Morgunblaðið - 28.12.1983, Blaðsíða 10

10
MORGUNBLAÐIÐ, MIÐVIKUDAGUR 28. DESEMBER 1983
Borgames:
Fasteignaskattur og vatns-
skattur lækkaðir um 8%
Borgarnesi, 21. nóvember.
A hreppsráAsfundi fyrir skömmu
var ákveðið að lækka fasteigna-
skatt af íbúðarhúsnæði og vatns-
skatt um 8%. Fasteignaskattur af
íbúðarhúsnæði á næsta ári verður
0,575% af fasteignamati, en und-
anfarin ár hefur verið lagður á
0,625% fasteignaskattur. Fast-
eignaskattur af atvinnuhúsnæði
verður 1,5%, jafnhár og undanfar-
in ár. Vatnsskatturinn _ verður
0,2759, en var 0,30%. Á nma
fundi var ennfremur ákveðið að
fella niður álagningu fasteigna-
gjalda á íbúðarhúsnæði elli- og ör-
orkulífeyrisþega, en áður þurfti
þetta fólk að sækja um slíka niður-
fellingu til að eiga von um að njóta
hennar. Ekki hefur verið ákveðið
hvað lagt verður mikið útsvar á
Borgnesinga á næsta ári; ákvörðun
um það efni hefur verið frestað,
þar til þau mál skýrast frekar.
Bygging smáíbúða
fyrir aldraða
Starfandi er nefnd á vegum
hreppsnefndar til undirbúnings
byggingar smáíbúða fyrir aldr-
aða í Borgarnesi. Nefndin hefur
unnið að upplýsingasöfnun og nú
nýlega fór hún fram á það við
hreppsnefnd að fá leyfi til að
ráða félagsráðgjafa eða félags-
fræðing til að gera víðtæka
könnun á högum aldraðra í
Borgarnesi. Töldu nefndarmenn
nauðsynlegt að framkvæma
vandaða könnun þar sem líkur
væru á að hægt yrði að byggja
framtíðarstefnu í þessum mála-
flokki á slíkri könnun.
Iðngarðar
Atvinnumálanefnd Borgar-
ness hefur samþykkt að efna til
funda í byrjun næsta árs til
skoðanaskipta um atvinnumál
og til kynningar á starfsemi
nefndarinnar. Nefndin hefur
unnið að athugunum á ýmsum
kostum sem til greina þykja
koma til eflingar atvinnulífs á
staðnum, en ekkert af þvl hefur
enn komist á framkvæmdastig.
Nefndin kannaði áhuga í bænum
fyrir byggingu iðngarða. Sex að-
ilar gáfu sig fram og lýsti nefnd-
in yfir stuðningi við byggingu
iðngarða í Borgarnesi í fram-
haldi af því.
Heilbrigðisfulltrúi
Vesturlands
Á hreppsráðsfundi fyrir
skömmu var rætt um heilbrigð-
ismál. Kom fram, að formaður
svæðisstjórnar heilbrigðis-
nefnda á Vesturlandi leggur nú
til að ráðinn verði heilbrigðis-
fulltrúi í fullt starf fyrir Vestur-
land norðan Skarðsheiðar með
búsetu í Borgarnesi. Svæðis-
stjórn heilbrigðisnefnda á Vest-
urlandi ákveður endanlega
hvernig skiptingu starfssvæða
heilbrigðisfulltrúanna verður
háttað, en þessi mál hafa lengi
verið til umfjöllunar.
Óskalisti hreppsnefndar
Hreppsnefnd samþykkti á
Fjárhús Daníels Jónssonar í Borgarnesi. Húsin, sem eru inni í miðju
kauptúninu, eru mikil bæjarprýði vegna þess hve vel þeim er við haldið.
Morgunblaðið/ HBj.
fundi sínum fyrir skömmu að
fela tæknimönnum hreppsins að
gera tillögur að skipulagi og
frágangi ýmissa svæða í hreppn-
um ásamt kostnaðaráætlunum
fyrir þeim verkum og ýmsum
öðrum. Almennt er litið á þenn-
an lista sem óskalista hrepps-
nefndar fyrir framkvæmdir á
næsta ári, en ekki verður ákveð-
ið í hvað verður ráðist fyrr en
áætianir liggja fyrir og fjár-
hagsáætlun verður afgreidd.
Flest þessara óskaverkefna eru í
því fólgin að ganga frá ýmsum
svæðum og verkefnum sem að
mestu eru búin, en herslumun-
inn vantar á að ganga endanlega
frá. Athygli vekur, að engin
malbikunarverkefni eru á listan-
um, en aftur á móti er lagt til að
tvær götur, Berugata og Bjarn-
arbraut, verði búnar undir var-
anlegt slitlag með jarðvegsskipt-
um. Væntanlega hugsa hrepps-
nefndarmennirnir sér að leggja
varanlegt slitlag á þær árið 1985.
HBj.
Opið hús
I tilefni vígslu sjúkrastöövar SAA,
Stórhöföa viö Grafarvog,
bjóöum viö öllum sem áhuga hafa í
heimsókn í sjúkrastööina í dag, miö-
vikudaginn 28. desember frá kl.
17.30—20.00.
Viö þökkum ómetanlegan stuðning á
liðnu ári og óskum landsmönnum far-
sældar á nýju ári.
StjómSÁÁ
Stjórnarfrumvarp
um skemmtanaskatt:
Felldur niður
af kvikmynda-
sýningum á
fjórum stöðum
SKÖMMU fyrir þinghlé var lagt
fram stjórnarfrumvarp þess efnis að
létta skcmmtanaskatti af kvik-
myndasýningum í sveitarfélögum
með færri en 2.500 íbúa.
„Rekstur kvikmyndahúsa gerist
nú æ örðugri á slíkum stöðum,"
segir í greinargerð, „en kvik-
myndasýningar eru enn sem fyrr
ein vinsælasta skemmtun ungs
fólks. Þeir staðir, sem myndu
njóta góðs af þeirri undanþágu, er
hér er gert ráð fyrir, eru: Borgar-
nes, Sauðárkrókur, Siglufjörður
og Neskaupstaður."
Fyrirframgreiðslur
opinberra gjalda:
63% eða
12,6% á
mánuði
Fyrirframgreiðslur opinberra
gjalda á greiðsluárinu 1984 verða
63%, eða 12,6% á mánuði í fimm
mánuði, þ.e. febrúar til og með júní.
Fyrirframgreiðslan í ár, þ.e.
greiðsluárið 1983, var 70%, eða 14%
á mánuði þessa sömu fimm minuði.
Fjármálaráðherra gerði ríkis-
stjórninni grein fyrir þessum til-
lögum sínum á fundi hennar í
gærmorgun, ekki komu fram nein
andmæli. Albert Guðmundsson
fjármálaráðherra sagði í viðtali
við Mbl. í gær, að samkvæmt
þessu ætti skattgreiðslubyrði að
vera hin sama á fyrri hluta næsta
árs og þeim síðari. „Það er tekið
tillit til þess að skattgreiðslur síð-
ari hluta ársins 1984 eiga ekki að
þyngjast og fyrirframgreiðslupró-
sentan því lækkuð til samræmis,"
sagði ráðherrann.