræðum sín-
um við þingmenn lagði forsetinn
mikla áherzlu á einlægni sína varð-
andi takmörkun á kjarnorkuvopn-
um og kvaðst mundu kanna ítar-
lega allar tillögur um gagnkvæma
fækkun á eldflaugum Bandaríkja-
manna og Rússa. Framleiðsla
nýrra eldflauga myndi hvorki
hindra né draga úr þeim athugun-
um.