Morgunblaðið - 13.07.1983, Blaðsíða 2
2
MORGUNBLAÐIÐ, MIÐVIKUDAGUR 13. JÚLÍ 1983
* v''V'!sí • -***■ ' WMBM
■■ ■■ :-x
-V '■■
, >• <*&, r:'".., -*r **.; ,r r •: ****** -
«.'■». ' * "''ri^vs■" ' ^ »>;,** ",>SKv"',k .
•> > <<. .• •*" • ~ '"*• •" ' .' m
i-r/- ■ ■■ \ 'j* ^ ■■ ****** -•«
**r :“ • ' f w: ••; . **■«• .•• A »-
MorgunblaÖið/ Jóhann G. Kristinsson.
Sláttur hafinn í Norðfjarðarsveit
Sláttur hófst síöastliðinn laugardag á nokkrum bæjum í Norðfjaröarsveit. Hér er Reynir Jónsson, sonur Jóns
Bjarnasonar á Skorrstað, við heyskapinn.
Hraðfrystihús Patreksfjarðar:
Launagreiðslur taf-
ist í nær tvær vikur
„LAUNAGREIÐSLUR hafa oft taf-
ist um einn eða tvo daga, en aldrei
svo lengi sem nú,“ sagði Gunnar
Snorri Gunnarsson, varaformaður
verkalýðsfélagsins á Patreksfirði,
um launagreiðslur Hraöfrystihúss
Patreksfjaröar hf., en frystihúsið á
að greiða starfsmönnum laun viku-
lega. Launagreiðslur hafa nú dregist
síðan 30. júní sl.
Starfsfólk Hraðfrystihúss Patr-
eksfjarðar hf. hefur ekki fengið
greidd út laun fyrir störf sín síðan
30. júní og að sögn Gunnars
Snorra Gunnarssonar á því starfs-
fólkið inni tveggja vikna kaup hjá
frystihúsinu nk. fimmtudag. Eitt-
hvað er enn af fiski í frystihúsinu
og sagði Gunnar að starfsfólkið
hefði samþykkt að verka hann og
yrði því lokið nk. fimmtudag. Eftir
það væri óvíst hvað við tæki.
Gunnar sagði að verkalýðsfélagið
hefði ekki í hyggju að stofna til
verkfalls vegna þessa en allir von-
Fasteignaverð á höfuðborgar-
svæðinu lækkaði um 11%
FASTEIGNAVERÐ á höfuðborg-
arsvæðinu hefur undanfarna mán-
uði lækkað miðað við fast verðlag,
samkvæmt upplýsingum sem
koma fram í nýjasta fréttabréfi
Fasteignamats ríkisins, en þar
segir að mikil eftirspurn hafi verið
eftir litlum fbúðum, en minna eft-
ir einbýlishúsum og raðhúsum,
þrátt fyrir mikið framboð.
Samkvæmt síðustu könnun
var söluverð íbúða í fjölbýlis-
húsum 11% lægra í apríl síðast-
liðnum en í sama mánuði í
fyrra. Þá er miðað við láns-
kjaravísitölu og fast verðlag.
Innan tímabilsins lækkaði verð
þó mest síðari hluta þess frá
október til apríl, samtals um
9%.
Söluverð sérbýlishúsa virðist
hafa lækkað meira á þessu
tímabili. Verðþróun þeirra er
ekki þekkt af nákvæmni allt
tímabilið. Nokkur vísbending er
þó að á fyrsta ársfjórðungi
þessa árs lækkaði raunverð
þeirra um 6%.
Á fyrrnefndu tímabili hækk-
aði fasteignaverð um 52%.
