Morgunblaðið - 17.09.1983, Blaðsíða 15

MORGUNBLAÐIÐ, LAUGARDAGUR 17. SEPTEMBER 1983
15
„Sýnt á palli“
' Sýningarsalurinn litli að
Skólavörðustíg 4a, er ber nafnið
Gallerí Grjót, er þegar farinn að
taka á sig fastmótaða mynd.
Komið hefur verið fyrir miklum
hnullungi á gangstéttinni fyrir
framan salinn og er mikil prýði
að honum á staðnum. Sjálft gall-
eríið er rekið af miklum menn-
ingarbrag og mun reksturinn
ganga vel að sögn. Þessa dagana
og fram að 22. september stendur
yfir sýning á smámyndum eftir
Orn Þorsteinsson og er það fyrsta
einkasýningin sem sett er upp í
galleríinu. Smámyndir Arnar er
hann nefnir „Úr þúsund mynda
safninu", eða eitthvað í þá áttina,
eru löngu kunnar listnjótendum.
örn hefur m.a. í samvinnu við
Thor Vilhjálmsson gefið út litla
handhæga bók er nefnist
„Ljóðmynd" og var gefin út í 200
tölusettum eintökum. Það er
mikill fjöldi mynda í ekki stærra
kveri, allar í svart hvítu og eiga
að ríma við texta skáldsins og
öfugt. Myndirnar á veggjunum
eru aftur á móti allar í lit og eru
um margt gerðar út frá ólíkum
forsendum. Litirnir, sem eru
nákvæmt stemmdir lífga mikið
upp á heildina og að því leyti eru
myndirnar mun ásjálegri en í
bókinni. Örn nostrar mjög við
þessar myndir, sem eru í frí-
merkjastærð en eru margar sam-
an í nákvæmt uppbyggðum ein-
ingum á hverjum hinna veglegu
umgjarða er listamaðurinn velur
þeim.
Þetta er lítil en notaleg sýning
hjá Erni og ljóðræn stemmning
er yfir sýningunni. í sjálfu sér
eru verkin ekki átakamikil en
það er líka mikil list að gera
myndir í smáum formum sem
stórum. Stærð mynda ræður
aldrei gæðum þeirra hvað sem
öllum tískufyrirbærum viðkem-
ur. Rýni áhorfandinn vel í mynd-
irnar koma ósjaldan fyrir erótísk
form, sem þó eru aldrei gróf, —
frekar létt og lifandi og hneyksla
vísast engann. Þetta er falleg og
vel upp sett sýning sem vel er
þess virði að vera skoðuð. Skúlpt-
úrinn stóri fyrir miðju sýn-
ingarrýmisins hefði þó mátt
missa sín. Hann hefur sést áður
og þrengir að auki hið litla rými.
Allt annar helmingur er að sjá
hinn skúlptúrinn, sem er vel
staðsettur og að auki mun magn-
aðari í formi.
Tímanum er vel varið með inn-
liti inn i þetta litla en fallega
gallerí og þar má sjá auk sýn-
ingar Arnars margan fagran
gripinn eftir stofnendur og eig-
endur salarins.
- Bragi Ásgeirsson.
„Lokaæfing“ Svövu
Jakobsdóttur:
Hlaut lofsam-
legar viðtök-
ur í Færeyjum
EINS OG komið hefur fram í frétt-
um var leikhópur frá Þjóðleikhús-
inu nýlega á ferð í Færeyjum og
frumsýndi þar nýtt íslenskt leikrit,
Lokaæfingu, eftir Svövu Jakobs-
dóttur, í leikstjórn Bríetar Héðins-
dóttur, þann 31. ágúst í hinu nýja
og glæsilega Norðurlandahúsi í
Þórshöfn. Heimsókn þessi vakti
mikla athygli frænda okkar og voru
færeyskir fjölmiðlar með mikið af
fréttum og viðtölum við gestina þá
daga sem hópurinn stóð við.
Nú hafa blaðadómar borist um
sýninguna í Færeyjum og er
skemmst frá því að segja að þeir
eru allir á einn veg og afar lof-
samlegir.
Fyrirhugað er að frumsýna
Lokaæfingu á Litla sviði Þjóð-
leikhússins þann 6. október nk.
Með hlutverkin í sýningunni fara
Edda Þórarinsdóttir, Sigurður
Karlsson og Sigrún Edda
Björnsdóttir. Birgir Engilberts
gerði leikmyndina, en lýsinguna
annast Ásmundur Karlsson.
FrétUtilkynninc.
Þú svalar lestrarþörf dagsins
ástóum Moggans!
er ekki tími til kominn,
að þú gerist
áskrifandi?
líf er svolítið öðruvísi
líf
_________TÍZKUBLAÐ — FASHION MAGAZINE
ÁRMÚLA 18
105 REYKJAVÍK SIMI 82300