Morgunblaðið - 24.07.1983, Blaðsíða 7

MORGUNBLAÐIÐ, SUNNUDAGUR 24. JÚLÍ 1983
7
rjf
HUGVEKJA
pt iBL eftir
liJLBL sr- Jón Dalbú Hróbjartsson
„Varist falsspámenn. Þeir
koma til yðar í sauðaklæðum, en
innra eru þeir gráðugir vargar.
Af ávöxtum þeirra skuluð þér
þekkja þá. Hvort lesa menn vín-
ber af þyrnum eða fíkjur af
þistlum? Þannig ber sérhvert
gott tré góða ávöxtu en slæmt
tré vonda ávöxtu..." (Matt.7.
15-23.)
Texti dagsins er tekinn úr
Fjallræðunni. — Jesús er að
tala, lærisveinarnir sitja við
fætur hans og margt fólk hefur
safnast saman til að heyra hvað
meistarinn er að segja. Það segir
í niðurlagi Fjallræðunnar að
fólkið hafi undrast mjög kenn-
ingu hans, því að hann kenndi
ekki eins og fræðimenn þeirra,
heldur kenndi hann eins og sá
sem valdið hefur. Jesús byrjar
ræðu sína á sæluboðunum: „Sæl-
ir eru fátækir í anda, því þeirra
er himnaríki." Tónninn er gef-
inn. Hér talar sá sem vald hefur
til að gera alla menn sæla, sá
sem fyrirgefur syndir. Jesús seg-
ir hér að sá sem kemur auga á
synd sína og þörf sína fyrir hjálp
Guðs, hann er sæll.
Jesús hefur mikið að segja í
Fjallræðunni. Hann setur fram
strangar kröfur, hann segir m.a.
„Þér hafið heyrt að sagt var við
forfeðurna... en ég segi við
yður.“ Krafan nær svo hámarki
sínu er hann segir: „Verið þér
því fullkomnir, eins og faðir yðar
himneskur er fullkominn." Hér
verðum við orðlaus í fyrstu, því
hver getur uppfyllt þessa kröfu?
— Enginn, og þó, hann sem
þarna sat uppi á fjallinu, mann-
sonurinn, Messías sjálfur, hann
var kominn til að uppfylla lög-
málið. Hann var kominn til að
gjöra okkur fullkomin í augum
Guðs, færa okkur í réttlætis-
skrúða sinn svo við stæðumst
fyrir heilagleika Guðs.
f dag mætum við varnaðarorð-
um frá vörum frelsarans. Varist
falsspámenn! Nú við vitum að
spámaður er sá, sem talar af
myndugleik um hinstu rök, um
eðli lífsins og um Guð. Spámað-
ur er sá sem telur sig hafa um-
boð æðri máttar til þess að
leggja úrskurð á þungvægustu
trúarleg vandamál.
Er hægt að segja eitthvað satt
og gilt um þau stóru vandasömu
efni? Já, segir Jesús Kristur. Sú
vissa er forsenda fyrir öllu, sem
hann segir í Fjallræðunni.
Falsspámenn eru þá þeir, sem
segja ósatt um hinstu rök lífsins,
rangsnúa sannleikanum um
Guð. Enda er ekki hægt að falsa
sannleikann, nema sannleikur-
inn sé til og sé kunnur. Það er
aðeins hægt að benda á ranga
leið ef vitað er um þá réttur.
Þetta hafa menn reyndar vé-
fengt með ýmsum rökum. Sumir
hafa mikið uppáhald á þeirri
indversku kenningu, að allar
leiðir séu jafngóðar í andlegum
efnum: Hvaðan sem þú leggur
upp á fjallið kemstu upp, ef þú
leitar á brattann á annað borð,
því tindurinn er alltaf framund-
an hvort sem þú kemur frá
Varist
fals-
spámenn!
austri eða vestri, norðri eða
suðri.
Þessu mótmælir Jesús. Hann
segir: Það eru hamrar í fjallinu
og hengiflug og gljúfur, þar eru
þokur og sviptivindar og hálir
stígar. Og þar eru villtir vegfar-
endur, sem villa um fyrir öðrum,
falsa vegvísana, véla af réttum
vegi.
Þetta hefur ýmsum þótt óað-
gengileg kenning frá fyrstu fíð. í
þeim flokki var Pílatus, sem
spurði: Hvað er sannleikur? En
þá var hann einmitt að svara
Jesú, þegar hann sagði: Til þess
er ég fæddur og til þess í heim-
inn kominn að bera sannleikan-
um vitni. Hver sem er sannleik-
ans megin heyrir mína rödd. Píl-
atus spurði ekki af því að hann
vildi vita sannleikann, heldur til
að verjast honum. Hann þurfti
að finna sér afsökun fyrir að
ganga í berhögg við samvisku
sína til þess að bjarga lýðhylli
sinni. Hann gat ekki heyrt án
þess að beygja sig undir vald
þess manns, sem við hann talaði.
