Morgunblaðið - 17.09.1983, Page 40

40
MORGUNBLAÐIÐ, LAUGARDAGUR 17. SEPTEMBER 1983
Ást er...
* 2<i
... að muna eftir að veita
honum viðurkenningu.
TM U.S. Pat Oft.—all rights reserved
c 19p3 Los Angeles Times Syndicate
830
Hér þarf gírkassaflutning, sam
anber hjartaflutning ...
AUTO-SERV
Nú, þetta er þá konan þín, eda
skjátlast mér enn einu sinni?
HÖGNI HREKKVÍSI
Þessir hringdu . . .
Hvað veldur?
Kr. Kr. hringdi og hafði eftirfar-
andi að segja: — Ásmundur
Stefánsson greindi okkur frá því
í útvarpsviðtali nýlega, að nú
þyrfti svo mörgum vinnustund-
um fleira en í fyrra til að kaupa
fyrir sama magn af vörum og
þjónustu. Nefndi hann niður-
skurð vísitölubóta í því sam-
bandi. Ég vísa Ásmundi á að
kynna sér ástand þessara mála i
Færeyjum. Þeir ÁSÍ-menn geta
margt lært af frændum okkar
Færeyingum. Það er t.d. fróðlegt
að bera saman verð á matvörum
hér og hjá þeim, en það mun
vera helmingi eða meira en
helmingi lægra hjá þeim en
okkur. Fyrir utan það að lamba-
kjötið sem vísitölubændurnir
okkar selja þangað er helmingi
ódýrara þar en hér. Hvað er það
eiginlega sem veldur? Af hverju
er matvara svona miklu dýrari
hér en í nágrannalöndum okkar?
Skömm og sví-
virða
Guðrún H. hringdi og hafði
eftirfarandi að segja: — Eg las í
Velvakanda-dálkunum í dag
(fimmtudag) það sem Magnea
Ingólfsdóttir sagði um hunda-
haldið við Hafravatn. í fram-
haldi af því Iangaði mig að vita,
hver bæri ábyrgð á þessari vos-
búð og vanlíðan dýranna. Eða er
enginn ábyrgur? Mér finnst það
hræðileg skömm og svívirða að
loka dýrin inni og búa að þeim,
eins og lýst var í viðtalsklausu
Magneu. Væri það til of mikils
mælst, að ábyrgðarmaður þessa
hundahalds við Hafravatn
skýrði almenningi frá því, hvað
þarna hefur farið úrskeiðis og
hvers vegna?
Vel heppnuð
ferð
Kona úr Garðabæ hringdi og
hafði eftirfarandi að segja: —
Ég fór í ferð með ms Eddu þann
31. ágúst sl. með Hvatarkonum.
Ferðin var f einu og öllu sérstak-
lega vel heppnuð og þarna
kynntist ég góðum konum. Hóp-
urinn var eins og keðja og á far-
arstjórinn okkar, Sigríður Ha-
nnesdóttir, miklar þakkir skilið
fyrir frábæra aðstoð og
skemmtilegheit bæði á sjó og
landi. Ég veit ég tala fyrir fleiri
úr hópnum. Vona ég að slík ferð
verði farin aftur næsta sumar og
ég fái tækifæri til að ferðast með
svo ágætum konum aftur. Þökk
sé Hvöt fyrir að hafa gefið þetta
góða tækifæri.
Fjölmiðlagleði
ráðherranna
Norðlendingur hringdi og hafði
eftirfarandi að segja: — Eg get
ekki annað en hlegið að öllum
þessum fjölmiðlaleik hjá ríkis-
stjórninni. Einn morguninn
kemur frétt um það, höfð eftir
félagsmálaráðherra, að hækka
eigi húsnæðisstjórnarlánin upp í
50% af byggingarkostnaði.
Sama morguninn er einnig í
fréttunum, að fjármálaráðherra
segi, að engir peningar séu til, þó
að leitað sé með logandi ljósi til
þess að standa undir kostnaði
við slíka hækkun lánanna. Hvers
konar fjölmiðlagleði er þetta að
hlaupa út og suður með alls kon-
ar yfirlýsingar, sem oft á tíðum
stangast á, svo ekki sé meira
sagt. Má ekki skoða þessi mál í
rólegheitum, áður en farið er að
gefa yfirlýsingar?
Fólk í
nauðum
mænir
til okkar
Jóhann Á. Kristjánsson, Vest-
mannaeyjum, skrifar:
„Ágæti Velvakandi.
Mig langar til að biðja þig, Vel-
vakandi góður, vinsamlegast, að
vekja athygli á hjálparstarfi
Sjöunda dags aðventista meðal
þurfandi fólks I þróunarlöndum og
víðar í heiminum.
