Morgunblaðið - 10.02.1984, Blaðsíða 48
EITT KORT ALI5 SIAÐAP
FÖSTUDAGUR 10. FEBRÚAR 1984
VERÐ í LAUSASÖLU 20 KR.
Atvinnu-
lausir hátt
á fjórða
þúsund
HÁTT á fjórða þúsund manns
gengu að jafnaði atvinnulausir á ís-
landi dag hvern í janúarmánuði og
mun það jafngilda því að nálega
3,5% mannafla á vinnumarkaði hafi
verið án vinnu í þeim mánuði. Upp-
hæð útgreiddra atvinnulevsisbóta
hefur því numið nálega 35—40
milljónum.
Samkvæmt þessu hefur
atvinnuleysi stóraukist í janúar
samanborið við desember, en þá
var atvinnuleysi 2% af mannafla
á vinnumarkaði, og var það tvö-
földun, ef miðað er við meðaltals-
atvinnuleysi á árinu 1983 sem var
1%. Atvinnuleysisdagar í des-
ember voru samtals nálægt 48
þúsund á öllu landinu, sem jafn-
gildir því að um það bil 2.200
manns hafi gengið atvinnulausir í
þeim mánuði.
Þegar Morgunblaðið kannaði
atvinnuleysið á nokkrum stöðum
á landinu í gær var það nær ein-
róma niðurstaða að ástandið væri
verra í janúar en það var í des-
ember, þó finna mætti einstaka
undantekningar. í Reykjavík
einni hafði atvinnuleysi aukist úr
rúmlega 10 þúsund atvinnuleys-
isdögum í desember f tæplega 17
þúsund í janúar, en það jafngildir
að 850 manns hafi verið atvinnu-
lausir í Reykjavík allan mánuðinn
á móti 468 að meðaltali dag hvern
í desember.
Á Akureyri voru 5.160 atvinnu-
leysisdagar í janúar, sem jafn-
gildir því að 235 hafi verið
atvinnulausir að staðaldri.
Það sem af er febrúarmánuði
hefur ástandið f atvinnumálum
lagast, þar sem mörg fiskvinnslu-
fyrirtæki eru komin af stað á ný,
en að sögn kunnugra má búast við
að febrúarmánuður verði einnig
talsvert þungur í skauti áður en
ástandið fer að batna til muna.
Lögreglumenn leita að hugsanlegum vitnum fyrir framan útibú Iðnaðarbankans í gærkvöldi skömmu eftir að þjófur komst undan með á fjórða
hundrað þúsund krónur. Morgunblaðið/Júlíus.
Þjófnaður úr útibúi Iðnaðarbankans í gærkvöldi:
Hrifsaði á f jórða hundrað
þúsund úr skúffu gjaldkera
Þjófurinn náði að slíta sig lausan þegar starfsfólk reyndi að hefta för hans
UNGUR maður stal á fjórða
hundrað þúsund krónum úr útibúi
Iðnaðarbanka fslands í Drafnar-
felli í Breiðholti um hálfsjö í gær-
kvöldi. Þjófnaðurinn átti sér stað
hálftíma eftir að bankanum var
lokað og samkvæmt heimildum
Mbl. var manninum hleypt inn um
hliðardyr og mun hann hafa hrifs-
að féð úr skúffu gjaldkera. Ekki er
Ijóst af hverju manninum var
hleypt inn. Starfsfólk, sem vann að
uppgjöri eftir annríki dagsins,
reyndi að hefta för mannsins þeg-
ar hann flýði með féð, en hann
náði að slfta sig lausan og hverfa
út í myrkrið.
Lögregla var þegar kölluð á
vettvang og var um tuttugu lög-
regluþjónum stefnt á staðinn.
Víðtæk leit fór fram í nágrenn-
inu og lögreglumenn hófu að yf-
irheyra fólk í nágrenninu. Lög-
reglumenn gengu í sjoppur og
myndbandaleigur í verslunar-
miðstöðinni við Drafnarfell og
leituðu að hugsanlegum vitnum.
Rannsóknarlögreglumenn komu
fljótlega á vettvang og hófu
rannsókn málsins. Ekki hafði
tekist að hafa hendur í hári
þjófsins þegar Mbl. fór f prentun
í nótt.
Maðurinn var óvopnaður og
reyndi ekki að hylja andlit sitt.
