Morgunblaðið - 26.02.1984, Blaðsíða 33
MORGUNBLAÐIÐ, SUNNUDAGUR 26. FEBRÚAR 1984
33
Ási í Bæ sjötugur
SUrfsfólk Alþýðubankans á Akurcyri ásamt aóalgjaldkera bankans í Reykjavflt: f.v. Kristín Jónsdóttir, bankastjóri,
Jóna Helga Hauksdóttir, aðalgjaldkeri, Ingunn Arnadóttir, bankaritari, og Brynja Fridfinnsdóttir, gjaldkeri. Gunn-
laug Árnadóttir, gagnaskráningarriUri, sem líka mun sUrfa við bankann, er á námskeiði hjá bankanum í Reykjavík.
Ljósm. Mbl. GBerg.
Alþýðubankinn með útibú á Akureyri:
„Horfi björtum augum
til framtíðarinnar“
— segir Kristín Jónsdóttir, bankastjóri
Akureyri, 23. febrúar.
„ÉG HLAKKA til að Ukast á við þau
verkefni sem framundan eru og vonast
til að Alþýðubankanum og Akureyring-
um eigi eftir að semja vel í framtíð-
inni,“ sagði Kristín Jónsdóttir, banka-
stjóri Alþýðubankans á Akureyri, sem
tekur til sUrfa á morgun að Ráðhús-
torgi 5.
Kristín Jónsdóttir hefur starfað
óslitið að bankamálum frá árinu
1967, þegar hún réðst til Landsbank-
ans í Reykjavík og vann þar í eitt ár.
Þá fluttist hún til Kaupmannahafn-
ar og starfaði þar á árunum 1968 til
1973, hjá Den Danske Bank, en kom
síðan aftur til íslands og vann hjá
Landsbankanum að nýju fram til
ársins 1977, að hún réðst til Alþýðu-
bankans, sem aðalféhirðir og af-
greiðslustjóri þar til á vordögum
1983, að hún var skipuð til að setja á
fót útibú bankans á Akureyri. Krist-
ín hefur síðan í júní á sl. ári verið
búsett á Akureyri og hvernig líst
henni á að setjast hér að?
„Mér leist strax vel á það og ég
verð að segja að þann tíma sem ég
hef þegar dvalið hér hefur ekki dreg-
ið úr því áliti mínu að hér sé gott að
vera. Hér er gott og rólegt mannlíf,
Akureyringar hafa tekið mér ákaf-
lega vel og ég horfi björtum augum
til framtíðarinnar."
Vitað er að Alþýðubankinn hafði
ráðgert að hefja starfsemi hér um
mitt síðasta ár, en staðið hefur á
leyfi bankamálaráðherra til stofn-
unar bankans, hefur þetta ekki vald-
ið erfiðleikum?
„Vissulega hefur þetta ekki verið
skemmtilegur tími, að hafa útibúið
tilbúið til starfrækslu, en sífellt beð-
ið eftir leyfi til rekstrar. En ekkert
er þó svo með öllu illt, að ekki boði
eitthvað gott og þetta hefur þó orðið
til þess að ég hef fengið betra tóm til
að kynnast bæjarlífinu og tel mig
betur undir það búna nú að sinna og
skilja þarfir bæjarbúa en ella hefði
orðið."
Einn banki í viðbót í bæinn, held-
ur þú að það hafi verið nauðsynlegt?
„Um það skal ég ekki dæma að svo
stöddu, en við skulum muna hvert
nafn bankans er, Alþýðubanki. Nú er
ég ekki að halda því fram að aðrir
bankar sinni ekki alþýðu þessa
lands. En við teljum það vera höfuð-
tilgang okkar að standa vörð um hag
alþýðufólks í landinu og leggjum
rika áherslu á trausta og heiðarlega
þjónustu við alþýðuheimilin fyrst og
fremst,“ sagði Kristín Jónsdóttir,
bankastjóri, að lokum. — GBerg.
í hálfa öld hafa ljóð og lög Ása í
Bæ lifað góðu lífi með þjóðinni og
enginn hefur kvartað yfir sambúð-
inni og á þessari hálfu öld hefur
skáldið, rithöfundurinn og fiski-
maðurinn Ási í Bæ skilað frá sér
bók eftir bók, tonni eftir tonn og
fáir fslendingar hafa á eins sann-
an hátt skrifað um líf sjómanna
þessarar aldar, mannlífsþátt þess-
ara óskabarna þjóðarinnar sem
enginn hefur þó dekrað við. Það
þarf snerpu og réttan tón í lög og
ljóð sem þjóðin syngur í hálfa öld
án þess að slaka á, en þessi snerpa
er Ása í Bæ eðlislæg hvar sem á er
litið og nú er þetta barn náttúr-
unnar að verða sjðtugt, mánudag-
inn 27. febrúar nk.
Það er með Ása eins og fjöllin í
Eyjum, maður sér þau aldrei eins.
Við hvert fótmál breyta þau um
svip, svo viðkvæm eru þau og sí-
breytileg eftir birtu hafs og him-
ins þar sem eilífðarsinfónían
hljómar í sífellu. Ási í Bæ býr yfir
mörgum hliðum og hann getur
blásið úr öllum áttum, fyrst og
fremst sannur sjálfum sér á
hverri stundu.
