Morgunblaðið - 07.07.1983, Blaðsíða 14

Morgunblaðið - 07.07.1983, Blaðsíða 14
14 MORGUNBLAÐIÐ, FIMMTUDAGUR 7. JÚLÍ 1983 Byggjum á verkum Krists í þágu sjúkra p Rætt við Francis Grim, formann alþjóða- | 4 hreyfingar kristilegra heilbrigðisstétta \ HÉR Á landi eru nú stödd hjónin Francis og Erasmia Grim fri Suður- Afríku. Eru þau hér á vegum Kristi- legs félags heilbrigðisstétta en Francis Grim er stofnandi alþjóða- hreyfingarinnar „International Hospital Christian Fellowship“. Þetta er fjórða heimsókn Grira til íslands en hingað kom hann fyrst 1957. Kristilegt félag heilbrigðis- stétta var stofnað 1978 og tók þi við af Kristilegu félagi hjúkrunar- kvenna, sem starfað hafði fri 1952. í samtali við Mbl. var Francis Grim fyrst spurður um tilgang og starfsemi alþjóðahreyfingarinnar. „Grundvöllurinn sem hreyfingin byggist á,“ sagði Grim „eru verk Jesú Krists í þágu sjúkra og beiðni hans um að þau mættu verða okk- ur mönnunum til eftirbreytni. Starf Krists fólst í aðhlynningu og kristilegri hughreystingu þeirra sem við sjúkdóma áttu að stríða og það er markmið hreyfingarinn- ar. Við vitum að fleiri koma á sjúkrahús en í kirkjur og hvar ætti fólk, sem lifir í hraða og erli nútímaþjóðfélags, að finna sér þann tíma til andlegrar umhugs- unar og kristilegrar íhugunar sem það hefur við sjúkrahúsdvöl? Það má segja að í amstri daglegs lífs sjái fólk heiminn í láréttu ljósi en á sjúkrahúsum í lóðréttu — og þá hugsa menn upp í mót. FrancLs Grim, forseti alþjóðahreyf- ingar kristilegra heilbrigðisstétta. Ein góð ástæða önnur," sagði Grim ennfremur, „án þess að ég vilji blanda kristni við svo verald- legan hlut sem pólitík er, að í löndum þar sem kommúnistar fara með völd á kristin kirkja oft í vök að verjast. Kirkjum er jafnvel lokað og starf þeirra bælt niður. Sjúkrahús eru hins vegar staðir þar sem kristinnar aðhlynningar er ekki síður þörf og þeim er aldrei lokað. í framhaldi af þessu vil ég einnig minnast á að starf okkar fer fram í löndum múhameðstrúar og búddisma, þó við viðurkennum ekki kirkjur þeirra sem slíkar." Aðspurður um hvernig starfið færi fram, sagði Grim: „Alþjóða- hreyfingin beinir starfi sínu frem- ur til þeirra sem vinna á sjúkra- húsum en til sjúklinga. Þá á ég ekki aðeins við lækna og hjúkrun- arfræðinga heldur alla starfs- menn. Andleg aðstoð við sjúka er síðan í höndum þessa fólks, því má ekki gleyma að andleg aðstoð er nauðsynleg jafnhliða líkamlegri. Starfsfólk þarf að geta tekist á við þá örvæntingu sem oft grípur um sig í hugum sjúklinga, það verður að geta rætt um hluti eins og dauðann, sem ég tel að engin sannkristinn maður þurfi að ótt- ast. Sjúkir þurfa oft að. opna hug sinn gagnvart lífinu, Guði og dauðanum en aðstandendum reyn- ist yfirleitt erfitt að ræða slík mál. Það getur oft reynst starfsmönn- um sjúkrahúsa erfitt líka og verð- ur því að undirbúa þá á allan hátt sem best. Starfsemi okkar er margþætt," sagði Grim, „aðalstöðvar hreyf- ingarinnar eru í Suður-Afríku en þjálfunarstöð fyrir enskumælandi fólk er i Hollandi og önnur slík fyrir frönskumælandi verður sett á laggirnar í Sviss innan skamms. Þá eru gefin út rit á vegum hreyf- ingarinnar og alþjóðaráðstefnur haldnar á nokkurra ára fresti. Sú síðasta var í Englandi 1981 og voru þátttakendur um eitt þúsund frá 102 löndum, þar af tólf frá ís- landi. Næst verður ráðstefna hald- in árið 1986 og verða þá liðin 50 ár frá stofnun hreyfingarinnar. Að lokum var Francis Grim spurður um aðdragandann að starfi sínu. „Þannig var,“ sagði hann, „að faðir minn lést á jólanótt fyrir 47 árum, eftir þriggja mánaða sjúkrahúsvist. Á þeim tíma höfð- um við bræðurnir, Carl Grim og ég, heimsótt hann oft og vorum við sammála um að þörf væri fyrir kristilega íhugun og fræðslu með- al sjúklinga og starfsfólk. Rædd- um við þetta meðal sjúklinga og héldum nokkra fundi með starfs- og forráðamönnum sjúkrahússins. Fékk hugmynd okkar um stofnun slíks félags strax mikinn hljóm- grunn og var innan skamms stofn- að félag sem náði til flestra sjúkrahúsa í Suður-Afríku. 1951 fór ég siðan til Evrópu og undirbjó stofnun kristilegra félaga heil- brigðisstétta þar og má nú segja að starf okkar nái til flestra landa heims.