Morgunblaðið - 17.09.1983, Qupperneq 13

MORGUNBLAÐIÐ, LAUGARDAGUR 17. SEPTEMBER 1983
„ÍR8KA liðið verkar vissulega
sterkt á blaði, en auðvitað er
ennþá óljóst hvaða leikmenn
fara til íslands; ástæðan til
þess er ósköp einföld og þá á
ég við meiðsli sem einstakir
leikmenn geta orðið fyrir.
Leikurinn við ísland er mikil-
vægur frá okkar sjónarhóli
séð. Við höfum að vísu, eins og
ísland, misst af lestinni í úr-
slitakeppni Evrópukeppninnar
í París, en við erum að byggja
upp lið fyrir undankeppni
næstu heimsmeistarakeppni.
I»á ætlum við okkur stóra hluti
og ég er sannfærður um að
írska liðið getur skákað þeim
beztu,“ sagði Frank Stapleton,
miðherji írska landsliðsins og
Manchester United, í samtali
við Mbl.
„íslenzka liðið
verður erfitt viðureignar
á Laugardalsvelli44
Frank Stapleton kom hingað til
lands í fyrra með Manchester
United í boði Vals. Á myndinni
er hann á æfingu á ValsvelH
ásamt Ray Wilkins.
Stapleton hefur verið
valinn í írska lands-
liðshópinn gegn ís-
lenska landsliðinu í
Evrópukeppni lands-
liða á Laugardalsvelli þann 21.
september næstkomandi. Það
verða margir kunnir kappar í
írska liðinu, Liam Brady, sem
leikur með Sampdoria á ítaliu,
Kevin Moran og Stapleton frá
Manchester United, David
O’Leary, Arsenal, Michael Rob-
inson og Mark Lawrenson, Liv-
erpool, Chris Hughton, Totten-
ham, Kevin O’Callaghan, Ips-
wich, og Gerry Daly, Leicester,
svo nokkrir séu nefndir. Allt
leikmenn, sem eru íslenskum
sjónvarpsáhorfendum að góðu
kunnir.
Frank Stapleton er einn skæð-
asti miðherji ensku knattspyrn-
unnar — leikinn og skallar
knöttinn flestum betur. Hann er
nú að hefja sitt þriðja leiktíma-
bil með Manchester United —
varð bikarmeistari með liðinu
síðastliðið vor og kom hingað til
lands í fyrra. Stapleton gekk til
liðs við Manchester United frá
Lundúnafélaginu Arsenal. Vildi
til liðs við stærra félag og
Manchester United varð fyrir
valinu eftir að mörg stærstu fé-
lög Englands höfðu sóst eftir að
fá hann til liðs við sig. Þeirra á
meðal Liverpool. Hann lék 223
leiki fyrir Arsenal og skoraði 75
mörk í 1. deild, en auk þess 29
bikarmörk. United borgaði 900
þúsund pund fyrir Stapleton og
hann hefur launað félaginu það
með því að skora 27 mörk í 1.
deild í 80 leikjum.
Nú eru rétt 10 ár sfðan Staple-
ton hélt til Lundúna frá írlandi
til þess að leika með Arsenal.
Hann var þá aðeins 16 ára gam-
all; einn fjölmarga ungra
knattspyrnumanna, sem árlega
vonast til þess að komast f at-
vinnumennsku. Með Stapleton
komu Liam Brady og David
O’Leary. Allir komust þeir í
fremstu röð og áttu stóran þátt í
að gera Arsenal að einu bezta
félagsliði Bretlands. En Liam
Brady hélt á braut, fór til Ju-
ventus á ítalfu og leikur nú með
Sampdoria. Stapleton vildi einn-
ig reyna fyrir sér annars staðar
en á Highbury og gekk til liðs við
United. Aðeins O’Leary er eftir
og leikur nú stórt hlutverk í vörn
Lundúnaliðsins.
— Hvernig líst þér á leikinn á
íslandi?
„Hann leggst vel í mig, við
sigruðum fslenska liðið f Dublin
2—0. Það var erfiður leikur, ís-
lenska liðið lék fast og gaf hvergi
eftir. Islenska liðið verður erfitt
viðureignar á Laugardalsvelli.
En við erum staðráðnir í að
sigra og það sést best af því, að
Liam Brady mun koma alla leið
frá ítaliu til þess að leika í
Reykjavík. Það, ef til vill öðru
fremur, sýnir hve staðráðnir við
erum í að sigra islenska liðið.
Við erum eins og ég sagði að
byggja upp fyrir framtfðina,
fyrir HM í Mexfkó. Möguleikar
okkar í Evrópukeppni landsliða
eru úr sögunni. Spánverjar hafa
unnið alla leiki sina i 7. riðli
nema einn, gerðu jafntefli f Dub-
lin. Okkar möguleikar urðu að
engu þegar við töpuðum
f Hollandi og á
Spáni. Spánverjar
hafa verið mjög
erfiðir viðfangs og
þurfa aðeins að sigra
Möltu f sfðasta leik
sinum til þess að
tryggja sér sæti f úrslitakeppn-
inni í Frakklandi. Ég efast ekki
um að það verður þeim næsta
auðvelt."
— Hvað um fslenska liðið og
leikmenn þess?
„Eins og ég sagði, þá var leik-
urinn í Dublin mjög harður. Mér
skilst að fslenska liðið verði að
stofni til skipað leikmönnum
sem leika á meginlandi Evrópu, f
Belgfu og Þýzkalandi. Margir
þeirra eru góðir knattspyrnu-
menn. Ég verð að segja eins og
er að ég man ekki nöfn einstakra
leikmanna utan Arnórs Guð-
johnsen. Hann er geysilega
sterkur og skemmtilegur leik-
maður, lék gegn Manchester
United þegar við komum til ís-
lands í fyrra."
— Hvernig mundir þú velja
besta lið Irlands, ef þú ættir þess
kost?
„I þessu sambandi vil ég að-
eins nefna þrjá leikmenn, Liam
Brady, Mark Lawrenson og Dav-
id O’Leary, allir mjög snjallir
leikmenn."
— Nú er keppnistfmabilið
hafið á Englandi. Hverja telur
þú möguleika Manchester Unit-
ed f baráttunni um meistara-
titilinn?
„Við höfum byrjað nokkuð vel,
unnum góðan sigur á Arsenal f
Lundúnum, en töpuðum hins
vegar fyrir Nottingham Forest í
Manchester. Við vorum óheppnir
þá, en ég tel að þau úrslit hafi
bara þjappað mönnum betur
saman og undirstrikað að við
verðum að standa saman til þess
að ná árangri í vetur. Allir verða
að leggja sitt af mörkum. And-
rúmsloftið á Old Trafford er
stórkostlegt. En eins og þér er
kunnugt um, þá er keppnistfma-
bilið á Englandi langt og við
verðum að gæta þess að byggja
ekki upp loftkastala sem ekki
standast. Við verðum að halda
okkur við jörðina."
— Hverjir verða helstu and-
stæðingar United, að þinu mati?
Liverpool?
„Það er augljóst að Liverpool
verður með mjög gott lið í vetur.
Félagið hefur verið öðrum hér
fyrirmynd. Til þess að vinna
titla hafa menn orðið að leggja
Liverpool að velli. En Ipswich og
West Ham virka einnig sterk og
hafa byrjað keppnistfmabilið
vel,“ sagði Frank Stapleton.
Rætt við
Frank Stapleton,
miðherja írska
landsliðsins og
Manchester United