í blaði, sem gefið er út á vegum
safnaðarins, segir nokkuð frá því
starfi sem unnið hefur verið fyrir
það fé, sem áður hefur safnast.
Þar segir m.a.:
„Hjálparstarf ’83 er í framhaldi
af svipuðu starfi sem í heilan
mannsaldur hefur farið fram hér í
landi og í mörgum öðrum löndum.
Ennþá einu sinni leitum við eftir
fjárgjöfum til heilsu- og hjálpar-
starfs aðventista sem fram fer um
allan heim. Það er vegna þinna
gjafa og margra annarra sem við
getum haldið starfinu áfram og
jafnvel stækkað starfssviðið.
Þetta starf er innt af höndum á
146 sjúkrahúsum og heilsuhælum,
251 heilsugæslustöðvum og heima-
gönguhjúkrunarstöðvum, 15 trú-
boðsbátum og 14 hjúkrunarflug-
vélum.
Skýrslur sýna að árið 1981 nutu
meira en 12 milljón manns hjálpar
gegnum 5107 hjálparstöðvar sem
við rekum um veröld alla. Frá
Norðurlöndum fóru á árinu
1982/83 margar sendingar til Pól-
lands í formi matgjafa, skófatnað-
ar og annars fatnaðar.
Þetta blað sýnir nokkrar augna-
bliksmyndir frá sumum þeirra
landa þar sem trúboðar frá Norð-
urlöndum starfa.
Stærsta viðfangsefni okkar árið
1983 er að auðsýna kærleik, skiln-
ing og vináttu. Milljónir manna
eru enn háðar hjálpfýsi okkar.
Þessi fjársöfnun fer fram undir
ströngu eftirliti og með fullri vit-
und yfirvalda. Allir safnarar hafa
heimildarskjöl. Þegar þú gefur
þina gjöf til hjálparstarfsins ’83
máttu treysta því að upphæðin
kemst til skila. Aðalféhirðirinn
sér um að peningunum verði skil-
að til þeirra staða sem þeim var
ætlað að fara til. Þar eð pen-
ingarnir eru afgreiddir eftir leið-
um sem þegar eru til er komist hjá
stjórnunarútgjöldum.
Þúsundir sjálfboðaliða taka
þátt í þessu söfnunarstarfi án
nokkurrar þóknunar. Þeir nota
frítíma sinn í þessu skyni af þvf að
þeir hafa trú á málefninu og hafa
séð að það kemur að gagni. Þú get-
ur öruggur trúað þeim fyrir framlagi
þínu til HJÁLPARSTARFSINS ’83“.
Þessa dagana eru Sjöunda dags
aðventistar að dreifa blöðum, sem
útskýra þetta mannúðar- og kær-
leiksstarf, og taka á móti frjálsum
peningagjöfum til hjálparstarfs-
ins. Margir hafa látið fé af hendi
rakna til þess á undanförnum ár-
um og áratugum og gera enn, því
að þörfin er brýn.
Fólk í nauðum mænir til okkar
og væntir hjálpar. Starfið verður
að halda áfram og mun halda
áfram, því að alltaf verða ein-
hverjir sem tala máli hinna þurf-
andi eða fórna sjálfum sér í kær-
leiksverkum meðal þes°a fólks.
Veist þú að m«' ~ .enskum
krónum er hægt að borga mat og
hælisvist fyrir tvö bðrn í þrjá
daga í Vestur-Afríku? Og fyrir
sömu upphæð mætti gefa barni
með lungnabólgu fúkkalyfjameð-
ferð.
Með gjöf þinni, kæri lesandi,
hvort sem hún er stór eða smá,
verður hægt að lækka tölu þeirra
sem þjást og bæta Hfskjör manna
í heiminum.
í hinni Helgu bók stendur: Sá
lánar Drottni er líknar fátækum
og Guð mun launa honum góðverk
hans.
Jesús segir: Hungraður var eg
og þér gáfuð mér að eta. Þyrstur
var eg og þér gáfuð mér að drekka.
Gestur var eg og þér hýstuð mig.
Nakinn var eg og þér klædduð
mig. Sjúkur var eg og þér vitjuðuð
mín. í fangelsi var eg og þér kom-
uð til mín. — Hvað sem þér gjörið
einum þessara minna minnstu
bræðra, hafið þér mér gjört.
Ég lýk þessum línum með versi
úr sálmi:
Að líkna þeim sem líða
er lífsins skyldugrein.
Þess þörf mun vera víða
því víða heyrast kvein.
Sjá, sumir sjúkir liggja
og suma vantar brauð,
sem kaldan bústað byggja
þá broöurhönd er snauð.“