Morgunblaðið - 15.07.1983, Blaðsíða 18

MORGUNBLAÐIÐ, FÖSTUDAGUR 15. JÚLÍ 1983
18
Ragnar Arnalds:
Spurningar til
utanríkisráðherra
Forsætisráðherra hefur greint
frá því í viðtölum við fjöimiðla að
ósk Bandaríkjastjórnar um nýjar
herstöðvar með ratsjárbúnaði á
íslandi sé nú á umræðustigi innan
ríkisstjórnarinnar og milli ís-
lenskra og bandarískra stjórn-
valda. Utanríkisráðherra lýsti
þeirri afstöðu sinni í ræðu 2. júlí
sl. að sjálfsagt væri að verða við
þessari ósk.
„Það er ennfremur í þágu fs-
lendinga að þannig sé almennt bú-
ið að varnarliðinu og starfsemi
þess að það geti gegnt hlutverki
sínu í þágu Islendinga. Bygging
eldsneytisgeyma í Helguvík, flug-
skýla og radarstöðva eru allt slík-
ar framkvæmdir."
Vegna þessara ummæla, sem
benda til þess að málið sé komið á
rekspöl, án þess að nokkrar upp-
lýsingar hafi verið lagðar fyrir Al-
þingi, fer Alþýðubandalagið þess á
leit að utanríkisráðherra svari
eftirtöldum spurningum:
1. Hvenær lögðu stjórnvöld í
Bandaríkjunum fram greinar-
gerð og skýrslur um eðli og til-
gang þeirra ratsjárstöðva sem
ætlunin er að reisa? Er ríkis-
stjórnin reiðubúin að leggja
þessar skýrslur fram í utanrík-
ismálanefnd Alþingis?
2. Hvers eðlis eru ratsj; rsiöðv-
arnar, hve margar þeir; a viija
Bandaríkjamenn reisa hér á
næstu árum og hvar eiga þær
að rísa?
3. Hvert er hlutverk hinna nýju
ratsjárstöðva í a) hernaðar-
kerfi NATO, b) hernaðarkerfi
Bandarikjanna?
4. Hvert skila ratsjárstöðvar þær
sem Bandaríkjastjórn vill reisa
á íslandi þeim upplýsingum
sem þær safna?
5. Hvenær hyggst ríkisstjórnin
afgreiða ósk Bandaríkjastjórn-
ar um nýjar ratsjárstöðvar?
Flugdagur á Sauðárkróki:
Flugsýning og loft-
belgur frá Bretlandi
FLUGDAGUR verður haldinn á
Sauðárkróki á morgun, laugar-
daginn 16. júlí, og hefst með hon-
um Sumarsæluvika. Flugdagurinn
sem haldinn er á vegum Flug-
klúbbs Sauðárkróks í minningu
dr. Alexanders Jóhannessonar
hefst kl. 13.30 og mun forseti
Flugmálafélags íslands, Jón E.
Böðvarsson, flytja setningarræðu.
Flugsýning hefst eftir að ávörp
hafa verið flutt og koma þar við
sögu stórar vélar og litlar.
Einnig verður sýnt fallhlífar-
stökk, björgun með þyrlu og síðast
en ekki síst mun hitaloftbelgur
fljúga yfir Sauðárkrók með
tveggja manna áhöfn, en hann
hefur verið fenginn hingað frá
Bretlandi í tilefni þess að 200 ár
eru liðin frá því að menn flugu I
fyrsta sinn, en það var einmitt I
loftbelg sem þessum.
Flugdansleikur verður svo hald-
inn um kvöldið og mun hljómsveit
Ingimars Eydal leika fyrir dansi.
Athugasemd frá
V erðlagsstofnun
MORGUNBLAÐINU hefur borizt
eftirfarandi athugasemd frá Verð-
lagsstofnun:
„1 verðkynningu Verðlagsstofn-
unar nr. 14, þar sem gerður er
samanburður á verði á bygg-
ingarvörum, er ávallt miðað við
nýjasta verð á vörum í Reykjavík í
því skyni að samanburðurinn við
Svíþjóð verði raunhæfur.
Dæmi eru hins vegar um að
lægra verð finnist. Þannig er verð
á IFÖ Cascade baðkari og salerni
19—25% ódýrara í Byggingar-
vöruverslun Kjartans Jónssonar,
Tryggvagötu 6, en fram kemur í
áðurnefndri verðkönnun. Sam-
kvæmt þeim upplýsingum sem
Verðlagsstofnun hefur, er hér þó
um undantekningartilvik að ræða
og verðið í verðkönnuninni að öðru
leyti í samræmi við verð í verslun-
um.“
Briem, y-nir Eggeria, afbendir GréUri Ólafssyni lækni gjafabréf
meö hinai fullkomnu vökvadæhi. Segir í því að tækið sé gefið til að sýna
Landspítalanum og starfsfólki þakklæti og aðdáun fyrir umönnun Eggerts
Briem læknis.
