Morgunblaðið - 01.12.1983, Blaðsíða 22
22
MORGUNBLAÐIÐ, FIMMTUDAGUR 1. DESEMBER 1983
10%
afmælisafsláttur
Viö eigum afmæli
í dag, aö vísu ekki
stórt, en afmæli samt
og í tilefni dagsins
gefum við 10% afslátt
af öllum vörum
verslunarinnar. Mikiö
af vörum á gömlu
veröi.
Póstsendum
Leikfangaverslunin Klapparstíg 40,
símí: 12631.
SIEMENS
?
NÝTT!
Siemens-
FERÐAVIÐTÆKIN:
Ódýr og handhæg og henta vel til nota
heima og heiman, er RÁS-2 hefur
útsendingar stnar.
SIEMENS-einkaumboö:
SMITH & NORLAND H/F,
Nóatúni 4,
sími 28300.
Kjarvalsstaðir 3.—11. des.:
Æskulýðsráð kynn-
ir starfsemi sína
Fundur um snjó-
flóð og snjóflóða-
varnir í kvöld
„Á YFIRSTANDANDI rjúpnaveiði-
tímabili hafa orðið nokkur alvarleg
óhöpp í fjallaferðum, sumpart vegna
vanbúnaðar og fyrirhyggjuleysis veiði-
manna. Skotveiðifélag Islands leggur
því aukna áherslu á fyrri hvatningu til
veiðimanna um að vera aetíð með all-
an nauðsynlegan öryggisútbúnað
meðferðis, þegar farið er til veiða,"
segir í frétt frá Skotveiðifélagi ís-
lands.
Af þessu tilefni efnir félagið til
fundar í kvöld, fimmtudagskvöld,
kl. 20.30, og er fundarefnið snjóflóð
og hvernig á að varast þau. Fram-
sögumaður er Magnús Hallgríms-
son verkfræðingur, en einnig mun
hann fjalla um útbúnað til fjalla-
ferða að vetrarlagi.
Magnús hefur sérmenntað sig á
sviði snjóflóða og snjóflóðavarna og
er auk þess kunnur fjallamaður.
Þá er auk þessa fyrirhugaður
fundur hjá Skotveiðifélaginu í
næstu viku, þar sem fjallað verður
um notkun korta og áttavita og
helstu atriði í hjálp í viðlögum.
Fundurinn í kvöld verður haldinn
í Veiðiseli, Skemmuvegi 14, Kópa-
vogi, en þar er félagið til húsa.
ÆSKULÝÐSRÁÐ Reykjavíkur mun
dagana 3.—11. des. n.k. efna til kynn-
ingar á starfsemi sinni að Kjarvals-
stöðum. Sýningin hefur hlotið nafnið
„Við unga fólkið.“
Markmið sýningarinnar er að
lýsa því starfi sem Æskulýðsráð
Reykjavíkur vinnur með börnum og
unglingum. Einnig verður menn-
ingarmiðstöðin Gerðuberg kynnt.
Æskulýðsráð Reykjavíkur var
stofnað árið 1956, og verður á
Kjarvalsstöðum yfirgripsmikil
ljósmyndasýning úr sögu þess fram
til þessa dags.
Sýning úr tómstundastarfi í skól-
um verður í anddyri og verur m.a.
tölvudeild starfrækt á sýningunni
og gefst fólki kostur á að spreyta
sig við ýmis viðfangsefni sem boðið
er uppá í skólanum. Fréttabréf
verður gefið út daglega.
Unglingar úr félagsmiðstöðvun-
um og skólum hafa lagt mikla
vinnu í undirbúning og kynna
starfsemina í vestursal þar sem fé-
lagsmiðstöðvarnar 5 verða með
sýningarbása. Stóru leiksviði verð-
ur komið upp og verða alla dagana
skemmtiatriði sem unglingarnir
sjálfir hafa undirbúið. Ennfremur
verður boðið uppá utanaðkomandi
skemmtiatriði daglega.
Það má með sanni segja að vika
þessi verði mjög fjölbreytt og ættu
allir, á hvaða aldri sem þeir eru, að
geta haft gagn og gaman af, segir í
frétt frá Æskulýðsráði.
Lýst eftir
skilríkjum
LAUST fyrir hádegi þriðjudaginn
22. nóvember sl. týndi ung kona
veski sínu með ávísanahefti, skil-
ríkjum og ýmsum persónulegum
gögnum í eða við bókaverslun Sig-
fúsar Eymundssonar í Austur-
stræti í Reykjavík. Ávísanaheftið
hefur greinilega verið tæmt, því
falsaðir tékkar streyma inn í
viðskiptabanka hennar, þar sem
þeir eru stöðvaðir. Unga konan
gerir sér þó enn von um að fá
skilríki sín til baka og biður þjóf-
ana vinsamlegast að senda sér þau
— ökuskírteini, nafnskírteini,
sjúkrasamlagsskírteini o.fl.
