Morgunblaðið - 10.02.1984, Blaðsíða 2

2
MORGUNBLAÐIÐ, FÖSTUDAGUR 10. FEBRÚAR 1984
Formaður Norræna gerir athugasemd í
nafni þriggja framkvæmdaráðsmanna:
Formaðurinn ger-
ir þetta í algeru
heimildarleysi
— segir einn framkvæmdaráðsmanna.
Hinir afneita einnig athugasemdinni
„ÞETTA var kynnt á fundi í gær,
en ekki einu sinni borið undir at-
kvæði, þannig að það er alls ekki
hægt að birta þetta í nafni fram-
kvæmdaráðsins. Hjálmar Ólafs-
son, formaður stjórnar Norræna
félagsins, sagði á fundi í gær, að ef
við vildum ekki samþykkja þetta,
þá færi hann með þessa yfirlýsingu
einn og ég get ekki svarað fyrir
hann, hann gerir þetta í algeru
heimildarleysi og þetta nær ekki
nokkurri átt,“ sagði Kristín Stef-
ánsdóttir, sem sæti á í fram-
kvæmdaráði Norræna félagsins, í
samtali við Mbl. í gær, þegar hún
var spurð um athugasemd sem
blaðinu barst frá framkvæmdaráði
Norræna félagsins og birt er hér
að neðan. Athugasemdina sendi
Hjálmar Ólafsson, formaður
stjórnar Norræna félaginu, blað-
inu.
Þorvaldur Þorvaldsson, sem
einnig á sæti í framkvæmdaráð-
inu, sagði í gær að hann hefði
aldrei samþykkt yfirlýsinguna.
Kristín sagðist telja að allir
menn í sambandsstjórn Nor-
ræna félagsins hefðu verið þeirr-
ar skoðunar að um leið og þeir
greiddu atkvæði á sambands-
stjórnarfundi um umsækjendur
væri þar með frá því gengið hver
hlyti starfið. Kristín sagði að
hún teldi að formaður stjórnar-
innar, Hjálmar ólafsson, væri
sá eini sem teldi að ekki hafi
verið formlega gengið frá ráðn-
ingu framkvæmdastjóra, enda
hafi hann verið svo reiður á
fundinum og stjórnað honum
það illa, að engin formleg bókun
hefi verið gerð, og það bæri hann
fyrir sig.
Karl Jeppesen, stjórnarmaður
í Norræna félaginu og fram-
kvæmdaráðsmaður, sagði í
gærkvöldi að athugasemdin
hefði aldrei verið samþykkt.
„Athugasemdin var aldrei tekin
til atkvæða í framkvæmdaráð-
inu, þannig að Hjálmar Ólafsson
verður einn að standa að henni,"
sagði Karl Jeppesen.
Hér birtist athugasemd sú
sem Hjálmar Ólafsson, formað-
ur stjórnar Norræna félagsins,
sendi fjölmiðlum í gær. Eins og
sést eru framkvæmdaráðsmenn
skrifaðir fyrir athugasemdinni,
en nú hafa þeir þrír fyrstnefndu
sagt að þeir hafi þar hvergi kom-
ið nærri. Athugasemdin er svo-
hljóðandi:
„Vegna endurtekinna ummæla
í blöðum vill framkvæmdaráð
Norræna félagsins taka fram, að
í lögum þess, sem samþykkt voru
á síðasta sambandsþingi á liðnu
hausti, segir í 23. grein: „Sam-
bandsstjórn skal ráða fram-
kvæmdastjóra til að annast
daglegan rekstur Norræna fé-
lagsins." Sambandsstjórn hefur
ekki ennþá komið saman til þess
að ganga frá ráðningu fram-
kvæmdastjóra eins og mælir
fyrir í nefndri lagagrein.
8. febrúar 1984, með þökk fyrir
birtinguna, Þorvaldur Þorvalds-
son, Karl Jeppesen, Kristín Stef-
ánsdóttir, Hjálmar ólafsson."
Ekki náðist samband við
Hjálmar Ólafsson í gærkveldi
vegna þessa máls.
Yfirlýsing frá Sighvati Björgvinssyni:
Formaðurinn andvígur
ráðningu framkvæmda-
stjóra frá upphafi
„Á FUNDI sambandsstjórnar
Norræna félagsins, sem haldinn
var 7. janúar sl., var gengið til at-
kvæða um umsækjendur um stöðu
framkvæmdastjóra. í þeirri at-
kvæðagreiðslu fékk ég sem svaraði
6 atkvæðum, annar umsækjandi
fékk 1 atkvæði, en formaður
stjórnarinnar mun engum umsækj-
anda hafa greitt atkvæði. í sam-
bandsstjórninni sitja 8 menn,“
segir í yfirlýsingu Sighvats Björg-
vinssonar um þetta mál.
