Morgunblaðið - 11.02.1984, Blaðsíða 12

12
MORGUNBLAÐIÐ, LAUGARDAGUR 11. FEBRÚAR 1984
Einsog mer synist
Dagbókar-
þankar
undan skafli
• • • •
(lísli J. Asthórsson
Fyrsti dagur
Einn af þessum dögum
þegar maður óskar þess
satt að segja að það hefði
verið Ingólfur Guð-
brandsson sem sinnaðist
við þá þarna útí Noregi
um árið en ekki nafni
hans Ingólfur Arnarson.
Einn af þessum dögum
þegar maður hefði fremur
kosið að Ingólfur hefði
rokið í fússi til Kanarí-
eyja í staðinn fyrir hingað
norðureftir.
Upp einsog hani og
mokaði mig útúr skaflin-
um og góðakstraði í bæinn
með umtalsverðum til-
þrifum. Listin er að fara
ekki hraðar en fótafúin
skjaldbaka með afleita
timburmenn og láta
drusluna ráða ferðinni
þegar hún hlammar sér
oní hraðfrystu hjólförin
og heldur að hún sé spor-
vagn. Þannig má oftast
komast þangað sem mað-
ur þykist vera að fara ef
maður velur réttar götur
með réttum sporbrautum.
Nú, og hafi maður aldrei
komið í áburðarverk-
smiðjuna í Gufunesi að
vetrarlagi, þá er það þó
frá.
Hér á næstu grösum við
Rívíeruna í Kópavogi (og
endimörk skolplagnakerf-
isins), þarsem lóðirnar
eru tíðum meira en helm-
ingi stærri en vænstu lóð-
ir í Reykjavík (hí á Dav-
íð), dunda menn sér við
það um helgar að moka
sig útúr húsunum sínum
og niðrá götu; pústa þá
smástund í iðulausri
stórhríðinni og moka sig
rösklega heim aftur. Elstu
menn hér um slóðir muna
ekki annað eins fannfergi
síðan í gær.
Á rúmhelgum dögum
byrja menn daginn aftur
á móti á því að kafa niðr-
að druslunum sínum og
róta frá þeim, og beygja
sig þá sem einn maður
niðrað þeim og sjúga þær.
Þeir eru að anda þíðviðri
inní beinfrosna lása, og
geimverurnar, sem sumir
þykjast vita að fylgist
með hverju okkar fótmáli,
hljóta að álíta að við séum
mestu durtar. Mun fleiri
eiginmenn sjúga drusluna
en kvensuna sína áður en
þeir halda í bæinn, stend-
ur eflaust í ferðabækling-
unum þeirra; og á góð-
viðrisdögum á sumrin
standa þessir sömu menn
yfir druslunum og nudda
þær eins og vitlausir
menn á meðan eiginkon-
urnar væflast undir rifs-
berjarunnunum og plokka
illgresi og dauða snigla.
Mokaði mig útúr bíla-
stæðinu í miðbænum og
góðakstraði tíðindalaust
heim og komst mátulega í
gegnum ýsuna og að
skjánum til þess að missa
ekki af því þegar Ómar
okkar var að útlista fyrir
okkur í máli og myndum
hvernig maður ætti að
pjakka sérhannaðri pjötlu
undir drusluna sina þegar
henni yrði hált á svellinu
og neitaði að fara lengra.
Sjálfur var ég þá nýbúinn
að góðakstra langleiðina
til Þingvalla án þess að
hreyfast úr stað.
Ómar okkar hefur sem
kunnugt er brennandi
áhuga á druslum, og þar
af leiðandi, og afþví sjón-
varpið okkar er nú einsog
það er, þá er umfjöllun
þess um druslur líklega
rækilegri en í nokkru öðru
samfélagi á norðurhveli
jarðar.
