Morgunblaðið - 26.07.1983, Blaðsíða 2

2
MORGUNBLAÐIÐ, ÞRIÐJUDAGUR 26. JÚLÍ 1983
Dragnótaveiöar
á Faxaflóa:
Bolfiskafli
eins bátsins
75% aflans
KOLAVEIÐAR í dragnót hófust á
Kaxaflóa um miðjan þennan mánuð og
hafa gengið þokkalega. Nokkuð hefur
þó borið á því að hluti bolfisks (aflan-
um hafi verið mikili, en leyfilegur
hundraðshluti bolfisks, þorsks og ýsu,
er 15% af vikuaflanum.
Síðastliðinn mánudag lönduðu
tveir bátar hjá Heimaskaga á Akra-
nesi, Hafsúlan og Reynir. Afli Haf-
súlunnar var samkvæmt vigtarnót-
um 6,060 lestir og var koli aðeins
1,460, eða tæplega fjórðungur aflans.
Þorskur var 3,350 lestir eða meira en
helmingur. Annar afli var 750 kíió af
ýsu og 500 af lúðu. Reynir landaði
950 kílóum af kola og 1.730 kílóum af
þorski. Þess skal getið, að miðað er
við vikutíma í senn, þegar reiknaður
er út hluti bolfisks í aflanum og því
getur farið svo, að eftir vikuna verði
hann innan leyfilegra marka. Fari
svo ekki, gerir ríkissjóður umfram-
aflann upptækan.
Reyðarfjöröur:
Bíl stolið og
honum velt
BÍLL með tveim mönnum valt í Fagra-
dal aðfaranótt sunnudagsins og er öku-
maður grunaður um að hafa tekið bíl-
inn traustataki og ekið honum ölvaður.
Ökumaðurinn brákaðist á höfði og
liggur nú í Borgarspítalanum í Reykja-
vík og eru batahorfur hans taldar
þokkalegar.
Bíllinn var tekinn á Reyðarfirði
fyrr um nóttina og voru mennirnir á
leið til Egilsstaða um Fagradal.
Enginn var nálægur þegar atburður-
inn átti sér stað, en sá sem var far-
þegi í bílnum slapp ómeiddur og
gekk til byggða.
Lögreglubíll, sem var að koma af
vakt vegna dansleiks á Fáskrúðs-
firði, rakst á manninn um hálfsex-
leytið um morguninn og fór með
honum á staðinn, en þá er talið að
maðurinn hafi verið á gangi í um
hálfan sólarhring. Farið var með
ökumanninn til Egilsstaða og þaðan
áfram með sjúkraflugvél til Reykja-
vikur. Mesta mildi er, að ekki hlaust
verra slys af, því mennirnir voru
nýkomnir framhjá stað, þar sem er
margra metra þverhnípi niður að
Fagradalsá.
Ljósm.: Elln Pálmadóttir.
Með í förinni til Grænlands verður íssjáin sem Raunvísindastofnun
hefur hannað. Hér sést hvar íssjáin er dregin eftir Vatnajökli, en hún
hefur mikið verið notuð við mælingar á þykkt jökla hér á landi.
Með íssjána
til Grænlands
Annar hópurinn sem fer héðan til að
aðstoða við leitina að flugvélunum
í DAG leggur af stað annar leið-
angur sem héðan fer til Grænlands
til að aðstoða bandaríska leiðang-
urinn sem þar er staddur við leit
að átta flugvélum sem nauölentu á
jöklinum á dögum seinni heims-
styrjaldarinnar.
Leiðangurinn sem héðan fer er
skipaður þeim Helga Björnssyni
jöklafræðingi, Jóni Sveinssyni
rafeindatæknifræðingi og Arn-
grími Hermannssyni röntgen-
tækni. Til Grænlands hafa þeir
með sér tæki sem Raunvísinda-
stofnun Háskólans hefur hannað
og hefur verið kallað íssjá.
f samtali við Mbl. sagði Helgi
Björnsson, sem jafnframt verður
leiðangursstjóri, að ákveðið
hefði verið að þeir færu þrír
seinni partinn í dag með íssjána
með sér til Grænlands. Síðan
stæði til að fara á miðvikudag-
inn til svæðisins þar sem Banda-
ríkjamennirnir teldu að vélarnar
væri að finna.
