Morgunblaðið - 11.12.1983, Blaðsíða 40
40
MORGUNBLAÐIÐ, SUNNUDAGUR 11. DESEMBER 1983
Ein vika lifir þings 1983:
Þingmenn „komi heim“
Þingmenn hlusta grannt. Skyldu þeir „greina ýmis aukahljóð og suð í loftræstikerfi'* og „sjá blettina efst í
gluggatjöldunum til vinstri", eins og fréttamaður Þjóðaviljans?
Er þingið
spegilmynd
þjóðarinnar?
• Þing — spegil-
mynd af þjóð?
„Um leið og ég gekk inn í þing-
húsið fann ég þetta þykka ósýni-
lega loft niðurdrepandi leiðinda."
Það er blaðamaður af Þjóðvilja
sem er að lýsa vinnudegi sínum á
Alþingi. Hann heldur áfram:
„Fyrst í stað sátu flestir þing-
mennirnir í sætum sínum (inn-
skot: en ekki hvar?) en svo byrj-
uðu þeir að tínast út einn og einn
og sumir sáust aldrei síðan (inn-
skot: ekki hefur þó verið auglýst
eftir þeim) ... Yfirleitt vóru 2—3
ráðherrar í salnum og 7—10
óbreyttir þingmenn í stólum sín-
um, sumir hverjir niðursokknir í
eigin hugsanir eða blaðabunkann
sinn. Ósköp var þetta eitthvað
drepleiðinlegt. — Ef þessi sam-
kunda er spegilmynd af íslenzku
þjóðinni þá er illa komið fyrir
henni!"
Hér skulum við staldra við. Er
Alþingi, hornsteinn þingræðis og
fullveldis þjóðarinnar, það óskepi,
sem blaðamaður vill vera láta?
Flestir þingmenn, ef ekki allir,
hafa gengið í gegnum einhvers
konar prófkjör. Hundruð eða þús-
undir flokksfólks velur frambjóð-
endur (á stundum ekki aðeins með
þátttöku óflokksbundinna, heldur
einnig gestaliðs úr öðrum flokk-
um, eins og dæmin sanna). Loks
velur þjóðin sjálf þingmenn sína í
leynilegum kosningum.
Alþingi er þjóðkjörið. Það er
þverskurður og spegilmynd af
þeim, er réðu þinghöfnina, hvort
sem viðkomendum líkar betur eða
verr.
Löggjafarþing íslendinga er
vinnustaður 60 þingmanna. Þar
eru margs konar einstaklingar
eins og vera ber. Svo margt er
sinnið sem skinnið, segir máltæk-
ið. Hinsvegar er Alþingi, sem bet-
ur fer, ekki eins snautlegt og Þjóð-
viljinn segir. Þar mætti að vísu
sitthvað betur fara, eins og víðast
hvar, en þar er engu að síður
margur vel hæfur verkmaður.
Framvindan í þjóðarbúskapnum
ræðst og víðar en á Alþingi. Sveit-
arfélög og aðilar vinnumarkaðar
koma einnig við sögu, svo dæmi
séu nefnd.
„Þá er illa komið fyrir þjóðinni,"
sagði Þjóðviljinn. Það má til sanns
vegar færa, að illa var komið á
vordögum 1983, í endaðan fimm
ára feril fjórtan-skerðinga-
stjórnar. Verðbólga á hraðferð,
komin langleiðina í 200%. Við-
skiptahalli 1979—1983 samtals
tæpar 13.000 m.kr. Erlendar
skuldir, sem vóru 15.000 m.kr. í
árslok 1978, komnar í 32.000 m.kr.
eða 60% af þjóðarframleiðslu, og
höfðu hækkað um 6.800 m.kr.
Nytjafiskar ofnýttir um árabil
með þeim afleiðingum að minnka
þarf þorskafla 1984 um 100 þús-
und tonn frá 1983, sem þó verður
síður en svo sérstakt um afla-
brögð. Hundrað þúsund þorsktonn
gera tvo og hálfan milljarð króna í
vinnsluverðmætum, sem mittisól
þjóðarbúskapar þrengizt um. At-
vinnuvegir vóru á heljarþröm og
við mörk stöðvunar. Þjóðarfram-
leiðsla og þjóðartekjur, sem lífs-
kjörum ráða, höfðu rýrnað um-
talsvert.
• Að koma heim frá
El Salvador og Mexíkó?
„Ósköp var þetta eitthvað drep-
leiðinlegt," sagði þulur af Þjóð-
vilja.
Þjóðmálin vógu ekki þungt í
huga hans. Athyglin beindist í
aðrar áttir:
„Smátt og smátt fór ég að
greina ýmis aukahljóð í loftræst-
ingu (innskot: undir ræðu land-
búnaðarráðherra, sem hann segir
„tala lágt, langt og tilbreytingalít-
ið“), svo sem lágvært suð í loft-
ræstikerfi. Svo fór ég að virða
fyrir mér þennan 100 ára gamla
sal hátt og lágt, sá blettina efst í
gluggatjöldunum til vinstri og
ryklagið á syllunni sem er um-
hverfis salinn fyrir ofan höfuð
þingmanna."