Það var harður skóli fyrir ungl-
ing, djarfsækinn, bráðgáfaðan og
skemmtilegan, að horfast í augu
við ólæknandi sjúkdóm, fótar-
mein. Hann fékk ekki notið þess
framar að klífa bergið, komast
upp fyrir brún í blámann. Hann
varð að hafa hægt um sig þegar
félagar hans sprettu úr spori með
ævintýri í hverju skrefi. En þá
kleif Ási á skapinu, kleif hug-
myndir sínar þar sem hvert fót-
mál í berginu var íslenzk tunga,
hrein og hljómmikil með fegurð-
ina að bakhjarli. Eins og fossar
landsins hrynur íslenzk tunga af
vörum Ása í Bæ, ljóðræn, kjarn-
yrt, blíð og hörð í senn þar sem
mannlega hugsunin er í kili.
Veiðimaður, leikari, fiskifræð-
ingur, aflakló, skáld, rithöfundur,
vísnasöngvari og tónskáld er Ási í
Bæ, galdramaður við það sem
hann tekur sér fyrir hendur.
Eftir 50 ára baráttu lét hann
löppina fjúka og það fyrsta sem
hann sagði þegar hann vaknaði
eftir aðgerðina var: „Hvar er gít-
arinn?"
„Alit í lagi?“ er orðtak hjá Ása í
Bæ og það kemur oft fyrir í máli
hins frábæra sögumanns sem
kann svo listina að hrífa fólk með
sér í frásögninni að þjóðleikhús
heimsins blikna af öfund þegar
Bæjarastíllinn er á honum.
Út úr hversdagsleikanum geng-
ur maður með staf, grásprengt
hár, seltubarið, gróft eins og strá-
in á bjargbrún, tindrandi augu.
Þar sem hann fer um kvikna
ævintýr og net hans í lífsins sjó
búa yfir óráðinni möskvastærð.
Stundum er hann ríkur, oftar fá-
tækur, en alltaf glaður, þjóðern-
issinni og maður, Ási í Bæ.
Hann hefur barist við þorskinn,
bankastjórana og brothætt líf,
gleði og sorg, en hvar sem hann
hefur landað hefur hann ávallt
staðið uppi sem frjáls maður.
Aflamaður til sjós, aflamaður
fyrir íslenzka menningu, sérstæð-
ur persónuleiki, Ási í Bæ.
Heill og hamingja fylgi þér,
gamli vin, megi lífið lengi, lengi
leika við þig eins og „Trillan á öld-
unum tifar létt • • • “,
Árni Johnsen
P.s. Það verður kvöldvaka með
Ása í Bæ og vinum í Norræna hús-
inu afmæliskvöldið kl. 20.30,
hljóðfæraleikur, söngur og upp-
lestur, öllum opið.
Ólafsvík:
Snjóflóð við
heilsugæslustöðina
EITT af snjóflóöunum sem féll f
Olafsvík á miövikudagskvöldið féll úr
hlíðinni fyrir ofan nýju heilsugæslu-
stööina og stöðvaðist 2—3 metra frá
byggingunni, en hlíðin er ekki mjög
há. Þykkt flóðsins var allt að tveir
metrar og breiddin um 50 metrar.
Mikill snjór lá fyrir að bygging-
unni þeim megin sem snéri að hlíð-
inni. Hér mun hafa verið um velti-
snjóflóð að ræða en ekki skriðufall í
heilum flákum.
Eins og sjá má á meðfylgjandi
mynd hefur snjóflóðið stöðvast fá-
eina metra frá nýju heilsugæslu-
stöðinni í Ólafsvík, en ekki er búið
að taka hana i notkun ennþá.
Ljósmynd Mbl. Ragnar Axelsson.
raöauglýsingar — raöauglýsingar — raöauglýsingar
| nauöungaruppboð
Fyrirtæki óskast
Fyrirtæki óskast til kaups. Flest allt kemur til
greina í verslun og iönaöi. Góöar greiðslur til
staöar fyrir rétta eign.
Þeir sem áhuga hafa sendi tilboð sitt til
Morgunblaösins merkt: „F — 0141“.
Nauðungaruppboð
sem auglýst var í 59., 60. og 63. tbl. Lögbirt-
ingablaðsins 1983 á eigninni Heimabæ 3,
Hnífsdal, þinglesinni eign Bjarna Þórðarson-
ar, fer fram eftir kröfu Landsbanka íslands, á
eigninni sjálfri þriðjudaginn 28. febrúar 1984
kl. 11.00.
24. febrúar 1984.
Bæjarfógetinn á Isafiröi,
Pétur Kr. Hafstein.
Nauðungaruppboð
sem auglýst var í 113., 117. og 120. tbl.
Lögbirtingablaðsins 1983 á eigninni Stórholti
11, 2. hæð B, ísafirði, þinglesinni eign Hann-
esar Kristjánssonar, fer fram eftir kröfu Út-
vegsbanka íslands, ísafirði, og Samvinnu-
trygginga á eigninni sjálfri þriðjudaginn 28.
febrúar 1984 kl. 10.00.
24. febrúar 1984.
Bæjarfógetinn á ísafirði,
Pétur Kr. Hafstein.