Morgunblaðið - 06.07.1983, Blaðsíða 2

2
MORGUNBLAÐIÐ, MIÐVIKUDAGUR 6. JÚLÍ 1983
ísafjörður:
Leigir Hagkaup
hús Ljónsins?
NÚ STANDA yfir samningaviðræður
milli Hagkaups og Ljónsins hf. á
Skeiði, ísafirði, um að Hagkaup taki
húsnæöi Ljónsins á ieigu.
Áður höfðu Ljónið og Kaupfélag
ísfirðinga gert með sér bráða-
birgðakaupsamning að þessu hús-
næði, sem Kaupfélagið neitaði síð-
an að staðfesta. Rifti þá Ljónið
samningunum og þurfti Kaupfé-
lagið að rýma húsnæðið um síð-
ustu mánaðamót.
Nú stendur jafnvel til að Hag-
kaup taki á leigu neðri hæð húss-
ins en efri hæðin verði boðin ýms-
um öðrum aðilum til leigu. Kemur
þá til greina að 8—10 fyrirtæki
taki efri hæðina á leigu til versl-
unarreksturs. Að sögn Heiðars
Sigurðssonar, framkvæmdastjóra
Ljónsins, er ekkert hægt að full-
yrða um málið að svo stöddu, auk
þess sem það væri á mjög við-
kvæmu stigi. Sagði hann hins veg-
ar að málið myndi skýrast eftir
næstu helgi.
Nestispakkar í sem
flesta skóla borgar-
innar næsta vetur
FRÆÐSLURAÐ Reykjavíkur hefur
samþykkt að stefna að sölu nestis-
pakka í sem fiestum grunnskólum
borgarinnar næsta vetur. Markús
Örn Antonsson formaður fræðslu-
ráðsins, sagði í samtali við Mbl. að í
fræðsluráði hefði verið lögð frara
skyrsla skólastjóra þeirra fjögurra
grunnskóla borgarinnar sem þátt
tóku í tilraun fræðsluráðs með nest-
ispakka Mjólkursamsölunnar síð-
astliðinn vetur. Sagði hann að þar
hefði komið fram að tilraunin hefði
gefist mjög vel, þó ýmis fram-
kvæmdaratriði þyrfti að athuga nán-
ar. Einnig væri ánægjulegt hvað
viðbrögð foreldra hefðu verið já-
kvæð.
Sagði Markús Örn að fræðslu-
ráðsmönnunum Braga Jósepssyni
og Ragnari Júlíussyni, hefði verið
falið að gera tillögur um fram-
kvæmd málsins, en sagðist jafn-
framt vonast til að þetta mál
kæmist í framkvæmd sem víðast
Ekki í lífshættu
UNGI maðurinn sem slasaðist í um-
ferðarslysi á Breiðholtsbraut í fyrra-
dag er ekki í lífshættu og samkvæmt
upplýsingum Mbl. er hann minna
slasaður en útlit var fyrir. Hann er
þó enn á gjörgæzludeild Borgarspít-
alans.
næsta vetur. Sagði hann einnig að
sú skoðun væri ofarlega á baugi í
fræðsluráði að framleiðsla nest-
ispakkanna yrði boðin út og þann-
ig leitast við að ná sem hagkvæm-
astri lausn þessa máls.
Skeiðarársandur
Veður og vötn tefja framkvæmdir
Verkið við að reka niður stálþilið í
kringum gullskipið svonefnda á
Skeiðarársandi er nú hálfnað, en
Kristinn Guðbrandsson sagði í
samtali við Mbl. í gærkvöldi að
ekkert hefði verið hægt aö vinna
við það sl. þrjá daga sökum slag-
veðurs. Þá hafa Skeiðarár og
Svínafellsá gert mönnum gramt í
geði síðustu dagana, þær hafa
margbrotið varnargarða, þannig að
í nógu er að snúast hjá fjórtán-
menningunum sem nú eru á sand-
inum, þó veður gefi ekki til vinnu
við sjálft stálþilið. Kristinn sagði
að þilið væri nú allt komið austur,
en mikil vinna eftir við að lagfæra
stálbitana áður en hægt yrði að
reka þá niður. Myndina hér að
ofan tók Ómar Ragnarsson sl.
föstudag.
Verðkönnun á byggingarvörum í Reykjavfk og Svíþjóð:
Verðmismunurinn mun
minni en við áttum von á
— sagði Georg Ólafsson, verðlagsstjóri
ennfremur mættur Ake Hallman,
,ÞAÐ eru einkum tvö atriði, sem
vekja athygli okkar í niðurstöðum
þessarar könnunar. Annars vegar að
seraent skuli vera um 58% dýrara
hér á landi og síðan hins vegar að
verðmismunurinn er mun minni, ís-
lendingum í hag, en við áttum von á
almennt,“ sagði Georg Ólafsson,
verðlagsstjóri, á blaðamannafundi í
gærdag, þar sem niðurstöður könn-
unar á verði byggingarvara í Reykja-
vík annars vegar og í Svíþjóð hins
vegar voru kynntar. Á fundinum var
verðlagsstjóri Svíþjóðar.
Alls var gerður verðsamanburð-
ar á 33 vörutegundum, þar af 22
sem framleiddar eru í Svíþjóð og
eru m.a. seldar í Reykjavík. Hinar
vörurnar eru ýmist framleiddar á
hvorum staðnum fyrir sig, eða
framleiddar í Svíþjóð eða öðrum
löndum án sérstaks vörumerkis.