„Við ætlum að athuga hvort
við getum fundið þessar flugvél-
ar með íssjánni," sagði Helgi
Björnsson. „íssjáin er þannig
gerð að hún sendir frá sér raf-
segulbylgjur frá yfirborðinu og
niður í gegnum ísinn. Þær
endurkastast síðan frá botni
jökulsins eða þeim hlutum sem á
leið þeirra kunna að verða. fs-
sjáin hefur verið notuð hér á
landi við að mæla þykkt jökla og
við munum nota tækið á sama
hátt og það hefur verið notað
hér.
Við lofum engu um árangur en
við höfum reynslu af því að tæk-
ið getur fundið hluti í jöklum.
Hins vegar eru það Bandaríkja-
mennirnir sem ákveða hvar leita
skal en ég á eftir að setja mig
betur inn í það hvað þeir vita um
þetta svæði sem við eigum að
leita á. Svæðið sem við eigum að
leita á er 25 km2 og við munum
tengja íssjána aftan í snjóbíl og
draga hana eftir þessu svæði. Ég
reikna með að við munum mæla
á þessu svæði eftir línum sem
verða með um 500 m millibili og
þannig munum við fínkemba
svæðið. Ef við finnum flug-
vélarnar ekki á þessu svæði þá
getur farið svo að við leitum að
þeim víðar en enn er ekkert
ákveðið í þessum efnum," sagði
Helgi að lokum.
fssjáin var hönnuð hjá Raun-
vísindastofnun Háskóla fslands
og hefur hún verið notuð við
mælingar á jöklum síðan 1980.
Fundum frestað
í Blöndudeilu
DEILUAÐILAR í Blöndudeilunni
svonefndu samþykktu í gær á fundi
hjá Ríkissáttasemjara tillögu um að
fresta fundum um deiluefni fram yf-
ir 20. ágúst næstkomandi. Tillaga
þessi kom fram hjá launþegum.
Jóhann Már Maríusson, aðstoð-
arframkvæmdastjóri Landsvirkj-
unar, sagði, að þessi ákvörðun
hefði verið tekin þar sem sam-
komulag hefði ekki legið fyrir og
menn hefðu átt erfitt með funda-
sókn sökum sumarfría. hann
sagði einnig, að hugsanlegt væri
að opnun tilboða í göng við
Blönduvirkjun, sem fyrirhuguð
var 12. september, yrði frestað,
þar sem Landsvirkjun hefði ekki
hugsað sér að ráðast í nýjan stór-
an verkþátt öðruvísi en samning-
ar lægju fyrir.
Norðurlandamótið í skák:
Curt Hansen efstur
fslendingar þátt í mótinu. Að lokn-
um fjórum umferðum í almenna
flokknum hafði Davíð Ólafsson frá
Reykjavík unnið allar skákir sínar,
en Morgunblaðinu er ekki kunnugt
um, hvernig skák hans í gær lauk
eða úrslit í skákum annarra ís-
lenskra þátttakenda.
Pétur Guð-
jónsson fram-
kv.stj. látinn
PÉTUR Guðjónsson, framkvæmda-
stjóri í Reykjavík er látinn, 57 ára að
aldri. Pétur varð bráðkvaddur er
hann var í skíðagöngu á Eyjafjalla-
jökli síðastliðinn laugardag.
