Morgunblaðið - 04.11.1983, Blaðsíða 21

MORGUNBLAÐIÐ, FÖSTUDAGUR 4. NÓVEMBER 1983
21
harðlega hryðjuverkaaðferðir ör-
yggissveita ríkisins gagnvart
meintum andstæðingum her-
stjórnarinnar. Hann hefur gefið
út tvö tímarit um stjórnmál und-
anfarinn áratug og skrifað fjölda
greina í önnur blöð.
Helztu áhugamál hans utan
stjórnmálanna eru góður matur,
knattspyrna og kvikmyndir. Þá
var hann mikill reykingamaður
áður fyrr og reykti þá gjarnan
þrjá pakka af sígarettum á dag,
en lagði síðan reykingar alger-
lega á hilluna fyrir tveimur ár-
um.
Hann er kvæntur æskuunn-
ustu sinni, Mariu Berrenechea,
sem hann kynntist fyrst á úti-
fundi æskufólks í Róttæka
flokknum í heimabæ sínum
Chasomus. Þau eiga sex uppkom-
in börn, þrjá syni og þrjár dætur.
Peronistar enn
öflugir
Helzti andstæðingur Alfonsins
í kosningunum nú var Italo Arg-
entino Luder, leiðtogi peronista,
sem eru eftir sem áður öflugur
stjórnmálaflokkur í landinu en
hið opinbera heiti hans er Part-
ido Justicialista. Stjórn herfor-
ingjanna, sem verið hefur við
völd í Argentínu í 7‘/2 ár, megn-
aði ekki að brjóta peronista á
bak aftur, þrátt fyrir það að
hugmyndafræði flokksins nú eigi
ekki mikið skylt við hugmyndir
Juan Perons, stofnanda flokksins
og einvalds í Argentínu um langt
skeið. Þegar Peron lézt 1. júlí
1974, tók ekkja hans, Isabel, við
af honum, en hún hafði verið
varaforseti. Hún var þó aldrei
annað en leppur hægri armsins í
Peronistaflokknum og þegar
vinstri armur flokksins klauf sig
út úr flokknum og hóf skæruliða-
hernað gegn stjórninni, skapað-
ist alger glundroði í landinu, sem
endaði með því, að herinn hrifs-
aði til sín völdin hinn 24. marz
1976.
Juan Peron er eftir sem áður
hetja verkalýðshreyfingarinnar í
Argentínu og margir félagar
hennar líta enn á hann sem dýrl-
ing. Á kosningafundi peronista í
Buenos Aires á laugardag grétu
margir áheyrendur ýmist hátt
eða í hljóði, þegar rödd Perons
barst út yfir mannfjöldann af
segulbandi. Að mati verkamanna
hefur enginn stjórnmálaleiðtogi i
Argentínu lagt jafn mikið kapp á
að bæta kjör verkamanna og
Peron á sínum tíma. Þess vegna
á peronisminn djúpar rætur í
verkalýðshreyfingu landsins,
enda þótt þeirri kynslóð fari ört
fækkandi, sem man blómaskeið
peronismans á fimmta og sjötta
áratug aldarinnar.
Luder, sem er 67 ára að aldri,
hefur ekki tekizt að skapa þann
eldmóð og hrifningu, sem ein-
kenndi peronistahreyfinguna áð-
ur fyrr og sem raunar er ómiss-
and i i landi sem Argentínu, þar
sem stjórnmálabaráttan er að
verulegu leyti háð á götum úti.
Fyrir það galt hann nú. Samt
sem áður er ekki mikill munur á
stefnuskrám peronista og Rót-
tæka flokksins varðandi hugsan-
lega viðreisn efnahagslífsins i
landinu. Sú ríkisstjórn, sem við
tekur, mun standa frammi fyrir
svo til óleysanlegum vandamál-
um. Argentína er næstum gjald-
þrota, erlendar skuldir landsins
nema 40 milljörðum dollara og
efnahagsgeta þess er svo bágbor-
in, að landið megnar ekki að
greiða afborganir og vexti af
þessum lánum, en verður stöðugt
að semja við lánardrottna sína
um nýja gjalddaga, þar á meðal
Alþjóða gjaldeyrissjóðinn. Og í
hvert sinn, sem slíkt gerist, þá
hefur það haft i för með sér að-
haldsaðgerðir í efnahags- og fé-
lagsmálum fyrir þjóð, sem þegar
var komin á heljarþröm.
Ástandið í Argentínu er þann-
ig nú, að 2,5 millj. manna lifa þar
við hungur í þess orðs fyllstu
merkingu, atvinnuleysið nálgast
50% og fátækrahverfi stórborg-
anna vaxa og vaxa með hverju
árinu. Samtímis hefur þjóðfé-
lagsóánægjan magnazt mjög og
verkföll og mótmælaaðgerðir
orðið æ tíðari. Hefur þar engu
breytt, þótt herstjórnin hafi
reynt að bæla þessar aðgerðir
niður með harðri hendi. I árs-
byrjun 1982 var svo komið, að lá
við algerri upplausn í landinu.
Falklandseyjastríðið
— Örvæntingarráð
hershöfðingjanna
Galtieri, þáverandi forseti, sá
sitt óvænna og greip til örvænt-
