Morgunblaðið - 28.05.1983, Blaðsíða 3

MORGUNBLAÐIÐ, LAUGARDAGUR 28. MAÍ 1983
3
Feðgar á forsætisráðherrastóli:
25 ár milli ráðuneyta
Hermanns og Steingríms
1>AI) HEFUR ekki skeð áður hérlendis að sonur forsætisráðhera taki
sjálfur við forsætisráðherraembætti. Það mun og einsdæmi hér á landi
að sonur flokksformanns (Framsóknarflokks) taki við flokksfor-
mennsku.
Steingrímur Hermannsson,
forsætisráðherra nýrrar ríkis-
stjórnar, er sonur Hermanns
Jónassonar, sem var forsætis-
ráðherra í þremur ríkisstjórn-
um.
Hin fyrsta var skipuð 28. júlí
1934, fékk lausn 7. nóvember
1941, en gegndi störfum til 18.
október sama ár. Hermann Jón-
asson gegndi embætti dóms- og
kirkjumálaráðherra, auk forsæt-
isráðherraembættis, í því ráðu-
neyti.
Annað ráðuneyti hans var
skipað 18. nóvember 1941, fékk
lausn 16. maí 1942 og lagði niður
störf samdægurs. Hann gegndi
embættum forsætis-, dómsmála-
og landbúnaðarráðherra í því
ráðuneyti.
Þriðja ráðuneyti Hermanns
Jónassonar, en í því gegndi hann
jafnframt embættum dóms- og
landbúnaðarráðherra, var skip-
að 24. júlí 1956, fékk lausn 4. des-
ember 1958, en gegndi störfum
til 23. desember það ár. Tæpum
25 árum síðar tekur Steingrímur
Hermannsson við forsætisráð-
herraembætti.
Meðfylgjandi mynd af Her-
manni heitnum Jónassyni tók
ljósmyndari Mbl. Ól. K. Magn-
ússon er þessi fyrrum forsætis-
ráðherra kom af hinni frægu
ASÍ-ráðstefnu skömmu áður en
ráðuneyti hans baðst lausnar.
Sami ljósmyndari tók einnig
meðfylgjandi mynd af Stein-
grími Hermannssyni, er hann
gengur fyrsta sinni sem forsæt-
isráðherra til embættisskrif-
stofu sinnar.

Bragi Ásgeirsson opnar grafíksýningu í Listmunahúsinu:
Grafíkmappa með 6 verkum
eftir listamanninn gefin út
BRAGI Ásgeirsson opnar sýningu á
grafíkmyndum í dag laugardaginn
28. maí í Listmunahúsinu Lækjar-
götu 2. Sýningin nær allt aftur til
ársins 1952 og er þverskurður af
ferli Braga sem grafíklistamanns í
gegnum tíðina. Tilefni sýningarinnar
er útgáfa grafíkmöppu með sex
myndum eftir Braga, sem hann gerði
í aprflmánuði, en þá hafði Bragi ekki
fengist við grafík í 20 ár. Á sýning-
unni er 74 grafíkverk, þau elstu frá
árinu 1952. Níu myndir hafa aldrei
komið fyrir augu almennings áður,
þ.á m. þær sex sem getið var um
áður.
„Þegar Bragi var úti í Kaup-
mannahöfn fyrir rúmu ári síðan
að taka við bjartsýnisverðlaunum
Bröste, þá hitti ég hann og stakk
upp á því að hann gerði möppu
með grafíkmyndum," sagði Knút-
ur Bruun eigandi Listmunahúss-
ins í samtali við Morgunblaðið um
sýninguna. „Við höfðum verið
saman í þessu úti i Kaupmanna-
höfn og það var ákaflega
skemmtilegt að fylgjast með til-
urð þessara mynda og að mínu
mati eru þær frá Braga hendi
mjög vel lukkaðar. 1 þeim er fim-
leiki og mýkt og það var eins og
Bragi endurfæddist við gerð
þeirra. Ég vil einnig segja að það
er sjaldgæft fyrirbæri að geta
haft sölusýningu á verkum frá
svona löngum tíma eftir jafnmik-
inn listamann og ég tel Braga
Ásgeirson vera og að mínu mati er
þetta einhver fallegasta og
skemmtilegasta sýning sem hald-
in hefur verið í Listmunahúsinu
Bragi Ásgeirsson
lengi," sagði Knútur einnig.
í formála að grafíkmöppunni
segir Bragi: „Fá orð, en ógleym-
anleg, sagði Jón Stefánsson mál-
ari um fyrstu steinþrykk mín á
vormánuðum árið 1956. En mynd-
irnar sýndi ég honum á Bredgade
10 í Kaupmannahöfn. Af tilviljun
fann ég orð hans á lausum miða í
dóti mínu fyrir skömmu, — heil-
um 27 árum síðar og einmitt er ég
hugðist enn á ný gera nokkur
steinþrykk eftir nær tveggja ára-
tuga hlé. Jón Stefánsson virði ég
mest íslenskra málara fyrir djúp-
ar gáfur og miskunnarlausa
sjálfsrýni, sem hreif alla, er hon-
um kynntust. Hundraðasta ártíð
hans var fyrir tveim árum, og ég
hef um margt leitast við að ganga
út frá eftirfarandi orðum hans við
gerð þessara steinþrykkja minna.
Vil ég tileinka honum myndirnar í
möppunni með einlægri þökk fyrir
strangar og uppbyggilegar rök-
ræður.
„Ég vil hafa, að þú gerir eitt-
hvað verulega gott og þess vegna
er ég strangur. Það á að verá
mettuð heild, en þó lifandi og létt
— músík í hvítu, gráu og svörtu —
fullkominn fastbyggður heimur —
mikrokosmos —, smáheimur, sem
maður finnur og kannast við með
sál og líkama — sama og mann
innst inni dreymir um alheiminn í
hans fullkominni byggingu —
guðsdýrkun í litum og formi. —
Þú hefur svo létt strik, mettuð
yndisþokka — það máttu ekki
missa, þótt þú viljir gera mynd-
irnar fastar og sterkar — það hef-
ur Picasso varðveitt f sínum bestu
myndum.
Maður getur gert sterka mynd
með harðleikni, en maður getur
líka gert hana með l’art og það er
betra.““
Bragi Ásgeirsson hefur haldið
fjölmargar sýningar og hlotið
fjölda viðurkenninga fyrir list
sína.
Grafíkmyndirnar eru þrykktar
á verkstæði í Kaupmannahöfn og
eru grafíkmöppurnar gefnar út í
70 eintökum hver, en nýju mynd-
irnar þrjár þar fyrir utan í 45 ein-
tökum hver.
Sýningin stendur til 5. júní.
900 GL 40’82, blár.
900 TliRBO 30 '82, bvítur
OpiÖ ídagtil kl 4
SAAB-eigendurathugið, tökum þann gamla upp
í nýjan — eða seljum hann fyrir þig ef þú vilt
heldur. Mikil eftirspurn tryggir hagstæð skipti.
TÖGGURHR
SAAB
UMBOÐIÐ
BÍLDSHÖFÐA 16, SÍMI 81530
í—,