Morgunblaðið - 17.02.1984, Blaðsíða 13
MORGUNBLAÐIÐ, FÖSTUDAGUR 17. FEBRÚAR 1984
13
Hluti þorravökunefndar talid fri vinstri: Harpa Rúnarsdóttir, Sveinn Árnason kennari,
Hafþór Guðjónsson kennari, Kjartan Gylfason, Kristján Valdimarsson og Sigríður K. Árna-
dóttir. Ljósm. Mbl. KEE.
Hljómsveitin „Felan“ sem setti nýtt íslandsmet í maraþonleik. Gítarleikarinn (lengst til
vinstri) heitir Jón Eyþórsson, Alfreð Alfreðsson leikur á trommur og Jón Harry Oskarsson
leikur á bassa. Þegar myndin var tekin höfðu þeir leikið í 25 klukkustundir. l.jósm Mbi. Júlíus.
Þorravaka Menntaskólans viö Sund:
„Mæting í skólann aldrei
betri en á Þorravökuu
— segja nemendur
„ ... Og það er rödd MS sem þú
ert að hlusta á... Nú tökum við
létta rokksyrpu ... njóttu vel... “
hljómaði um ganga Menntaskól-
ans við Sund í gærmorgun er
blaðamaður og Ijósmyndari áttu
leið þar hjá. Rödd þessi hljómaði í
gegnum kapalútvarp sem nemend-
ur hafa komið upp í skóla sínu í
tengslum við Þorravöku, sem nú
stendur yfir og er orðinn fastur
liður í starfsemi skólans.
Þorravikan hófst síðastliðinn
mánudag og henni lýkur á morg-
un, laugardag, með kynningu á
starfsemi skólans fyrir nemend-
ur 9. bekkjar grunnskóla og for-
eldra, auk þess sem niðurstöður
úr hinum ýmsu verkefnum sem
nemendur hafa unnið við í
Þorravikunni, verða kunngerðar.
„Við höfum starfað við undir-
búning að þessu frá byrjun janú-
armánaðar,“ sögðu nokkrir
krakkar í Þorravökunefnd sem
blm. hitti að máli í skólanum.
„Fyrr í vetur komu nemendur á
framfæri uppástungum um
verkefni sem þeir höfðu áhuga á
að vinna að þessa ákveðnu viku
og samtals fengum við 60 uppá-
stungur. Síðan voru 37 verkefni
valin, sem nemendur starfa nú
að. Þar á meðal eru verkefni sem
tengjast starfi lögreglunnar,
ljósmyndun, tónlist, stærðfræði,
handíð og svo framvegis."
Aðspurðir um hver tilgangur
með Þorravökunni væri, sögðu
krakkarnir að ætlunin væri fyrst
og fremst að gefa nemendum
kost á að kynnast ýmsum grein-
um sem lítið eða ekkert væru
kenndar og kynntar í almennum
kennslustundum í skólanum.
„Við teljum að Þorravakan sé
ákaflega jákvæður hluti skóla-
starfsins, kennarar taka þátt í
þessu með okkur, bæði undir-
búningi og framkvæmd og nán-
ara samband milli kennara og
nemenda myndast.
Á Þorravöku fellur hefðbund-
in kennsla niður og krakkarnir
fá að vinna að þeim verkefnum
sem þeir hafa áhuga á. Þrátt
fyrir að ekki sé um hefðbundið
kennsluform að ræða þessa daga
ÞáttUka í handíðum var geysilega
mikil. Hér má sjá tvær stúlkur við
tágavinnu, en auk þess flokkast
vefnaður, leðurvinna, skrautskrift
og fleira undir handíðir.
Ljósm. Mbl. KEE.
er 100% mætingarskylda og
nemendur verða að gera grein
fyrir öllum fjarvistum, en við
fullyrðum að mæting í skólann
sé aldrei betri en á Þorravöku.
Hún nálgast það að vera 100%!“
Auk þeirra verkefna sem nem-
endur vinna að á daginn, er boð-
ið upp á ýmiskonar skemmtiat-
riði i hádegi og á kvöldin. Einnig
hefur kaffistofu nemenda nú
verið breytt í „matsölustað" þar
sem einn hópurinn sér um mat-
reiðslu og þjónar til borðs.
„Hljómsveit, sem þrír strákar
úr skólanum skipa, setti Is-
landsmet í maraþonleik á þriðju-
daginn. Þeir byrjuðu að leika
klukkan 18 á mánudaginn og
spiluðu stanslaust í 30 klukku-
stundir og fimm mínútur. Lang-
mest þátttaka er í handíðum og
af þátttökunni að dæma sést
greinilega að áhuga nemenda á
þeirri grein er engan veginn full-
nægt í hinu hefðbundna
kennsluformi. „Já, það er ýmis-
legt sem kemur í ljós á Þorra-
vöku..." sögðu krakkarnir að
lokum og brostu kanvísir.
