Morgunblaðið - 06.07.1983, Blaðsíða 1
64 SÍÐUR
Shultz í Damaskus:
Viðræður um
liðsflutninga
Damasku.s, 5. júlí. AP.
GEORGE P. Shultz utanríkisráðherra Bandaríkjanna kom í kvöld til Dam-
askus til að kanna hvort grundvöllur sé á samkomulagi um brottflutning
allra útlendra herja frá Líbanon og í því sambandi átti hann fund með Abdul
Halim Khaddam utanrfkisráðherra í kvöld, en á morgun hittir hann Hafez
Assad forseta.
Shultz sagðist ekki vera með
neina gjafakörfu meðferðis til að
reyna að „kaupa" Sýrlendinga til
að hverfa með her sinn frá Líban-
on, en sagði Bandaríkjamenn til-
búna til að koma í kring viðræð-
um, sem Sýrlendingar hafa hingað
til hafnað með því að neita að
ræða við Philip Habib, aðalsamn-
Ó1 barn eftir
84 daga í dái
Roanoke, Virginíuríki, 5. júlí. AP.
KONA, sem verið hefur læknis-
fræðilega dauð í 84 daga, ól í dag
stúlkubarn, og hefur fóstri ekki ver-
ið haldið lengur lifandi undir kring-
umstæðum af þessu tagi.
Það var í apríl sl. sem heila-
starfsemi konunnar stöðvaðist
eftir að hún hafði fengið slag, en
haldið var í henni lífi í öndunar-
vél, þar til eftir fæðingu barnsins,
að sú líftaug var rofin.
í marz sl. ól kona í Kaliforníu
barn 64 dögum eftir að heilastarf-
semi hennar stöðvaðist og hún
læknisfræðilega úrskurðuð látin.
Reagan
fer fram
Dyflinni, 5. júlí. AP.
GEORGE Bush varaforseti
sagði á fundi við brottforina til
íslands að Ronald Reagan vrði
örugglega í kjöri við forseta-
kosningarnar 1984.
„Hann verður í framboði og
hann mun sigra í kosningun-
um,“ sagði Bush á fundinum.
Hann sagði Reagan hafa beðið
sig að standa með sér. Að-
spurður sagði Bush að Reagan
væri við góða heilsu.
ingamann Bandaríkjanna í deilun-
um fyrir botni Miðjarðarhafs.
Áður en Shultz fór til Damask-
us átti hann fund með háttsettum
ráðamönnum í Beirút, þar sem
ræddar voru hugsanlegar leiðir til
að koma brottflutningi herjanna í
kring. Vildi Shultz ekki staðfesta
hvort þar á meðal hefði verið rætt
um að hvetja ísraela til að dags-
etja brottflutning allra sinna
herja, sem talið er að myndi
hvetja Sýrlendinga til hins sama.
Blöð í Sýrlandi spáðu að Shultz
myndi reyna að fá Israela til að
hverfa með heri sína úr Chouf-
fjallgarðinum við Beirút á nýjar
stöðvar sunnan við Awal-fljót, þar
sem það mundi knýja Sýrlendinga
til samskonar brottflutninga.
Haft var eftir Assad forseta að
hann mundi ekki hverfa frá and-
stöðu sinni við samkomulag Isra-
eia og Líbana um brottflutning
sveita Israela frá í maí, fyrr en
Íað væri úr gildi numið og allir
sraelar á brott úr Líbanon.
Frá Damaskus heldur Shultz til
ísrael til viðræðna við Menacchem
Begin forsætisráðherra, en síðan
er gert ráð fyrir að hann haldi til
Washington og skýri Reagan for-
seta frá niðurstöðum. Samkvæmt
heimildum AP-fréttastofunnar
bendir enn ekkert til árangurs af
viðræðum Shultz.
Yasser Arafat skæruliðaleiðtogi
missti enn einn spón úr aski sín-
um er Abu Ahmed Ismail, leiðtogi
PLO-skæruliða í hinni fornu borg
Baalbek i austurhluta Líbanon,
sagði sveit sína hafa ákveðið að
ganga til liðs við uppreisn þá sem
Abu Mousa lýsti á hendur Arafat
7. maí sl. Kvað Ismail 300 menn
undir sinni stjórn, en áreiðanlegar
heimildir telja þá ekki fleiri en
150.
Claude Cheysson utanríkisráð-
herra Frakklands kom í dag til
Jidda í Saudi Arabiu frá Damask-
us til viðræðna við leiðtoga Saudi
Arabíu, m.a. um framtið Líbanon.