Lánskjaravísitala hækkaði um
70% og byggingarvísitala um
75%. Þá verður að gæta þess að
fasteignaverð var mjög hátt í
apríl 1982, raunar hið hæsta
sem mælst hefur í áratug. *
Litlar íbúðir voru hlutfalls-
lega mjög dýrar í apríl sl. Þá
kostaði hver fermetri í tveggja
herbergja íbúð 12% meira en í
fjögurra herbergja íbúð. Mun-
urinn var 6% í október 1982 og
hefur farið vaxandi. Síðustu ár
hefur hann oft verið 3-5%
en
ákaflega sjaldan farið yfir 7%.
Loks segir, að telja megi víst,
að skortur á lóðum undir fjöl-
býlishús með litlum íbúðum
hafi hér haft talsverð áhrif.
Seyöisfjöröur:
Nýtt skip bættist í
fískiskipaflotann
Seyðisfirói, 12. júlí.
í DAG BÆTTIST nýtt og glæsilegt
skip í fiskiskipastól landsmanna,
Guliver Ns 12, 420 lesta skuttogari,
smíðaður í skipasmíðastöðinni
Flekkefjörd-skip og Maskinfabrikk í
Flekkefjörd í Noregi.
Það var indælisveður, sól og
hiti, eins og verið hefur að mestu
leyti hér um mánaðartíma, þegar
skipið kom inn á Seyðisfjörð.
Fjöldi smærri báta sigldi til móts
við hið nýja skip fánum prýddir.
Eftir tollskoðun hér úti á firðinum
lagðist skipið að bryggju klukkan
16 stundvíslega. Fjöldi fólks tók á
móti skipinu og skipshöfn þess og
ríkti hátíðarblær yfir Seyðisfirði
hér í dag. Sóknarpresturinn, sr.
Magnús Björn Björnsson, flutti
bæn og blessunarorð, Jónas Hall-
grímsson, bæjarstjóri, bauð skip
og skipshöfn velkomna fyrir hönd
íbúa Seyðisfjarðar, en auk hans
tóku til máls Tómas Árnason,
fyrrverandi viðskiptaráðherra,
Helgi Seljan, alþingismaður, og
Egill Jónsson, alþingismaður.
Þetta nýja skip, Gullver Ns 12,
er hið fjórða í röðinni sem ber
þetta nafn í eigu Gullbergs hf., en
þeir félagar Olafur M. Olafsson,
útgerðarmaður, og Jón Pálsson,
skipstjóri, hófu samstarf og út-
gerð á fyrsta Gullverinu árið 1959.
Skipið er búið öllum nýjustu sigl-
ingar- og fiskileitartækjum sem
völ er á. Aðalvél skipsins er af
Mak-gerð, 1770 hestafla, 900 snún-
inga. Spilkerfi er af Brattvag-gerð
og útbúið með „auto“-trolli. Það er
49,85 metrar á lengd og 9,5 á
breidd. Ganghraði skipsins reynd-
ist 13,2 sjómílur við reynslusigl-
ingu og burðargeta þess er um 170
tonn af fiski, ísuðum í 90 lítra
kassa. Á skipinu er 15 manna
áhöfn, skipstjóri er Jón Pálsson,
stýrimenn Axel Ágústsson og Jón-
as Jónsson, vélstjórar Einar Hilm-
arsson, Sigurður Hilmarsson og
Jón Þorgeirsson.
Fréttaritari.
uðust til þess að unnt yrði að leysa
fjárhagsvanda frystihússins sem
fyrst, þrátt fyrir dökkt útlit.
Framkvæmdastjóri Hraðfrysti-
hússins á Patreksfirði, Jón Krist-
insson, er staddur í Reykjavík um
þessar mundir, en Mbl. hefur ekki
tekist að ná sambandi við hann.
Bandaríska
sendiráðið
fékk lóð
BORGARRÁÐ samþykkti í gær að
úthluta sendiráði Bandaríkjanna lóð
fyrir skrifstofubyggingu í Nýja mið-
bænum.