Pétur fæddist í Reykjavík 19.
mars 1926. Hann var sonur hjón-
anna Guðjóns Jónssonar, kaup-
manns á Hverfisgötu 50 í Reykjavík
og Sigríðar Pétursdóttur. Um ferm-
ingu fór Pétur í siglingar og varð
loftskeytamaður um 1941. Hann var
síðan í siglingum til 1950. Að lokn-
um siglingunum hóf hann nám í
Verslunarskóla fslands og lauk
verslunarprófi þaðan. Hann hóf síð-
an verslunar- og fasteignarekstur í
Reykjavík og rak nokkur fyrirtæki
ásamt konu sinni.
DANINN Curt Hansen er nú einn
efstur í úrvalsflokki á Norðurlanda-
mótinu í skák, sem nú fer fram í Es-
bjerg í Danmörku. Að loknum 7 um-
ferðum hefur hann 6 vinninga.
Vegna biðskáka er staðan að öðru
leyti fremur óljós, en íslensku
þátttakendurnir í úrvalsflokki,
Guðmundur Sigurjónsson og Dan
Hansson, eiga báðir biðskákir, sem
tefldar verða í dag. Guðmundur er
með 2Vfe vinning auk biðskákarinn-
ar og er hann með betri stöðu gegn
Schneider frá Svíþjóð. Dan er með 2
vinninga og lakari stöðu í biðskák
sinni gegn Norðmanninum Thiller.
Erfiðlega hefur gengið að fá
fréttir af öðrum flokkum, en auk
þeirra Guðmundar og Dans taka 9
Veðurhorfur:
Svipað veður
„ÞAÐ er útlit fyrir rigningu að
mestu leyti á Suður- og Vesturlandi
næstu daga, en mun betra veður
fyrir norðan og austan,“ sagði
Trausti Jónsson veðurfræðingur í
samtali við Mbl., er hann var inntur
eftir veðurhorfum næstu daga.
Hann sagði að hitastig yrði að
öllum líkindum svipað og undan-
farna daga, eða í kringum 9 gráð-
ur fyrir sunnan og vestan, en færi
hugsanlega upp í 20 gráður fyrir
norðan og austan þegar best léti
næstu daga.
Mikil veðurblíða var á norðan-
og austanverðu landinu í gær og
mældist hiti á Akureyri 23 gráður,
21 gráða mældist á Staðarhóli í
Aðaldal og 29 gráður á Grímsstöð-
um á Fjöllum.
Eiturlyf leyfð til
einkanota á Spáni
„Slæmar fréttir," segir talsmaður íslenzka fíkniefnadómstólsins
EKKI er lengur refsivert að hafa eiturlyf undir höndum á Spáni og viðurlög
við smygli og sölu eiturlyfja eru nú vægari en þau voru áður, eftir að
spænska þingið samþykkti breytingar á spænsku hegningarlöggjöfinni að
frumkvæði ríkisstjórnarinnar á mánudaginn var.
Frá þessu segir norska blaðið
Aftenposten á miðvikudaginn 20.
júlí. Þar segir ennfremur að til-
lagan hafi komið fram í byrjun
júní, en lögin hafi tekið gildi á
mánudag, og þau hafi verið sam-
þykkt gegn atkvæðum Ihaldsafl-
anna á þingi. Þá segir að norska
utanríkisráðuneytið íhugi nú
hvernig best sé að mótmæla þess-
ari lagasetningu Spánverja.
Samkvæmt hinum nýsettu lög-
um er ekki refsivert að hafa eit-
urlyf undir höndum, hvaða nafni
sem þau nefnast, svo framarlega
maður sé orðin 18 ára og sé ekki í
fangelsi eða gegni herþjónustu.
Ekkert segir í sjálfum lögunum
um það hversu mikið magn mað-
ur má hafa undir höndum til þess
að það teljist einungis til einka-
nota og er það sett í vald dóm-
stólanna að ákvarða það. Þeir
virðast hafa gert það að reglu að
miða við 100 grömm af hassi, og
eftir því minna magn sem efnin
verða sterkari.
