Morgunblaðið - 29.05.1983, Blaðsíða 34

34
MORGUNBLAÐIÐ, SUNNUDAGUR 29. MAÍ 1983
Rœtt við Þorkel Bjarnason hrossarœktarráðunaut um starfsemi
Stóðhestastöðvar Búnaðarfélagsins, sem starfað hefur í 10 ár um þessar mundir
Nú um helgina verður haldin sýning á stóðhestum Stóð-
hestastöðvar Búnaðarfélags íslands í Gunnarsholti á Rang-
árvöllum, en þar eru í vetur tæplega fimmtíu stóðhestar á
fóðrum. Blaðamaður og Ijósmyndari Morgunblaðsins voru á
ferð í Gunnarsholti í vikunni og fengu að skoða hesta Stóð-
hestastöðvarinnar, þar sem þeir Þorkell Bjarnason hrossa-
ræktarráöunautur og fleiri úr stjórn stöðvarinnar voru að
dæma hestana.
Folöld tekin
í stöðina
Þorkell Bjarnason sagði algeng-
ast, að tekin væru folöld í Stóð-
hestastöðina, og þau síðan alin þar
upp til fimm vetra aldurs. — Þó
kæmi fyrir að veturgamlir eða
tveggja vetra folar væru teknir
inn. „Stóðhestastöðin áskilur sér
rétt til að hafa hestana hér til
fimm vetra aldurs," sagði Þorkell,
„en þá á að vera búið að temja þá
nokkuð í tvo vetur og alla jafna er
talið að þá sjáist vel hvað í hestin-
um býr.“
Flesta folana í Stóðhestastöð-
inni eiga hestamenn og hrossa-
ræktendur víðs vegar að af land-
inu, en af þeim tæplega fimmtíu
hestum, sem nú eru í Gunnars-
holti á stöðin þó sjálf tólf. Meðal
þeirra eru elstu hestar stöðvarinn-
ar, þeir Glaður 852 frá Reykjum,
Hrani frá Hrafnkelsstöðum og
Ýmir 951 frá Ystabæli. Þorkell var
spurður hver tilgangurinn væri
með því að halda svo fullorðnum
hestum í eigu Stóðhestastöðvar-
innar, og svaraði hann því til að
helsta ástæðan væri sú að hest-
arnir hefðu ekki selst einstakling-
um eða hrossaræktarsamböndum.
Það þýddi þó ekki, að um slaka
einstaklinga væri að ræða, þeir
væru vel ættaðir, ágætlega byggð-
ir og hæfileikamiklir hestar. Til-
viljun réði því á hinn bóginn
hvaða hestar seldust og hverjir
ekki, en ágætt væri að ýmsu leyti
fyrir Stóðhestastöðina að eiga
þessa hesta og geta boðið þá til
leigu, í stað þess að hafa aðeins
kornunga fola til útleigu.
Þorkell Bjarnason mælir einn stóðhestanna hátt og lágt, Kolskegg frá KvíarhóU í Ölfusi. Gísli Gíslason heldur rið
hestinn. Kolskeggur er harðskyldleikaræktaður hestur út af Herði 591 frá Kolkuósi. Móðir Kolskeggs er gæðings-
hryssan Kolfinna frá Kröggólfsstöðum (undan Herði 591) sem stóð efst hryssa á fjórðungsmóti á Hellu 1981. Faðir
hestsins er Örn frá Kröggólfsstöðum, undan Herði 591.
Tamningamenn og stjórnarmenn Stóðhestastöðvarinnar á fóðurgangi hesthússins í Gunnarsholti. Talið frá vinstri: Gísli Gíslason, tamningamaður, Páll B. Pálsson, forstöðumaður stöðvarinnar,
Þorgeir Sveinsson, Þorkell Bjarnason og Leifur Jóhannesson. Myndirnar tók Kristján E. Einarsson.