. *r«C*j*r
Úr kvikmyndinni La Traviata.
Bíóhöllin sýnir La Traviata
BÍÓHÖLLIN frumsýnir í dag
kvikmynd, sem gerð hefur verið eftir
óperunni La Traviata eftir Giuseppe
Verdi. Alfredo leikur og syngur
Placido Domingo, en hann er víð-
frægur, einn af mestu söngvurum
heimsins í dag.
Aðalkvenhlutverkið leikur og
syngur Teresa Stratas, en hún er
söngvari við Metropolitan-óper-
una og hefur sungið í 25 óperum,
m.a. Madam Butterfly. í La Travi-
ata syngur hún hlutverk Violettu.
Leikstjóri myndarinnar er
Franco Zeffirelli, sem leikstýrði
m.a. The Taming of the Shrew,
Romeo and Juliet, The Champ og
Endless Love.
Þá er þess að geta að í kvik-
myndinni kemur fram Bolshoj-
ballettinn og dansa þar frægir
dansarar svo sem Ekaterina
Maksimova, Vladimir Vassiljev og
Gabriella Borni.
Lögregla í vígahug?
— eftir Ólaf
Þorsteinsson
Sveit 3ja lögregluþjóna mis-
þyrmdi fólskulega ungum manni
nú um helgina. Það er í sjálfu sér
engin tíðindi, þegar þess er gætt,
að hvers konar árásum og lík-
amsmeiðingum fer almennt fjölg-
andi. Það hlýtur þó að teljast ran-
nsóknarefni, þegar lögreglan sjálf
stendur fyrir slíku. Ekki verður
hér og nú tíundað nákvæmlega áð-
urnefnt tilvik. Það verður gert á
öðrum vettvangi. Fram hefur
komið í fjölmiðlum, að yfirmenn
lögreglunnar eru sammála því að
handtaka unga mannsins var með
öllu tilefnislaus.
Sé skoðuð tíðni slíkra dæma
sem þessara síðustu misseri, þá
kemur það í ljós, að þeim hefur
fjölgað verulega. Sérstaklega hafa
varnarlausir unglingar orðið illi-
lega fyrir barðinu á slíkum lög-
reglusveitum. Þegar kærur af
þessum toga hafa borist hlutað-
eigandi aðilum, hefur það hins
vegar gerst, að niðurstaða hefur
engin fengist. Ástæðan er sú, að
samtrygging sveitanna er með
ólíkindum. Framburður þeirra er
svo samræmdur, að lögreglumenn
nota sömu orðatiltækin við út-
skýringar sínar á atburðum. Engu
er líkara en þeir læri utanbókar
einhverja þá skýringu, sem yfir-
menn þeirra telji viðunandi í ein-
staka tilfellum.
Fyrr í haust gerðist það vestur á
ísafirði, að hinn skeleggi sýslu-
maður þeirra ísfirðinga leysti
hálft lögreglulið bæjarins frá
störfum. Ástæðan var sú, að þeir
höfðu komist yfir áfengi ófrjálsri
hendi. Hentu menn óspart gaman
að þessu uppátæki lögreglumann-
anna, þar sem það hefur ekki tal-
ist til glæpa á íslandi að komast
yfir ódýrt áfengi, jafnvel þó það sé
stolið. Hér gegnir öðru máli. Hér
verða menn fyrir barðinu á hrein-
um misyndismönnum. Undirritað-
ur er ekki endilega þeirrar skoð-
unar að refsa beri þessari áður-
nefndu lögreglusveit með brott-
rekstri, því svo læra börnin málið,
sem fyrir þeim er haft. Það verður
að gera því skóna, að menn þessir
séu ekki þau illmenni og slíkir
skúrar, að hrottavíman renni ekki
af þeim með réttri meðferð. Hér
verður að ráðast að undirrótinni,
yfirmönnum embættisins. Tala
verður hressilega yfir hausamót-
unum á þeim og spyrja að því,
hvernig undirbúningi slíkra lög-
reglumanna undir lífsstarf sitt sé
eiginlega háttað.
Undirrituðum er vel ljóst, að
upp geta komið tilvik, þar sem
ekki verður undan því vikist að
beita valdi, en lögreglumenn,
flestum mönnum fremur, þurfa að
vera mannþekkjarar, þ.e. búnir
þeim eiginleika að greina á milli
vammlauss fólks og vandræða-
gemsa.
Eru runnir upp tímar í Reykja-
vík, þar sem slíkir atburðir eru að
verða daglegt brauð?
Því er athygli vakin á þessari
hrottalegu og tilefnislausu árás,
að ekki virðist spurning hvort sak-
laust fólk verði fyrir slíku, heldur
hvenær.
Ólafur Þorsteinsson er viðskipta-
fræðingur, starfar hjá Innkaupa
stofnun ríkisins og er stundakenn-
ari við Menntaskólann í Reykjavík.