Morgunblaðið - 12.10.1983, Qupperneq 37
MORGUNBLAÐIÐ, MIÐVIKUDAGUR 12. OKTÓBER 1983
37
Amnesty International, Islandsdeild:
Leitað til eldri borgara um
þátttöku í mannréttindamálum
ÍSLANDSDEILD Amnesty Int-
ernational er nú ad hefja kynn-
ingu á mannréttindastarfi sínu
og hefur verið ákveðið að leita
sérstaklega til eldri borgara og
ellilífeyrisþega. „Við teljum að
hér á landi séu margir eldri borg-
arar, sem eru að Ijúka lífsstarfi
sínu eða eru komnir á eftirlaun,
en hafa bæði tíma, reynslu og
áhuga til að starfa að mannrétt-
indamálum," sagði Guðríður
Magnúsdóttir, meðstjórnandi í
íslandsdeildinni á blaðamanna-
fundi sem nýlega var haldinn.
Kynningarfundur verður haldinn
að Kjarvalsstöðum á morgun kl.
14.00, þar sem Margrét Hein-
reksdóttir fréttamaður kynnir
starf og sögu samtakanna og
Guðríður Magnúsdóttir ræðir
málin undir yfirskriftinni „Hvað
getum við gert?“
Amnesty opnaði nýlega
skrifstofu sína að Hafnar-
stræti 15 og hefur Sif Aðils
verið ráðin starfsmaður þar.
Skrifstofan er opin frá kl.
10.30— 12.00 miðvikudaga og
föstudaga, en annars frá kl.
16.30— 18.00. „Með þessum
fasta opnunartíma viljum við
reyna að koma til móts við
nemendur framhaldsskólanna
og aðra þá sem leita til sam-
takanna um upplýsingar,"
sagði séra Bernharður Guð-
mundsson, formaður íslands-
deildarinnar.
Heimsþingi Amnesty er ný-
lega lokið, en það fór fram í
Frakklandi. Fjórir fulltrúar ís-
landsdeildarinnar sátu þingið
þau Sif Aðils, Bergljót Guð-
mundsdóttir, séra Bernharður
Guðmundsson og Sigríður
Ingvarsdóttir. Á félagsfundi
sem haldinn verður að Kjar-
valsstöðum kl. 20.30 í kvöld
greina þau frá starfi þingsins
og þeim málum sem þar voru
efst á baugi. Meðal annars var
um það rætt um hvernig sam-
tökunum bæri að bregðast við
mannréttindabrotum sem
framin eru með pyntingum og
ofbeldisverkum einstakra sam-
taka og hópa, sem eru óháðir
stjórnvöldum og mannrétt-
indayfirlýsingu Sameinuðu
þjóðanna.
Amnesty samtökin starfa nú
í 151 landi og eru meðlimir
þeirra á þriðja hundrað þús-
und. Aðalstöðvarnar eru í
London, svo og rannsóknar-
deild samtakanna. Hér á landi
er á sjöunda hundrað félaga í
samtökunum. Markmið Amn-
esty er að allir þeir sem sæta
fangelsisvist vegna trúarskoð-
ana sinna eða stjórnmálaskoð-
ana verði náðaðir og að mann-
réttindayfirlýsing Sameinuðu
þjóðanna sé virt. Nú eru í
gangi undirskriftarlistar um
heim allan, þar sem kvatt er til
að samviskufangar allra þjóða
verði náðaðir. Listarnir verða
síðan afhentir forseta alsherj-
arþings Sameinuðu þjóðanna,
sem og þjóðhöfðingjum allra
landa. Hér á landi stendur
undirskriftasöfnunin til 10.
desember.
Á blaðamannafundinum
kom fram að ógerlegt er að
segja til um árangur þess
starfs sem Amnesty Interna-
tional hefur unnið frá því sam-
tökin voru stofnuð árið 1961.
Sagði Bergljót Guðmundsdótt-
ir, ritari, að um það væru
hvorki til tölur né skýrslur.