Ekki að þetta sé nema
meinlaust: það voru ekki
mín orð. En samt veit ég
um nokkra bölsýnismenn
sem lifa í sífelldum ótta
við það að Ómar fái einn
góðan veðurdag brenn-
andi áhuga á buxnasaumi.
Næsti dagur
Verð sífellt sannfærðari
um hvað það sé heilnæmt
fyrir sálartetrið að halda
dagbók. Allir hafa gott af
því að hafa eitthvað að
föndra við í tómstundum
sínum, en allir hafa því
miður ekki efni á því né
einu sinni tíma að lemja
„Elstu menn muna
ekki...“
af alefli i kúlu og tölta
síðan útí móa að leita að
henni.
Auðvitað gengur
mönnum misjafnlega að
komast af stað og finnst
jafnvel til að byrja með að
þeir hafi ekkert markvert
að segja frá, en þetta
kemur allt með þraut-
seigjunni. Ég veit um pilt
sem fékk forláta loftriffil
f jólagjöf og sömuleiðis
forláta dagbók.
Fyrsta daginn skrifaði
hann: „Þoka og súld.“
Næsta dag skrifaði
hann: „Þoka og súld.“
En þriðja daginn skrif-
aði hann: „Þoka og súld.
Skaut ömmu.“
Ég heyrði einhvers
staðar eða las að Stein-
grímur forsætisráðherra
fengist við smíðar í
tómstundum sínum og að
hann hefði meira að segja
komið sér upp smíða-
kompu í kjallaranum í
Arnarnesinu. Vissulega
lofsvert framtak, en ég
held samt hann ætti að
leggja þetta á hilluna
(kannski er hann meira að
segja búinn að klambra
einni saman) og helga sig
dagbókinni f staðinn.
Menn segja margt mis-
jafnt um ráðherrana
okkar (þóað það viti sá
sem allt veit að ég er ekki
í þeim hópi), en það verð-
ur samt ekki af þeim skaf-
ið að þeir vinna fyrir
kaupinu sínu. Það ég hef
séð til þeirra get ég varla
ímyndað mér erilsamara
starf, nema ef vera skyldi
hjúkrunarkvensu að
stumra yfir bráðri iðra-
kveisu. Ráðherrar eiga
bókstaflega aldrei frf-
stund, og meira að segja á
kvöldin, þegar þeir eru
búnir að naga sig gegnum
ýsuna og halda að þeir
geti loksins byrjað að
slappa af, þá byrjar síma-
skrattinn.
Ég sé ekki hvernig
Steingrímur getur sinnt
þessum smíðum sínum og
samt svarað f símann.
Sendist hann kannski
niðrí kjallara og skrúfar
eina skrúfu, þýtur svo
einsog byssubrenndur upp
kjallarastigann og öskrar:
„Fjögur prósent" í síma-
tólið, þeytist þá niður aft-
ur og sagar kannski eitt
sag og flengist þá enn
uppúr kjallaranum og
gargar: „Sex prósent"?
Þvílíkt líf. Svona getur
enginn maður lifað og
haldið sönsum, en dagbók
hefur það sér til ágætis
meðal annars að menn
geta hæglega gengið með
hana í rassvasanum og
þurfa þar af leiðandi ekki
að vera á sffelldum þönum
niðrí kjallara. Ef Stein-
grfmur svarar því til að
þetta séu engin rök, þá
ætti hann bara að reyna
að ganga með hefilbekk í
rassvasanum.
Aftur á móti vil ég ein-
dregið ráða forsætis-
ráðherra frá því að byrja
að lemja af alefli í kúlu og
tölta síðan útí móa að
leita að henni. Ég fullyrði
að vísu ekkert, en dálítið
undarleg tilviljun var það
samt að eini maðurinn í
fyrrverandi ríkisstjórn
sem lamdi af alefli í kúlur
missti ráðherradóminn
þegar allt hætti allt í einu
að vera betra en ihaldið.