“ Meðan á dvöl þeirra hjóna stendur halda þau filndi og bæna- stundir með starfsfólki sjúkra- húsa og félagsmönnum. Einnig halda þau fundi sem opnir eru öll- um og helgarsamvera verður á þeirra vegum í Bjarkarhlíð við Bústaðaveg 8.-9. júlí. Þá talar Francis Grim við guðsþjónustu á Landspítalanum kl. 10.00 sunnu- daginn 10. júlí. Heimurinn er ekki eins svart- ur og menn vilja mála hann Rætt við bjartsýnismanninn Peter Bröste „MEÐ BJARTSÝNI er allt framkvæmanlegt. Erfíðleikar og krepputíð eru hlutir, sem við mannfólkið búum til. Ef bjartsýnishugsjónin réði hugum manna og gjörðum væru engin slík vandamál. Þess vegna vinn ég á allan hátt að því að örva bjartsýni á meðal fólks, heimurinn er ekki eins svartur og mönnum hættir til að mála hann.“ Þessi orð eru höfð eftir Peter Bröste, veitanda „Bjartsýnisverðlauna Bröste“, en hann var nýlega staddur hér á landi af því tilefni að aldarfjórðungur er liðinn frá því fyrirtæki hans setti á fót Bröste-umboðið á fslandi. „Bjartsýnisverðlaun Bröste" hafa verið veitt íslenskum lista- mönnum undanfarin þrjú ár, Garðari Coretes 1981, Braga Ás- geirssyni 1982 og nú síðast Þor- gerði Ingólfsdóttur. í samtali við Mbl. var Bröste fyrst spurður að því hver tildrög verðlaunanna hefðu verið og sagði hann að hugmyndin hefði komið upp meðan heimsókn for- seta íslands, Vigdísar Finnboga- dóttur, til Danmerkur 1981 stóð yfir. Hefði hann þá á einhvern hátt viljað treysta tengsl fyrir- tækis síns við ísland. Sagði hann bjartsýni forsetans og menningaráhuga hafa heillað sig mjög og hefði því verið af- ráðið að Bröste-stofnunin myndi árlega veita einum íslenskum listamanni verðlaun, sem næmu 25.000 krónum dönskum. anna er forseti íslands, Vigdís Finnbogadóttir og sagði Bröste sér mikinn heiður af samstarfi við þetta fólk. Val listamannsins sagi Bröste að öllu leyti vera í höndum nefndarinnar og for- seta. Skilaði nefndin nafni þess er útnefndur væri fyrir fyrsta maí og eftir samþykki forseta væri reynt að finna tíma, sem hentaði öllum aðilum til afhend- ingar verðlaunanna. Listamann- inum er þá boðið ásamt gesti til Listasafnió í Bröste-húsinu, þnr sem verðlaunin eru veitt Aðspurður um val verðlauna- hafans hverju sinni, sagði Bröste að viðkomandi listamað- ur yrði að hafa með list sinni sýnt bjartsýni og dugnað og væri oft erfitt að velja einn úr hópi islenskra listamanna. Sér- stök nefnd sér um að útnefna listamann hverju sinni en í henni eiga sæti þeir Gylfi Þ. Gíslason, fv. ráðherra, Gunnar J. Friðriksson, framkvæmda- stjóri og Árni Kristjánsson píanóleikari. Verndari verðlaun- Bröste ásamt eiginkonu og börnum. F.v. Sören Peter Brtfste, Betty, Heidi Bröste og Ulf. Kaupmannahafnar en afhend- ingin fer fram í húsi Bröste fyrirtækisins þar. Til afhend- ingarinnar er boðið öllum helstu dönsku listamönnunum sem starfa að samskonar list og verðlaunahafinn svo og ýmsum gestum og fréttamönnum. Sagði Bröste verðlaunaafhendinguna hafa vakið mikla athygli í fjöl- miðlum, m.a. hefði danska út- varpið tekið upp tónleika sem Þorgerður Ingólfsdóttir stjórn- aði við verðlaunaafhendinguna 9. júní sl. Ekki tengist Bröste-fyrirtæk- ið listamenningu einungis með verðlaununum því í húsi þess í Christianshavn í Kaupmanna- höfn er að finna listasafn sem rekur sögu danskra skipa-, sigl- inga- og vöruflutninga. Sagði Bröste safnið hafa verið sett á laggirnar til að tengja starfsemi fyrirtækisins, sem er verslunar- og flutningafyrirtæki, við þá tíð er Christianshavn var helsti við- komustaður skipa í Kaup- mannahöfn. Eru munir safnsins allt frá 1618 og saga danskra siglinga sýnd með myndum, lík- önum, gömlum skipsmunum og vörum. Peter Bröste er mikill áhuga- maður um ísland og íslands- vinur og er þetta í þriðja skiptið sem hann dvelur hér. Fannst honum mikið til íslenskrar gestrisni koma og kvaðst hvergi í heiminum hafa hitt jafn- hreinskilið fólk og íslendinga. Vonaðist hann til að geta ferð- ast um landið en hann er hér ásamt konu sinni og börnum, systrum og móður. Það mark- verðasta í ferðinni kvað hann vera heimsókn sína til Bessa- staða. Að lokum sagðist Bröste von- ast til að geta veitt sem flestum íslenskum listamönnum bjart- sýnisverðlaun og kvaðst þess viss að í hverri grein íslenskra lista starfaði mikið af bjartsýnu dugnaðarfólki. ve.

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.