„Enda myndu fæst yfirvöld
viðurkenna frelsun og náðun
fanga í heimalandi sínu fyrir
tilstilli Amnesty og bréfa frá
meðlimum samtakanna. Það
vill enginn viðurkenna að
ástandið sé slíkt að Amnesty
þurfi að skerast í leikinn. Hitt
er svo annað mál að okkar
haldbestu upplýsingar um ár-
angur í starfi eru þakkarbréf
þeirra sem hafa hlotið sitt
frelsi fyrir tilstilli samtak-
anna. Þá ber að geta þess að
þeir eru ekki ófáir sem hafa
gengið í gegnum hina skelfi-
legustu lífsreynslu í fangelsum
og verið að því komnir að
missa trúna á lífið, þegar þeir
hafa komist á listann yfir sam-
viskufanga. Fengið send bréf
eða haft afspurnir af slíkum
bréfum og segja hreinlega að
vitundin um að „einhver þarna
úti vissi af mér“ hefði haldið í
þeim lífinu," sagði Bergljót.
Einnig kom fram að misjafn-
lega gengur að afla upplýsinga
um samviskufanga og fjölda
þeirra, frá einu landi til ann-
ars. Sagði Jóhanna Jóhannes-
dóttir, meðstjórnandi í ís-
landsdeildinni, að eins og mál-
in stæðu í dag væri tiltölulega
auðvelt að afla slíkra upplýs-
inga frá löndum Mið-Ameríku,
en áberandi erfitt frá t.d. Afg-
anistan, íran og Tyrklandi. Þá
væru enn til þau lönd sem sam-
tökunum væru algerlega lokuð.
Nefndi hún Albaníu í því sam-
bandi.
Eins og áður segir er nú í
gangi undirskriftasöfnun um
allan heim sem afhent verður
Sameinuðu þjóðunum, en hjá
Sameinuðu þjóðunum eru sam-
tökin ráðgefandi aðili. í byrjun
nóvember hefst síðan árleg
vika samviskufangans og verð-
ur að þessu sinni vakin sérstök
athygli á þeim, sem eru í fang-
elsi vegna mannréttindabar-
áttu. Starfsemin hér á landi
sem annars staðar er ekki rík-
isstyrkt þar sem samtökin eru
óháð og óhlutdræg í afstöðu
sinni til samviskufanga. Sam-
tökin mega ekki þiggja opin-
bera fjárstyrki, hvorki frá ríki
né alþjóðafyrirtækjum, enda
meginmál að þau haldi sjálf-
stæði sínu. Fjáröflun er á ýmsa
vegu, með frjálsum framlögum
og söfnun styrktarfélaga.
Einnig hefur íslandsdeildin
gefið út jólakort og verður sá
háttur hafður á í ár. Kortið
prýðir að þessu sinni mynd Jó-
hannesar Kjarval, „Móðurást",
en stjórn Kjarvalsstaða veitti
leyfi til þess að myndin yrði
notuð í þágu Amnesty.
Stjóm íslandsdeildar Amnesty International. F.v. Sigríður Ingvarsdóttir, gjaldkeri, Sif Aðils, framkvæmdastjóri, Ævar Kjartansson, meðstjórnandi,
Jóhanna Jóhannesdóttir, meðstjórnandi, Guðríður Magnúsdóttir, meðstjórnandi, séra Bernharður Guðmundsson, formaður, Bergljót Guðmundsdóttir,
ritari, og Hjördís Hákonardóttir, varaformaður.
Á réttri leið
Hafnarfjörður
Sjálfstæðisflokkurinn
í Hafnarfirði boðar til
almenns
stjórnmálafundar
Dr. Hannes Jónsson sendiherra
íslands í Vestur-Þýskalandi
Þessi mynd var tekin í Bonn 16.
september sl. þegar dr. Hannes
Jónsson (t.h.) afhenti Karl Carstens,
forseta Sambandslýðveldisins
Pýskalands trúnaöarbréf sitt. At-
höfnin fór fram í Villa Hamm-
erschmidt sem er embættissetur for-
setans. í ræðura sem þeir dr. Hann-
es og Karl Carstens fluttu lögðu þeir
báðir megináherslu á að efla bæri
vináttutengsl íslands og Þýska-
lands.
fimmtudaginn 13. okt. nk. kl. 20.30 í Gafl-inn við Reykjanesbraut.
Ræðumenn: Sverrir Hermannsson, iðnaðarráðherra og Matthías Á.
Mathiesen, viðskiptamálaráðherra.
Allir velkomnir.
Sjálfstæðisfélögin í Hafnarfirði.