Morgunblaðið - 28.05.1983, Blaðsíða 48
Veist þú um einhverja
H;_________góóa frétt?
ringdu þá í 10100
verið örugg
verslið við
fagmenn!
LAUGARDAGUR 28. MAÍ 1983
Hækkun bíla er á
bilinu 11,5—20%
INNFLUTTAR vörur hækka nokkuð í verði vegna lækkunar á gengi
íslenzku krónunnar gagnvart erlendum gjaldmiðlum. Hækkunin er þó
nokkuð mismunandi, eftir því í hvaða gjaldmiðli viðskiptin fara fram, en
daglega eiga sér stað verulegar hræringar milli gjaldmiðla innbyrðis.
Morgunblaðið fékk þær upp-
lýsingar hjá bílainnflytjendum,
að hækkanir væru almennt á bil-
inu 11,5—20,0%. Sem dæmi um
hækkanir á bílum má nefna, að
Renault 9, sem kostaði fyrir
gengislækkun iiðlega 254 þúsund
krónur, kostar eftir hana tæp-
lega 284 þúsund krónur. Hækk-
unin er um 11,5%. BMW 316 sem
kostaði fyrir gengislækkun 312
þúsund krónur kostar eftir hana
liðlega 353 þúsund krónur, eða
hækkar um tæplega 14%. Sömu
sögu er að segja af BMW 518,
sem kostaði fyrir gengislækkun
liðlega 364 þúsund krónur. Hann
kostar eftir hana tæplega 415
þúsund krónur.
Hjá SAAB-umboðinu fengust
þær upplýsingar, að SAAB 900
GL, sem kostaði fyrir gengisfell-
ingu tæplega 378 þúsund krónur,
kostaði nú tæplega 446 þúsund
krónur. Hækkunin er um 18%.
SAAB 900 GLs, sem kostaði um
406 þúsund krónur, kostar nú um
481 þúsund krónur.
Hjá Toyota-umboðinu fengust
þær upplýsingar, að Tercel, sem
kostaði 250, kosti nú um 295 þús-
und krónur. Hækkunin er því um
18%. Camry, sem kostaði fyrir
gengislækkunina 330 þúsund
krónur, kosti nú 392 þúsund
krónur. Hefur hækkað um tæp-
lega 19%. Hi-Lux, sem kostaði
297 þúsund krónur, kosti nú um
349 þúsund krónur. Hækkar um
17,5%.
Hjá Velti hf., sem hefur um-
boð fyrir Volvo, fengust þær
upplýsingar, að Volvo 240 DL,
sem kostaði 376 þúsund krónur,
kosti nú tæplega 447 þúsund
krónur. Hækkunin er um 18,7%.
Volvo 240 GL, sem kostaði 406
þúsund krónur, kostar nú liðlega
494 þúsund krónur. Hækkunin er
liðlega 21%. Volvo 345 DL, sem
kostaði um 300 þúsund krónur,
kostar nú liðlega 355 þúsund
krónur. Hækkunin er liðlega
18%.
Þá fékk Mbl. þær upplýsingar,
að meðalverðhækkun á litsjón-
varpstækjum væri á bilinu
15—20%, en samkvæmt því
hækka tæki, sem kosta um 30
þúsund krónur, í u.þ.b.
34.500—36.000 krónur. Myndseg-
ulbandstæki, sem kostuðu um 35
þúsund krónur, hækka ennfrem-
ur í um það bil 40—42 þúsund
krónur.
Útgerðin:
29% af kostnaöarhlut
greidd fyrir hlutaskipti
— olíugjald, niðurgreiðslur og útflutningsgjald hverfi
í GÆR voru tilkynntar fyrstu ráðstafanir núverandi rfkisstjórnar
í málefnum útgerðarinnar. Þessar aðgerðir komu fram í bráða-
birgðalögum, sem gefín voru út ásamt fimm öðrum bráðabirgða-
lögum. Helztu aðgerðir í þágu útgerðarinnar eru þessar:
• Olíugjaldið, sem hefur ver-
ið í gildi frá 1979, var fellt
niður.
• Olíuniðurgreiðslur, sem
teknar voru upp um síð-
ustu áramót, voru felldar
niður.
