Morgunblaðið - 22.07.1983, Blaðsíða 28
28
MORGUNBLAÐIÐ, FÖSTUDAGUR 22. JÚLÍ 1983
Norræna húsið í Færeyjum
Þetta hús gefur
ótrúlega möguleika
— segir Steen Cold, framkvæmdastjóri Norræna hússins í Færeyjum
„ÞETTA HÚS gefur ótrúlega
möguleika hvað varðar hvers kon-
ar lista- og menningarviðburði svo
og samskipti og tengsl ólíkra hópa
af norrænu þjóðerni. Á hinn bóg-
inn gæti maður óttast, að hús sem
þetta og möguleikar þess, hefði
þau áhrif á menningu Færeyinga,
að þeir kæmu aðeins hingað sem
þiggjendur. Ég held þó að svo
verði ekki og sýnist að Færeyingar
hafi áttað sig á því, að nú er komið
nýtt hús, sem gerir þeim kleift að
stunda list sina og menningu mun
betur en áður,“ sagði Steen Cold,
framkvæmdastjóri Norræna húss-
ins í Færeyjum, í spjalli við Morg-
unblaðið fyrir skömmu.
Eins og kunnugt er af fréttum
var Norræna húsið opnað fyrir
nokkru með mikilli viðhöfn og
þátttöku allra Norðurlandaþjóð-
anna. Eftir vígsluna varð því
miður að loka húsinu aftur, þar
sem vissir byggingarþættir þess
voru ekki fullfrágengnir og erf-
iðlega gekk að ná í arkitekt
hússins til þess að úrbætur
fengjust gerðar. Steen Cold
sagði, að það hefði vissulega
bæði valdið vonbrigðum og erfið-
leikum en vildi að öðru leyti ekki
gera mikið úr málinu. Húsið var
opnað að nýju í byrjun júlí og þá
með færeyskri iðnaðarsýningu
og nú er nýlokið þar íslenzkri
grafíksýningu.
Steen Cold sagði ennfremur,
að til þess að rými fengist fyrir
nauðsynlega þætti starfsemi
hússins hefði verið nauðsynlegt
að byggja það eins stórt og raun
bæri vitni um. Það hefði vantað
.IMlllCUMii
Steen Cold
önnur hús af þessu tagi hingað
til. Þá sagði hann, að mikill
áhugi væri í Færeyjum fyrir ís-
lenzkri list og menningu. Það
væri nauðsynlegt að ná sam-
starfi við sem flestar þjóðir til
þess að skoðanaskipti og aukin
tengsl næðust. f lok ágúst yrði
menningarvika í Norræna hús-
inu í Færeyjum og myndi Þjóð-
leikhúsið meðal annars koma
með verk Svövu Jakobsdóttur,
Lokaæfingu, og mikill áhugi
væri á því að fá kvikmyndina
Með allt á hreinu til sýninga.
Steen Cold sagði einnig, að
ómetanlegt hefði verið að kynn-
ast Kristjáni Eldjárn, fyrrum
forseta íslands, en hann hefði
átt sæti í undirbúningsnefnd
Norræna hússins í Færeyjum.
Séð yfir hluta hússins
MorgunblaAió/ HG
Færeysku bátur í smíðum á færeysku iðnaðarsýningunni
Ullarvörur sýndar á iðnaðarsýningunni
E.L.O.
SECRET MESSAGES
enn ein skrautfjöðrin í hatt
þeirrá E.L.O. manna.
dHi KARNABÆR stdnor
HLJÓMPLÖTUDEILD