Morgunblaðið - 27.07.1983, Blaðsíða 33
MORGUNBLAÐIÐ, MIÐVIKUDAGUR 27. JÚLÍ 1983
33
NORDUHHUO
Hægri helmingur hússins veröur byggður í 1. áfanga, norðurhlið og vesturhlið á mynd.
Grunnmynd, hægri helmingur verður byggður fyrst.
Bygging Fjölbrautaskóla Suöurlands hafin á Selfossi
„Gí efa þá 1 byggt er
glei M í stöi •fum“
Hafin er bygging Fjölbrautaskóla Suðurlands á Selfossi, en fyrsta
skóflustungan var tekin f gær, 26. júlí, að viðstöddu fjölmenni.
Fjölbrautaskólinn á Selfossi hefur starfað sl. tvö ár undir stjórn Heimis
Pálssonar skólameistara, en skólinn hefur búið við mjög þröngan og
ófullnægjandi húsakost. Mikil aðsókn hefur verið í skólann, en húsakost-
ur hefur háð mjög vexti hans og þróun. Því er lagt mikið kapp á að koma
fyrsta áfanga nýja skólahússins sem fyrst í notkun og er stefnt að því
fyrir haustið 1985. Þór Vigfússon hefur verið ráðinn skólameistari Fjöl-
brautaskóla Suðurlands frá'næstu mánaðamótum, en fráfarandi skóla-
meistari tók fyrstu skóflustunguna að hinu nýja mannvirki. Fjölbrauta-
skóli Suðurlands miðar við samvinnu Árnesinga, Rangæinga og Vestur-
Skaftfellinga, en annar fjölbrautaskóli er í Vestmannaeyjum.
Menntamálaráðuneytið sam-
þykkti fyrir fáum dögum fyrir
sitt leyti að hafnar verði fram-
kvæmdir við fyrri áfanga skól-
ans, en ríkissjóður greiðir 60%
af kostnaði.
Fjölbrautaskólabyggingin er
teiknuð af dr. Magga Jónssyni
arkitekt, en Selfosskaupstaður
gaf 44.800 fermetra lóð undir
skólann með kvöð um að lands-
hlutabókasafn verði einnig reist
þar og þeirri byggingu áætlaðir
5.000 fermetrar. Formaður bygg-
ingarnefndar Fjölbrautaskólans
er Guðmundur K. Jónsson en
rekstrarstjóri er Erlendur Hálf-
dánarson.
Fjölbrautaskólahúsið verður
byggt í tveimur áföngum, fyrri
áfangi er 2.970 fermetrar og sá
seinni 2.424 fermetrar, eða alls
5.394 fermetrar. Búið er að
semja um jarðvegsvinnu fyrri
áfanga og uppfyllingu undir
plötu hússins sem reiknað er
með að verði tilbúin fyrir vetur-
inn.
Fjölbrautaskólinn á Selfossi
starfaði í 6 húsum í bænum sl.
vetur og þurftu kennarar og
nemendur að vera á sífelldum
hlaupum milli húsa, en alls
stunduðu um 300 nemendur nám
í Fjölbrautaskólanum sl. vetur
víðs vegar af Suðurlandi, og að
auki um 50 í öldungadeild.
Að lokinni athöfn þar sem
fyrsta skóflustungan var tekin
var efnt til kaffisamsætis í
gagnfræðaskólahúsinu þar sem
Heimi Pálssyni skólameistara
var þakkað frábært starf við
skólann og nýr skólameistari,
Þór Vigfússon, boðinn velkom-
inn. Fjölmargir fluttu ávörp og
heillaóskir í tilefni atburðarins
og m.a. flutti Hjörtur Þórarins-
son, formaður skólanefndar,
kveðju og árnaðaróskir frá
Ragnhildi Helgadóttur, mennta-
málaráðherra.
Guðmundur Daníelsson skáld og
rithöfundur var mættur við athöfn-
ina, en hann er gamalreyndur
skólamaður í Árnessýslu.
Reiknað er með að um 400
nemendur stundi nám i skólan-
um nk. vetur og um 70 í öldunga-
deild.
Heimir Pálsson, fráfarandi
skólameistari, tók fyrstu skóflu-
stunguna all rösklega eins og
hans var von og vísa og mælti
um leið: „Megi heill því húsi
fylgja, gæfa þá byggt er, gleði í
störfum, farsæld um framtíð
alla.“
— *-j-
Margt manna var við athöfnina.
Heimir Pálsson skólameistari tekur fyrstu skóflustunguna. í baksýn sjást
m.a. Guðrún Þorkelsdóttir, Þór Vigfússon og Óli Þ. Guðbjartsson forseti
bæjarstjórnar á Selfossi.
Hluti skólanefndar ásamt skólameisturunum. Frá vinstri: Páll Lýðsson,
Þór Vigfússon, Hjörtur Þórarinsson, Jón Guðbrandsson, Ólafur Helgi
Kjartansson og Heimir Pálsson.
Grein og myndir: Árni Johnsen
....% V'.... V . 1 ■ 1 11 1 'r."
■'ÍK
UMVERSLUNAR-
MANNAHELGINA