Verögæzla þrátt fyrir að vörur fari
undan ákvæðum um hámarksálagningu:
Seljendum skylt
að tilkynna
allar álagningar-
breytingar
VERÐLAGSSTOFNUN mun hafa með höndum verðgæslu á þeim
vörutegundum sem felldar voru undan verðlagsákvæðum, sam-
kvæmt samþykkt Verðlagsráðs í fyrradag. Framkvæmd verðgæsl-
unnar verður m.a. háttað á eftirfarandi hátt:
1. Innflytjendur framan-
greindra vörutegunda skulu
senda Verðlagsstofnun verð-
útreikninga sem greina
breytingar á innkaupsverði
og breytingar á myndun
heildsöluverðs, þ.m.t. álagn-
ingu. Aðrir innflytjendur
senda stofnuninni verðút-
reikninga með sama hætti og
nú er skylt að gera.
2. Framleiðendur vörutegund-
anna sendi Verðlagsstofnun
upplýsingar um breytingar á
framleiðsluverði þegar er
þær verða ákveðnar.
3. Smásöluverslanir sendi Verð-
lagsstofnun upplýsingar þeg-
ar teknar verða ákvarðanir
um álagningarbreytingar.
4. Verðlagsstofnun mun sem
hingað til skrá reglulega verð
á vörum í mat- og nýlendu-
vöruverslunum og kanna með
því þróun einstakra þátta
verðlags.
5. Verðlagsstofnun mun miðla
upplýsingum til almennings
og stjómvalda um verðlag og
verðþróun.
6. Verðlagsráð getur gripið til að-
gerða s.s. hámarksálagn-
ingar, hámarksverðs o.fl. ef
verðlag þróast að mati ráðs-
ins með óeðlilegum • og
ósanngjörnum hætti.
„Verðlagsstofnun leggur á það
áherslu að þó að ekki verði í gildi
hámarksálagning ákvörðuð af yf-
irvöldum þá verður seljendum
skylt að tilkynna um allar álagn-
ingarbreytingar og færa fyrir
þeim gild rök. Höfðar stofnunin til
samvinnu við verslunina og al-
menning svo að vel megi takast til
um þessar breytingar á verðlags-
kerfinu. Jafnframt bendir stofn-
unin á að samráð um verð á milli
seljenda á sama sölustigi er
óheimilt þegar verðlagning er
frjáls," segir í frétt Verðlagsstofn-
unar.
Frá kynningarfundi Bridgehátíðar. Talið frá vinstri: Sæmundur Guðvinsson blaðafulltrúi Flugleiða, Jón Baldursson
starfsmaður Bridgesambandsins og Sigmundur Stefánsson formaður Bridgefélags Reykjavíkur.
Straumur stórstirna til
íslands á bridgehátíð ’84
Þekktustu bridgespilarar heims,
Belladonna og Garozzo, verða
meðal þátttakenda á bridgehátíð
1984 sem hefst 2. marz nk. Það eru
Flugleiðir, Bridgesamband íslands
og Bridgefélag Reykjavíkur sem
hafa veg og vanda að þessu móti
en það mun vera stærsti viðburður
í sögu bridgeíþróttarinnar hér á
landi frá upphafi. Fleiri stórstirni
verða meðal þátttakenda og ber
þar fyrst að ncfna Alan Sontag,
núverandi heimsmeistara, sem
kemur með sveit á mótið en þetta
er þriðja árið í röð sem hann kem-
ur á þetta mót.
Þá má einnig nefna brezka
parið Sowter og Lodge og Svíana
Gothe og Gullberg. Sævar Þor-
björnsson kemur frá Danmörku
með danskan meðspilara og ítal-
irnir De Falco og Santía munu
skipa sveitina með Belladonna
og Garozzo.
Keppni í tvímenningi hefst
klukkan 20.00 föstudagskvöldið
2. mars með þátttöku 44 para og
verður þeirri keppni framhaldið
á laugardag.
Sveitakeppni hefst síðan
klukkan 13.00 sunnudaginn 4.
mars og verður spilað fram yfir
miðnætti. Keppni hefst síðan
aftur klukkan 17.00 mánudaginn
5. mars og lýkur Bridgehátíð um
kvöldið með verðlaunaafhend-
ingu. í sveitakeppni verða spil-
aðar sjö umferðir eftir Monrad-
kerfi, 16 spila leikir.
Keppnisstjóri á Bridgehátíð-
inni verður Agnar Jörgensson og
reiknimeistari Vigfús Pálsson.
Þeir sem hafa tilkynnt þátt-
töku í tvímenningnum þurfa að
staðfesta þátttöku með greiðslu
þátttökugjalds fyrir 25. febrúar.
Sveitakeppnin er öllum opin
meðan húsrúm leyfir. Þátttöku-
tilkynningar þurfa að hafa bor-
ist til Sigmundar Stefánssonar
eða Jóns Baldurssonar í síma
18350 fyrir 20. febrúar.