Morgunblaðið - 02.07.1983, Blaðsíða 24
í dag eru liðin 10 ár frá formlegum lokum eldgossins í Heimaey, sem hófust 23. janúar 1973. Vestmannaeyjabær var fljótur að taka
stakkaskiptum eftir að heimamenn gíu hafist handa við uppbygginguna eftir gos og margt hefur áunnist síðan. Sitthvað er þó ógert og
um þessar mundir er sérstök áherzla lögð á fegrun bæjarins. Vestmanneyingar efna til fjölbreyttra hátíðahalda í Eyjum í dag og á
morgun, en í Morgunblaðinu í dag og á morgun eru viðtöl við ýmsa Eyjamenn um gosið og þróun mála síðan og jafnframt er fjallað
um atriði sem eru tengd þessum einstæðu náttúruhamförum í byggðasögu íslands.
MORGUNBLAÐIÐ, LAUGARDAGUR 2. JÚLÍ 1983 23
10 ÁR FRÁ GOSLOKUM í HEIMAEY
Allt athafnalíf í Eyjum byggist á því
að sjómenn sæki og fiski og það var
með ólíkindum á gosárinu að sjó-
menn héldu sínu striki eins og ekk-
ert hefði í skorizt og lönduðu afla
Eyjabáta í ýmsum nærliggjandi
verstöðvum. Þarna er verið að draga
steinsnar frá Eldfellinu á Heimaey.
Sigurgeir Ólafsson forseti bæjar-
stjórnar og hafnarstjóri, í daglegu
tali kallaður Siggi Vídó.
Æskan í dag. Ljósmyndir: Sigurgeir Jónasson ljósmyndari Mbl.ti Eyjum.
inn m l.r'—r* ■ K I ,
Lúðrasveit Vestmannaeyja hefur um langt árabil verið snar þáttur í mannlífi Vestmanneyinga.
Bæjarráð, skrifstofustjóri bæjarsjóðs og bæjarstjóri á fundi. Frá vinstri: Arnar Sigurmundsson bæjarfulltrúi,
Sigurður Jónsson, bæjarfulltrúi og skrifstofustjóri bæjarsjóðs, Ólafur Elísson bæjarstjóri, Sveinn Tómasson
bæjarfulltrúi og Sigurgeir Ólafsson forseti bæjarstjórnar.
Sigurgeir Ólafsson forseti bæjarstjórnar Vestmannaeyja:
„Brúa fortíð, nútíð og
framtíð með milliröddinni.44
Sigurgeir Óiafsson forseti bæjar-
stjórnar og hafnarstjóri er oddviti
meirihluta sjálfstæðismanna í bæjar-
stjórn. Við ræddum við hann um þau
mál sem efst eru á baugi hjá bæj-
arsjóði.
„Það hefur verið unnið geysilega
mikið í sumar á opnum svæðum í
bænum. Þá hefur verið sáð í vest-
urhlíðina á Eldfellinu og endur-
bætt í þeim efnum frá því í fyrra.
Opin svæði víða í bænum hafa
verið tekin í gegn og búnir til á
þeim grænir reitir. Þá má nefna
að verið er að tengja Skólaveg og
Strandveg með mjög skemmtilegri
göngugötu sem verður mjó til að
byrja með og grasi lögð svæði til
hliðar, en þetta verður síðar
breikkað og hugsanlega verður
þetta umferðargata í framtíðinni.
Til þess að gera þetta þurfti að
rífa gömul illa farin hús. Þá hefur
verið unnið að jarðvegsskiptum á
nokkrum götum, m.a. Túngötu,
Bústaðabraut, Helgafellsbraut og
Illugagötu, en jafnframt hafa
skólplagnir verið lagfærðar,
kantsteinar lagðir á sumar götu
og þannig unnið að undirbúningi
malbikunar, en meginverkefnið
hjá bænum er gatnagerð og fegr-
un bæjarins.
Við höfnina er að unnið að
mörgu, viðlegukantur var lagður
sl. haust, dýpkað við bryggjuna og
hafin verður lagning kants á
bryggjuna á næstu dögum. Þá er
unnið að snyrtingu við skipalyft-
una og haldið áfram að leggja gras
á athafnasvæðið austan við hana
til þess m.a. að hefta sandfok.
Eimskip hefur lagt til 8000 fer-
metra af torfi á sína lóð á svæð-
inu, en bærinn sér um að leggja
torfið, sem allt er flutt ofan af
fastalandinu. Ekki er um neinar
stórframkvæmdir að ræða hjá
höfninni í biii vegna fjárskorts, en
stefnt er að því að skapa aðstöðu
fyrir eikjuskip á Binnabryggju. Þá
verður lagt malbik á Naustham-
arsbryggju í sumar, lokið við
flotbryggjur eftir hendinni og
unnið að margs konar viðhaldi og
endurbótum. Stærsta málið við
höfnina er að koma öllu skólpi úr
henni, inn fyrir Eiði, verður áfram
unnið við það verk í sumar, dælu-
hús byggt og því komið í gagnið
eins fljótt og unnt er, en eftir það
mun enginn úrgangur renna í
höfnina og þá er langþráðu
markmiði náð.
Sjómælingar vinna nú að könn-
un og mælingu á hrauninu við inn-
siglinguna, m.a. til þess að fylgj-
ast með þeim breytingum sem
eiga sér stað þar, niðurbroti, sigi á
jarðvegi og tilflutningi af völdum
sjávar. Það lítur út fyrir að þar sé
eitthvað að ske sem við erum
hræddir við, en það er óljóst enn-
þá hvort takast þarf á við það fyrr
eða seinna.
Svo stiklað sé á stóru má geta
þess að frá 1973 hafa verið byggð
277 hús með alls 420 íbúðum á um
45 þús. fermetrum, en rúmmetra-
talan eru um 180 þús. í dag eru
nokkuð mörg íbúðarhús í bygg-
ingu víða í bænum og fólks-
straumur hingað er heldur upp á
við á ný.
Það er líf og fjör hér, skiptar
skoðanir eins og Eyjamönnum er
eiginlegt og oft tekist á í skoðun-
um, enda er það best til þess að
mál þróist jákvætt, en á næstu ár-
um er það meginmarkmiðið að
ljúka við að malbika allar götur.
Að sjálfsögðu eru ýmis mál á döf-
inni og stórmál er að hefta vikur-
fokið, hraunkanturinn sem snýr
að bænum bíður og margt og
margt, en tóninn er góður, við
vinnum að músíkinni í dag og svo
er það framtíðarmúsíkin einnig,
en ætli maður haldi sig ekki í
milliröddinni til þess að brúa for-
tíð, nútíð og framtíð."
- á.j.