Ef ég man rétt var
Tómas dálftið beiskur. En
jafnvel hér uppá íslandi,
þarsem framtíð einnar
tíkur veldur meira fjaðra-
foki en barningur þrjú
þúsund atvinnuleysingja,
getur það dregið dilk á
eftir sér þegar ráðherra
er ekki viðlátinn af vit-
lausum ástæðum.
Menn fara að hugsa sitt
þegar símastúlkan ansar
dag eftir dag: „Nei, hann
er ekki við, því miður.
Hann er útí móa að leita
að litlu kúlunni sinni."
Þá kom dagur
Hálfgerður fratdagur.
Einn af þessum laugar-
dögum með mánudagsyf-
irbragði. Spörfuglar að
fjúka undan veðrinu,
hrafnar á leitarflugi yfir
læknum, ein og ein harð-
gerð sál að leika Peary að
berja á Norðurpólinn eða
Amundsen að berja á Suð-
urpólinn ef menn kjósa
fremur að halda í þá átt-
ina.
Helst að það lifnaði ögn
yfir mér þegar sjón-
varpskvensan birtist á
skjánum og sagði okkur
að þeir yrðu með vestra í
kvöld. Gaman, gaman,
hugsaði ég, þóað það megi
alls ekki spyrjast, þvfað
þá fá allir þenkjandi
menn svo mikla skömm á
mér.
Vestrar eru eitthvað
svo auðmeltir, allt er svo
slétt og fellt. Allir sem
vettlingi geta valdið eru
skotnir og allir deyja af
því nema hetjan. Svo er
fólið oftast á svörtum
hesti og kvensan má ekk-
ert aumt sjá nema dauða
indíána.
En svo var þetta bara
alls ekki vestri. Það er
mikill misskilningur hjá
þeim á sjónvarpinu ef þeir
halda að ef mynd gerist í
„vestrinu" (þarna var
Mexíkó raunar sögusvið-
ið), þá teljist hún þarmeð
sjálfkrafa til vestranna.
Sé svo þá er „Dagur í lífi
Ivans Denisovich" austri,
„Á hverfanda hveli" suðri
og „Fjalla-Eyvindur" Sví-
anna dæmigerður norðri.
Mundi líklega senda
þeim línu um málið ef ég
væri ekki nýbúinn að hafa
allt á hornum mér útaf
pex- og nöldurbréfum.
Mikið hvort ég mundi ekki
líka byrja að bauna bréf-
um á forráðamenn kvik-
myndahúsanna og spyrja
þá hæversklega hvort
fólkið sem fæst við þýð-
ingar hjá þeim sé allt
starfi sínu vaxið.
Maður mér nákominn
fór að sjá aðra Bond-
myndina sem gekk hér yf-
ir um daginn og varð vitni
að því hvar harðjaxlinn
Bond var á kvennafari og
spurði kvensuna ísmeygi-
lega hvort hann mætti
kannski bjóða henni
„nightcap".
I íslenska textanum var
Bond látinn bjóða kvens-
unni nátthúfu.
Bridge
Arnór Ragnarsson
Bridgedeild
Skagfirðinga
Eftir er að spila þrjár umferð-
ir í yfirstandandi sveitakeppni
og hefur sveit Guðmundar Theo-
dórssonar tekið afgerandi for-
ystu með 92 stig.
Sveit Guðrúnar Hinriksdóttur 75
Sveit Magnúsar Torfasonar 74
Sveit Sigmars Jónssonar 73
Næst er spilað þriðjudaginn
14. feb. í Drangey, Síðumúla 35,
kl. 19.30.
