Morgunblaðið - 11.02.1984, Blaðsíða 48

LAUGARDAGUR 11. FEBRÚAR 1984
VERÐ í LAUSASÖLU 20 KR.
Þrjú atriði bentu til
hins sviplega atburðar
Björgunarsveitarmcnn við leit í
höfninni á Grundartanga. Kafarar
eru að störfum í sjónum, en á milli
skips og bryggju má sjá fríholt, sem
köstuðust til eins og korktappar.
Myndin er tekin af landgöngubrú,
sem komið hafði verið fyrir þar sem
hin brúin hafði verið, en hún liggur
nú í höfninni.
Ljósm. Mbl. Kristján Einarsson.
Skór á þilfari, kaðal-
stigi á skipssíðu og
enginn landgangur
Þór
Magnússon
„VIÐ vorum beðn-
ir um aðstoð á
tólfta tímanum í
morgun af lögregl-
unni í Borgarnesi,
og boðin sem við
fengum voru þau
að fjögurra manna
væri saknað af
skipi í höfninni á
Grundartanga. Við
vorum beðnir um að gera þær ráð-
stafanir sem við teldum nauðsynleg-
ar til leitar,“ sagði Þór Magnússon,
formaður björgunarsveitarinnar
Hjálpar á Akranesi, í samtali við
Morgunblaðið, en hún er ein björg-
unarsveita Slysavarnafélags íslands.
„Ég hafði strax samband við
Hannes Hafstein, framkvæmda-
stjóra Slysavarnafélagsins, og
lögregluna á Akranesi og kynnti
þeim málið. Síðan voru kannaðir
allir möguleikar hvað mennina
varðaði, en þegar ljóst virtist að
slys hefði orðið talaði ég við
Hannes og bað hann um að gera
ráðstafanir til að útvega aðstoð
frá Reykjavík og fá þyrlu til leit-
ar,“ sagði Þór.
„Við fórum síðan uppeftir rétt
fyrir klukkan 13, en þá var orðið
ljóst að slys hefði orðið. Við vorum
með 15 menn, þar af tvo kafara, en
einnig komu tveir kafarar frá
Landhelgisgæslunni. Þegar við
komum að skipinu var þrennt sem
benti til þess að eitthvað óvenju-
legt hefði gerst; skór voru á þilfar-
inu, kaðalstigi lá niður með síðu
skipsins og landgöngubrúin var
horfin. Kafararnir fóru síðan
niður og fundu fljótlega lík
tveggja skipverja á milli skips og
bryggju, nánast beint undir þeim
stað sem landgangurinn hafði ver-
ið. Lík hinna tveggja fundust
nokkru síðar á sömu slóðum. Um
það leyti sem líkin fundust kom
Gísli J. Johnsen, björgunarskip
Slysavarnafélagsins, með mann-
skap,“ sagði Þór Magnússon.
Skólabifreiðin sem valt með ellefu börn í gær, en björgun barnanna tókst giftusamlega. Morgunblaóið/ Júlíus
Skólabifreið valt við Elliðavatn:
Ellefu börnum bjargað
— blautum og hröktum
„Það var komið töluvert vatn
inn í bflinn og krakkarnir voru
orðnir kaldir og hræddir þegar
loksins tókst að opna hurðina og
við gátum hjálpað öllum út,“ sagði
Ásgeir Jamil Allansson, 14 ára
gamall. Ásgeir Jamjl var einn af
ellefu nemendum í Árbæjarskóla í
langferðabifreiðinni, sem valt af
brú skammt ofan við Reykjavík í
gær. Var bifreiðin, sem er skóla-
bfll, á leið að Elliðahvammi að
sækja nemanda þegar óhappið
gerðist.
Mikil hálka var og rann bif-
reiðin á brúarstólpa og síðan á
brúarhandriðið þegar snörp
vinhviða skall á hana með
ofangreindum afleiðingum. Al-
varleg slys urðu ekki á fólkinu og
búið var að bjarga börnunum
inn í upphitaðan bíl af næsta bæ
þegar lögreglu, sjúkrabíla og
slökkvibíl bar að. Farið var með
börnin og bílstjórann á slysa-
deild Borgarspítalans þar sem
hlúð var að þeim.
4% fiskverðshækkun og létt á byrðum útgerðar:
Hagnaður er af
vinnslu en tap-
rekstur útgerðar
Sjómenn og útgerðarmenn mótmæla
verðákvörðuninni harðlega
FISKVERÐHÆKKUN um fjora af hundraði, sem ákveðin var í gær,
þýðir 230 milljóna króna hækkun á bolfiski til fiskvinnslunnar miðað
við heilt ár á núverandi verði. Hækkunin leysir ekki rekstrarvanda
útgerðarinnar og verður hún áfram rekin með halla þrátt fyrir aðgerðir
ríkisstjórnarinnar til að létta henni reksturinn. Bolfiskvinnslan verður
rekin með nokkrum hagnaði í heild, en talið er að tap saltfiskvinnslunn-
ar verði 5 til 6% eftir þessa hækkun. Halldór Ásgrímsson, sjávarútvegs-
ráðherra, segir í samtali við Morgunblaðið, að gengisfelling muni ekki
fylgja í kjölfar fiskverðshækkunarinnar.
óskar Vigfússon, fulltrúi sjó-
manna í yfirnefnd verðalagsráðs
sjávarútvegsins, sagði í samtali
við Morgunblaðið, að eftir verð-
ákvörðunina hlyti öllum að vera
ljóst hvílík blekking væri ástund-
uð innan verðlagsráðsins.
„í ráðstöfunum ríkisstjórnar-
innar er ekkert tekið á rekstrar-
dæmi útgerðarinnar. Ég gerði mér
alltaf grein fyrir því, að fiskverðið
leysti ekki vanda útgerðarinnar,
en ríkisstjórnin bregst algjörlega í
sínum þætti og gerir ekkert í mál-
inu nema tala um skuldbreytingu
þar sem á að lána mönnum fyrir
tapinu með hæstu vöxtum, sem
þekkjast hér á landi. Þetta er eng-
in lausn, menn halda bara áfram
að tapa,“ sagði Kristján Ragnars-
son, fulltrúi útgerðarmanna.
Friðrik Pálsson, annar fulltrúi
kaupenda í yfirnefndinni og fram-
kvæmdastjóri SlF, sagði í samtali
við blaðið, að við upphaf verðlagn-
ingarinnar nú hefðu saltfiskmenn
ætlað að ná til baka íþyngingar-
áhrifum verðlagningar undanfar-
inna ára. Það hefði ekki gengið
vegna þess að þær breytingar
hefðu jafnframt þýtt mikla lækk-
un á tekjum bátasjómanna, sem
sízt mættu við því vegna niður-
skurðar á þorskveiðum. Þess
vegna væri staðan sú, að eftir
þessa verðákvörðun væri tap
saltfiskvinnslunnar 5 til 6% þrátt
fyrir lækkun útflutningsgjalda úr
5,5% í 4%.