Ekki hafði verið gefin út lýsing á
manninum, en samkvæmt heim-
ildum Mbl. er líklegt að hann sé
um tvítugt. Hann var klæddur
gallabuxum, vestisúlpu og létt-
um íþróttaskóm. Rannsóknar-
lögregla ríkisins varðist frétta af
gangi mála í gærkvöldi.
Vinna fallið niður í
tvo daga af fjórtán
SAMNINGANEFNDIK starfsmanna
og framkvæmdastjórnar íslenska ál-
félagsins hófu að funda að nýju hjá
Kíkissáttasemjara klukkan 11 í
gærmorgun, og var fundað í allan
gærdag. Um kvöldmatarleytið var gert
matarhlé og hófst fundur að nýju kl.
21.00 og var búist við að hann myndi
standa eitthvað frameftir.
í dag verður byrjað að minnka
straum á kerum í álverinu, en gerð
hefur verið áætlun um minnkun
straums sem nær fram til 23. febrú-
ar. Þá verður að vera búið að
minnka framleiðsluna um 20% og
allt tilbúið til að loka álverinu, en
um það eru ákvæði í kjarasamning-
um, að vinnu eigi að halda uppi í
álverinu í að minnsta kosti 4 vikur
eftir að verkfall skellur á til að
koma í veg fyrir skemmdir á fram-
leiðslutækjum, en á miðnætti í nótt
voru 2 vikur síðan verkfallið hófst.
Vegna fyrrgreindra ákvæða hefur
vinna í raun aðeins legið niðri að
fullu í tvo daga af fjórtán.
EBE býður Grænlendingum 450 milljónir árlega fyrir veiðiheimildir:
Koma verður í veg fyrir
að EBE komi inn um bak-
dyrnar með rányrkjuna
— segir Eyjólfur Konráð Jónsson alþingismaður
Morgunblaðið innti alþing-
ismanninn Eyjólf Konráð Jóns-
son álits á þessu máli og hafði
hann eftirfarandi að segja:
„Mér finnst það furðulegt
framferði Efnahagsbandalags
Evrópu að ætla sér að notfæra
sér fjárhagserfiðleika Grænlend-
inga, sem eru að fikra sig til
sjálfstæðis, með því að bjóða
þeim fjárgreiðslur gegn ávísun á
lífsbjörg þjóðarinnar í bráð og
lengd. Islendingum ber að sýna
Græniendingum fullan skilning
og skipa sér við hlið þeirra gegn
þessari nýju nýlenduveldaásókn.
Hagsmunir okkar, Grænlendinga
og Færeyinga fara saman og
okkur ber að vernda norðurhluta
Atlantshafsins og hafa um það
samvinnu og samráð við Norð-
menn þar sem íslendingar hafa
þegar samning við Norðmenn um
samnýtingu hafsvæðanna um-
hverfis Jan Mayen. Frá mínu
sjónarmiði finnst mér alveg
koma til greina, að Islendingar
skuldbindu sig til að greiða
Grænlendingum þá upphæð, sem
Efnahagsbandalagið býður án
þess að íslendingar veiddu einn
einasta ugga í grænlenzkri lög-
sömi.
I öllu falli ber okkur að bregð-
ast hart við þessum óhugnaði og
leitast við að koma í veg fyrir að
EBE-ríkin komist inn um bak-
dyrnar í rányrkjustefnu sinni
gagnvart okkur og nágrönnum
okkar,“ sagði Eyjólfur Konráð
Jónsson.
Sjá nánar viðtal við sjávarút-
vegsráðherra, frétt um tillögur
framkvæmdastjórnar EBE og
frásögn af umræðum um málið á
Alþingi í gær á miðopnu blaðsins
í dag.
SAMKVÆMT tillögu framkvæmdastjórnar EBE verða Grænlendingar að
veita EBE-löndunum verulegar veiðiheimildir við landið gegn aukaaðild að
bandalaginu eftir úrsögn Grænlands úr því. Framkvæmdastjórnin býður
Grænlendingum 450 milljónir króna árlega í fimm ár sem greiðslu fyrir
veiðiheimildirnar. Sjávarútvegsráðherra, Halldór Ásgrímsson, segir í við-
tali við Morgunblaðið, að fiskistofnar við Grænland séu í mikilli hættu og
veiðar EBE þar gætu aukið nokkuð á hana.