Bridgefélag
Hafnarfjardar
Nú er aðeins eitt kvöld eftir af
barómeter félagsins, og verða þá
spilaðar 5 umferðir. Spennan er
að miklu leyti horfin úr mótinu
hvað efsta sætið varðar, en þar
tróna þeir félagarnir Árni og
Sævar. Minnir það á gömlu góðu
dagana en þeir unnu flest mót
félagsins með miklum yfirburð-
um. Staðan fyrir síðasta kvöldið
er annars þessi:
stig
Árni Þorvaldsson
— Sævar Magnússon 323
Ólafur Valgeirsson
— Ragna Olafsdóttir 230
Björn Eysteinsson
— Krisófer Magnússon 208
Georg Sverrisson
— Kristján Blöndal 173
Bjarnar Ingimarsson
— Þórarinn Sófusson 149
Ásgeir Ásbjörnsson
— Guðbrandur Sigurbergss. 143
Næstu umferðir verða spilað-
ar mánudaginn 13. feb. en síðan
byrjar að öllum líkindum firma-
keppni.
Hreyfill — BSR
— Bæjarleiðir
Þegar 4 umferðum er ólokið í
aðalsveitakeppni bílstjóranna
hefir sveit Antons Guðjónssonar
enn forystu með 157 stig en
margar sveitir eru kallaðar og
ekki gott að misstfga sig á loka-
sprettinum eins og staða næstu
sveita sýnir:
Cyrus Hjartarson 146
Þórður Elíasson 136
Guðmundur Magnússon 132
Flosi ólafsson 117
Þórir Guðmundsson 102
Mikhael Gabríelsson 100
Næsta umferð verður spiluð á
mánudaginn kemur í Hreyfils-
húsinu 3. hæð kl. 20.
Bridgedeild Barð-
strendingafélagsins
Mánudaginn 6. febrúar voru
spilaðar 9. og 10. umferð í aðal-
sveitakeppni félagsins. Staða 6
efstu sveita:
Þórarinn Árnason . 174
Ingvaldur Gústafsson 142
Sigurður Kristjánsson 121
Viðar Guðmundsson 120
Þorsteinn Þorsteinsson 120
Sigurður ísaksson 110
Næst verður spilað mánudag-
inn 13. febrúar og hefst keppni
stundvíslega kl. 19.30. Spilað er í
Síðumúla 25.
Bridgefélag
Akureyrar
Þrjátíu og fimm umferðum af
49 er lokið í barómeterkeppninni
og er staða efstu para nú þessi:
Guðmundur V. Gunnlaugsson
— Stefán Vilhjálmsson 468
Stefán Ragnarsson
— Pétur Guðjónsson 468
Símon Gunnarsson
— Jón Stefánsson 460
Anton Haraldsson
— Gunnar Berg jr. 349
Magnús Aðalbjörnsson
— Gunnlaugur Guðmundss. 327
Sveinbjörn Jónsson
— Einar Sveinbjörnsson 314
Gylfi Pálsson
— Helgi Steinsson 284
Úlfar Kristinsson
— Hilmir Jóhannsson 283
Kristján Guðjónsson
— Jón Sverrisson 264
Örn Einarsson
— Zarioh Hammado 255
Páll Pálsson
— Frímann Frímannsson 250
Ólafur Ágústsson
— Grettir Frímannsson 237
Seinni hluti firmakeppninnar
verður spilaður næsta spilakvöld
og úrslita getið um næstu helgi.
Spilað er í Félagsborg á
þriðjudögum kl. 19.30 stundvís-
lega.
Bridgefélag
Hveragerðis
10 sveitir taka þátt í sveita-
keppni sem nú stendur yfir hjá
félaginu og er lokið tveimur um-
ferðum. Sveit Guðmundar Jak-
obssonar hefur ein sveita hlotið
fullt hús stiga en röð næstu
sveita er annars þessi:
Lars Nielsen 32
Einar Sigurðsson 23
Hans Gústafsson 20
Þórður Snæbjörnsson 19
Sturla Þórðarson 18
Stefán Garðarsson 16
Birgir Bjarnason 15
Sveinn Símonarson 10
Einar Nielsen 7
Þriðja umferð verður spiluð
nk. fimmtudagskvöld í Félags-
heimili ölfusinga kl. 19.30.