Morgunbbúiú / RAX
Varaforseti Bandaríkjanna, George Buah, kom til landsins um miðjan dag í gær með einkaflugvél. Hér er hann
á leið út úr flugvélinni ásamt konu sinni, Barböru Bush. Með þeim á myndinni er Marshall Brement, sendiherra
Bandaríkjanna á íslandi.
George Bush varaforseti Bandaríkjanna í bandaríska sendiráðinu:
NATO ríki hafa
búið við frið í 30 ár
Yfir 100 styrjaldir annars staðar í heiminum á sama tíma
VARAFORSETI Bandaríkjanna, George Bush, sagði m.a. í þjóðhátíðar-
móttöku í bandaríska sendiráðinu í gær, að yfir 100 styrjaldir hefðu verið
háðar í heiminum frá því að Atlantshafsbandalagið var stofnað, en á
þessu sama tímabili hefði friður ríkt í ríkjum Atlantshafsbandalagsins og
segði það meira um árangur varnarsamstarfs vestrænna ríkja en flest
annað.
Varaforsetahjónin komu til
Keflavíkurflugvallar klukkan 16
í gær, þar sem forsætisráðherra
Steingrímur Hermannsson og
aðrir íslenskir ráðamenn tóku á
móti þeim. Þaðan var haldið í
gestabústað forsetaembættisins
við Laufásveg í fylgd íslenskra
ráðamanna, lögreglu og lífvarða
varaforsetans, þar sem höfð var
40 mínútna viðdvöl áður en vara-
forsetinn hélt í þjóðhátíðar-
móttökuna í sendiráði, Bandar-
íkjanna við Laufásveg. Um
kvöldið snæddu varaforseta-
hjónin kvöldverð á Hótel Sögu
ásamt gestum i boði íslensku
forsætisráðherrahjónanna.
Þar sagði Steingrímur Her-
mannsson, forsætisráðherra
meðal annars:
„Ég efast um að raunveru-
legur friður fáist án trausts
þjóða á milli. Því trausti verður
helst komið á með opinskáum
skoðanaskiptum, víðtækum
skilningi á skoðunum og vanda-
málum hvers annars og efna-
hagslegu samstarfi í einlægri
viðleitni til að tryggja öllum
lífvænleg kjör í friði. Eg tel víst
að slíkt myndi brjóta niður öll
járntjöld."
Sjá nánari frásögn á miðopnu.
Andropov hótar að
margfalda vígbúnað
Moxkvu, 5. júll. AP.
YURI Andropov forseti Sovétríkjanna varaði Helmut Kohl kanzlara Vestur-
Þýzkalands alvarlega við afleiðingum af staðsetningu nýrra bandarískra
kjarnorkuflauga í V-Þýzkalandi og sagði það mundu leiða til margaukinnar
hernaðanippbyggingai af hálfu Sovétmanna. Andropov hitti Kohl í Kreml í
dag eftir að hafa þurft að fresta fundi í gær vegna nýrnaveiki. Fylgdarmenn
Kohl sögðu að Andropov hefði átt erfitt með hreyfingar og stöðugur skjálfti
verið í vinstri handlegg.
„Það er hættuleg sjálfsblekking
að halda að staðsetning flauganna
verði til þess að við látum undan
við samningaborðið í Genf,“ var-
aði Andropov við á fundinum með
Kohl. Hann sagðist ekki sjá hvaða
ávinning Þjóðverjar hefðu af nýju
flaugunum, og ef þeim yrði komið
fyrir, myndi ógnun við Vestur-
Þjóðverja margfaldast.
Þessi yfirlýsing er tekin sem
hótun Sovétmanna um að marg-
falda SS-20 flaugar sínar sem
beint er á Vestur-Evrópu, en
rúmlega 350 slíkar eru nú á skot-
pöllum innan sovézku landamær-
anna. Atlantshafsbandalagið álít-
ur að staðsetning 572 nýrra Persh-
ing-2 og Tomahawk-flauga sé
nauðsynleg til að vega á móti
þessum flaugum.
Simtrajnd AP.
Frá fundi Yuri Andropov leiðtoga Sovétrfkjanna (t.h.) og Helmut Kohl
kanzlara Vestur-Þýzkalands í Moskvu. Þetta var fyrsti fundur Andropov með
leiðtoga Atlantshafsbandalagsrlkis frá því hann komst til valda í fyrrahaust.