Afstaða Pílatusar er algeng.
Og hún er oftast nær af líkum
rótum runnin. Menn spyrja ekki
til þess að finna sannleikann,
heldur til þess að koma sér und-
an honum.
Jesús vissi að hann var sjálfur
hið ótvíræða og endanlega
sannleiksorð eilífs Guðs. Þess
vegna getur Jesús sagt: Ég er
sannleikurinn. Þegar Jesús svo
talar um falsspámenn, þá er það
fyrst og fremst viðhorfið til hans
sjálfs, sem hann hefur í huga.
Jesús segir m.a.: Komið til mín
og lærið af mér, sælir eru þeir
sem heyra og hlýða, sem ekki
hneykslast á mér, heldur ganga
undir áhrif mín, leyfa mér að
lýsa sér, leiða sig og móta.
Þetta segir Jesús. Og af því að
hann segir þetta og getur sagt
það, þá skulum við hlusta er
hann segir: Varist falsspámenn,
sem segja að þetta sé ekki rétt.
Varist þá sem tortryggja og
segja að annað sé sannara, eða
að ekkert sé öðru sannara.
En falsspámenn koma ekki í
sínum rétta búningi, þeir koma í
sauðaklæðum. Fjárhirðar í Pal-
estínu gengu í gæruúlpum. Á því
þekktust þeir. Hjörðin þekkti
hirði sinn m.a. af búningnum.
En þjófurinn gat lika brugðið
sér í sama búning og stolist i
hagann án þess að valda styggð,
og lokkað í gildru.
Góði hirðirinn, Jesús Kristur,
hefur í huga, þegar hann dregur
upp líkingamyndina af falsspá-
mönnunum. Og bak við þá mynd
er sú staðreynd að lygin gengur
aldrei beint, hún fer alltaf
krókaleiðir.
Lesandi góður, Jesús vill vera
hirðirinn þinn, hann vill gæta
þín, hann hefur opnað himin
sinn fyrir þér og vill að þú gang-
ir á eftir sér inn. Láttu engan
glepja þér sýn, láttu engan
benda þér í öfuga átt, því að það
er fals. Það er engin önnur leið
inn í himinn en einmitt þessi,
Jesús Kristur.

Taylor
Mjólkur-
ísvélar
og shake-
velar
Fyrirliggjandi
greiðsluskilmálar.
Heildverslun Eiríks Ketilssonar
Vatnsstíg 3, sími 25234, 19155.
Af sérstökum ástæöum er þessi FISKARI 900
vélbátur til sölu.
Báturinn sem er ársgamall og keyröur aöeins fáar
klukkustundir, er til afhendingar strax. Einstakt
tækifæri til aö eignast bát í sérflokki.
SKIP&
FASTEIGNIR
SKULAGÖTU 63 - ■S’ 21735 & 21955
Eftir lokun 36361
ÁVOXTUNSfáy
VERÐBRÉFAMARKAÐUR
Ávöxtun sf. annast kaup og sölu verðbréfa, fjár-
vörslu, fjármálaráögjöf og ávöxtunarþjónustu.
Vegir liggja
til allra átta
ISLENDINGAR
Græddur er geymdur eyrir
ef ávaxtað er rétt!
Verðtryggð spariskírteini ríkissjóðs
Gengi 25.07.83
Ar Fl. Sfl./ Ár Fl. s8./
100 kr. 100 kr.
1970 2 15.154 I977 2 1.458
1971 1 13.059 1978 1 1.161
1972 1 12.529 1978 2 932
1972 2 9.873 1979 1 808
1973 1 7.631 1979 2 603
1973 2 7.710 1980 1 518
1974 1 4.870 1980 2 392
1975 1 3.885 1981 1 332
1975 2 2.863 1981 2 251
1976 1 2.512 1982 1 234
1976 2 2.043 1982 2 175
1977 1 1.711
Kaupendur
óskast
að góðum
verðtryggðum
veðskuldabréfum.
Höfum
kaupendur
að óverðtryggðum
veðskuldabréfum.
Öll kaup og sala verðbréfa miðast við daglegan
gengisútreikning. Hringið og kynnið ykkur kjörin.
Ávöxtun ávaxtar fé þitt betur
/ # /
AVOXTUNSf^
LAUGAVEGUR 97 - 101 REYKJAVÍK
OPIÐ FRÁ10 — 17 -SÍMI 28815