Landspítala færð
vökvadæla að gjöf
LANDSPÍTALANUM var afhent í
júní síðastliðnum mjög fullkomin
tölvustýrð vökvadæla að gjöf frá
ættingjum Eggerts heitins Briem.
Við afhendingu tækisins var
auk ættingja Eggerts viðstatt
starfsfólk handlækningadeildar
11G og gjörgæsludeildar. Guðrún
Briem, systir Eggerts, afhenti
tækið og Grétar Olafsson yfir-
læknir, þakkað f.h. handlækn-
ingadeildar 11G.
Gunnlaugur E. Briem, faðir
Eggerts, sagði í stuttu ávarpi að
tækið væri gefið í þakklætisskyni
fyrir þá ágætu þjónustu, sem
Eggert hefði notið í langri legu
sinui í Landspítalanum og þakk-
aði i.ann læknum, hjúkrunarliði
og öðru starfsfólki sérstaklega
fyrir alúð og natni.
Davið Á. Gunnarsson, forstjóri
ríkisspítala, þakkaði gefendum
f.h. stjórnarnefndar ríkisspítal-
anna fyrir höfðinglega gjöf.
Einnig lýsti hann sérstakri
ánægju og þakklæti til starfs-
fólks fyrir vel unnin störf.
Við afhendinguna, foreldrar Eggerts, Gunnlaugur og Þóra Briem, milli
þeirra situr mágkona Eggerts, Hrafnhildur Briem.
Davíð A. Gunnarsson, forstjórí ríkisspítaianna, flytur ávarp. Við borðið
sitja Kristján Gíslason, móðurbróðir Eggerts og kona hans, Garðar Briem,
bróðir Eggerts og tveir hjúkrunarfræðingar á handlækningadeild 11G.
Skagafjörður:
Beðið með
óþreyju eft-
ir þurrki
B*. Skagafírði, 14. júlí.
HÉR ER nú súld og rigning annað
slagið. Nokkrir eru byrjaðir að slá
en aðeins þeir sem byrjuðu um
mánðamót hafa náð inn einhverju af
heyjum. Alls staðar er orðið vel
sprottið og eru tún í Fljótum ekki
verrí, þó snjór lægi þar lengi í vor.
Kal frá fyrra ári er að gróa, þó ekki
verði þar sláandi fyrr en síðar í
sumar, en nú bíða menn með
óþreyju eftir þurrki.
Umferð um vegi er orðin nokkur
en þó á hún örugglega eftir að
aukast mjög mikið. A Hólum í
Hjaltadal gengur með ágætum,
þar hafa dvalið börn í sumar, eina
viku hver flokkur. Er það á vegum
kirkjunnar og Hólastaðar. Einnig
hefur þar verið nokkuð um funda-
höld. Um síðustu helgi var fjöl-
skyldumót þar sem Lions-félagar
af Norðurlandi vestra komu sam-
an með fjölskyldum sínum og
skemmtu sér þar með ágætum.
Silungsveiði hefur verið nokkur í
vötnum og sjó en þorskafli enginn
hér innfjarðar. Togarar hafa þó
aflað vel. Sæmileg heilbrigði er
talin í héraðinu.
Björn í Bæ.
Sumarferð
sjálfstæð-
ismanna á
Vestfjörðum
Sjálfstæðismenn á Vestfjörð-
um fara í sína árlegu sumar-
ferð helgina 22. til 24. júlí
næstkomandi. Að þessu sinni
verður farið um ísafjarðardjúp.
Ferðin hefst á ísafirði föstudag-
inn 22. júlí kl. 16.30 og verður ekið
eins og leið liggur inn í Reykjanes.
Þaðan verður farið morguninn
eftir kl. 10.30 og ekið út eftir
Snæfjallaströnd og farið út í Æð-
ey. Um kvöldið verður kvöldvaka
og dansleikur. Á sunnudeginum
verður síðan ekið heim.
Með í ferðinni verða sem jafnan
áður kunnugir leiðsögumenn.
Það er árlegur siður sjálfstæð-
ismanna á Vestfjörðum að fara
sumarferð sem þessa og hafa þær
jafnan tekist vel. í fyrra var farið
á Látrabjarg.
Þátttakendur hafi samband við
Hildi Einarsdóttur í Bolungarvík,
Engilbert Ingvason, Tyrfilmýri,
eða Guðmund S. Guðjónsson,
Bíldudal.