Þó athyglin sé bundin við bletti
í gluggatjöldum og ryk á syllum
hafa vandamálin ekki gufað upp
við stjórnarskiptin í landinu.
Spurningin er máske „drepleiðin-
leg“ en engu að síður sú, þrátt
fyrir nýja húsbændur í stjórnar-
ráði, hvort við séum komin alla
leið niður í öldudalinn. ótyrming
og sleifarlag fjórtán-skerðinga-
stjórnar á eftir að setja mark sitt
á þjóðlíf og lífskjör næstu misseri,
því er nú verr.
Alþingi og aðilar vinnumarkað-
ar hafa meir en nóg af vandamál-
um í hlaðvarpa, sem bíða umfjöll-
unar og vonandi úrlausna. Ekki
veit ég hvort „þykkt ósýnilegt loft
niðurdrepandi leiðinda“, svo
stuðst sé við lánsorð, byrgja sýn
til þessara vandamála. En, var-
lega orðað, sjá þingmenn þau mis-
vel.
Meðan eldar loga á flestum svið-
um ríkis- og þjóðarbúskapar setja
þingmenn á langar ræður, sem
mælast í klukkutímum sumar
hverjar, um innrásina í Grenada,
málefni E1 Salvador, tillögu Mex-
íkó á Allsherjarþingi Sameinuðu
þjóðanna, meðaldrægar eldflaugar
í Mið-Evrópu og svo framvegis.
Ekki skal gert lítið úr alvöru alls
þessa. Það er og skiljanlegt, út af
fyrir sig, að þeir, sem bera stjórn-
arfarslega ábyrgð á vanda þjóðar-
búsins, kjósi að fara mikinn um
fjarlægari efni. Raunar einnig að
fréttamaður Þjóðvilja leggi frem-
ur eyru við suði úr loftræstingu og
öðrum aukahljóðum en málefnum.
Það má lesa mikið milli lína í
skemmtilegum texta þessa Þjóð-
viljamanns. Albanía er jafnan
skammt undan á þeim bæ.
Þingmenn mættu, að ósekju,
„koma heim“ frá E1 Salvador,
Mexíkó og Mið-Evrópu, þó þeir
hafi efalítið margt spaklegt þar til
mála að leggja, og sinna þeim
vandamálum, „drepleiðinlegum", í
eigin hlaðvarpa, sem varða at-
vinnu- og afkomuöryggi „hátt-
virtra kjósenda" í þessu harðbýla
landi: ríkis- og þjóðarbúskap, og
meginverkefni sínu, löggjafar-
starfinu. Það er kappnóg sem gera
þarf á þeirri einu viku eða svo,
sem eftir lifir þings annó 1983:
stjórnarfrumvarp um fiskveiðar í
næstu framtíð, fjárlög, lánsfjár-
áætlun, skattalög og önnur tekju-
lög ríkissjóðs og sitthvað fleira
mikilvægt.
• Orkan, at-
vinnan og ísal
Þrátt fyrir margs konar vanda-
mál í hlaðvarpa þings og þjóðar
hafa alþingismenn kosið, sem fyrr
segir, að flytja inn nokkur til við-
bótar, og sum ekki smá í sniðum,
til að þrátta um. Á þessu sviði,
sem öðrum, hafa þeir staðið fyrir
„óhagstæðum jöfnuði" við um-
heiminn, ef nota má svo gálaust
orðbragð.
Þráhyggja einstakra þing-
manna, ekki sízt fyrrverandi
orkuráðherra, hefur og sagt til sín
í maraþonræðum um álverið í
Umsóknir um íbúðakaup
séd vestur álakvísl
Stjórn verkamannabústaöa í Reykjavík óskar eftir umsóknum um 74 íbúöir í Ártúnsholti og 31
íbúö viö Neðstaleiti í Reykjavík. íbúöir þessar eru tveggja til fjögurra herbergja og verða fyrstu
íbúðirnar væntanlega afhentar síöla árs 1984 en þær síöustu haustiö 1985.
Ennfremur er óskaö eftir umsóknum um eldri íbúöir, sem koma til endursölu síöari hluta árs
1984 og fyrri hluta árs 1985. Um ráöstöfun, verð og greiösluskilmála þessara íbúöa gilda lög
nr. 51/1980.
Umsóknareyöublöð verða afhent á skrifstofu V.B. Suðurlandsbraut 30, og veröa þar einnig
veittar allar almennar upplýsingar.
Skrifstofan er opin mánudaga—föstudaga kl. 9—12 og 13—16. Umsóknum skal skila eigi
síðar en 6. jan., 1984.
Vakin er athygli á aö eldri umsóknir eru fallnar úr gildi.
JOIASVEINARNIR
frá ísf ugl
Ætli það sé kjúklingur sem hann hefur krækt í -
eða Rúlletta,
ert þú búinn að krækja í RÚLLETTU?
ísfugl
Fuglaslálurhúsið aö Varmá
Reykjavegi 36 Mostellssveit
Símar: 91-66103 og 66766
I