ingarráða. Hann hóf styrjöld,
ekki ólíkt því sem aðrir forsetar í
Suður-Ameríku hafa gert á und-
an honum, þegar þeir höfðu rat-
að í vandræði.
Hinn 2. apríl 1982 hernam arg-
entínskur her Falklandseyjar í
Suður-Atlantshafi. Eyjarnar eru
sem kunnugt er brezkt yfirráða-
svæði, enda þótt Argentínumenn
hafi um Iangt skeið gert tilkall
til þeirra. í fyrstu virtist sem
hernaðarsigur Argentínuhers
væri alger og það vakti ekki lít-
inn hljómgrunn hjá þjóð, þar
sem þjóðernisvitund og þjóðern-
ishyggja hafa alltaf verið mjög
rík. Þjóðin sameinaðist í fyrstu í
uppgjörinu gegn hinu gamla
heimsveldi, Bretlandi, og her-
stjórnin fékk nú mikla uppreisn í
vitund fólks.
En hrifningin stóð ekki lengi.
Bretland sendi óvígan flota á
vettvang og náði Falklandseyjum
að nýju á sitt vald eftir lélega
frammistöðu Argentínuhers.
Hrifning almennings breyttist í
reiði, sem beindist gegn her-
stjórninni, er nú studdist ekki við
neitt framar nema ógnarstjórn-
ina. Galtieri forseti varð að fara
frá og þegar nýr forseti, Reyn-
aldo Bignone hershöfðingi, tók
við, þá var öllum ljóst, að tími
hershöfðingjanna var runninn
út.
(Samantekt: Magnús Sigurösson.
Heimildir: Associated Press, Der
Spiegel o. 0.)
Mæður „hinna týndu“ á mótmælagöngu í Buenos Aires. í stjórnar-
tíð herstjórnarinnar hafa ekki færri en 6000 manns horfið sporlaust
í Argentínu.
Milovan Djilas
Rússar not-
færa sér frið-
arstefnuna
segir Milovan Djilas
FRIÐARSTEFNAN á Vestur-
löndum hefði tilgang, ef til væri
frjáls friðarhreyfing í Austur-
Evrópu og Sovétríkjunum. En
án slíkrar friðarhreyfingar þar
og með tilliti til þess, að það er
ekkert stórveldi á Vesturlönd-
um í árásarhug, þá skortir frið-
arsinna á Vesturlöndum í raun-
inni allar pólitískar forsendur.
Þannig kemst Milovan Djilas,
fyrrum baráttufélagi Titos Júgó-
slavíuforseta og þá helzti hug-
myndafræðingur kommúnista-
flokksins þar í landi, að orði í
viðtali við tímaritið „Epoche“ í
Miinchen fyrir skömmu.
I viðtalinu bendir Djilas
ennfremur á, að það sé til lít-
ils að berjast fyrir kjarnorku-
vopnalausu Þýzkalandi eða
Evrópu með mótmælaaðgerð-
um í Bonn, á meðan það er
ókleift að standa að sams kon-
ar mótmælaaðgerðum í
Moskvu eða hefja röddina
gegn hernaðarafskiptum Sov-
étríkjanna í Afganistan, með
svipuðum hætti og bandarísk-
ir stúdentar gerðu, er Banda-
ríkin flæktust í styrjöldina í
Víetnam.
— Sovétríkin notfæra sér
friðarstefnuna og stuðn-
ingsmenn hennar opinskátt í
eigin tilgangi, án þess að frið-
arsinnar virðist gera sér
nokkra grein fyrir því, segir
Djilas ennfremur. — En það
er því aðeins unnt að varð-
veita friðinn, að Vesturlönd
séu nægilega sterk og ákveðin
til þess að hefta heimsvalda-
stefnu Sovétríkjanna, eins og
á sjötta áratugnum og í byrj-
un þess sjöunda.
Sundlaugar
fylltar með
hnífapörum
og leirtaui
Sydney, 1. nóvember. AP.
Starfsmenn nokkurra glæsi-
hótela á Tahiti, sem eiga í
launadeilu við vinnuveitendur
sína, vörpuðu öllu tiltæku
leirtaui og hnífapörum í sund-
laugar hótelanna, veltu bif-
reiðum, brutu rúður og hús-
gögn til að leggja áherzlu á
kröfur sínar um styttingu
vinnuviku úr sex dögum í
fimm, úr 48 stundum í 40.
Jafnframt læstu starfs-
mennirnir inni í hótelunum
fleiri hundruð ferðamenn og
flugvélaáhafnir, svo að veru-
legar tafir urðu á brottför
flugvéla frá Tahiti. Verkfall-
ið hófst á miðvikudag sl., en
náði hámarki í dag með
fyrrgreindum aðgerðum
verkfallsmanna.
simi 29575/29544
T-BOLIR!
T-BOUR!

-r.;

Vorum aö fá nýja sendingu af T-bolum,
m.a. þessa:
Flashdance Status Quo
Duran Duran Whitesnake
Rolling Stones Madness
Blancmange David Bowie
Culture Club Kiss
Scorpions UB40
Rainbow Pink Floyd
Sex Pistols Michael Schenker Group
Wham! Iron Maiden Thompson Twins Bob Marley Depeche Mode
The Police Spandau Ballet Fást í öllum
Japan Thompson Twins E.T. stæröum
SENDUM í PÓSTKRÖFU S. 11508