„Framkvæmdaráði félagsins
var síðan falið að leita
samkomulags um launakjör og
ganga frá ráðningarsamningi.
Formaður og gjaldkeri félagsins
ræddu við mig þremur vikum
síðar, föstudaginn 27. janúar.
Daginn eftir, þann 28. janúar,
gekk framkvæmdaráð svo form-
lega frá ráðningarsamningi með
3 samhljóða atkvæðum, en for-
maður greiddi ekki atkvæði. Af-
greiðsla framkvæmdaráðsins
var bókuð í fundargerðarbók
skilmálalaust og þess jafnframt
óskað í bókuninni að ég hæfi
störf sem fyrst. Framkvæmdar-
áðsmenn, bæði varaformaður og
gjaldkeri, tjáðu mér þessa af-
greiðslu og gjaldkeri staðfesti
hana í símtali við mig eftir helg-
ina.
Blöð og útvarp birtu síðan
fréttir um afgreiðsluna, sam-
kvæmt heimildum fram-
kvæmdaráðsmanna. Yfirlýsing
sú sem send hefur verið út í
nafni framkvæmdaráðsins kem-
ur mér því í opna skjöldu. Þrír
framkvæmdaráðsmenn, þau
Kristín Stefánsdóttir, Karl
Jeppesen og, Þorvaldur Þor-
valdsson, hafa tjáð mér að engin
slík samþykkt hafi verið gerð í
framkvæmdaráðinu og nöfn
þeirra séu sett undir yfirlýsing-
una í heimildarleysi og án þeirr-
ar vitundar.
Formaður félagsins virðist
hins vegar frá upphafi hafa ver-
ið ákaflega andvígur ráðningu
framkvæmdastjóra og þar er
skýringarinnar að leita, meðal
annars á þeim langa drætti sem
orðið hefur á afgreiðslu málsins.
Ég hef ekkert við það að athuga
að sambandsstjórn félagsins
taki mál þetta fyrir að nýju til
afgreiðslu. Mín eina ósk er sú, að
sú afgreiðsla geti orðið endanleg,
hver sem hún verður, svo þessum
ljóta leik sé þar með lokið."
Morgunblaftift/KÖE.
Tíðindalítill viðræðufundur ASÍ og VSÍ
Viðræðunefndir Vinnuveitendasam- var tíðindalítill, en að sögn Magnús- sem erfiðast eiga. Annar fundur hef-
bands íslands og Alþýðusambands ar Gunnarssonar, framkvæmda- ur ekki verið boðaður, en búist er
íslands áttu fund með sér í gær- stjóra VSÍ, var haldið áfram viðræð- við að hann verði fljótlega.
morgun um kjaramál. Fundurinn um um leiðir til að rétta hlut þeirra
Fiskverðsákvörðun í dag:
Kaupendur og oddamaður
sameinast um 4% hækkun
Sú hækkun allsendis ófullnægjandi segir fulltrúi sjómanna í yfirnefnd
YFIRNEFND Verðlagsráðs sjávar-
útvegsins mun koma saman til fund-
ar í dag, og verður þar ákveðin 4%
fiskverðshækkun með atkvæðum
kaupenda og oddamanns gegn at-
kvæðum seljenda, samkvæmt heim-
ildum Morgunblaðsins. Óskar Vig-
fússon, fulltrúi sjómannna í yfir-
nefndinni, segir að fiskverð þurfi að
hækka mun meira.
„Mitt sjónarmið varðandi fisk-
verðsákvörðunina er það, að 4%
hækkun sé allsendis ófullnægj-
andi fyrir sjómannastéttina í dag,
en við verðum víst ekki spurðir að
því frekar en fyrri daginn. Við
teljum okkur þurfa miklu miklu
meira án þess ég bendi á nokkra
tölu í því sambandi. Það nægir að
geta þess, að sjómannastéttin hef-
ur orðið fyrir miklu miklu meiri
kjaraskerðingum á undanförnum
árum en launþegar i landi, sér-
staklega á undanförnum tveimur
árum. Þar sem við stöndum
frammi fyrir þeirri gífurlegu
skerðingu, sem fylgir aflasam-
drætti og aflamarkinu í ár, eru
rök okkar um verulega hækkun
fiskverðs fyllilega gild. Enda vil ég
meina að það halli nokkuð mikið á
merinni í dag miðað við það, sem
við höfum fengið frá landsfeðrum
á hverjum tíma þegar vel gengur.