Verð á þeim vörum sem bornar
voru saman var oftast hærra í
Reykjavík en í Svíþjóð, eða 26
vörutegundir af 33. „Þrátt fyrir
háan flutningskostnað og aðflutn-
ingsgjöld til Islands var verðmun-
ur hins vegar í mörgum tilvikum
minni en ætla hefði mátt á þeim
vörum sem fluttar eru inn,“ sagði
Georg Ólafsson.
Á fundinum kom fram, að
ósekkjað sement sem framleitt er
í hvoru landinu fyrir sig og selt
steypustöðvum er allt að 60% dýr-
ara í Reykjavík en t.d. í Stokk-
hólmi. Hins vegar er lítiil verð-
munur á sekkjuðu sementi og er
það að jafnaði heldur dýrara í Sví-
1.000 minkahvolpar drápust úr torkennilegum sjúkdómi:
700 þúsund króna tjón
minkabænda við Eyjafjörð
Akureyri, 5. júlí.
„ÉG HEF ekki í höndunum álit
dýralæknisins á Keldum, sem
rannsakaði þessa fimmtán
hvolpa, er við sendum þeim, en
þar kemur fram að allt bendir til
þess að um eitrun sé að ræða,“
sagði einn viðmælandi Mbl. í
dag, þegar það leitaði álits eig-
enda þeirra minkabúa við Eyja-
fjörð, sem urðu fyrir því í júní-
mánuði að missa um 1.000
minkahvolpa úr torkennilegum
sjúkdómi, sem þeir telja ástæðu
til að ætla að rekja megi til
skemmds fóðurs sem keypt var
frá frystihúsinu Kaldbak h.f. á
Grenivík.
Þau þrjú bú sem urðu fyrir
tjóni eru á Sólbergi, Lómatjörn
og bú Grávöru á Grenivík. Hver
hvolpur er metinn að brúttó-
verðmæti á um 700 kr. Þannig
að þarna er um verulegt tjón að
ræða. Líkur eru taldar á að
ttTggingarfélög viðkomandi
búa muni bæta þeim tjónið að
frádreginni 5% sjálfsáhættu.
Mbl. hafði samband við Knút
Karlsson framkvæmdastjóra
Kaldbaks h.f. og innti hann
álits á þessu atviki. Knútur

nms&si'
m
V
»
1C»
S ’
_ SS
Úr minkabúinu að Sólbergi í Eyjafirði.
Morp»bla«i4/GBer(.
sagði: „Tímabilið 10. til 20. júní
er viðkvæmur tími í minka-
búum vegna þess að þá eru læð-
urnar að geldast. Einnig má
geta þess að mikið kuldakast
;ekk yfir landið á þessum tíma.
meðan ég hef ekki fengið úr-
skurð dýralækna þeirra, sem
rannsökuðu hvolpana vil ég
ekkert fullyrða um orsök dauða
þeirra á þessum þremur stöð-
um. Svipuð atvik hafa oft átt
sér stað erlendis, t.d. á mörgum
stöðum á Jótlandi árið 1981.
Þrátt fyrir langa reynslu Dana
í minkarækt hafa sérfræðingar
þeirra ekki fundið orsakirnar."
Eftir því sem Mbl. hefur
fregnað er mikill hiti í mönnum
í héraði út af þessum atburð-
um, og jafnvel hefur komið til
tals meðal eigenda minkabú-
anna að hætta viðskiptum við
Kaldbak og leita þá til Kaupfé-
lags Eyfirðinga að það komi
upp fóðurstöð.
þjóð. Ef miðað er við verðlag á
sementi nú væri jafnvel ódýrara
fyrir steypustöðvar í Reykjavík að
flytja það inn frá Suður-Svíþjóð
en að kaupa það frá Sementsverk-
smiðju ríkisins.
Ef flutningskostnaður er dreg-
inn frá timburverði væri það í
sumum tilvikum lægra í Reykja-
vík en í Svíþjóð.
Mikill kostnaður leggst á inn-
kaupsverð glerullar, hreinlætis-
tækja, veggflísa og fleiri vöruteg-
unda. Þrátt fyrir það eru sumar
þessar vörur ódýrari til kaupenda
í Reykjavík en í Svíþjóð. „Bendir
þetta til hagstæðari innkaupa inn-
flytjenda á markaði þar sem sam-
keppni er mikil," sagði Georg.
„Einangrunargler er mun ódýr-
ara í Reykjavík en í Svíþjóð þrátt
fyrir sömu gæði samkvæmt upp-
lýsingum Rannsóknastofnunar
byggingariðnaðarins. Samkeppnin
er mikil á glermarkaði hérlendis
og hvetur vafalaust til hagstæðari
innkaupa og hagkvæmni í
rekstri," sagði Georg.
Jafnhliða könnuninni voru laun
starfsmanna í byggingarvöru-
framleiðslu og starfsmanna í
byggingarvöruverzlunum á Is-
landi borin saman við laun sömu
starfsstétta í Svíþjóð. Nokkurrar
óvissu gætir um launin á íslandi,
einkum er varðar skatta en reynt
var að bera saman ráðstöfunar-
tekjur. Má þó með nokkurri ná-
kvæmni segja að tekjur fyrrnefnd-
ra stétta að frádregnum beinum
sköttum séu um 30% hærri í Sví-
þjóð en á íslandi.
G.Berg. ]
Selur með lax
í kjaftinum sást
við Ölfusárbrú
Að undanförnu hefur oft orðið
vart við sel í Ölfursá við Selfoss og í
gærmorgun sá Kolbeinn Kristinsson
á Selfossi tvo seli velta sér í vatns-
skorpunni, rétt neðan við Ölfusár-
brúna og var annar þeirra með lax í
kjaftinum. Kolbeinn sagðist aldrei
hafa séð, eða heyrt um að slíkt hafi
sést áður á þessum slóðum.