Samtímis þessum breytingum,
verða viðurlög við smygli og sölu
hass einnig vægari. Áður var há-
marksrefsing fyrir smygl eða
sölu kannabisefna 12 ár, en er nú
sex ár og hámarksrefsing fyrir
sterkari efnin 12 ár. Hægt er að
kveða upp þyngri dóma ef sér-
stakar ástæður til þyngingar eru
taldar fyrir hendi.
Aftenposten segir að þessar
lagabreytingar hafi vakið sterk
viðbrögð í mörgum evrópskum
löndum, en þær séu ekki mikið
ræddar í spænskum blöðum.
Norski dómsmálaráðherrann
Mona Rökke segir í samtali við
Aftenposten, að með þessari laga-
setningu hafi Spánverjar gefist
upp í baráttunni gegn eiturlyfj-
unum og hún óttist það að norsk-
ur ungdómur geti haft sín fyrstu
kynni af eiturlyfjum á Spáni, en
þangað ferðast Norðmenn mikið
eins og íslendingar. Hún segir
einnig að Spánn hafi undirritað
samþykkt Sameinuðu þjóðanna
um eiturlyf og hafi þar með sam-
þykkt þá kvöð að láta ekki slíkar
breytingar taka gildi fyrr en að
18 mánuðum liðnum. Segir hún
að Norðmenn muni taka þetta
mál upp á vettvangi Sameinuðu
þjóðanna.
Yfirmaður norsku eiturlyfja-
lögreglunnar segir í samtali við
Aftenposten að ekki sé hægt að
lögsækja norskan ríkisborgara í
Noregi fyrir að hafa eiturlyf und-
ir höndum á Spáni, eftir þessar
lagabreytingar, en það var hægt
áður. Hann segir einnig að þetta
hljóti að leiða til strangara eftir-
lits með farþegum sem koma frá
Spáni, en hingað til hafi verið.
Baldur Möller, ráðuneytisstjóri
í dómsmálaráðuneytinu, sagði að
þeir í dómsmálaráðuneytinu
hefðu einungis haft óljósar fregn-
ir af þessu máli, en þeir myndu
afla sér upplýsinga um þetta mál
og fylgjast náið með því.
Guðmundur Benediktsson,
dómari í fíkniefnadómstólnum,
sagði að þeir hefðu heyrt af þessu
og þetta væru slæmar fréttir, en
Hollendingar og Danir, hefðu
einnig væga löggjöf hvað þetta
snerti. Hann sagði að okkur bæri
að mótmæla þessum lögum á al-
þjóðavettvangi.
Á undanförnum árum hefur
talsvert verið um það að fslend-
ingar hafi reynt að smygla hassi
frá Marokkó í gegnum Spán.
Mjög margir íslendingar heim-
sækja Spán á hverju ári sem
ferðamenn, ekki síst ungt fólk.
Pétur Guðjónsson tók mikinn
þátt í stjórnmálum fyrir Sjálfstæð-
isflokkinn og lét sig sjávarútvegs-
mál miklu skipta og skrifaði um
þau fjölda greina. Sérstaklega rit-
aði hann mikið um landhelgismál
og var fylgismaður vestrænnar
samvinnu og áhugamaður um al-
þjóðamál.
Pétur kvæntist Báru Sigurjóns-
dóttur í desember 1949 og lifir hún
mann sinn ásamt sonum þeirra,
Sigurjóni og Guðjóni Þór.
Sex bfla
árekstur
SEX BÍLA irekstur varð i Miklu-
brautinni i öðrum tímanum í gKr.
dag. Átti atburðurinn sér stað
skammt ausUn Lönguhlíðar og voru
bifreiðirnar i leið í vestur.
Fyrst ok einn bill aftan á annan
og síðan koll af kolli, uns sex bílar
voru komnir í eina kös. Einn var
fluttur á slysadeild, en eftir því
sem Morgunblaðið komst næst í
gær, munu meiðsl hans ekki hafa
verið alvarleg.