Afmarkast lóðin af Ofanleiti og
Háaleiti og er lóðarstærð áætluð
11.700 fermetrar. Gatnagerðar-
gjaldið af lóðinni er áætlað tæpar
4,7 milljónir króna og er það jafn-
framt lágmarksgjald, en við það
er miðað að nýting verði 0,5 og
meðallofthæð 4,0.
Vegna sérstöðu úthlutunarhaf-
ans var samþykkt að heimila gerð
lóðarleigusamnings við hann til 75
ára.
Hitaveita
Reykjavíkur:
Sótt um
43,5%
hækkun
BORGARRÁÐ samþykkti á
fundi sínum í gær að óska eft-
ir því við iðnaðarráðuneytið
að fá heimild til hækkunar á
gjaldskrá Hitaveitu Reykja-
víkur og Rafmagnsveitu
Reykjavíkur, samkvæmt upp-
lýsingum sem Mbl. fékk hjá
borgarstjóra í gær.
Sótt er um að hvert tonn af
heitu vatni hækki úr 8,36
krónum í 12 krónur, en það
jafngildir 43,5% hækkun. Þá
er sótt um 8% hækkun á
gjaldskrá Rafmagnsveitunn-
ar, auk hækkunar sem verður
hjá Landsvirkjun.
0
INNLENT
Tjónamatið á Patreksfirði:
Endurstofnverð húsa 26,4%
hærra en brunabótamat
Nýja Esjan á leið til landsins
Esja, hið nýja strandferðaskip Skipaútgerðar rfkisins, var afhent Skipaút-
gerðinni á föstudag í Lowestoft í Englandi, þar sem hún var smíðuð, við
hefðbundna athöfn. Var þá íslenski fáninn dreginn að hún á skipinu í fyrsta
skipti. Áætlað er að skipið komi hingað til lands næstkomandi föstudag.
Gamla Esjan er nú í slipp í Reykjavík til viðgerðar en hún verður afhent þeim
aðila á Grænhöfðaeyjum sem fest hefur kaup á henni í Rotterdam um næstu
mánaðamót. Guðmundur Einarsson tók þessa mynd af nýju Esjunni í Low-
estoft.
MIKIÐ misræmi er á milli brunabótamats og endurstofnsverðs húseigna á
Patreksfirði, sem skemmdust eða eyðilögðust í náttúruhamförunum þar í
vetur. í Fréttabréfi fasteignamats ríkisins, sem nýlega kom út segir, að
samanlagt endurstofnverð þeirra íbúðarhúsa, sem skemmdust sé 26,4%
hærra en brunabótamat, en eftir því voru húsin bætt. Kemur þetta fram í
skýrslu tæknideildar FMR um samanburð á endurstofnverði og brunabóta-
mati þeirra 17 húsa á Patreksfirði, sem bætur komu fyrir úr viðlagatrygg-
ingu.
I Fréttabréfinu segir ennfrem-
ur, að brunabótamat atvinnuhús-
næðis hafi á hinn bóginn verið
40% hærra en endurstofnverð. í
ljós hafi komið, að FMR hafi met-
ið 9 af íbúðarhúsunum nýlega og
séu því til stærðarreikningar, upp-
drættir og matslýsingar hjá stofn-
uninni. Þessi gögn og matsupp-
hæðir hafi ekki verið notuð við
tjónamat á eignunum. Matsmenn
hafi sennilega ekki vitað um til-
vist þeirra því eftir þeim hafi
aldrei verið leitað.
Þá segir ennfremur: „Hér verð-
ur ekki lagður dómur á hvort
brunabótamat þessara eigna eða
endurstofnverð er réttara. Athug-
un beggja aðila mun væntanlega
leiða það í ljós. Hins vegar er
augljóst að það er ekki í þágu al-
mennings að gengið sé fram hjá
nýlegum upplýsingum FMR um
eignirnar þegar tjónið var metið.
Sérstaklega þegar tillit er tekið til
þess að nokkur áðurnefndra húsa
gjöreyðilögðust svo meta varð þau
eftir skriflegum heimildum."