Morgunblaðið - 27.07.1983, Blaðsíða 40

40
MORGUNBLAÐIÐ, MIÐVIKUDAGUR 27. JÚLÍ 1983
ást er...
... að eyða deginum í að
snyrta sig áður en farið
er á stefnumót.
TM Rm U.S Pat Off.-all rtgfits resorved
• 1961 Los Angeles Tlmes Syndicate
Þú Kttir að sjá hve allir sýna
mér mikla tillitssemi í um-
ferðinni?
Hafðu ekki áhyggjur frú mín.
— Ég hef ofnæmi fyrir þröng-
um húsakosti!
HÖGNI HREKKVÍSI
VER.ÐOR. AÐHÆTTA AV SPillA
ffONUM MBO ETFTiR.t-/E.TI •"
Hjartaþræðingartækið:
Gífurlega mikilvægt að
tæki þetta sé eins öruggt
og fullkomið og völ er á
Trausti Sigurlaugsson og Ingólfur
Viktorsson skrifa:
„Velvakandi góður.
Undanfarið hafa orðið þó
nokkrar opinberar umræður útaf
margnefndu hjartaþræðingartæki
Landspítalans og erfiðleikum í
sambandi við það, m.a. hve gamalt
og úrelt það er, svo og þær tíðu
bilanir sem orðið hafa og valdið
sjúklingum, læknum og hjúkrun-
arliði ótrúlegum óþægindum, sem
enginn getur gert sér nógu ljóst,
nema þeir sem reyna.
Margfaldar þakkir skulu þeim
mörgu áhugasömu og gjóðviljuðu
færðar, sem fjallað hafa um þessi
mál opinberlega, frá þeim sem
hlotið hafa heilsu sína að nýju eft-
ir læknismeðferð, sem hefst fyrst
og fremst með rannsókn með
hjartaþræðingartækinu á Land-
spítalanum. Er því gífurlega þýð-
ingarmikið að tæki þetta sé i alla
staði eins öruggt og fullkomið og
völ er á. Við viljum gjarna leið-
rétta þann útbreidda misskilning
vegna væntanlegra sjúklinga og
aðstandenda þeirra, að hér er um
rannsóknartæki en ekki lækn-
ingameðferðartæki að ræða, í þess
orðs fyllstu merkingu, og vildum
við því gjarna kalla það „Hjarta-
og æða-myndtæki“.
Vegna þess hve þörfin er knýj-
andi og áhugi fólks vaknaður fyrir
mikilvægi þess að tæki þetta sé
nýtt, og í allra fullkomnasta lagi
höfum við í undirbúningsnefnd að
Samtökum hjartasjúklinga, sem
halda stofnfund sinn seinni hluta
septembermánaðar nk. ákveðið að
leggja þessu máli lið með því að
veita mótttöku framlögum, sem
gefin verða til kaupa á nýju tæki,
á gíróreikningi nr. 237000 í póst-
gíróstofunni í Reykjavík. Einnig
munum við reyna aðrar fjáröflun-
arleiðir fljótlega eftir stofnfund
og mun söfnunarféð einvörðungu
verða notað í þessu skyni.
Það skal tekið fram að á fjöl-
mennum undirbúningsfundi Sam-
taka hjartasjúklinga, sem haldinn
var þann 26. maí sl., var ítarlega
fjallað um nauðsynleg hjarta-
lækningatæki og þá sérstaklega
„Hjarta- og æða-myndtæki“ Land-
spítalans og bót á því ófremdar-
ástandi sem ríkir í þeim málum.“
Þessir hringdu . . .
Þakkir til rík-
isútvarpsins
Jón Karlsson, Sauðárkróki,
hringdi og hafði eftirfarandi að
segja: — Mig langar aðeins til að
spjalla við þig um eilífðarmálefni,
sem mér er hugstætt, en það er
tónlistarflutningur Ríkisútvarps-
ins. Og þá er mér efst í huga að
þakka útvarpinu fyrir flutning á
klassískri tónlist á undanförnum
árum og jafnvel áratugum. Ég
held að það sé því að þakka, að það
er til stór hópur manna hér á
landi, sem kann að hlusta á klass-
íska tónlist og nýtur þess. Ég vil
einnig láta þá skoðun mína koma
fram, að þessar skoðanakannanir,
sem hampað hefur verið, þar sem
klassísk tónlist hefur lent neðar-
lega á óskalistanum, gefa engan
veginn rétta mynd af raunveru-
legum áhuga fólks á þessari teg-
und tónlistar, né heldur að þar
komi fram, hversu margir þeir
eru, sem kunna að notfæra sér
slíka tónlist. Ég fordæmi ekki
nokkra tónlist af nokkru tagi, en
mér finnst vera hlaupinn ákaflega
mikill ofvöxtur í umfjöllun fjöl-
miðla, einkum blaða, um popp-
diskó- og rokktónlist. Þá finnst
mér val Ríkisútvarpsins á þessari
svokölluði léttu tónlist, sem er
eðlilega mikið af í dagsránni, vera
einhæft í sjálfu sér, þ.e.a.s. að það
er gengið fram hjá mikilvægum og
nærtækum þáttum í þeim efnum.
Að yfirgnæfandi meirihluta er þar
um að ræða engilsaxneska og am-
eríska létttónlist, samkvæmt vin-
sældalistum þessara menningar-
svæða, en t.d. gengið fram hjá
Norðurlöndunum og Evrópulönd-
um eins og Þýskalandi, en þar
grunar mig, að þessir vinsælda-
listar líti ákaflega mikið öðruvísi
út. Ég bendi sérstaklega á Mið-
Evrópu-músíkina, t.d. hina þýsku,
léttu og glöðu músík, sem er ákaf-
lega aðgengilegt fyrir alla aldurs-
flokka að hlusta á. Svo að ég snúi
mér aftur að klassísku tónlistinni,
þá langar mig að færa útvarpinu
sérstakar þakkir fyrir þátt sem
nýlega hefur verið tekinn upp í
dagskrána og heitir Tónbilið, á ní-
unda tímanum á morgnana. Hann
er mér að minnsta kosti kærkom-
inn. Ekki vil ég heldur láta hjá
líða að þakka Stefáni Jónssyni á
Grænumýri fyrir þættina, sem
hann var með annan hvern laug-
ardag og kallað Hljómspegil.
Hann gerði þessu alveg frábær
skil, bæði að því er varðaði val á
tónlistinni og eins hvað hann fór
nærfærnum og góðum höndum um
efnið í tali sínu um tónlistina.
GÆTUM TUNGUNNAR
Sagt var: Þar voru fulltrúar tveggja samtaka.
Rétt væri: ...fulltrúar tvennra samtaka.
Betur færi þó: ... fulltrúar frá tvennum samtökum.
(Ath.: Eintala af orðinu samtök (eitt samtak, sam-
takið) er ekki til.)