• Útflutningsgjald, sem
notað var til að fjármagna
þessar niðurgreiðslur, var
fellt niður.
í þess stað var ákveðið
með bráðabirgðalögunum, að
útgerðin fái greiddan 29%
kostnaðarhlut beint áður en
til hlutaskipta kemur. Þessi
greiðsla á m.a. að standa
undir kostnaðarauka útgerð-
arinnar vegna gengislækk-
unarinnar. Til viðbótar við
þessar aðgerðir gera bráða-
birgðalögin ráð fyrir því að
bæta hlut bátasjómanna
nokkuð umfram togarasjó-
menn, þar sem lögin kveða á
um, að 4% af þessum kostn-
aðarhlut komi til skipta á
bátaflotanum. Þá er enn-
fremur ákvæði í bráða-
birgðalögunum, sem jafnar
hlut sjómanna, þannig að
einu gildir fyrir þá hvort
siglt er með aflann eða land-
að hér heima.
Sjá bráöabirgðalögin í heild á
bls. 30 og 31 og frásögn af
blaðamannafundi ríkisstjórnar-
innar á bls. 2.
Hin árlega kvennareið Hestamannafélagsins Harðar f Mosfellssveit var farin í gærkvöldi. Farið var frá
hesthúsunum við Varmá sem leið liggur að Korpu. Karlmönnum er stranglega bannað að taka þátt í reið þessari,
en þeir bíða eftir konunum við Korpu og hafa veitingar tilbúnar þegar þær koma á áfangastað. Er jafnan mikið
fjör f kvennareið Harðar. Morgunbia«ið/Emiii*
Coldwater Seafood Corporation:
Afkoman fyrsta fjórðunginn
betri en nokkru sinni fyrr
„AFKOMA Coldwater Seafood
Corporation, sölufyrirtækis SH
í Bandaríkjunurn, fyrsta fjórð-
ung þessa árs hefur verið mjög
góð eða sú bezta í sögu fyrir-
tækisins. Afkoma síðasta árs
var jákvæð, en hefur oft verið
betri. Þá var salan litlu meiri í
dollurum en árið áður eða
197,5 milljónir eða 5,35 millj-
arðar íslenzkra króna. Þá jókst
sala verksmiðju framleiddra af-
urða um 13%,“ sagði Þorsteinn
Gíslason, framkvæmdastjóri
Coldwater, í samtali við Morg-
unblaðið.
Þorsteinn sagði ennfremur,
að ýmis langtímaundirbún-
ingur fyrri ára væri nú að
skila sér og kæmi það fram í
áframhaldandi góðri afkomu.
Helztu nýjungar á vegum
fyrirtækisins væru vaxandi
flutningar fersks fisks með
flugvélum. Alls hefðu um
3.000 lestir verið fluttar
þannig til Bandaríkjanna síð-
an sá útflutningur hófst um
mánaðamótin september-
október 1981. Væru flutn-
ingar þessir mjög vaxandi og
á fyrsta ársfjórðungi þessa
árs, væri búið að flytja út á
þennan hátt 75% meira en á
sama tíma í fyrra.
Aðspurður sagði Þorsteinn,
að sala þorskflaka hefði dreg-
izt saman frá 1980 og væri sá
samdráttur í beinu hlutfalli
við minnkandi framleiðslu
hér heima. Á hinn bóginn
hefði karfasala fyrirtækisins
í Bandaríkjunum aukizt veru-
lega frá 1978. Þá hefði hún
verið 1.974 lestir alls, en á
síðastliðnum tveimur árum
hefði hún orðið meiri en 7,000
lestir. Á þessu ári hefðu þeg-
ar verið seldar 3.000 lestir og
miklar líkur væru á því að
heildarmagnið næði 9.000
lestum á þessu ári.
12% hækkun
á áfengi
og tóbaki
ÁFENGIS- og tóbaksverslun
ríkisins verður lokuð næstkom-
andi mánudag vegna hækkunar
á áfengi og tóbaki, samkvæmt
upplýsingum sem Morgunblaðið
hefur aflað sér.
Samkvæmt heimildum
Morgunblaðsins verður um
12% hækkun að ræða á þessum
vörutegundum.