Morgunblaðið - 04.11.1983, Blaðsíða 20
20
MORGUNBLAÐIÐ, FÖSTUDAGUR 4. NÓVEMBER 1983
Juan Feron og Isabel kona
hans. Enda þótt nær áratugur sé
liðinn frá dauða Perons þá á
minningin um hann sterk ítök í
hugum fjölda Argentínumanna.
Raul Alfonsin, leiðtogi Róttæka flokksins og næsti forseti Argentínu, fagnar sigri eftir kosningarnar.
Bjartsýni í kjöl-
far kosnmganna
RAUL ALFONSIN og flokkur hans, Róttæki flokkurinn, hafa sýnt það með einstæðum sigri
sínum í kosningunum í Argentínu nú, að peronisminn er ekki lengur allsráðandi stjórnmálaafl
þar í landi. Úrslit kosninganna þykja ótvíræð vísbending um, að ekki einasta hafi orðið
þáttaskil þar frá alræðisstjórn til lýðræðisstjórnar, heldur boði sigur Róttæka flokksins
jafnframt ný viðhorf á flestum sviðum þjóðlífsins og ný vinnubrögð í stjórnarháttum í
landinu.
í kosningabaráttu sinni reyndi Róttæki flokkurinn, sem er þrátt fyrir nafnið borgaralegur
miðflokkur með vinstra ívafi, að ná til unga fólksins, sem nú kaus í fyrsta sinn. Með því að
leggja höfuðáherzlu á framtíðina tókst flokknum að afla sér fylgis margra kjósenda, sem telja
nauðsynlegt framar öllu öðru, að Argentína segi skilið við þá fortíð, sem einkennzt hefur af
ógnarstjórn og slíkri óðaverðþólgu, að þekkist hvergi annars staðar í heiminum. Ofan á allt
annað reistu hershöfðingjanir sér ævarandi bautastein með ósigrinum í Falklandseyjastríðinu
við Breta.
Þrátt fyrir það að Argentínu-
menn skelli nú skuldinni af óför-
um sínum á herinn, skal því ekki
gleymt, að herinn er eftir sem
áður eitt voldugasta aflið þar í
landi. Borgaralegar stjórnir í
Argentínu hafa oft verið skamm-
lífar, því að hershöfðingjarnir
fylgjast náið með gerðum þeirra
og bíða færis til að grípa fram í,
ef þeim þykir þurfa.
Alinn upp
við stjórnmál
Raul Alfonsin er þrekvaxinn
sveitalögfræðingur með yfir-
varaskegg, og hefur alizt upp við
stjórnmál nánast frá blautu
barnsbeini. Hann kom þó fyrst
að marki fram í sviðsijós stjórn-
málanna í heimalandi sínu fyrir
einu ári, en áður var hann til-
tölulega lítt þekktur. Hann er úr
vinstra armi Róttæka flokksins,
en hefur einbeitt sér að því að
undanförnu að afla sér fylgis á
meðal hófsamari afla innan
flokksins. Þá hefur hann óspart
biðlað til unga fólksins sem nú
kaus í fyrsta skipti, svo og til
óánægðra peronista.
Alfonsin fæddist 12. marz 1927
í bænum Chasomus, sem stendur
um 100 km fyrir sunnan Buenos
Aires. Foreldrar hans voru
spánskir innflytjendur og rak
faðirinn verzlun í Chasomus. Al-
fonsin gekk í herskóla ríkisins og
ávann sér titilinn lautinant, sem
hann hefur enn í varaliði hersins.
Hann ákvað hins vegar að hætta
við að gerast atvinnuhermaður,
en tók í þess stað að lesa lög og
lauk lagaprófi 1950 frá háskólan-
um í Buenos Aires. Síðan sneri
hann aftur til heimabæjar síns
og hóf þar störf sem lögmaður en
jafnframt og ekki sízt hóf hann
þar afskipti af stjórnmálum.
Hann var kjörinn í bæjar-
stjórn Chasomus 24 ára gamall
og var orðinn þingmaður á fylk-
isþinginu í Buenos Aires, þegar
hann var 31 árs. Hann var kjör-
inn þingmaður á þjóðþinginu í
Fórnarlamb Falklandseyjastríðsins. Það hefur skilið eftir sig beizk-
ar minningar.
fyrsta sinn 1963, en sagði af sér
þingmennsku, er herinn hrakti
Arturo Illia, forseta landsins, frá
völdum í byltingu þremur árum
síðar.
Gengi Alfonsins í stjórnmálum
tók fyrst að vaxa svo að um mun-
aði eftir dauða Ricardo Balbin
1981, sem verið hafði hinn sterki
foringi Róttæka flokksins eða
„caudillo" um langt skeið. Al-
fonsin stofnaði sína eigin hreyf-
ingu innan flokksins, sem bar
heitið „Umbætur og breyting" og
aðhylltist vinstrisinnaðar stjórn-
málahugmyndir jafnaðarmanna
andstætt Balbin, sem fylgt hafði
hefðbundinni miðflokkastefnu.
800.000 manns
á kosningafundi
Alfonsin dró ekki af sér í kosn-
ingabaráttunni nú, heldur var
óþreytandi frá morgni til kvölds.
Hann hefur verið óspar á að
ganga um á meðal fólks, heilsa
því með handabandi og síðast en
ekki sízt að kyssa börnin. Þessi
aðferð þykir í rauninni minna
miklu meira á aðferðir peronista
í kosningabaráttunni en aðferðir
Róttæka flokksins, sem þrátt
fyrir nafnið hefur jafnan haft á
sér ráðsett yfirbragð. Á undan-
förnum þremur mánuðum hefur
Alfonsin ferðazt um Argentínu
þvera og endilanga, flutt um 150
ræður á kosningafundum, þar
sem áheyrendur voru allt frá fá-
einum tugum og upp í 800.000,
eins og þeir voru á útifundi í
Buenos Aires á miðvikudag í síð-
ustu viku.
f kosningaræðum sínum réðst
Alfonsin harkalega á stefnu frá-
farandi herstjórnar á öllum svið-
um og tilhneigingar hennar til
þess að kúga landslýðinn. Þá hef-
ur hann í ríkum mæli varað við
þeirri einræðishyggju, sem hann
segir, að komi fram hjá Peron-
istaflokknum. Hefur hann verið
ómyrkur í máli og lýst forystu-
mannaliði peronista sem „bóf-
um“ og sagt við stuðningsmenn
þeirra: „Sættið ykkur við þá
staðreynd, að þið tapið, því að sá
tími er kominn."
Árið 1977 var Alfonsin einn af
stofnendum svonefnds „Fasta-
þings um mannréttindi" og hefur
á undanförnum árum gagnrýnt