Þá sé okkur óhætt að láta af verð-
bótavísitölunni í fiskverðinu, en
mér sýnist ekki nokkur tilraun
vera gerð til þess að rétta þann
halla við nú þegar illa gengur. Þá
getum við étið það, sem úti frýs,“
sagði Óskar Vigfússon.
Skákmót Búnaðarbankans:
Skák Helga og Jóhanns í bið
FJÓRAR skákir fóru í bið í 10. og
næsbsíðustu umferð á skákmóti
Búnaðarbankans í gærkvöldi, þar
með talin æsispennandi skák Jó-
hanns Hjartarsonar og Helga
Ólafssonar. Skákirnar voru tefldar
fram á nótt og lágu úrslit ekki fyrir
þegar Mbl. fór í prentun.
Jóhann Hjartarson hafði ívið
betri stöðu gegn Helga Ólafssyni.
Hann hafði biskup, drottningu
og fimm peð á móti riddara,
drottningu og fimm peðum
Helga. En Helgi hafði tvípeð á
c-línunni og Jóhann frelsingja á
á a-línunni.
Aðeins tveimur skákum lauk
fyrir bið og báðum lyktaði með
jafntefli. Jón L. Árnason og Jón
Helgi Jóhann
Kristinsson sömdu jafntefli, svo
og Knezevic og Guðmundur Sig-
urjónsson. Skákir Sævars
Bjarnasonar og deFirmians, Al-
burts og Shamkovic og Piu
Cramling og Margeirs Péturs-
sonar fóru í bið. Alburt og Mar-
geir þóttu hafa betra tafl.
Helgi Ólafsson og Shamkovic
settust í þriðja sinn að tafli í há-
deginu í gær, en skák þeirra úr 9.
umferð fór í bið á þriðjudag og
eftir að hafa setið fram á nótt á
miðvikudag var skákin aftur sett
í bið. Kapparnir sömdu svo fljót-
lega jafntefli eftir að þeir settust
niður í gær.
Jóhann Hjartarson hafði því
einn forustu á mótinu fyrir 10.
umferð með 6V2 vinning. Helgi
Ólafsson var í 2. sæti með 6 vinn-
inga og þeir Margeir Pétursson
og Guðmundur Sigurjónsson
höfðu hlotið 5‘/i vinning. Aðrir
eiga ekki möguleika á sigri í mót-
inu.
Þingflokkur Sjálfstæðisflokksins á Akureyri um helgina:
Formaður og ráðherrar sitja
fyrir svörum á almennum fundi
ÞINGFLOKKUR Sjálfstæðis-
flokksins heldur til Akureyrar ár-
degis, en þar heldur hann þing-
flokksfund, heimsækir fyrirtæki,
tekur þátt í árshátíð Sjálfstæðisfé-
laganna, fer í leikhúsferð og
gengst fyrir almennum fundi, þar
sem formaður Sjálfstæðisflokks-
ins, Þorsteinn Pálsson, flytur ræðu
og hann og ráðherrar flokksins
sitja síðan fyrir svönim. Fundur
þessi verður haldinn í Sjallanum
og hefst hann kl. 14 á morgun,
laugardag.
Þingmennirnir fljúga norður
árdegis, en kl. 10.15 heimsækja
þeir Menntaskólann á Akureyri.
Kl. 13 fara þingmennirnir í
heimsókn í þrjú stærstu fyrir-
tæki Akureyrar, þ.e. Útgerðarfé-
lagið, Slippstöðina og Heklu.
Síðan skiptir hópurinn sér til
heimsókna á minni vinnustaði. í
kvöld taka þingmennirnir þátt í
árshátíð Sjálfstæðisfélaganna á
Akureyri, en þegar hafa á þriðja
hundrað manns tilkynnt þátt-
töku.
Á laugardag verður haldinn
þingflokksfundur kl. 10.15 i
Kaupangi, húsnæði Sjálfstæðis-
félaganna, en kl. 11 verður hús
Davíðs Stefánssonar frá Fagra-
skógi heimsótt með sögumanni. í
hádeginu situr þingflokkurinn
fund með bæjarstjórn Akureyr-
ar í Sjallanum. Almenni fundur-
inn hefst síðan kl. 14 í Sjallan-
um, en að lokinni framsöguræðu
Þorsteins Pálssonar sitja hann
og ráðherrar flokksins fyrir
svörum. Fundurinn er öllum
opinn, fundarstjóri verður
Gunnar Ragnars, bæjarfulltrúi.
Annað kvöld sitja þingmenn síð-
an sýningu Leikfélags Akureyr-
ar á My fair lady. Þingmenn
halda síðan heim á sunnudag.